|
#1
17-07-2012, 09:24 PM
|
|||
|
|||
انا مش عبيط صح؟
احب اعرفكم بنفسى انا احمد انا جبت 98.29 الحمد لله كويس طبعا اول ما النتيجة ظهرت الكل قالى ها يااحمد اسنان ولا صيدلة (مرضوش يقولوا طب علشان عارفين انى بخاف من التشريح ده على اساس ان مجموعى يجيبوا اصلا) بكل برود رضيت وقلت بيطرى بكل برود برده قالولى انت عبيط صح؟ والثانوية لحست مخك انا عايز حد من طب بيطرى يقولى ياترى انا هاندم لودخلت طب بيطرى وسبت صيدلة واسف على الاطالة 
|
|
#3
17-07-2012, 09:35 PM
|
|||
|
|||
|
انا بحب الطب البيطرى طبعا انا نفسى ادخله من غير مشاكل مع عيلتى كلها كلهم ماسكين فيا تريقه
انا بس خايف معرفش اقنعهم
|
|
#5
17-07-2012, 10:00 PM
|
||||
|
||||
|
بص يااحمد صلى استخاره واتوكل على ربنا واكتبها ومادام حاببها ان شاء الله هتتوفق وتبدع فيها ويبقى ليك الاوليه والكليه جميله والله ومستقبلها حلو وسيبك من اى كلام تانى
وتنورنا ان شاء الله يادوك
__________________
بتحب النبى؟؟؟؟؟؟ طب ممكن تصلى عليه
|
|
#6
17-07-2012, 10:15 PM
|
||||
|
||||
|
لا لا لا بيطرى ايه خليك اسنان ان شاء الله او صيدلة
__________________
الهى ان عجز لسانى عن النطق بكلماتى ...فانت وحدك تعلم ما تطوية صفحاتى .......لا اعرف كيف ارتب كلامى كى ادعوك به.......... يكفينى رفع الاكفة دائما حتى الممات........ باب مغفرتك مفتوح والغافلون تناسوه ........وقد وقفت عنده بعد رحلة المشتاق....... اشتقت اليك يا رحمن فلا تحرمنى.......... يا الله من ضياء وجهك الكريم البراق. 
|
|
#7
17-07-2012, 11:26 PM
|
|||
|
|||
|
انا هاصلى استخارة ان شاء الله زى ماصليت فى علمى علوم ورياضة والحمدلله ربنا سهل للواحد
انا نفسى ادخل الكلية لهدف انى اغير نظرة الناس عن الكلية دى واخليها ان شاءالله كلية القمة فى مصر زى الدول الاوروبية
|
|
#8
18-07-2012, 08:20 PM
|
||||
|
||||
|
اهلا بيك يا ريس
) ف البدايه الف مليون مبروك .... واحب اقولك انت مش عبيط ولا مجنون زى ما بتقول انت زى الفل ^__^ مجموعك حلو جدا وان شاء الله احتمالك كبير اوووى ( اسنان او صيدله ) بينى وبينك لازم تفكر ف واحده منهم !!!!!! غير كدا لو انت حابب بيطرى ( صدقنى مش هتندم لو دخلتها ) بجد كليه روعه ف الاول والاخر ( صلالالالالاه استخاره ) وقعده حلوه كدا مع نفسك وفكر ) واسالك كمان ..... مره تانيه مبروك )
__________________
عِندَمِآ يَخرُج شَيءً مِنْ حَيآتِك لآ تَحزَنْ بَلْ إنظِرْ إلَىْ آلسّمآءْ . . {وَ} قلْ عَوضنيّ يـآ رَبْ بخَيرً مِنهْ ♥
|
|
#9
19-07-2012, 01:41 AM
|
|||
|
|||
|
اقتباس:
طبعا انا هصلى استخارة بس مستنى تبقى فى رمضان احلى انا دلوقتى حطيت صيدلة اكلنيكال واسنان وبيطرى على مستوى واحد وهاكون حيادى فى اختيار الكلية ان شاء الله انا كنت متعصب للبيطرى اوى بس بابا اتكلم معايا ونسانى انى متعصب للبيطرى ودلوقتى انا هاختار من جديد ولكنى ساظل احب البيطرى وشكرا على الرد
|
|
#11
19-07-2012, 04:40 AM
|
|||
|
|||
|
وعليكم السلام ورحمة الله
أولا ألف مبرك على مجموعك. ثانيا: جميل انك تستخير وتستشير أهلك. ثالثا: لا أوافقك على دخول بيطري لسبب بسيط مستقبلك. طبعا ربنا هو الرزاق ونعم بالله. لكن في مصر ضُرب سوق البيطري (على فكرة والدي بيطري) لذا أحدثك من واقع نعيشه. اختار صيدلة أو أسنان وبإذن الله تبرع ولما تتخرج بإذن الله تجد وظيفة كويسة لا تعتمد لا على سوق ولا شيء. بالتوفيق.
|
|
#12
19-07-2012, 01:17 PM
|
|||
|
|||
|
اقتباس:
وحتى لو دخلت بيطرى ناس كتير دخلت وقالت عليها جميلة متخافش يعنى
|
|
#13
19-07-2012, 01:20 PM
|
|||
|
|||
|
اقتباس:
لكن معلش هسالك سؤال هو السفر بره مصر كطبيب بيطرى سهل ولا صعب وشكرا على الرد
|
|
#14
19-07-2012, 01:46 PM
|
|||
|
|||
|
اقتباس:
هتسافر وتكون نفسك كويس جدا في فترة قليلة عشان المرتبات حلوة (واحد معرفة لنا سافر ونجح ماشاء الله في عام واحد) لكن تفتكر لما ترجع مصر هتعمل ايه؟ ولا طول العمر تظل في غربة؟ لو مخطط تفتح او تشارك في مصنع أدوية مع الشركات الكبيرة ماشي كويس جدا وبيكسبوا حلو. لكن لو هتعتمد عل نفسك بشركة صغيرة كدا عاوز جهد كبير ومثابرة عشان تنجح وترتقي. الكلية حلوة بس صعبة وإن جيت للحقيقةكل الكليات صعبة اسأل حتى بتوع حقوق وتجارة هيقولوا الكلية صعبة. فلا أرى مقياس الصعوبة بكلام الطلاب طالما تحضر وتذاكر وتجتهد وتعتمد على الله هيوفقك. أسأل الله لك التوفيق والسداد.
|
|
#15
19-07-2012, 01:54 PM
|
|||
|
|||
|
بص يا أحمد هات ورقة وقلم واكتب مميزات كل كلية من أسنان وصيدلة وطب بيطري وكمان العيوب.
واستشير ناس من كل الكليات دي وابحث عن تجارب الخريجين. أنا أخويا في صيدلة والاول كان جاي له طب بيطري وعملنا تظلم عشان يلحق صيدلة والحمد لله لحقها بعد شهر من بدء الدراسة. بابا كان بيبص لما بعد التخرج. فرق بين الطبيب البيطري والصيدلي في فرص العمل. حاول تسمع لكل الناس وتقارن وتستشير أهلك. وتشوف انت عاوز تحدد مستقبلك ازاي؟ أحيانا ممكن أتنازل عن حلم من أحلامي عشان أعيش الواقع. وربنا يوفقك لكل خير.
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 01:20 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
