|
||||||
| كليه الحاسبات والمعلومات كليات الحاسبات ونظم المعلومات |
 |
|
|
أدوات الموضوع | انواع عرض الموضوع |
|
#1
26-09-2009, 04:27 AM
|
|||
|
|||
تجربة عاشوها ناس قبلنا ولازم نتعلم منها !!!!
بسم الله الرحمن الرحيم
============== احب يا جماعة انقل لكم صورة حقيقية لطالب حاسبات ومعلومات اسمه توفيق عاش تجربته فى اول سنة ليه فى الجامعة هنشوف كان فاكرها ايه وبعدين لقاها ايه ؟؟ هنتعلم منه ولو معلومة بسيطة او فكرة ويا عالم جايز يكون سبب فى منع فكرة عند بعض الناس فكرو ولو للحظة يمشو بيــــــــــها . ودلوقتى هنشوف هو بيقول ايه ونعيش معاه التجربه اعزائي طلاب كلية الحاسبات و المعلومات و بالاخص اللي لسة داخلين علينا جديد أحب أكلمكم عن موضوع أظن انة هايفيد ناس كتير أنا سقطت.............أوكي مفيش مشكلة ناس كتير بتسقط بس المهم الواحد يعرف سقط ليه و يحاول انة ميقعش في نفس غلطته مرة تانية وان شاء الله محدش يسقط يعنى المهم من غير تطويل........ أنا كنت واخد دبلومة أمريكية من برة و كنت داخل الجامعه و الفرحة مش سايعاني كنت بحسب أن الكلية دي مكان للعب و المرح و الهزار و الصحاب والخروجات بقة...... و التعليم دة اااااااخر حاجة و كانت حاطط في دماغي انة كلة بيعدي و أن مرحلة الجامعه دي هيا أسهل مرحلة في التعليم كلة بس اتضح دلوقتي بس اني غلطان ههههههههههه المهم انا كنت بصراحة لا بحضر المحاضرات و كنت بالعافية بروح السكاشن و كان كل همي اني اخلص علشان اجري و اهزر و اخرج في الجامعه و نلف و نروح هنا و هنا ...........كنت بس اخر3 أسابيع تقريبا بذاكر فيهم و مش بهتم بباقي السنة ... جيت الترم الأول شلت مادتين و قلت لأ انا لازم افوق مش ناقص إلا مادة واحدة و أدبلر و كدة.جة الترم التاني.... و رجعت ريما لعادتها القديمة بردة لف و دوران و إهمال للمذاكرة و عدم حضور محاضرات و سهر لوقت متاخرو صحيان متأخر مع ان الكل كان بيحذرني بس انا ولااااا في دماغي خالص........ و جة يوم النتيجة لقيت نفسي شايل كمان مادتين و على الدنيا السلام....... أنا بس حبيت اعرف اي حد داخل لسة حياة الجامعة جديد أنة ميستهترش ولا ياخد فكرة ان الجامعه كلة بيعدي فيها و الكلام الفاضي دة .بالعكس دة الجامعه هيا المكان اللي الواحد بيتعلم فية بجد و بيتعلم مش علشان تقدير ولا شهادة لا....... بيتعلم علشان يشتغل ...يعني اللي انت بتدرسة هاتشتغل بية يعني ممكن مثلا اي واحد يعدي و يجيب تقدير و هو مش فاهم اي حاجة في البرمجة مثلا أو ال IT أو أي مادة تاينة طيب ازاي دة اللي بتعلمة دة هاخرج اشتغل بيه....... فأنا نصيحتي لكلللللللللللللللللللللللللللللل الطلبة الجامعيين القدامة او اللي لسة داخلين جديد الإهتمام الإهتمام الإهتمام.... و كنت اناحطيت خطة بسيطة كدة علشان الواحد من خلالها يقدر انة يعرف يذاكر و في نفس الوقت يستمتع بوقتة و ربنا بنفسة قال ( خير الأمور الوسط ) يعني لا أخنق نفسي أوي و أعيش و أموت وسط الكتاب ..... و نفس الوقت ما أسيبهاش سايبة و قضيها لعب في لعب و الخطة تترتب كالتالي: 1) المحاضرات شئ أساسي الواحد مش هايستفيد من أي كشكول أو ورق زي ما هايستفيد بالمحاضرة . 2) السكاشن كمان مهمة جدا علشان انت اللي بتعملة في المحاضرة بتطبقه عملي جوة السكشن لايف . 3) المذاكرة تبدأ من أول يوم في الكلية و مفيش حاجة اسمها بكرة أو بعدين كل حاجة لازم تتعمل اول باول علشان مفيش حاجة تتراكم عليك. 4) كل يوم الواحد لازم على الأقل يروح يبيض محاضراتة و يذاكر سكاشنة و يلقي نظرة سريعه بس على اللي فات علشان النسيان . 5) الواحد لازم ينام بدري و يصحى بدري و الناس يسيبوا السهر بقة و الكلام الفاضي . 6) يا ريت الخروج و الفسح و التمشية و الحاجات دي يكون في الويك إند علشان الواحد يبقة مرتاح. وفي الاخر انا اتمنى للجميع النجاح و التفوق و أن كل واحد يوصل لمبتغاه و ربنا يوفق الكلا يا رب انشاء الله و كل سنة و انتوا طيبين و تعود عليكم الايام بخير يا رب العالمين . ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ لو عجبتك معلومة او كلمة ياريت تقول ايه وجه الاستفادة واسالكم الدعاء لصاحب التجربه بالنجاح والتفوق واتمنى للجميع التفوق والنجاح فى الحياه الدراسية والعملية اخوكم احمد Bo0o0o0o0Ga 
|
|
#3
26-09-2009, 01:03 PM
|
||||
|
||||
قصتك فى قمة الروعة
شكرا ليك انك نصحتنا قبل ما ندخل ان شاء الله هنفذ كل الحاجات اللى انت قولتها بس فى حاجة عاوز اعلق عليها ان السهر فى الاخر مفيد لان الوقت بيكون ضيق والمواد بتكون كترت وتقلت فى نفس الوقت بجد استفدت من قصتك كتيييييير وربنا يحفظك ويجازيك كل خير
|
|
#4
26-09-2009, 02:38 PM
|
||||
|
||||
|
اقتباس:
ده بيختلف من شخلص لشخص تانى .. فى ناس تحب تصحى الفجر و تنام بعد العشاء و يومها بيبقى مبروك جدا و فى ناس تانية تصحى الظهر و تسهر للفجر
|
|
#5
26-09-2009, 04:35 PM
|
|||
|
|||
|
اقتباس:
شكرا لمرورك ودى بس كانت قصه اثرت فيا وحبيت اعرضها عليكوا عشان نتعلم من اخطاء اللى سبقونا
وربنا يوفقكم
|
|
#6
26-09-2009, 05:00 PM
|
|||
|
|||
|
اقتباس:
ازيك يا بشمهندس انا من مؤيدى المذاكره باليل بس للاسف ده غلط لان ربنا هيا جسم الانسان على اشياء احنا بنخالفها لان جسم الانسان لازم ياخد راحته باليل بالقدر الكافى اللى يخليه قادر على الصحيان بدرى والتركيز والمذاكره بدرى وتعالى نجرب السنادى الموضوع ده وصدقنى هتلاقيك بتستوعب اكتر وتستفاد من مذاكرتك بس هتاخد فتره لما تقدر تمشى على النظام ده بس ده الاصح
وربنا يوفقنا جميعا
|
|
#7
26-09-2009, 10:16 PM
|
||||
|
||||
|
القصة جميلة جدا ولازم الكل يتعظ منها وتكون المزاكرة والتفوق من اسمى اهدافه ويتقى الله فى كل حاجة علشان ربنا يبارك له
|
|
#8
02-10-2009, 03:56 AM
|
|||
|
|||
|
عندك حق يا بشمهندسه لان الواحد لازم يجتهد فى المذاكره من البدايه وينسى حته انه هيجمع فى الاخر دى لانها مش بتنفع وفى الاخر يندم يوم لا ينفع الندم فيه ويقول ياااااااااااااااااا رتنى
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 12:18 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
