تقدير الدرجات بالثانوية الأزهرية 5 يوليو

[أبو أنس محمد علي]

تقدير الدرجات بالثانوية الأزهرية 5 يوليو21/06/2013 06:53:33 ص
المساء
كتب- حسام حسين: أكد الشيخ جعفر عبدالله رئيس قطاع المعاهد الأزهرية ان اعمال تقدير درجات الطلاب الذين ادوا امتحانات الثانوية والاعدادية والقراءات في الدور الاول لهذا العام سوف تبدأ يوم 5 يوليو المقبل في مراكز التصحيح بالقاهرة والمنوفية والغربية والدقهلية والشرقية والبحيرة والمنيا واسيوط وسوهاج والاقصر.
شدد رئيس القطاع في تعليمات لرؤساء مراكز التصحيح ــ بالتدقيق في اعمال تقدير الدرجات بحيث يتم الاسترشاد بنموذج الاجابة وقراءة كل كلمة داخل ورقة الاجابة حتي المدونة في "المسودة أو الهامش" علي ان يتم تشكيل لجنة داخلية بكل حجرة في مراكز التصحيح تضمن موجهين متخصصين تتولي المراجعة الدقيقة لأوراق الاجابات تحت اشراف رؤساء المراكز ومساعديهم.
أضاف أنه تقرر استمرار العمل في مراكز تقدير الدرجات لمدة نصف يوم بعد ظهر كل يوم ساعتان علي الاقل بشرط ألا يقل عدد أوراق الإجابة التي يتم تقديرها في اليوم كحد أدني عن العدد الواجب تقديره في يوم ونصف اليوم ويسري ذلك علي المقدرين والمراجعين والمشرفين والمساعدين ورئيس المركز ومعاونيه والاداريين والكتابين والعمال.
قال انه يتم ندب المتخصصين لتقدير الدرجات ولايقبل أي اعتذار الا عن طريق القومسيون الطبي أو التأمين الصحي.. مشيرا الي عدم تمكين المحرومين من اعمال الامتحانات والصادر ضدهم قرارات بالجزاء لاخلالهم بواجباتهم الوظيفية. من تقدير الدرجات.
أكد أنه لأول مرة هذا العام تم ندب اثنين من المحامين بالادارة المركزية للشئون القانونية بالأزهر للعمل بكل مركز تصحيح بحيث يتم التحقيق الفوري مع كل من يتقاعس في أعمال تقدير الدرجات أو المراجعة ومن يثبت إهماله وقصوره يحرم من مكافأة التصحيح إضافة الي المسئولية التأديبية والحرمان من أعمال الامتحانات لمدة 5 سنوات.

[أ/مصطفى محمود]

يعني هو الغش هيسيب حد راسب ، و بعدين الدور الثاني دلوقتي تم فتحه للطلاب الفاشلين في كل شئ و سينجحون...
ايه لازمته بقى شدد و ندب محاميين للتحقيق
هو فاكرها ثانوية عامة
ربنا يصلح حالكم يا مسؤولي تعليم الازهر

و عموما جزاك الله خيرا أخي الفاضل على الخبر

[زكريا مختار]

قال انه يتم ندب المتخصصين لتقدير الدرجات ولايقبل أي اعتذار الا عن طريق القومسيون الطبي أو التأمين الصحي.. مشيرا الي عدم تمكين المحرومين من اعمال الامتحانات والصادر ضدهم قرارات بالجزاء لاخلالهم بواجباتهم الوظيفية. من تقدير الدرجات.
أكد أنه لأول مرة هذا العام تم ندب اثنين من المحامين بالادارة المركزية للشئون القانونية بالأزهر للعمل بكل مركز تصحيح بحيث يتم التحقيق الفوري مع كل من يتقاعس في أعمال تقدير الدرجات أو المراجعة ومن يثبت إهماله وقصوره يحرم من مكافأة التصحيح إضافة الي المسئولية التأديبية والحرمان من أعمال الامتحانات لمدة 5 سنوات.


حسبنا الله ونعم الوكيل فين حقوقنا

[الاستاذ عوض على]

كد أنه لأول مرة هذا العام تم ندب اثنين من المحامين بالادارة المركزية للشئون القانونية بالأزهر للعمل بكل مركز تصحيح بحيث يتم التحقيق الفوري مع كل من يتقاعس في أعمال تقدير الدرجات أو المراجعة ومن يثبت إهماله وقصوره يحرم من مكافأة التصحيح إضافة الي المسئولية التأديبية والحرمان من أعمال الامتحانات لمدة 5 سنوات.

[عبد الحفيظ محى الدين]

عايزين نعرف عدد اوراق التصحيح في اليوم احنا في المنصوره بيفتري علينا للمواد الثقافيه

[ndeem55]

كل مؤسسة تغيير خطابها لموظفيها للغة التحفيز والتشجيع هذه الأيام، والترغيب ، إلا الأزهر فمشائخه تعلوهم لغة العنترية والتهديد لزملائنا المعلمين ، ، (وجود محامين للتحقيق الفوري )، بطلوا فردة صدر ، واتعلموا شوية تربويات لتقودوا مؤسسة تربوية فاشلة ، وبعدين أنتم ناسيين الغش الجماعي اللي افتضحنا عليه في وسائل الإعلام ، حتيجوا تظهروا عضلاتكم على التصحيح .

[الاستاذ عوض على]

نتمنى ان نحصل
على الدرجات والترقيات
بطريقة فورية أيضا

[ممدوح شلبى]

دائما وابدا ياتون فى صالح الطالب ولا قيمة لمدرس الازهر عندهم كل خطاء يحدث يقع على عاتق المدرس حتى خطاء الطالب يتحمله المدرس ولا ياتون على الطالب ابدا فطالب الازهر محصن ضد العقاب

[muns_dar]

والمحامين دول حيصححوا مادة ايه يا مولانا

[الاستاذ عوض على]

المحامين بالادارة المركزية للشئون القانونية بالأزهر للعمل بكل مركز تصحيح بحيث يتم التحقيق الفوري مع كل من يتقاعس في أعمال تقدير الدرجات أو المراجعة ومن يثبت إهماله وقصوره يحرم من مكافأة التصحيح إضافة الي المسئولية التأديبية والحرمان من أعمال الامتحانات لمدة 5 سنوات.

[اسراء مجدى]

الاخ الازهرى الكرداوى غش ايه اللى انت بتقول غليه مقارنة بالغش فى الثانويه العامه اللى امتحانتها غلى تويتر بعد نص ساعه من توزيغ الاسئله ولا انت عايش فى لبنان مش فى مصر
ثم مشعاجبك المؤسسه سيبها ياعم لكن عيب تتكلم كده مع قياداتك وسلم لى ع الثانويه العامه
متزعلشى منى اصلى با خترم اكل عيشى وبخب اتقن عملى

[مستر شوكت]

طب علي النعمة انتي صح

[حسن الامين على]

بيقول حرمانه من مكافاة التصحيح زى ما بيكون كل مدرس بياخد الفين تلاتة
يا راجل فلوس التصحيح لما بيزيدو خالص بيعملوا 130 جنيه بعد السفر والتعب والمراجعة
طيب انا مستغنى عن المكافاة وا عفينى من التصحيح

[حسن الامين على]

كل من يتقاعس في أعمال تقدير الدرجات أو المراجعة ومن يثبت إهماله وقصوره يحرم من مكافأة التصحيح إضافة الي المسئولية التأديبية والحرمان من أعمال الامتحانات لمدة 5 سنوات.

يا راجل لو اى حد سمع هذا الكلام يفتكر ان المدرسين بياخدو مبالغ ضخمة فى التصحيح وما يفتكرشى يعنى انه يوم ما يتكرم خالص بياخد مكافاة حوالى 120 ملطوش
طيب ايه رايك ان انا مستغنى عن المكافاة واعفينى من التصحيح
وبعدين لما انت جامد خالص وبتحاسب ساعدنا ناخذ حقوقنا الاول
يعنى انت مش عارف ان الورقة بقت بخمسة جنيه فى التربية والتعليم واجنا لسنا قاعدين
وانت مش عارف ان مكافاة المراقبة فى امتحانات الشهادة الثانوية بقت 14(% من امتحانات 2011 واحنا لسة قاعدين
وسيادتك مش عارف ان زملائنا فى التربية والتعليم اخذو الدرجات فى 2012 واحنا لسة قاعدين
يا راجل زملائى فى التربية والتعليم اخذوا علاة تشجيعية على الدبلومة التربوية ذات العامين واقسم بالله رفض الازهر منحى هذه العلاوة مع ان زملائى الذين اخذوا نفس الدبلومة من نفس الجامعة اخذ عليها العلاوة والفرق الوحيد اللى بينى وبينهم انهم فى التربية والتعليم وانا اعمل بالازهر
يارجل كل هذا عينة من الظلم الواقع علينا ومش حنتكلم عن الفروق فى المرتبات بيننا وبينهم ولا النقابة ولا.........مئات الفروق بيننا وبينهم

يا راجل ضيعتو حقوقنا ولا توجد لديكم اى فكرة عن الادارة واعتقد ان كل الفروق المالية بين الازهر والتربية والتعليم السبب فيه اخطاء ادارية
يا راجل ده الواحد فينا بقى بيحرج من كلمة مساواة مساواة لانها بصراحة بقت بتفكرنى بنضال المراة من اجل الحصول على حقوقها
يا راجل ده انتو جعلتمونا فى وضع محرج وسيئ للغاية
وانا باعتبر ان الزميل مصطفى محمود لخص مشكلة الازهر فى عبارة واحدة اللهم ولى علينا من يفهم واراها انها محور جميع مشاكل الازهر ولو تحقق ذلك لحلت جميع مشاكل الازهر
وانا مش مسامح فى جميع حقوقى التى ضيعتموها واقول حسبنا الله ونعم الوكيل فى كل من ضيع حقوقنا
واقول اللهم انى مغلوب فانتصر

[سالم حسين]

لو ان معلمي الازهر رجال بحق يظهر معدنهم الان ومطالبتهم الحصول على ترقياتهم المالية ودرجاتهم المتأخرة قبل بداية التصحيح وبأثر رجعي اعتبارا من 1 /10 /2012 اسوة بمعلمي التعليم