اهلا وسهلا بك فى بوابة الثانوية العامة ... سجل الان

العودة   بوابة الثانوية العامة المصرية > الجامعات المصرية > المجموعة العلمية > كلية الطب البشرى

إضافة رد
 
أدوات الموضوع انواع عرض الموضوع
  #1  
قديم 29-07-2009, 07:58 AM
الصورة الرمزية Mohamed Al Sheaibi
Mohamed Al Sheaibi Mohamed Al Sheaibi غير متواجد حالياً
طب المنصورة
 
تاريخ التسجيل: Jul 2008
المشاركات: 124
معدل تقييم المستوى: 13
Mohamed Al Sheaibi is on a distinguished road
Impp ╠░►♥ سنة أولى طب ♥◄░╣



انازيكم لسة داخل اولى بس قرأت الموضوع وعجبني أنا ناقله بالحرف وطب المنصورة:الموضوع منقول للاهمية

في الاول الف مبروك لكل الشباب اللي تفوقوا في ثانوية عامة ونجحوا انهم يدخلوا طب المنصورة ويضمنوا لنفسهم مكانة كبيرة في المستقبل ان شاء الله


طبعا قبل ما تدخلوا الكلية سمعتوا كلام كتير عن طب المنصورة وصعوبة طب المنصورة وقد ايه طب صعب ومحتاج مجهود

وأكيد برضه سمعت ناس بتقول يا عم كبر دماغك وعيش حياتك المهم انك خلصت ثانوي والكلية كده كده هاتتخرج منها دكتور

بص يا دكتور أو يا دكتورة


ماتعقدش نفسك بالكلام اللي فوق

ولا تسمع الكلام اللي تحت


انت واحد داخل الكلية عشان تطلع دكتور

يبقى تذاكر كويس وتفهم على قد ما تقدر وماتضيعش وقتك عشان تتخرج دكتور كويس تفيد نفسك وتفيد نفسك

وبرضه ماتتعقدش وماتحسسش ان الكلية تقيلة قوي وصعبة

يعني الناس اللي بتتخرج منها دي بتتخرج ازاي؟!!!



هنفهمّك نظام الكلية واللي محتاج تذاكره وايه المهم وايه وكل حاجة ان شاء الله

في الموضوع ده هنشرح نظام الكلية واحدة واحدة كده


__________________
يالا عاوزين شوية ردود



__________________
__________________

آخر تعديل بواسطة ماما ميا ميا ، 14-09-2012 الساعة 12:16 AM
رد مع اقتباس
  #2  
قديم 29-07-2009, 08:24 AM
الطامحة للافضل الطامحة للافضل غير متواجد حالياً
عضو مجتهد
 
تاريخ التسجيل: Jul 2009
المشاركات: 72
معدل تقييم المستوى: 12
الطامحة للافضل is on a distinguished road
افتراضي

شكرا عالموضوع جه فى وقته منتظرين الباقى
رد مع اقتباس
  #3  
قديم 29-07-2009, 03:51 PM
الصورة الرمزية Mohamed Al Sheaibi
Mohamed Al Sheaibi Mohamed Al Sheaibi غير متواجد حالياً
طب المنصورة
 
تاريخ التسجيل: Jul 2008
المشاركات: 124
معدل تقييم المستوى: 13
Mohamed Al Sheaibi is on a distinguished road
افتراضي

في الأول هناخد بس نبذة بسيطة كده عن تاريخ الكلية واعلامها




  • تعتبر كلية الطب النواة الأولى لجامعة المنصورة





  • في عام 1962 صدر القرار الجمهوري بقانون رقم 1947 بإنشاء كلية طب المنصورة تابعة لجامعة القاهرة ويكون مقرها مدينة المنصورة
  • اشرف على إنشاء الكلية وتولى الإدارة بها في ذلك الوقت المرحوم الأستاذ الدكتور /ابراهيم أبوالنجا
  • بدأت الدراسة بالكلية في العام الجامعي 62/1963 في احد مباني مدرسة المنصورة الثانوية للبنين
  • في العام 67/1968 صدر قرار وزاري بنقل تبعية مستشفى المنصورة الجامعي إلى كلية الطب ليصبح مستشفى جامعيا اعتبارا من العام 68/1969
  • قطعت الكلية شوطا كبيرا من الإنجازات في فترة زمنية وجيزة بفضل جهد وعطاء من تولوا أدارتها وتحملوا أمانة العمل فيها بكل صدق وتولوا عماداتها
  • انتقلت الدراسة بكلية طب المنصورة إلى مبناها الحالى فى عام 1968 وكان عدد الطلاب عند بدء الدراسة فى العام الجامعى 1962/63 (157) طالبا وتضاعف عدد الطلاب حاليا
  • تخرجت الدفعة الأولى من الكلية في العام الجامعي 67/1968 وكان عدد الخريجين 64 طبيب وطبيبة منهم 30 يشغلون درجة أستاذ حاليا




العمداء



منذ بداية انشاء الكلية تعاقب عليها اثنا عشرة عميداً




وهم بالترتيب




أ . د / إبراهيم أبو النجا الجزار

فسم الهستولوجى
من 1962 إلى 27/6/1971





أ . د / كمال الدين كامل أحمد

قسم الباثولوجى
من 28/6/1971 إلى 26/9/1980





أ.د / محمد الشبراوى على

قسم الصحة العامة
من 8/10/1980 إلى 7/10/1983





أ.د / فاروق أمين عزت

قسم الجراحة العامة
من 8/10/1983 إلى 7/10/1985






أ.د / عفت عبد الغنى هارون

قسم الفارماكولوجى
من 7/11/1985 إلى 15/11/1988






أ.د / حمدى إبراهيم العيشى

قسم التشريح
من 16/11/1988 إلى 21/4/1991





أ.د / محمد رفعت النحاس

قسم الفسيولوجيا
من 2/5/1991 إلى 2/5/1994





أ.د / محمد مصطفى حافظ

قسم طب الأطفال
من 3/5/1994 إلى 2/5/2000






أ.د / على عبد اللطيف حجازى

قسم الأمراض الجلدية
من 3/5/2000 إلى 27/8/2003





أ.د / مدحت محمد على

قسم الميكروبيولوجيا
من 4/9/2003 إلى 31/7/2005





أ.د / فرحة عبد العزيز الشناوى

قسم الباثولوجيا الإكلينيكية
من 1/8/2005 إلى 17/9/2007





أ.د / عمرو على سرحان

قسم طب الأطفال
من 29/11/2007 حتى الآن



نرجع بقا لسنة أولى

قدمنا خلاص الرغبات وعرفنا اننا قبلنا في طب المنصورة

اخدنا الملف ورحنا الكلية قدمناه

الخطوة الجاية هي الكشف الطبي

بيكون فيه ورق متعلقة في الكلية او بتسأل في شئون الطلبة عن ميعاد الكشف الطبي

تعرف الميعاد وتروح يومها الصبح بدري عشان تلحق مكان في الطوابير قبل الزحمة

هايتعمل كشف سريع كده وتاخد تطعيمات وشهادة انك اتطعمت

الشهادة دي هتحتاجها ضمن اوراق الكلية



الطالبات في يوم

والطلبة في يوم



خلاص خلصت

تروح الشئون تسأل عن المصاريف عشان تدفع

ولو مش مستعجل

عادي

الدفع ممكن يستنى شوية لغاية اخر السنة

لو مدفعتش قبل الامتحانات

نتيجتك مش هاتظهر وهاتكون محجوبة لغاية دفع المصاريف

الناس اللي ناوية تسكن في المدينة الجامعية

لازم تدفع بدري لان ايصال الدفع ده من شروط المدينة الجامعية

ع العموم

بعد من خلص الشغل الروتيني بقى بتاع المكاتب ده وشوية اللف اللي في الاول

هتلاقي كل حاجة خلاص تمام والدراسة بدأت

وقبل ماندخل بقى في الدراسة ونبدأ نتكلم عليها

الناس الجديدة اللي مش عارفة مكان الشئون أو مكان اي حاجة في الكلية

الصور الجاية دي خريطة مبسطة للكلية هتساعدكم شوية

مباني الكلية عبارة عن اربعة ادوار

عشان كده هايكون فيه اربع صور

صورة بتمثل كل دور لواحده

دي صورة الدور الاول








ودي الدور الثاني








ودي صورة التالت








وده الدور الرابع



الدايرة السودا اللي فيها سهم دي هي بوابة الكلية

ومعلش انا عارف ان الصور باينة معقدة قوي وصعبة

لكن بعد نزول الكلية مرة او مرتين هاتتفهم تمام ان شاء الله

ونكمل المرة الجاية



__________________
__________________
رد مع اقتباس
  #4  
قديم 29-07-2009, 07:15 PM
davy jones davy jones غير متواجد حالياً
عضو نشيط
 
تاريخ التسجيل: Jul 2008
المشاركات: 223
معدل تقييم المستوى: 13
davy jones is on a distinguished road
افتراضي

فيه كلام مش واضح
رد مع اقتباس
  #5  
قديم 29-07-2009, 07:40 PM
الصورة الرمزية Mohamed Al Sheaibi
Mohamed Al Sheaibi Mohamed Al Sheaibi غير متواجد حالياً
طب المنصورة
 
تاريخ التسجيل: Jul 2008
المشاركات: 124
معدل تقييم المستوى: 13
Mohamed Al Sheaibi is on a distinguished road
افتراضي

اقتباس:
المشاركة الأصلية كتبت بواسطة davy jones مشاهدة المشاركة
فيه كلام مش واضح
اسأل على الكلام ده واحنا نقولك عليه
__________________
__________________
رد مع اقتباس
  #6  
قديم 29-07-2009, 08:46 PM
الصورة الرمزية Mohamed Al Sheaibi
Mohamed Al Sheaibi Mohamed Al Sheaibi غير متواجد حالياً
طب المنصورة
 
تاريخ التسجيل: Jul 2008
المشاركات: 124
معدل تقييم المستوى: 13
Mohamed Al Sheaibi is on a distinguished road
افتراضي

مفيش ردود؟؟شكلي كده بشرح لنفسي

يللا المهم
نتكلم عن:
التقدير


بيتحسب ازاي التقدير ومن كام الامتيازامتياز 85% فاكثر من مجموع الدرجات

جيد جدا من 75% الى اقل من 85% من مجموع الدرجات

جيد من 65% الى اقل من 75% من مجموع الدرجات

مقبول من 60% الى اقل من 65% من مجموع الدرجات
اما رسوب الطلاب فيقدر باحد التقديرين الاتيين

ضعيف من 30% اى اقل من 60% من مجموع الدرجات

ضعيف جدا اقل من 30% من مجموع الدرجات


وطبعا أول حاجة هتيجي على بالكم ان الموضوع تافه جدا

ازاي الامتياز من 85% بس؟!

ده احنا جايبين في ثانوي 99% b)

لأ

الموضوع مش بالسهولة دي

في الكلية سهل جدا إنك تضيع منك درجات

انت بتمتحن امتحانات كتير وكل امتحان بتنقص فيه كذا درجة

لما بيتجمعوا في النهاية بتلاقيك ضيعت درجات كتير جدا

يعني الامتياز مش بالسهولة اللي انتوا هتتخيلوها في الاول كده ومحتاج مجهود كبير

بس انتوا قدها وقدود ان شاء الله


طيب التقدير العام في اخر سنة

بيتجمع درجات المواد كلها في كل السنين
عدا درجة اللغة الانجليزية والحاسب الالى وحقوق الانسان

ملحوظة

مادة العلوم السلوكية والإنسانية في سنة تانية مادة صغيرة كده ومحدش بيهتم بيها

للعلم المادة دي بتضاف لمجموع السنة وللمجموع النهائي كمان


طيب

يعني ايه مرتبة الشرف

مرتبة الشرف يعني تقدريك في السنين من اول اولى لغاية ما اتخرجت مقلش عن جيد جدا

يعني لو جبت في سنة جيد او مقبول

كده المرتبة ضاعت

وهي اسم فخري يعني مش معنى انك معكش مرتبة الشرف ان ده هيأثر على شغلك بعدين

لا المهم تقديرك الكلي
__________________

النظري


اللي هو المحاضرات

الدفعى بتتقسم على مجموعتين او تلاتة

غالبا السنة دي هايبقوا مجموعتين أ و ب

كل مجموعة بتدرس في مدرج مختلف عن التانية

المدرجات لو كانت زي السنة اللي فاتت

يبقى المجموع أ في مدرج محمد مصطفى حافظ

ومجموعة ب في مدرج ابراهيم أبو النجا

تعرف ازاي مجموعتك؟

هتلاقي ورقة متعلقة عند شئون الطلبة فيها الاسامي والمدرج اللي انت فيه

مكان المدرجات فين؟

فيه خريطة فوق

أو تسأل حد من زمايلك يومها

طيب جدول المحاضرات فين؟

هو لسه لغاية دلوقتي جودل السنة دي ما نزلش

لما بينزل بيتعلق على عند الشئون برضه

وهايتوزع عليكم في اول يوم دراسة من الاسر الموجودة في الكلية

مدة المحاضرة ساعة في الايام العادية

في رمضان بتكون 45 دقيقة

الشرح في المدرجات زي ما قلنا باستخدام الميكروفون والبروجكتور(جهاز الاسقاط ) واحيانا على السبورة

هل فيه غياب في المحاضرات؟

لأ مفيش


مين بيشرح المحاضرات؟

الدكاترة لكن السكاشن بيشرحها المعيدين


هل المحاضرات مهمة؟

فيه ناس مش بتحضر

بس المحاضرات بتفيد جدا

طيب الكلام اللي في المحاضرة موجود في الكتب بره؟

ايوه بس أحيانا الدكاترة بيطلبوا تضيفوا حاجات او بيشرحوا بطريقة مختلفة عن الكتاب

مواعيد المحاضرات

في الجدول

غالبا بتبدأ 8 الصبح

وفي رمضان بتبدا 8:45 دقيقة
بس مش هيكون دراسة في رمضان السنة دية 2009
كده اتكلمنا عن المحاضرات

المرة الجاية هنتكلم عن العملي

أي استفسار؟

__________________


__________________
__________________
رد مع اقتباس
  #7  
قديم 29-07-2009, 09:20 PM
الصورة الرمزية Mohamed Al Sheaibi
Mohamed Al Sheaibi Mohamed Al Sheaibi غير متواجد حالياً
طب المنصورة
 
تاريخ التسجيل: Jul 2008
المشاركات: 124
معدل تقييم المستوى: 13
Mohamed Al Sheaibi is on a distinguished road
افتراضي

العملي

اتكلمنا عن النظري

نتكلم عن العملي بقى شوية

العملي اللي هو السكاشن



الدفعة بتتقسم على كذا سيكشن العدد في كل سيكشن بيكون حوالي60-70

والسيكشن بيتقسم مجموعتين A&B

يعني مجموعة العملي بيكون فيها حوال 30 فرد


تعرف ازاي السكشن بتاعك؟

بيتعلق في الاقسام مكتوب فيه الاسماء والسكاشن



مواعيد بدء السكاشن

بتبدأ بعد بداية الدراسة باسبوعين لشهر يعني في الغالب السنة دي هاتبدأ بعد العيد على طول


مدة السكاشن

الفسيولوجي والهستولوجي والبيوكيمستري ساعتين كل سكشن

سكشن واحد في الاسبوع


التشريح بيبقى ساعة واحدة

3 او 4 سكاشن في الاسبوع


مين بيشرح السكاشن؟

المعيدين


فيه غياب في السكاشن؟

ايوه فيه غياب واللي حضوره بيقل عن 70% من السكاشن بيتحرم من دخول الامتحان



أماكن حضور السكاشن

مش في المدرج زي المحاضرات لكن كل سكشن في القسم بتاعه



السكاشن مهمة؟

اكيد طبعا

بتشوف فيها العملي بعينك وده بيسهل جدا فهم النظري

كمان احيانا بيتشرح في السكشن اجزاء من النظري وعشان المعيدين بيشرحوا باسلوب بعيد عن رسمية المحاضرات وبيكون فيه تفاعل اكتر من المحاضرات

بيكون الفهم اسهل في السكشن


درجات العملي كام؟

20% من المنهج



العملي بيتذاكر منين؟

كل قسم بينزل كتاب عملي

وكمان اخر السنة بتنزل مذكرات مختصرة كده لعملي كل مادة


نظام السكاشن بقى



التشريح



في متحف التشريح

هاتشوف فيه العظم وهايتشرح كل حاجة فيه

وهايكون فيه جارات jars

والجارات دي عبارة عن برطمانات زجاج فيها أجزاء بشرية محفوظة في مادة الفورمالين (وما تخافش هاتتعود!)


تتعرف على كل جار وعلى الاجزاء اللي فيه (الاعصاب والاوردة والشرايين والعضلات....)

كمان بيكون فيه شرح نظري للاجزاء الصعبة من المنهج وتجميعات تسهل الحفظ شوية

كتاب العملي بيكون فيه صور للعينات اللي في المتحف

وبيطلب منك اخر السنة رسم العينات دي في الكتاب بايدك



الفسيولوجي


في قسم الفسيولوجي في الدور الثالث

سكشن واحد ساعتين كل اسبوع

هيتراجع فيه على أجزاء من النظري مهمة ومتعلقة بالعملي

وهاتشوف فيه بقا الاجهزة الطبية وبتستخدم ازاي

وهاتتعلم في مع الوقت قراءة رسم القلب و قياس الضغط والحاجات دي




الهستولوجي



في قسم الهستولوجي في الدور اللي فوق قسم التشريح

سكشن ساعتين كل اسبوع

هاتشوف فيه تحت الميكرسكوب الخلايا والانسجة المختلفة في الجسم

وتتعلم ازاي ترسمها

وكتاب العملي لازم يترسم فيه الانسجة دي

هتحتاج قلمين الوان خشب احمر وازرق عشان ترسم بيهم لأن دي الوان الصبغات اللي بتستخدم في صباغة الانسجة تحت الميكرسكوب





البيو كيمستري



قسم الكيمياء في الدور التاني تحت قسم الفسيولوجي

في السكشن ده هاتعمل بايدك تجارب كتير

المفروض ان بيجيلك مادة في انبوبة اختبار وانت تتعرف المادة دي ايه

بتعمل سلسلة من التجارب لغاية ما توصلها

والكتاب معاك برضه في اخر كل سكشن تكتب فيه المعادلات والتجارب اللي اخدتها في السكشن



وبكده يبقى اتكلمنا عن السكاشن

فاضل بس نظام امتحان العملي وده هنتكلم عنه في مشاركة تانية بعدين ان شاء الله


___________
__________________
__________________
رد مع اقتباس
  #8  
قديم 29-07-2009, 09:35 PM
الصورة الرمزية asma22
asma22 asma22 غير متواجد حالياً
طالبة جامعية ( اعدادى صيدلة المنصورة )
 
تاريخ التسجيل: Jun 2009
المشاركات: 223
معدل تقييم المستوى: 12
asma22 is on a distinguished road
افتراضي

صراحة موضوع جميل جدا بس للاسف انا مش فى طب
انا ان شاء الله صيدلة ياريت لو شرح كده لكلية الصيدلة عشان نبقى فاهمين قبل ما نروح ان شاء الله
رد مع اقتباس
  #9  
قديم 30-07-2009, 01:59 AM
الصورة الرمزية M.E.M.s
M.E.M.s M.E.M.s غير متواجد حالياً
عضو خبير
 
تاريخ التسجيل: Apr 2009
المشاركات: 694
معدل تقييم المستوى: 12
M.E.M.s is on a distinguished road
افتراضي

الف مبرووووووووووووووووك
و ربنا يقويكم يا طلاب طب المنصورة
و انا الحمد لله طب بنى سويف
__________________
لا إله إلا أنت سبحانك انى كنت من الظالمين

رد مع اقتباس
  #10  
قديم 30-07-2009, 02:01 AM
1aim.net staff 1aim.net staff غير متواجد حالياً
عضو جديد
 
تاريخ التسجيل: Jul 2009
المشاركات: 16
معدل تقييم المستوى: 0
1aim.net staff is on a distinguished road
افتراضي










♥♥ طالع من الثانوية ♥♥ داخل على الكلية♥♥
إن شاء الله

ازيكم يا شباب عاملين ايه




أولا مبااااااااااااااارك النجاح و التفوق في الثانوية العامة

و يا رب على طول كده

في تميز و تفوق



و أسرة منتدى هدف واحد ان شاء الله هتمشي معاكم من أول يوم للتخرج ان شاء الله

عشان احنا بنحبكم في الله

اخواتنا الصغيرين يعني

طبعا كان حلم كبير انك تدخل كلية الطب

و الحمد لله ربنا استجاب دعاءكم و دعاء الوالدين

و هتبدأ أكبر (مطب) أقصد حلم في حياتك



الكلية مكان في مساحة كبيرة جدا من الحرية

يعني أنت الأن

مسؤول بمعنى مسؤول

و هتلاحظ الموضوع ده أول لما تدخل ان شاء الله

عشان كده لازم تبأه محدد هدفك من أول يوم

انت عايز ايه؟!

و بتعمل كده ليه؟!!

طبعا بتعمل كده ليه

فده لازم يكون لربنا ان شاء الله

قال المصطفى صلى الله عليه وسلم:

إنما الأعمال بالنيات ، وإنما لكل امرىء ما نوى ، فمن كانت هجرته إلى دنيا يصيبها ، أو إلى امرأة ينكحها ، فهجرته إلى ما هاجر إليه


الراوي: عمر بن الخطاب المحدث: البخاري - المصدر: الجامع الصحيح - الصفحة أو الرقم: 1
خلاصة الدرجة: [صحيح]

عشان تبأه كل لحظة مقضيها في الكلية و المواصلات و المذاكرة حتى واقفتك مع صحبتك الصالحة تبأه حسنات و في ميزان حسناتك ان شاء الله

طيب

أنا أول مرة أدخل مجتمع كده بنات في ولاد و خايف و مش عارف هعمل ايه

و لا تقلق

زمايلك اللي مروا بتجارب كتير لخصولك الموضوع في المقالة دي ان شاء الملك

سنة اولى .....الاختلاط للمرة الاولى ....نصائح للتفوق الجامعى


طيب أنا هاخد ايه و هعمل ايه و هدرس ايه

ماتقلقش برده

الموضوع ده هيساعدك ان شاء الله

معا....لتمر سنه اولى بسلام



المقالة دي شارحة تقريبا كل حاجة هتحتاجها

القاموس الطبي

المواد بتوزعتها بدرجاتها

ان شاء الله هتلاقي اللي بتدور عليه

تفاصيل المواد الدراسية للفرقة الأولى


طبعا عندك أي استفسار أو تساؤل نرحب بك عضوا معنا

و من غير أي احراج ضع سؤالك هنا

إسأل وأستفسر عن أى حاجة تخطر على بالك فى دراستك وهتلاقى الإجابة إن شاء الله




الأقسام الهامة ليك جداااا على المنتدى
الأقسام العلمية

BASIC



Biochemistry


Histology



Physiology


Anatomy


إن شاء الله
معانا الطب ليه شكل تانى
مع
medanimation

هتقدر تتخيل المواد الدراسية صح




كتب الدراسة بتفكر تسأل لو حد عنده كتب قديمة مش محتاجها ممكن تستعارها منه
مع
يد بيد هنساعد بعض تقدر تكتب طلبك وهنحاول نوفرلك الكتاب إن شاء الله


وأهم حاجة مننسهاش هى طريقنا للجنة إن شاء الله

طـــريـــق الــجــنــة



فى أقسام تانية كتير مفيده فى المنتدى

إن شاء الله تمشى معانا خطوة بخطوة نحو التميز

منتظرين أنك تكون معانا فى الفريق العلمى لمنتدى هدف واحد

نحبكم في الله


فلا تنسونا من صالح دعائكم






رد مع اقتباس
  #11  
قديم 30-07-2009, 12:01 PM
davy jones davy jones غير متواجد حالياً
عضو نشيط
 
تاريخ التسجيل: Jul 2008
المشاركات: 223
معدل تقييم المستوى: 13
davy jones is on a distinguished road
افتراضي

محمد شعيبى موضوعك رائع جدا

وشكرررررررررررررررررررررررراا عليه

لكن انا عاوز استفسر عن

1-الكشف الطبى بيكون ازاى ياترى بيكشفوا علينا فعلا والتطعيم بيكون ازاى يعنى بناخد حقن ارجو الشرح بالتفصيل

2-انت قلت ان فى البيوكمسترى ان احنا بنعمل تجارب بنفسنا زىايه مثلا

3-هو احنا مثلا ممكن نشرح كائن وياترى ده بيكون اختيارى ولا ....

4-هو احنا بيطلب مننا ان احنا مثلا نمسك الميت

5-ارجو اسماء الدكاترة والمعيدين بتوع كل مادة وبتوع الاقسام مثلا قسم عظام-- باطنة --اطفال

وشكرررررررررررررررررررررررررررراا
رد مع اقتباس
  #12  
قديم 30-07-2009, 02:29 PM
davy jones davy jones غير متواجد حالياً
عضو نشيط
 
تاريخ التسجيل: Jul 2008
المشاركات: 223
معدل تقييم المستوى: 13
davy jones is on a distinguished road
افتراضي

يلريت تنزلوا حاجة عن التشريح لانى حاسس انى حيغمى عليه اما اروح المشرحة
رد مع اقتباس
  #13  
قديم 01-08-2009, 05:40 PM
الصورة الرمزية Mohamed Al Sheaibi
Mohamed Al Sheaibi Mohamed Al Sheaibi غير متواجد حالياً
طب المنصورة
 
تاريخ التسجيل: Jul 2008
المشاركات: 124
معدل تقييم المستوى: 13
Mohamed Al Sheaibi is on a distinguished road
افتراضي

اقتباس:
المشاركة الأصلية كتبت بواسطة davy jones مشاهدة المشاركة
يلريت تنزلوا حاجة عن التشريح لانى حاسس انى حيغمى عليه اما اروح المشرحة
لا ماتخفش كل حاجة جايه بعدين



اقتباس:
ايه هي بقى المشرحه؟!

المشرحه دي من اكتر الحاجات اللي في كليه الطب اللي بتثار حولها الخرافات و الخزعبلات , و لازم تكون متوقع انك ان شاء الله اول ما هتوصل بيتك بالسلامه من الكليه في اول يوم هتنهال عليك الاسئله حول هذا المكان العجيب من كل اللي تعرفهم ... فمثلا حد يقولك"ها قوللي عملت ايه اول مدخلت المشرحه؟! اغما عليك ..ها؟!"
و غيره " هوا فعلا هناك في ميتين ؟!" وغيره كتير اكيد هتكتشفها بنفسك

الموضوع ابسط من كدا بكتير المشرحه دي المكان اللي بنتلقى فيه الدروس العملي لمادة التشريح .. يعني انت قاعد في المحاضرات تسمع عن arteries و veins و غيرها لازم طبعا تعرف الحاجات دي شكله ايه جو الجسم و تعرف كمان الفرق بنها و دا اللي بيوريهولك الدكتور على الجثه في المشرحه
لكن طبعا اكيد برده الموضوع و في اول مره بيبقى غريب شويه لكن بالتكرار الواحد بيتعود و بتصبح المشرحه بالنسبه للطلبه مكان عادي .... يعني عندنا مثلا في القصر العيني الناس بتعتبرها مكان التجمع و تلاقي واحد بيقول لصاحبه قابلني قدام المشرحه .... اهو شفتوا عادي جدا
بس في بعض الحاجات حابه اقولها :اداب التعامل مع المشرحه

1- لازم تحط في بالك ان الميت دا كان في يوم من الايام انسان زيك زيه فلوسمحت التعامل يكون فيه احترام لحرمة الميت
2- طبعا مش محتاجه اقول ان التصوير بالتليفون المحمول دا حرام كبير .. تخيل ان اللي قدامك دا ابوك " الله يديله طولت العمر " هتحب حد يعمل فيه كده ؟!
3- لا تنسى مهمتك الاساسيه و هي انك بتتعلم مش جاي تلعب بناس ظروفهم هي اللي وضعتهم في هذا المكان و ان شاء الله يكون لهم ثواب الصدقه الجاريه
4- احذر ان تتهاون بكسر شيء في جسم الجثه او قطع شيء فيها حرام ..حرام ,ده غير انك هتضر نفسك و غيرك
5- ياريت تخلي دخولك المشرحه عظه ليك و تذكير بلاخره و انك ميت ميت و متنساش الدعاء للميت ده ,و متبخلش علي الناس التانيه بالنصح لو لقيتهم بيعملوا حاجه غلط
ايه الادوات اللي هحتاجها في مادة التشريح ؟
1- اكيد البالطو الابيض
2- جوانتيات بلاستيكيه او مطاط
3- فورسبس (ملقط)
4- ممكن تحتاج عده تشريح بس هي مش مهمه و على العموم متستغلاش اخرك 8 جنيه
وكل ده على حسب الكلية والدكتور
بعد ملا اتكلمت عن الادوات اللي ممكن نحتاجها اكيد كل واحد دلوقتي بيقول هذاكر ازاي و منين ؟
مقدرش اقول لاي حد يذاكر ازاي لان كل واحد له الطريقه اللي بيستوعب بيها و الانسب له لكن ممكن اقولك في التشريح تركز على ايه في المذاكرة و لو ان كله مهم
1- بالنسبه للعظم مهم جدا تكون عارف ايه الحاجات اللي ماسكه في العظمه دي لان دا هيسهللك كتير كذاكرة العضلات و كمان مهم في الامتحان الشفوي و العملي(spotting)
2-اما الشريين مهم جدا تعرف التفرعات (branches) و الشبكات اللي بيشارك في صنعها (anastomosis)
3- الاعصاب بقي تركز علي العضلات اللي بيغذيها العصب و ال branches و كمان مهم جدا جدا التشوه الناتج عن اصابه العصب nerve injury
4-في حاجه كمان اسمها spaces او regions زي ما هتعرفوا بعد كده مثل cubital fossa ,femoral triangle لانها ممكن تيجي سؤال كامل

ييجي بعد كده سؤال طب هذاكر منين ؟
لازم تبقي عارف ان النظام في الكليه غير المدرسه يعني عندك الحريه انك تذاكر من المصدر اللي يريحك
اما كتاب القسم و اللي يفضل انه يكون عندك و تهتم بيه لان غالبا رئيس القسم هو اللي بيحط الامتحان , هتلاقي كمان دكاتره منزله كتب خاصه بيها ممكن لو حابب تشتريها في كمان مذكرات الدروس الخصوصيه ممكن الاستعانه بها لان غالبا الدكتور بتاع الدرس بيكون مجمع فيها اهم الحاجات و الاسئله اللي ممكن تتسئل في الشفوي و مهم جدا يكون عندك اطلس كويس لان الرسومات بتساعد جدا في فهم الanatomy

كمان المحاضرات مهمه جدا و السكاشن مهمه جدا جدا حاول على قد ما تقدر تكتب كل اللي بيتقال او ممكن كمان تسجل دي طريقه كويسه قوي

طب ايه بقى يا تري حكايه الدروس الخصوصيه دي ؟
الدروس فعلا منتشرة جدا في كليتنا و حوالي 75% من الطلبه بياخد دروس و لكن انا مبنصحش اي حد بيها و عن تجربه شخصيه مدام انت بتحضر محاضرات و سكاشن و بتذاكر اول باول مش هتحتاج الدروس و صدقوني


اكيد بعد ما عرفنا تقريبا كل حاجه عن الanatomy عايزين نعرف ايه نظام الامتحان ؟
الامتحانات في الكليه تنقسم الي نظري (written و MCQ) و عملي و شفوي
1- الامتحان النظري :
بيكون في نص السنه (اعمال سنه) و اخرها
و علشان ان شاء الله تجاوب كويس لازم تكون طبعا مذاكر كويس غير كده لازم تكون مدرب على اسئلة الMCQ (او الاختيار من متعدد) لان النوع ده من الاسئله مهم جدا في كليتنا , كمان لازم تكون و انت بتذاكر متعود ترتب افكارك و تركز علي العناوين الرئيسيه اللي لو جالك سؤال في الجزء ده هتتكلم فيها .. و صدقوني مهم جدا تكون عارف النقط و العناوين الاساسيه لكل موضوع لان غالبا وقت الامتحان لايكفي لذكر كل التفاصيل , كمان في ال anatomy بالذات الرسومات لها و قع السحر على المصحح فحاول من اول السنه تتدرب عليها و مش لازم يا اخي يكون رسمك حلو انت مش بيكاسو بس على الاقل يكون واضح و معبر

2- الامتحان العملي : عملي ال anatomy بنقول عليه spotting في الامتحان بيجيلك حاجه معينه متحدده بعلامه و المطلوب تقول ايه الحاجه دي و ممكن يسألك سؤال بسيط عليها
لو انت ملتزم بحضور السكاشن فالامتحان ده هيكون بالنسبه لك سهل ان شاء الله

3- الشفوي : الامتحان الشفوي بيكون مصدر رعب للطلاب من اول السنه و دا نتيجة الخرافات و الاشاعات اللي سمعوها عنه من اول يوم دراسه .. مثلا حد هيقولك الدكتور فلان ده بيموت الطلبه و في الاخر يديك صفر .. و اللي هيقولك الدكتور فلان اللي عامل نفسه طيب ده بيسأل اسئله مستوى دكتوراه
كل دا كلام فاضي بس خلينا صرحه امتحان الشفوي دا رزق ممكن يكون حظك مع دكتور يقتنع باي اجابه هتقولها و ممكن واحد تاني يكون بيحب الطالب الperfect دا غير طبعا الوسايط اللي بتخش في الموضوع
بس انت اهم حاجه تكون عامل اللي عليك و مذاكر و متوكل على ربنا بالنسبه لل anatomy ركز كويس جدا علي العظم لانه غالبا مفتاح الامتحان
حاجه تانيه في ناس هتقولك لازم تكون لابس formal مش شرط المهم يكون لبسك مهندم و ميستفزش الدكتور
__________________
__________________

آخر تعديل بواسطة Mohamed Al Sheaibi ، 01-08-2009 الساعة 06:24 PM
رد مع اقتباس
  #14  
قديم 01-08-2009, 06:16 PM
الصورة الرمزية Mohamed Al Sheaibi
Mohamed Al Sheaibi Mohamed Al Sheaibi غير متواجد حالياً
طب المنصورة
 
تاريخ التسجيل: Jul 2008
المشاركات: 124
معدل تقييم المستوى: 13
Mohamed Al Sheaibi is on a distinguished road
افتراضي

اقتباس:
المشاركة الأصلية كتبت بواسطة davy jones مشاهدة المشاركة
محمد شعيبى موضوعك رائع جدا

وشكرررررررررررررررررررررررراا عليه

لكن انا عاوز استفسر عن

1-الكشف الطبى بيكون ازاى ياترى بيكشفوا علينا فعلا والتطعيم بيكون ازاى يعنى بناخد حقن ارجو الشرح بالتفصيل

2-انت قلت ان فى البيوكمسترى ان احنا بنعمل تجارب بنفسنا زىايه مثلا

3-هو احنا مثلا ممكن نشرح كائن وياترى ده بيكون اختيارى ولا ....

4-هو احنا بيطلب مننا ان احنا مثلا نمسك الميت

5-ارجو اسماء الدكاترة والمعيدين بتوع كل مادة وبتوع الاقسام مثلا قسم عظام-- باطنة --اطفال

وشكرررررررررررررررررررررررررررراا

-الاجابة-
1- بيشوفو النظر افتح عينك
ويكتبلك مثلا
18 من 20
وادفع ال 10 جنيه وروح
ياريت بيشوفه بالchart
لا
ده بيفتح عينك
ويحطلك فيه كشاف
وتلاقيها ممرضة ال بتكشف
وتاخد حقنة في ذراعك تطعيم

2-
اقتباس:
الbiochemistry او الكيميا الحيويه و اختصارا الbio ماده بتناقش كيمياء الجسم و التفاعلات اللي بتحصل جواه في سنه اولى بندرس الcarbohydrates بنعرف فيها تركيب السكريات البسيطه simple sugars و خصائصها و تفاعلاتها و كمان كيفيه ارتباطها لتكوين oligo و polysaccharides متشغلوش بالكم بالمسميات دلوقتي

غير كده بندرس الدهون lipids و بنعرف ايه هي الاحماض الدهنيه و الكوليسترول و دخوله في مركبات كتيره زي الهورمونات و عمل كل هرمون منهم

كمان البروتيناتproteins و اللي بتتكون من احماض امينيه amino acids و ارتباطها لتكوين عديد الببتيد و اشكال البروتينات المختلفه و وظائفها

اما بقى المتعه اللي بجد هتبدأ مع دراسه الاحماض النوويه nucliec acids او الDNA جزء شبيه باللي درسناه في الثانوي بس مع تفصيل اكتر , الجزء ده مهم جدا و لذيذ جدا في فهمه دا كان المفضل عندي

كمان في جزء ظريف و هو acid base balance او التوازن بين الاحماض و القواعد و ازاي الجسم بيحافظ على نسبه ثابته بينهم و الامراض اللي بتغير النسب دي
ده النظري اما العملي

عملي الbio لذيذ جدا و سهل جدا لو اهتميت بحضور السكاشن

بنعمل تجارب تخليك تقدر تعرف المحلول اللي قدامك ده carbohydrates ولا protiens الخ...

كمان بنعمل تجارب للتفريق بين المركبات في المجموعه الواحده يعني مثلا الglucose و الfructose الاتنين من الcarbohydrates بنفرق بينهم بtest اسمه سيلفانوف ... و مش قادره احكيلكم على اللون التحفه اللي بيطلع cherry red تحس انك عايز تشربه ... و ها كذا تجارب الbio كلها الوان تجنن

عايز اقولكم ان حضور السكاشن و عمل التجارب بأديك مهم جدا .. مهم كمان كتابت الخطوات اللي هتمشي عليها او الscheme و الكميات اللي هتحطها من كل ماده زي مثلا 2ml من الsolution و عليهم 2ml من alcoholic alpha napthol و الاسامي المكعبله دي ... كمان مهم تكون عارف الخواص الطبيعيه للماده زي مثلا لونها ريحتها و ما ادراك ما الروايح في الbio طعمها ..بس اوعى تدوق حاجه .. هل هي حمضيه او قلويه

عارفين ايه اغلس حاجه في الموضوع الtest tubes او انابيب الاختبار و الholders او الماسك
من ناحيه لان الانابيب دي بتكسر كتير جدا.. تبقى واقف في امان الله و اذ فجأه تششششششش ..ايه دا ؟ عادي الانبوبه اتكسرت اصل الholder كان واسع

و من ناحيه تانيه لان غالبا اللي بيديك الانابيب دي بيكون عمال المعمل و الامر لايخلو من "فين الشاي بتاعنا يا دكتور" و "يا رب اشوفك عميد الكليه" و "لو عزت اي حاجه اسأل بس على عم محمود" و عبارات مشابهه كتير هتسمعوها طول السنه, و طبعا الهدف منها انك تخلي عندك نظر و تشوف الراجل ده بقرشين .. المهم انك تنوي بيهم الصدقه!

حاجه كمان مهمه احب انبه عليها و هي ضرورة لبس البالطو ..و يا ريت كمان تلبس اوحش حاجه عندك يوم سكشن الbio لان انت بتتعامل مع مواد كيماويه و احماض و لو معملتش كده يبقى على اخر السنه هتلاقي هدومك كلها عايزه تترمي

ان شاء الله متتعرضوش للحوادث دي و تستمتعو بالسكشن


3- عندك جارات يعني مثلا
دراع واحد ومسلوخ جلده
ومحفوظ ف فورمالين وتشوفه من بره بس

4-انما تمسك انسي
والتشريح كله على الانسان


5- الداكاترة بيختلفوا من محاضرة لمحاضرة مفيش ثابت غير رئيس القسم وهو اللي بيحط الامتحان
__________________
__________________
رد مع اقتباس
  #15  
قديم 01-08-2009, 06:41 PM
الصورة الرمزية Mohamed Al Sheaibi
Mohamed Al Sheaibi Mohamed Al Sheaibi غير متواجد حالياً
طب المنصورة
 
تاريخ التسجيل: Jul 2008
المشاركات: 124
معدل تقييم المستوى: 13
Mohamed Al Sheaibi is on a distinguished road
افتراضي

مواد سنة أولى
قلنا قبل كده على اسامي المواد لكن هانكلم باختصار شوية عن كل مادة

سنة أولى فيها أربع مواد أساسية

التشريح Anatomy

فسيولوجي Physiology

هستولوجي Histology

كيمياء حيوية Biochemistry




ومادتين مش بيتضافوا للمجموع

اللغة

والحاسب الالي





التشريح وعلم الاجنة


من اسمها طبعا دي المادة اللي هاتدرس فيها أعضاء الجسم المختلفة وتعرف اسم كل جزء والشريان اليي بيغذيه والوريد اللي خارج منه والاعصاب الموجودة فيه والعلاقة بينه وبين الاعضاء اللي حواليه

ويمكن التشريح يكون هو اصعب مواد السنة لان حجمه كبير والاسامي فيه صعبة وبيحتاج لحفظ كتير

وعليه 250 درجة



في سنة أولى هتدرس

الطرف العلوي Upper limb

الصدر thorax

منطقة البطن Abdomen

منطقة الحوض pelvis

وبقية الجسم ان شاء الله في سنة تانية



في فرع كمان اسمه علم الاجنة Embryology

وده هتدرس فيه ان شاء الله نمو الجنين من بداية تخصيب البويضة لغاية اكتمال النمو بالتفصيل

ومقسوم على سنة اولى وتانية



القسم بينزل كتاب وفيه مذكرات موجودة في المكتبات اللي موجودة في الكلية وحواليها

وهتحتاج اطلس تشريح في الصور عشان يساعدك في الفهم

فيه اطلس تبع القسم

وممكن تشتري اطلس من بره

اطلس جرانتس اشهر اطلس تشريح






الفسيولوجي
علم وظائف الاعضاء

مادة مهمة جدا جدا وعليها 250 درجة

هتدرس فيها بالتفصيل اجهزة الجسم المختلفة وازاي بتشتغل وازاي بتتكامل مع بعضها

فروعها



الفيزياء الحيوية Biophysics

القلب والاوعية الدموية Cardiovascular system

العضلات Muscles

الاعصاب Nerves

الجهاز العصبي الطرفي Peripheral nervous system

الجهاز العصبي المركزي Central nervous system

الجهاز التنفسي Respiratory system

الجهاز الهضمي Gastro-intestinal tract

الكلية Kidney

اعضاء الحس الخاصة Special sensory organ زي العين والسمع والاتزان

وظائف الغدد Endocrine system

و الهرمونات Hormones




ودول مقسومين على سنة اولى وتانية برضه

ووبرضه فيه كتاب في القسم ومذكرات في المكتبات





الهستولوجي


علم الانسجة والخلايا

هتدرس فيه تركيب الخلية وانواعها والاختلافات بين الانسجة المختلفة وتركيب الخلايا في كل نسيج في الجسم

المنهج مقسوم برضه على سنة اولى وتانية

عليها 150 درجة

ممكن دي تكون ابسط مواد اولى عشان اسهل شوية من المواد التانية





البيوكيمستري
الكيمياء الحيوية

150 درجة برضه

وهاتدرس فيها المعادلات اللي بتحصل جوه الجسم والتمثيل الغذائي

وتدرس كيمياء المواد اللي بتعتمد عليها في الغذاء زي البروتين والكربوهيدرات والدهون

كمان هتدرس كيمياء الفيتامينات والانزيمات في الجسم والحمض النووي DNA

مختلفة شوية عن كيمياء ثانوي واصعب منها

وبرضه موجود كتب ومذكرات



ودي المواد الاساسية



المواد الفرعية بقى


الحاسب الالي
مش بيتضاف للمجموع بينزله ورق في اخر السنة وبيتذاكر الفترة اللي قبل الامتحان على طول

محاضرة واحدة ساعة في الاسبوع




اللغة
المصطلحات الطبية ومعانيها

بتكون صعبة شوية في اول السنة لكن بتبقى سهلة جدا اخر السنة بعد ما تكون درست الكتير من كلماتها خلال المواد التانية

وبصراحة هي مفيدة جدا

يعني لو اتذاكرت اول السنة هتسهل كتير فهم مصطلحات المواد التانية

لكن المشكلة ان كتابها مش بينزل غير اخر السنة

__________________

__________________
__________________
رد مع اقتباس
إضافة رد

العلامات المرجعية

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


جميع الأوقات بتوقيت GMT +2. الساعة الآن 11:23 AM.