سؤال فى امتحان الصف السادس بالبحيرة يثير الأعتراض

[ممدوح مصطفى الانصارى]

ورد اليوم فى امتحان الصف السادس
بمحافظة البحيرة السؤال الثالث
حيث اثار اعتراض السادة المعلمين
بطريقة صياغته .

[abo_rami9]

كلام حضرتك مظبوط مائة في المائة أخي الفاضل أستاذ ممدوح
لان صيغة السؤال تطلب رسم المثلث أولا ثم التنصيف
وبالتالي التلميذ الفاهم سوف يضطر للمسح أكثر من مرة للوصول للمطلوب
وربنا يستر علي أبنائنا الطلاب

[Mr. Medhat Salah]

[الأستاذ/ محمد السعدي]

مع احترامي للجميع
يجب ان يكون هناك اسئلة للطلاب المتميزون ليظهر المستوى الحقيقي للطلاب مش كل من هب ودب يجيب الدرجة النهائية
ارجوا ان محدش يزعل من كلامي

[ممدوح مصطفى الانصارى]

المشاركة الأصلية كتبت بواسطة الأستاذ/ محمد السعدي

مع احترامي للجميع
يجب ان يكون هناك اسئلة للطلاب المتميزون ليظهر المستوى الحقيقي للطلاب مش كل من هب ودب يجيب الدرجة النهائية
ارجوا ان محدش يزعل من كلامي

ربنا ما يجيب زعل
نحن نطرح للنقاش وتناقل الخبرات
خالص الاحترام لوجهة نظر حضرتك
ومشاركتك الايجابية

[مسترميم]

المشاركة الأصلية كتبت بواسطة الأستاذ/ محمد السعدي

مع احترامي للجميع
يجب ان يكون هناك اسئلة للطلاب المتميزون ليظهر المستوى الحقيقي للطلاب مش كل من هب ودب يجيب الدرجة النهائية
ارجوا ان محدش يزعل من كلامي

يا عمنا انا مش زعلان من كلامك انا هانفرس وهطق من الغيظ لما حضرتك تأيد الغلط فى الصياغه بحجة كل من هب ودب عايز الدرجه النهائيه اللى عايز يميز التلاميذ من بعض يحط أسئله تقيس المستوى وتكون واضحة الصياغه والله ده اللى انا اتعلمته فى كلية التربيه مش كده واللا ايــــــــــــــــــــــــــــــــــــــــــــــــ ــــــــه

[عبد الله الرفاعي]

مع انى مدرس لغة عربية لكن اسمحوا لى ....عندما يطلب رسم مثلث فدائما يعطى الطالب طول 3 اضلاع...زاويتين وضلع..ضلعين وزاوية محصورة.. طاب الراجل عاوز يجيب فكرة جديدة زى دى مثلا فلا تكون الصياغة بهذا الشكل لكن تكون كما اوضح استاذنا ا/ ممدوح........وتقبلوا مرورى

[mak2007]

على فكرة الموجه الى حط الامتحان دا حب يضرب عصفورين بسهم واحد
رسم مثلث + إقامة ( إنشاء ) ارتفاع
ودا من وجه نظرى

[ياسر السماك]

السؤال فكرته جديدة هي دي المشكلة

و الطلبة عندنا متعودين علي الافكار النمطية اللي في الكتب الخارجية
وصيغة السؤال ده للطالب المتميز

اخوكم ياسر السماك /مدرس ريلضيات بالازهر الاسماعيلية

[haderya]

السلام عليكم ورحمة الله وبركاته
صياغة السؤال خطأ بالنسبة للهدف من السؤال

ومن المفترض أن أي مطلوب يتم تحقيقه من السؤال له درجة

وأول مطلوب كما هو واضح
ارسم المثلث أ ب ج الذي فيه ب ج = 8 سم، ( نقطة أو فاصلة في نهاية الجملة تعني انتهى المطلوب الأول... إلا إذا تم استدراكها بكلمة مثل : علماً ... أو حيث ... أو ما شابه ... وليس بحرف العطف (((ثم)))) ....)

فالمطلوب له عدة إجابات كلها تعتبر صحيحة ....

بالمناسبة /
الخطأ في صياغة سؤال ... لا يعني أنه يحمل فكرة جديدة أو فكرة مبدعة

مجرد رأي

[محمدالورداني]

كان من الواجب ارسم القطعة المستقيمة ب ج ثم نصفها في د واقم القطعة العمودية دا صل اب ، اج ما اسم الشكل الناتج وما نوعه وما مساحته

[aluamanu20]

الفكرة جيدة لان الممتحن يريد رسم المثلث عن طريق القاعدة والارتفاع اخوكم اشرف القنطرة غرب الاسماعيلية

[أ/أحمدجاد]

الفكرة الجيدة أخى العزيز
أن تكون المعطيات سليمة
كيف أرسم مثلثا عن طريق قطعة مستقيمة فقط
المفروض أن يطلب من التلميذ رسم قطعة مستقيمة ثم تنصيفها
ثم انشاء عمود عليها
ثم توصيل ضلعى المثلث أب ، أجـ

[ممدوح مصطفى الانصارى]

جزاكم الله كل الخيرات
زملائى الكرام على النقاش
المثمر والعرض الراقى للأفكار
وقد استفدت بصفة شخصية من حوار حضراتكم المفيد.

[D.Ayman Hassan]

ايه ده؟؟؟
اللي حط السؤال ده المفروض يتحاسب