اهلا وسهلا بك فى بوابة الثانوية العامة ... سجل الان

العودة   بوابة الثانوية العامة المصرية > الجامعات المصرية > المجموعة العلمية > كلية طب اسنان

إضافة رد
 
أدوات الموضوع انواع عرض الموضوع
  #1  
قديم 07-08-2022, 12:49 AM
الصورة الرمزية ماما ميا ميا
ماما ميا ميا ماما ميا ميا غير متواجد حالياً
عضو مجتهد
 
تاريخ التسجيل: Jul 2008
المشاركات: 312
معدل تقييم المستوى: 15
ماما ميا ميا is on a distinguished road
Icon113 تحديث واحب من ماما ميا ميا طالبه الاسنان بعد قضاء اكثر من ١٠ سنين في مهنه طب الاسنان


السلام عليكم منذ اكثر من عشر سنوات كتبت موضوعي طالبه في تانيه اسنان للرد علي استفساراتكم و كنت اتحري الصواب في الاجابه و و من باب ايضاح الحقيقه يا اخواني لقد تغيير سوق طب الاسنان كثيرا و أصبحنا مصابين بالبطاله للاسف فلا انصح بهذا التخصص بعد الآن و لا أقبل ان يقع علي احد ما أصابني و اصاب زملائي في هذه المهنه ياريت تقروا البوست ده عشان تعرفوا الوضع الحالي لدكتور الاسنان
صباح الخير يا دكاتره
لو مش لاقي شغل او بتشتغل بمقابل غير مجزي اقرا البوست ده
دي مقارنه متاخده من موقع اسمه salary express
بتقارن بين متوسط راتب ٤ مهن
١) طبيب الاسنان
٢) مصمم تطبيقات الاندرويد
٣)جرافيك ديزاينر
٤) ديجيتال ماركتينج
الحقيقه اننا حتلاقي انو متوسط راتب طبيب الاسنان اعلي بس استنوا بس عشان ما تتحمسوش اووي
ادخل بقي علي جوجل و اكتب في البحث عن الوظيفه اي وظيفه من ال ٣ اللي فوق و شوف بقي مدي توفر و سهوله الحصول علي وظيفه بالترتيب كده حتلاقي
انو وظايف مصمم تطبيقات الاندرويد و الجرافيك ديزاين و الديجيتال ماركتينج متوفره و متاحه بسهوله و اكتر من جهه طالبها و متطلبات الوظيفه بتبدي من غير خبره اصلا
بينما وظيفه طبيب الاسنان فرص محدوده جدااا جداا و اغلبها براتب ضعيف او من غير راتب اصلا و الفرص الكويسه محتاج ماستر و كورسات و تأهيل معين مش متاح عند اغلب الدكاتره سواء بسبب مادي او بسبب ضعف القبول في الدراسات العليا
ده كده باختصار شرح لمشكله زياده الاعداد و رد علي الناس اللي بتقول مش مهم كل واحد ليه رزقه احنا بقينا بنجري ورا وهم حرفيا
طيب ايه الحل ؟؟
لو انت دكتور حديث التخرج او حتي دكتور قديم التخرج بس ماعندكش مقومات الفرصه الذهبيه حتعمل ايه
حتشوف مجال دراسه و شغل تاني غير مجال الاسنان
قبل ما تختار المجال ده لازم تشوف ٣ حاجات
١)متوسط الرواتب بتاعته
٢)مدي توفر و سهوله الحصول علي وظيفه
٣) مدي سهوله و توفر دراسته و تكاليفها كمان
طيب ايه المجالات المتاحه و في نفس الوقت لا تتشترط شهاده بكالريوس في نفس المجال حقولك
١) منح FWD و دي بتفتحلك ٧ مجالات شغل محترمين جداا و هما مبرمج مواقع او اندرويد او ios او ديجيتال ماركتينج او محلل بيانات و ده موقع الويب الخاص بالمنحه
https://egfwd.com/
المنحه مجانيه و لا تشترط اي شهاده بكالريوس معين
و لا سن معين للتقديم و معترف بيها لو وصلت لمستوى المحترفين فيها

٢) منحه Iti و دي منحه تبع وزاره الاتصالات بتفتح كل تخصصات البرمجه و دي تخصصات كتير جدااا تقدر تبحث عنها بس عيب المنحه دي انها بتاخد بحد اقصي حاجه ٥ سنين من التخرج و هي مجانيه و لا تحتاج شهاده بكالريوس في نفس التخصص

٣) اكسب فلوس من الاون لاين بيزنس دكتور محمود عمار منزل فيديوهات كتيره عن المواضيع دي

٤) وظايف الترجمه الطبيه و كتابه المحتوي الطبي و التعليق الصوتي و حتلاقي كورسات ليها

٥) اعمل جروب اون لاين و بيع اي منتج شايف الناس محتجاها فعلا و مش موجود في السوق

٦) حاول تنجح في مجال اليوتيوب

٧) جرافيك ديزاينر و كورساته موجوده في كل حته
٨) خد كورسات تربوي و اقلب مدرس biology

دي كده مجالات الكارير شفت بترتيب الراتب و توفر الفرص و سهوله الحصول علي التعليم
لو فيه مجال تاني غايب عني ياريت تقولولي
الكارير شفت ممكن يكون قرار نهائي بلا رجعه للاسنان
و ممكن يكون قرار مؤقت لحد ما تلاقي الفرصه الذهبيه النادره في الاسنان
اهم حاجه انك تشتغل و تسعي و متقعدش في البيت طاقه عقليه مهدره ليس لها قيمه
اسأل الله ان يرزقني و إياكم من واسع الرزق الحلال الطيب
ان شاء الله انزلكوا حلول في الفتره القادمه لمشاكل المهنه الحاليه المستعصيه 😊😊
لو فيه حد اخد قرار الكارير شفت و نجح فيه اكتب تعليق شجع زمايلك
و ده بوست تاني عن فرص السفر
اولا بالنسبه للمنح
مافيش منح اجنبيه للاسنان المنح بتبقي في مجالات تانيه
الاسنان يعتبر برا طب الأثرياء و طب ترفيهي
فهو مش حيدي منح لحد عشان حاجات مخصصه للاثرياء
في حين ان الطلاب في الجامعات الاجنبيه بتدفع الالاف من الدولارات عشان تتعلم طب الاسنان في بلادهم

بالنسبه السفر
اولا بالنسبه الي السفر الي
الدول العربيه بشهاده البكالوريوس فقط دون ماجستير شبه مستحيل الان
البكالريوس ه سنين
الماجستير ٥ سنين
مصاريف الماجستير للطبيب العامل في وزاره الصحه و ليس الجامعه الحاليه
تصل ال ٤٥ الف جنيه في السنه الواحده و ذلك دون احتساب مصاريف الرساله و تقدمين بطلب و لو كان تقديرك منخفضا قد لا تقبلين بالرغم من هذه المصاريف الباهظه
اما الاطباء العاملين بالجامعه و انا منهم و الدوله حاليا توقفت عن توظيف دفعات جديده فالمصاريف بين ١٠ الي ١٥ الف في السنه دون احتساب مصاريف الرساله
اما المعيدين في الجامعات الحكوميه فقط و الذي تتقلص عددهم اللي ١٠ تعيينات في كل دفعه التي أصبحت عددها ١٠٠٠ طالب في جامعه الاسكندريه علي سبيل المثال فلهم الحق في تحضير الدراسات العليا مجانا و لا يختارون القسم بل يوزعون حسب ترتيب المجموع الكلي علي الاقسام و منها اقسام اكادميه بحته ليس لها أي علاقه بطب الاسنان العملي
ثانيا
بعض تخصصات الماجستير غير معترف بيها الان في الخليج و يتم تحديث القوانين و اللوائح باستمرار لسعوده وظيفه أخصائي طب اسنان كما حدث تماما في وظيفه طبيب الاسنان العام التي أصبحت مقصوره علي السعوديين فقط الذين اعطتهم جامعتنا شهادتهم بالمناسبه

اما عن السفر الي الدول الاوربيه
فجميع الدول الغربيه لا تعترف ببكالريوس طب الاسنان من اي جامعه مصريه و يلزم تحضير بورد او معادله و هي عباره في الأغلب من جزئين امتحان عملي و نظري بعد النجاح فيه تسافرين الي الدوله و تقدمي طلب التحاق باحدي الكليات هناك و عند قبول الطلب الذي اصبح من المعجزات قبوله تقضي اخر سنتين في الجامعه مع العلم ان تكلفه السنه الواحده تصل الي الآفات من الدولارات فهو طب الأثرياء كما ذكرنا سابقا
بعد قضاء السنتين و النجاح في الامتحانات تعطي رخصه ممارسه طب الاسنان في الدوله التي اختارتها
في عام تخرجي بحثت عن تكلفه البورد الكندي فقدرت التكلفه ب ٩٠٠ الف جنيه مصري وقتها
و مقارب له البورد الامريكي
و اعتقد اقلهم البورد الألماني و لكن يتطلب اجاده كامله للغه الالمانيه و رواتب طب الاسنان ليس مرتفعه في ألمانيا كغيرها من الدول الغربيه

لو عندكم اي استفسارت اخري لا ترددوا في سؤالي فكم كنت اتمني لو أحدا ما أخبرني الحقيقه قبل ٢٠ عاما و الحمد لله رب العالمين و لا اتمناه لاحد
ابحثوا عن تخصص اخر

رد مع اقتباس
  #2  
قديم 07-08-2022, 01:07 AM
الصورة الرمزية ماما ميا ميا
ماما ميا ميا ماما ميا ميا غير متواجد حالياً
عضو مجتهد
 
تاريخ التسجيل: Jul 2008
المشاركات: 312
معدل تقييم المستوى: 15
ماما ميا ميا is on a distinguished road
افتراضي

Upppppppppp
رد مع اقتباس
إضافة رد

العلامات المرجعية

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


جميع الأوقات بتوقيت GMT +2. الساعة الآن 05:50 AM.