اهلا وسهلا بك فى بوابة الثانوية العامة ... سجل الان

العودة   بوابة الثانوية العامة المصرية > القسم الإدارى > أرشيف المنتدي

أرشيف المنتدي هنا نقل الموضوعات المكررة والروابط التى لا تعمل

مشاهدة نتائج الإستطلاع: ايهما افضل تخطيط عمراني ام حاسبات ومعلومات
تخطيط عمراني 46 32.39%
حاسبات ومعلومات 96 67.61%
المصوتون: 142. أنت لم تصوت في هذا الإستطلاع

 
 
أدوات الموضوع ابحث في الموضوع انواع عرض الموضوع
  #1  
قديم 23-07-2011, 04:21 AM
الصورة الرمزية MOSTAFA093
MOSTAFA093 MOSTAFA093 غير متواجد حالياً
طالب بكلية الآداب بجامعة سوهاج
 
تاريخ التسجيل: Jul 2010
المشاركات: 1,048
معدل تقييم المستوى: 15
MOSTAFA093 is on a distinguished road
New س ، ج ... كل الاستفسارات المتعلقة بالتنسيق ، مهم لجميع الطلبة

بسم الله الرحمن الرحيم
السلام عليكم اخوانى وأخوانى طلبة وطالبات بوابة الثانوية العامة
يا رب تكونوا كلكم بخير وسلام

لاحظت منذ أن بدأ التنسيق يوم الخميس الماضى وجود عدة استفسارات كثيرة ومعظمها متشابه والكثير من الطلبة ليس عندهم الخبرة الكافية فى موضوع التنسيق
فقررت عمل هذا الموضوع وقد جمعت فيه معظم الأسئلة والاستفسارات الخاصة بالتنسيق وذلك تسهيلاً على الطلبة وليكون مرجعاً أو عسى أن يجد فيه الطالب الإجابة عن استفساراته المتعلقة بهذا الموضوع
راجياً من الله أن ينال إعجابكم ، وأن هذا العمل لوجه الله وهو مجهود شخصى غير منقول ، لا أريد منكم سوى دعائكم لى بظاهر الغيب .

1- منذ متى بدأ التنسيق الرسمى ؟
بدأ التنسيق من يوم الخميس الماضى رسمياً وتستطيع تسجيل رغباتك من خلال هذا الرابط
https://tansik.egypt.gov.eg/Application/Default.aspx

2- إزاى أعرف إن مجموعى تبع المرحلة الأولى ؟
المرحلة الأولى تبدأ بقبول الطلبة بحد أدنى 93.9 % علمى و 79.2 % أدبى
3- متى ستنتهى المرحلة الأولى ؟
يوم الأربعاء القادم إن شاء الله
4- متى ستظهر نتيجة التنسيق الخاص بالمرحلة الأولى
ستظهر بعد انتهاء المرحلة الأولى بيومان أو ثلاثة تقريباً .
5- ما هى شرائح المجاميع ؟
هذه الشرائح خاصة بالطلبة التى لا يوجد لديها شبكة انترنت فى البيت وهتضطر تروح الجامعة لكى تقوم بتسجيل الرغبات فى معامل الحاسبات الخاصة بالجامعة .
6- هو لازم ألتزم بالشرائح دى لو عندى نت فى البيت ؟
لا : ما دام يوجد عندك نت أو شبكة قريبة منك ، تقدر تسجل من الآن ختى يوم الأربعاء القادم بشرط حصولك على مجموع الحد الأدنى للمرخلة الأولى لعلمى وأدبى .
7- ما هو التنسيق الذى سيبدأ السبت ؟
هذا التنسيق خاص بالذى لا يوجد لديه شبكة نت فى البيت وهيروح الجامعة ليتم تنسيق رغباته فى حاسبات الجامعة ، وسيلتزم بشرائح المجاميع المحددة لكل يوم منعاً للإزدحام .
8- هل التنسيق الذى بدأ الخميس الماضى تنسيق تجريبى ؟
لا : التنسيق بدأ رسمياً من الخميس الماضى وسيستمر إلى الأربعاء القادم بمشيئة الله
9- أنا جايب مجموع ..... وعايز أدخل كلية ..... هل هتلحقنى الكلية دى ؟
الله أعلم ، لا أحد يعلم بالغيب ولابد ألا نلتزم بأى توقعات أو أى كلام يظهر فى الجرائد كل يوم لأنه كلام متناقض مع بعضه ولا يمت للحقيقة بصلة ، ويعمل على ظهور المشاكل والبلبلة والتردد بين الطلبة .
10- ما هو الرقم السرى المطلوب للتنسيق ؟
هو الرقم الموجود فى شهادة المدرسة الذى تم الحصول عليها والموجود فيها درجاتك فى المواد وستجد الرقم السرى فى مربع صغير أسفل الورقة ( س :×××××× ) .
11- ما هو التوزيع الجغرافى ؟
التوزيع الجغرافى هو الذى يمنع ويقلل ظاهرة الاغتراب أى لابد أن تضغ فى رغباتك أقرب بلد لك ثم الأقرب فالأقرب وفقاً لهذا القانون
مثال : لو أنا فى سوهاج سأقوم باختيار الكلية فى محافظة سوهاج أولاً ثم أسيوط وهكذا الأقرب فالأقرب ، وإن خالفت هذا سيقوم الموقع بالتنبيه ورفض ذلك أثناء عملية التنسيق .
12- أنا سجلت يوم الخميس بطريقة صحيحة وحصلت على رقم الإيصال ، لازم أسجل تانى يوم السبت ؟
لا / ما دام الخطوات صحيحة وقد قمت بالحصول على رقم الإيصال وطبعت استمارة الاختيار الموجود فيها رغباتك ، بكده تم التنسيق ولا تحتاج لإعادة التنسيق مرة أخرى ( إلا إذا أردت التعديل فيها ) وهذا متاح لك .
13- بعد ما سجلت وطبعت الورق ، وقمت بالتعديل فى الرغبات مرة أخرى ، ماذا يحدث ؟
لا مشكلة ، هذا التعديل متاح لك ، ولكن سيتغير رقم الإيصال وستأتى استمارة جديدة برقم جديد ، ما عليك سوى طباعتها مرة أخرى والاحتفاظ بها .
14- ما فائدة طباعة ورقة الرغبات وما هو رقم الإيصال ؟
ستكون طباعة هذه الورقة مرجع لك لما قد اخترته من رغبات ، وربما يطلبوها منك فيما بعد ، ورقم الإيصال هو الذى يدل على إنك قمت بالتسجيل فى الموقع وبأنك كتبت الرغبات بشكل صحيح ، ويرجى الاحتفاظ به للأهمية .
15- أنا طالب مجموعى لم يدخل ضمن المرحلة الأولى ، هل يجوز التسجيل فى المرحلة الأولى ؟
بالطبع لا ، ستنتظر حتى نهاية المرحلة الأولى وإعلان نتيجتها ، وستقوم الوزارة بالإعلان عن ميعاد المرحلة الثانية بإذن الله
16 - بعد ما سجلت رغباتى وكل شىء تمام ، ماذا أفعل بعد ذلك ؟
لا شىء سوى أنك تنتظر الإعلان عن نتيجة المرحلة الأولى التى ستكون نهايتها الأربعاء القادم إن شاء الله .
17- ما هو التحويل بين الكليات ومتى سيبدأ ؟
الغرض الأساسي من تحويل الطالب، بعد ترشيحه عن طريق مكتب التنسيق، هو تقليل اغتراب الطالب بحيث يلتحق بكلية في المنطقة (أ)، وليس الغرض من التحويل تغيير رأى الطالب وإعادة ترشيحه في موقع أخر، وتنقسم عملية التحويل إلى نوعين:
أولا: تحويل إلى كلية غير مناظرة:
· يسمح للطالب الذي تم ترشيحه في عملية التنسيق في كلية ما خارج أو داخل منطقته الجغرافية (أ)، بالتقدم للتحويل إلى كلية غير مناظرة في منطقته الجغرافية (أ) فقط، بشرط حصوله على الحد الأدنى لمجموع الدرجات الذي قبلته الكلية المطلوب التحويل إليها، وبشرط استيفاء باقي قواعد القبول بالكلية مثل النجاح في اختبارات القدرات إن وجدت. ومثال لذلك طالب قبل بكلية الهندسة جامعة أسيوط وهو من محافظة الغربية يمكنه التقدم للتحويل إلى كلية غير كلية الهندسة (العلوم {رياضة} - الآداب – التجارة ... الخ) في جامعة طنطا حيث تقع جامعة طنطا في النطاق الجغرافي (أ)، وبشرط أن يكون مجموعه مستوفى للحد الأدنى للكلية المراد التحويل إليها.
ثانيا : تحويل إلى كلية مناظرة:
· يتم قبول تحويلات في حدود نسبة مئوية يحددها المجلس الأعلى للجامعات وطبقا للإمكانيات الاستيعابية للكليات.
· يسمح للطالب الذي رشح في كلية ما خارج منطقته الجغرافية (أ)، بالتقدم للتحويل إلى كلية مناظرة في منطقته الجغرافية (أ) فقط.
· فى حالة وجود أكثر من كلية مناظرة في النطاق الجغرافي (أ)، يسمح للطالب الذى رشح لكلية خارج النطاق الجغرافى (أ) ، بابداء رغبته فى التحويل لأحد الكليات المناظرة داخل النطاق الجغرافى (أ) ويتم تحديد إمكانية التحويل للكليات داخل النطاق الجغرافى طبقا للأعداد والطاقة الاستعابية للكليات وترتيب الطالب بين الطلاب الراغبين للتحويل والطاقات الاستعابية للكليات فى النطاق الجغرافى (أ) للطالب ويتم ترتيب الطلاب طبقا للمجموع ، وتحويل العدد الذى حدده المجلس الأعلى للجامعات.
18- أنا عندى خطأ قابل للتعديل أثناء كتابة الرغبات ماذا أفعل ؟
لا شىء سوى الاتصال على الرقم 19468 وسيقومون بمساعدتك فى حل المشكلة إن شاء الله .
19- انا محبط ومش عارف أعمل إيه لأن التنسيق مرتفع وخايف الكلية اللى عايزها تفوتنى ، أعمل إيه ؟
خلى عندك إيمان وثقة بالله أولاً وأخيراً ، وادعى إن ربنا يرزقك كليتك اللى بتحلم بيها ، وكمان لا تسمع لأى شىء يقال عن توقعات الكليات والتنسيق لأنه لا يمت للواقع بصلة وإن كل سنة وظروفها الخاصة ، واعلم أن الله لا يضيع أجر من أحسن عملاً ، وإن الكلية لو فيها خير وربنا رايدها لك هتلحقها إن شاء الله .
20- متى ستظهر الحدود الدنيا للقبول بكل كلية ، وكل كلية هتقبل من كام بالظبط ؟
إن شاء الله بعد نهاية المرحلة الأولى بيومان أو ثلاثة عند إعلان نتيجة التنسيق وليس الآن كما يقول البعض .
21- إزاى أعرف إنى رشحت لكلية ما ؟
·عن طريق الدخول على الموقع وإدخال رقم جلوسك فيظهر لك على الموقع الكلية / المعهد الذي رشحت له ويمكنك طباعة بطاقة الترشيح من النظام واستخدامها لتسليم أوراقك بالكلية أو المعهد (حيث لن يتم إرسال البطاقة بالبريد) مع العلم أن بطاقة الترشيح مجرد إخطار ولا تمثل مستند رسمي.
·عن طريق البريد الالكتروني (إذا كان لديك بريد الكتروني).
·عن طريق خدمة رسائل sms علي تليفونك الشخصي، حيث سيطلب منك تسجيل رقم هاتفك الشخصي عند تسجيل رغباتك.
·النتائج ستكون متاحة علي نفس الموقع الذي قمت بتقديم رغباتك عليه.
22- ما الخطوات التى يجب أن أتبعها بعد أن أعرف الكلية المرشح لها ؟
·بعد إعلان نتيجة الترشيح في كل مرحلة من مراحل التنسيق، يمكن للطالب طباعة بطاقة الترشيح من موقع التنسيق الالكتروني، والتوجه إلي الكلية التي تم ترشيحه إليها مباشرة لتقديم أوراقه وإتمام إجراءات قيده علي أن يقوم الطالب باصطحاب الأوراق التالية المطلوبة وهي:
1)الاستمارة البيضاء الدالة علي النجاح.
2)عدد (6) صور شخصية.
3)شهادة الميلاد الأصلية أو مستخرج رسمي منها.
4)نموذج (2) جند للطلاب الذكور فقط (من مكتب البريد).
5)شهادة التفوق الرياضي (للطلاب الحاصلين علي حوافز رياضية فقط).
6)موافقة كتابية من مدير المدرسة الثانوية الجوية والثانوية العسكرية الداخلية للطلاب الحاصلين علي الثانوية العامة من إحدى هاتين المدرستين للالتحاق بإحدى الكليات أو المعاهد.
23- أنا دخلت على موقع التنسيق وكتبت رقم الجلوس وظهرت لى " من فضلك انتظر جارى تحميل البيانات الشخصية " وبس كده ، ماذا أفعل ؟
لا بد أن تستخدم متصفح انترنت اكسبلورر حتى يفتح معاك باقى الخطوات وليس متصفح أخر .
24- هل بعد ما أكمل التنسيق من خلال الكومبيوتر هروح أجيب ورق تانى من مكتب التنسيق التابع للجامعة ؟
لا : فقط بعد الإنتهاء من التنسيق على النت لا تحتاج الذهاب لمكتب التنسيق ( مثلما كان التنسيق قديماً ، لأن التنسيق الورقى اتلغى ) وستنتظر حتى إعلان نتيجة المرحلة الأولى وظهور كليتك المرشح لها .
25- هل مجموعى اللى هتقدم به للتنسيق بالمستوى ولا من غير ؟
المجموع الكلى + درجة المستوى ( المستوى = درجة المستوى كاملة ناقص 5 ) وتضاف إلى مجموعك الذى ستتقدم به للتنسيق
26- أريد دليل التنسيق للقبول بالكليات والمعاهد 2011 ؟
تستطيع الحصول عليه من خلال هذا الرابط
https://tansik.egypt.gov.eg/application/Dalel
/Index1.aspx

27- بياناتى المدخلة على الموقع مخالفة لبياناتى الصحيحة ؟
اتصل على رقم 19468 وهيحلولك مشكلتك بإذن الله
28- قرأت الموضوع كله ولم أجد فيه الإجابة عن استفسارى ، ماذا أفعل ؟
فقط ضع استفسارك من خلال هذا الموضوع وسنحاول جاهدين الإجابة على سؤالك أخى الكريم إن شاء الله .


وفى النهاية أرجو أن يكون الموضوع قد نال إعجابكم
وفى انتظار آرائكم وباقى استفساراتكم للإجابة عليها إن شاء الله .

تحياتى MOSTAFA



__________________


COME
BACk

  #2  
قديم 23-07-2011, 04:30 AM
الصورة الرمزية تامر باسل
تامر باسل تامر باسل غير متواجد حالياً
عضو مجتهد
 
تاريخ التسجيل: Jun 2011
المشاركات: 129
معدل تقييم المستوى: 13
تامر باسل is on a distinguished road
افتراضي

الله أكــبـــر ... واضح إنك إنسان محترم .. لأنك شغلت وقتك علشان تقدر تساعد ناس انت متعرفهمش أساسا .

وعلى فكرة الموضوع شامل فعلا كل حاجة .. بس فى حاجة بسيطة خاصة بيا :

- أنا مطبعتش الورقة النهائية .. بس أخدت رقم الايصال .. وعملت كوبى للورقة النهائية دى وحطتها فى ملف وورد .
- هو أنا لازم أطبعها ؟!!

ومليـــــــــون شكر على مجهودك .
__________________



EGYPT & PALESTINE & ZAMALEK
  #3  
قديم 24-07-2012, 10:45 PM
lover bo lover bo غير متواجد حالياً
عضو جديد
 
تاريخ التسجيل: Jul 2012
المشاركات: 2
معدل تقييم المستوى: 0
lover bo is on a distinguished road
افتراضي

هو انا بملي ال 48 رغبه وبعد ما بتظهر نتيجه التنسيق بيتم ترشيح اكثر من كليه لي حسب مجموعي و انا بختار منهم اللي انا عاوزه و اروح اقدم فيها اوراقي
  #4  
قديم 25-07-2012, 12:44 PM
taltathanawy77.3 taltathanawy77.3 غير متواجد حالياً
عضو جديد
 
تاريخ التسجيل: Jul 2012
المشاركات: 3
معدل تقييم المستوى: 0
taltathanawy77.3 is on a distinguished road
افتراضي

أنا جبت 77,3 % ومش عارف في كليات إيه ممكن تقبلني أنا في علمي رياضة , ياريت حد يساعدني على طول ارجوكو بس
  #5  
قديم 23-07-2011, 04:36 AM
البرنس 2 البرنس 2 غير متواجد حالياً
عضو مجتهد
 
تاريخ التسجيل: Mar 2010
المشاركات: 66
معدل تقييم المستوى: 15
البرنس 2 is on a distinguished road
افتراضي

انت راجل برنس وانا اشكرك من كل قلبى على المعلومات الجامدة دية وبجد استفت منها كتير
  #6  
قديم 23-07-2011, 04:42 AM
الصورة الرمزية MOSTAFA093
MOSTAFA093 MOSTAFA093 غير متواجد حالياً
طالب بكلية الآداب بجامعة سوهاج
 
تاريخ التسجيل: Jul 2010
المشاركات: 1,048
معدل تقييم المستوى: 15
MOSTAFA093 is on a distinguished road
افتراضي

اقتباس:
المشاركة الأصلية كتبت بواسطة تامر باسل مشاهدة المشاركة
الله أكــبـــر ... واضح إنك إنسان محترم .. لأنك شغلت وقتك علشان تقدر تساعد ناس انت متعرفهمش أساسا .

وعلى فكرة الموضوع شامل فعلا كل حاجة .. بس فى حاجة بسيطة خاصة بيا :

- أنا مطبعتش الورقة النهائية .. بس أخدت رقم الايصال .. وعملت كوبى للورقة النهائية دى وحطتها فى ملف وورد .
- هو أنا لازم أطبعها ؟!!

ومليـــــــــون شكر على مجهودك .
الله يكرمك ويحفظك أستاذ تامر على مشاعرك الجميلة وردك الجميل
مرورك شرف الموضوع والله
بالنسبة لاستفسارك ، رقم الإيصال ده مهم ، احتفظ بيه
وبالنسبة للورقة الأخيرة حاول تطبعها ، لربما ممكن يطلبوها منك أو تحتاجها فى أى شىء
عشان بس يبقى ورقك كامل ، وكل حاجة جاهزة معاك
بالتوفيق ليك ولكل الطلبة إن شاء الله ربنا يرزقهم اللى فيه الخير
وبشكرك مرة تانية على مرورك الكريم

اقتباس:
المشاركة الأصلية كتبت بواسطة البرنس 2 مشاهدة المشاركة
انت راجل برنس وانا اشكرك من كل قلبى على المعلومات الجامدة دية وبجد استفت منها كتير
لا شكر على واجب يا ( البرنس ) وأنا تحت أمرك فى أى استفسار ، والحمد لله إن الموضوع عجبك
شكراً للمرور الكريم
__________________


COME
BACk

  #7  
قديم 07-09-2012, 05:25 PM
محمود مامون محمود مامون غير متواجد حالياً
عضو جديد
 
تاريخ التسجيل: Sep 2012
المشاركات: 1
معدل تقييم المستوى: 0
محمود مامون is on a distinguished road
افتراضي

thanks[QUOTE][
/QUOTE]
  #8  
قديم 01-10-2011, 09:40 PM
الصورة الرمزية هويدااحمد76
هويدااحمد76 هويدااحمد76 غير متواجد حالياً
معلمة لغة انجليزية ابتدائى
 
تاريخ التسجيل: Jul 2008
المشاركات: 7,624
معدل تقييم المستوى: 23
هويدااحمد76 has a spectacular aura about
افتراضي

واحدة جالها ك.ت. فنى صناعى المطرية
عاوزة تعرف مدة الدراسة وهل هو كلية ام معهد
وهل بمصروفات ام لا
وهل هناك سكن متوفر للفتيات وهل هو معتمد ام لا
وهل ممكن تكمل كلية بعده ام لا
__________________
***************************
صدقة جارية على روح صديقتى وبناتها

توفوا يوم الجمعه 22\7\2011 فى حادث
http://quransound.com/

  #9  
قديم 23-07-2011, 04:39 AM
ALLALL ALLALL غير متواجد حالياً
عضو خبير
 
تاريخ التسجيل: Oct 2009
المشاركات: 564
معدل تقييم المستوى: 15
ALLALL is on a distinguished road
افتراضي

الله يباركلك
الف شكرررررررررررررررررررررررررررررررررررررررررررررررر رررررررررررررررررررررررررررررررررررررررررررررررررر رررررررررررررررررررررررررررررررررررررررررررر
  #10  
قديم 23-07-2011, 04:44 AM
الصورة الرمزية MOSTAFA093
MOSTAFA093 MOSTAFA093 غير متواجد حالياً
طالب بكلية الآداب بجامعة سوهاج
 
تاريخ التسجيل: Jul 2010
المشاركات: 1,048
معدل تقييم المستوى: 15
MOSTAFA093 is on a distinguished road
افتراضي

اقتباس:
المشاركة الأصلية كتبت بواسطة allall مشاهدة المشاركة
الله يباركلك
الف شكرررررررررررررررررررررررررررررررررررررررررررررررر رررررررررررررررررررررررررررررررررررررررررررررررررر رررررررررررررررررررررررررررررررررررررررررررر

آمين يا رب ، وإياكم
شكراً لمرورك
__________________


COME
BACk

  #11  
قديم 23-07-2011, 04:47 AM
الصورة الرمزية تامر باسل
تامر باسل تامر باسل غير متواجد حالياً
عضو مجتهد
 
تاريخ التسجيل: Jun 2011
المشاركات: 129
معدل تقييم المستوى: 13
تامر باسل is on a distinguished road
افتراضي

ربنا يباركلك يا باشا .. إن شاء الله أطبعها بكرة . و ألــف شكر على إهتمامك و مجهـــــودكـ .
__________________



EGYPT & PALESTINE & ZAMALEK
  #12  
قديم 23-07-2011, 04:51 AM
الصورة الرمزية MOSTAFA093
MOSTAFA093 MOSTAFA093 غير متواجد حالياً
طالب بكلية الآداب بجامعة سوهاج
 
تاريخ التسجيل: Jul 2010
المشاركات: 1,048
معدل تقييم المستوى: 15
MOSTAFA093 is on a distinguished road
افتراضي

اقتباس:
المشاركة الأصلية كتبت بواسطة تامر باسل مشاهدة المشاركة
ربنا يباركلك يا باشا .. إن شاء الله أطبعها بكرة . و ألــف شكر على إهتمامك و مجهـــــودكـ .

إن شاء الله خير ، وابقى طمنا بالنتيجة إن شاء الله
تحياتى
__________________


COME
BACk

  #13  
قديم 23-07-2011, 05:19 AM
عاشقه الحزن عاشقه الحزن غير متواجد حالياً
عضو جديد
 
تاريخ التسجيل: Mar 2010
المشاركات: 38
معدل تقييم المستوى: 0
عاشقه الحزن is on a distinguished road
افتراضي

السلام عليكم اولا شكرا علي مجهودك بس ارجوك بالله عليك ارجوا المساعده الان وضروري
انا استماره نجاحي اتسرقت ومش عارفه اعمل ايه وبيقولولي اطلع بدل منها من المنطقه اللي انا فيها طب ارجوك ساعدني دلوقت عشان لو هروح في مكان الحق اسافر عشان انا مرحله اولي ولازم الرقم السري اللي في الاستماره ولازم اكتب التنسيق
__________________
حبيبي معاك انا بنسي كل الدنيا دي
وياك انا بنسي العالم بنسي الناس
  #14  
قديم 23-07-2011, 05:25 AM
الصورة الرمزية MOSTAFA093
MOSTAFA093 MOSTAFA093 غير متواجد حالياً
طالب بكلية الآداب بجامعة سوهاج
 
تاريخ التسجيل: Jul 2010
المشاركات: 1,048
معدل تقييم المستوى: 15
MOSTAFA093 is on a distinguished road
افتراضي

اقتباس:
المشاركة الأصلية كتبت بواسطة عاشقه الحزن مشاهدة المشاركة
السلام عليكم اولا شكرا علي مجهودك بس ارجوك بالله عليك ارجوا المساعده الان وضروري
انا استماره نجاحي اتسرقت ومش عارفه اعمل ايه وبيقولولي اطلع بدل منها من المنطقه اللي انا فيها طب ارجوك ساعدني دلوقت عشان لو هروح في مكان الحق اسافر عشان انا مرحله اولي ولازم الرقم السري اللي في الاستماره ولازم اكتب التنسيق

هو على العموم تم الرد فى الموضوع الأول
بس المهم دلوقتى إنتى ممكن تروحى المدرسة وتقوليلهم مشكلتك وممكن يساعدوكى وتستخرجى شهادة جديدة
أو ممكن تتصلى على رقم
19468 وإن شاء الله هيساعدوكى فى مشكلتك ( بس بسرعة وممكن دلوقتى حالاً عشان الوقت مش فى صالحك )
ده اللى أقدر أقولهولك والله
بس على العموم متخافيش كل حاجة وليها حل ، وإن شاء الله خير
ربنا يستر إن شاء الله
تحياتى

__________________


COME
BACk

  #15  
قديم 21-07-2012, 10:42 PM
القصاصين القصاصين غير متواجد حالياً
عضو جديد
 
تاريخ التسجيل: Jun 2012
المشاركات: 37
معدل تقييم المستوى: 0
القصاصين is on a distinguished road
Icon111

من فضلك انا كنت بدرس في السعودية ونفسي ادخل كلية طب سواء بشري اسنان اي حاجة المهم طب
وانا في اخر سنة فكنت حبة اعرف ايه المطلوب مني السنادي والحمد الله نسبتي السنة الي فاتت حلوة واكيد حضرتك عارف نظام القدرات الي عندنا في السعودية فانا كنت بتمنا من حضرتك تساعدني انت واعضاء المنتدى
فلي يعرف حاجة عن الموجودين في الخارج يطمني ارجوكم
:
 

العلامات المرجعية

أدوات الموضوع ابحث في الموضوع
ابحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


جميع الأوقات بتوقيت GMT +2. الساعة الآن 05:01 PM.