اتابع طلب النقل بتاعي إزاي؟؟

[Niven Omar]

السلام عليكم اعضاء الجروب الكرام
انا معلمة فصل ابتدائي قدمت طلب نقل داخل الادارة
(نقل من مدرسة الى مدرسة داخل الادارة التعليمية)
الطلب قدمته الى التوجيه بتاعي اللى هوه التعليم الابتدائي
وطبعا المديرة كتبت لي اني حسبب لها عجز
كنت عايزة اسأل انا حعرف منين ان الطلب اتوافق عليه ولا لأ؟؟
مش معقول كل شوية حروح اسأل فى التعليم الابتدائي..
الناس هناك بتبقى مشغولة ومتابعات برة الادارة
ياريت لو فى حد مر بالظروف دي يفيدني
جزاكم الله خيرا

[عمر المنياوى]

لو تمت الموافقه على طلب النقل حضرتك هتعرفى من المدرسة لان فى تلك الحالة الادارة سوف ترسل لحضرتك خطاب رسمى على مدرستك وده عادة بيكون مع بداية العام الدراسى من كل عام
وحضرتك قرب بداية العام الدراسى تسالى الموظف المسؤل عن نشرة التنقلات بشئون العاملين وياريت وتقومى بقراءة الاسماء كلها وتدورى على اى اسم يكون نفس تاريخ تعينك وفى تلك تطلبى بحقك اسوة بالزميل
و الافضل لو فى اى موظف او اى حد مهم بالادارة يروح معاكى ويكلم مدير التعليم الابتدئى قبل صدور النشرة
اما كلام حضرتك لوحدك ملوش لزمة
وبالتوفيق ان شاء الله

[Azhar Aly]

المشاركة الأصلية كتبت بواسطة عمر المنياوى

لو تمت الموافقه على طلب النقل حضرتك هتعرفى من المدرسة لان فى تلك الحالة الادارة سوف ترسل لحضرتك خطاب رسمى على مدرستك وده عادة بيكون مع بداية العام الدراسى من كل عام
وحضرتك قرب بداية العام الدراسى تسالى الموظف المسؤل عن نشرة التنقلات بشئون العاملين وياريت وتقومى بقراءة الاسماء كلها وتدورى على اى اسم يكون نفس تاريخ تعينك وفى تلك تطلبى بحقك اسوة بالزميل
و الافضل لو فى اى موظف او اى حد مهم بالادارة يروح معاكى ويكلم مدير التعليم الابتدئى قبل صدور النشرة
اما كلام حضرتك لوحدك ملوش لزمة
وبالتوفيق ان شاء الله

تمام مستر عمر جوابات النقل اللى بيتوافق عليها بيطلع لها امر نقل يتبعت مندوبية للمدرسة والرول الاصلى بيكون ف الادارة بعد ما يوصل تقريبا ع اول الدراسة هتعملى اخلاء طرف وتنقلى للمدرسة الجديدة .. ربنا يوفقك