اهلا وسهلا بك فى بوابة الثانوية العامة ... سجل الان

العودة   بوابة الثانوية العامة المصرية > الجامعات المصرية > كليات المجموعة الرياضية > كلية الفنون الجميلة وكلية الفنون التطبيقية

إضافة رد
 
أدوات الموضوع انواع عرض الموضوع
  #1  
قديم 22-02-2018, 05:32 PM
bahaaeldeen bahaaeldeen غير متواجد حالياً
مشرف متميز قسم كلية الفنون الجميلة والتطبيقية
 
تاريخ التسجيل: Jun 2008
المشاركات: 1,126
معدل تقييم المستوى: 13
bahaaeldeen is on a distinguished road
Neww1qw1 الكليات الخاصة لفنون جميلة وتطبيقية كل ما تريد معرفته عن فنون الخاصة (حصري المصاريف ونظام التقديم)


فنون تطبيقية وجميلة موجودة في 7 جامعات خاصة
اللي هما :


-- جامعة 6 أكتوبر
-- وجامعة فاروس بمدينة الإسكندرية
-- ال GUC
-- وجامعة بدر
-- والمعهد العالي للفنون التطبيقية بمدينة 6 أكتوبر
-- جامعة العلوم و الآداب الحديثة
-- وأكاديمية نيوكايرو بالتجمع الخامس
".


»»» ايه بقي أقسام الكلية في الجامعات ديه ؟!

مبدئيا كدة لازم نعرف الكليات الحكومي أقسامها ايه لان الموضوع بيختلف في الخاص

1- فنون جميلة فنون "الحكومي" فيها اقسام (كل قسم فيه شعبتين) وهى:

قسم هندسة الديكور
قسم الجرافيك
قسم التصوير
قسم النحت


2- فنون تطبيقية "الحكومي" فيها 14 قسم(بدون شعبة) وهي:

قسم الفوتوغرافيا والسينما والتليفزيون
قسم الطباعة والنشر والتغليف
قسم الإعلان
قسم التصميم الداخلى والأثاث
قسم التصميم الصناعى
قسم االاثاثات المعدنية والإنشاءات المعدنية والحديدية
قسم المنتجات المعدنية والحلية
قسم الخزف
قسم الزجاج
قسم الزخرفة
قسم النحت والتشكيل المعمارى والترميم
قسم الغزل والنسيج والتريكو
قسم طباعة المنسوجات والصباغة والتجهيز-
قسم الملابس الجاهزة


بس في الجامعات الخاصة عدد الأقسام بيكون من ثلاثة إلى سبعة أقسام حسب نظام كل جامعة كالأتي :

»» جامعة 6 أكتوبر فيها :الاقسام ديه العلوم الأساسية، والتصميم والأثاث(ديكور)، الإعلان، التصوير الفوتغرافي والسينما، وتصميم المنتجات.

»» جامعة فاروس : الديكور، الجرافيك، فنون الإعلام، التصوير، الأزياء و الملابس الجاهزة، والتصميم الصناعي

»» ال GUC بقي: تصميم الجرافيك، التصميم الإعلامي، تصميم المنتجات.

»» جامعة بدر: التصميم الداخلي(ديكور)، الأثاث , المنسوجات، تصميم الوثائق، الجرافيك، وتصميم المنتجات.

»» المعهد العالي للفنون التطبيقية : جرافيك , إعلان .. ديكور و عمارة داخلية ,,,,الموضة ,, التصميم الصناعي

»» جامعة أكتوبر للعلوم الحديثة و الآداب: العلوم الأساسية، السينما و المسرح، الجرافيك، فنون الإعلام، تصميم الملابس، والتصميم الداخلي.

»» أكاديمية القاهرة الجديدة : الإعلان، الزخرفة، الملابس الجاهزة، التصميم الداخلى والأثاث(ديكور)، الطباعة والنشر والتغليف، النحت والتشكيل المعمارى والترميم، طباعة المنسوجات والصباغة والتجهيز، والتصوير الفوتوغرافى والسينما والتليفزيون.

... و اه صحيح ملحوظة صغيرة ان معظم الاقسام هي هي في الجامعات ديه مع اختلاف المُسمي زي من اعلان لجرافيك, وهكذا ...


»» شروط القبول بقي في الكليات ديه:

1-الكليات الخاصة بتقبل الطلاب الحاصلين على شهادات الثانوية العامة المصرية من شعبة علمي، أو ما يعادلها من الشهادات العربية أو العالمية المعترف بها من المجلس الأعلى للجامعات

2- بتقبل الطلاب الحاصلين على شهادات الثانوية الصناعية نظام الخمس سنوات طبقًا للوائح المعمول بها في الكليات، ماعدا كلية الفنون التطبيقية بجامعة 6 أكتوبر إذ تقبل الطلاب الحاصلين على ثانوية عامة شعبة علمي رياضة وعلوم، ونفس الكلام في قسمي الملابس الجاهزة، والتصميم الصناعي بكلية الفنون والتصميم في جامعة فاروس.

»» المصاريف بقي والتنسيق والكلام ده:

بيتم تحديد التنسيق من خلال مكتب التنسيق الإلكتروني لكل سنة و بيكون في Range من 60% ل 75%. وبيختلف كل سنة طبعا ع حسب ظروف الامتحان وعدد المتقدمين

نيجي للمصاريف 💸 تقريبا فى رنج 18 ألف جنيه ما عدا المعهد العالى بالفنون دا بيبدأ مصاريفه من 8000 مع تغيير صغير كدة كل سنة،

»»» والكلية ليها اختبار قدرات لازم تمتحنو تنجح فيه قبل نتيجة الثانوية ما تطلع...

مستقبل الكليات ممتازة وكفاية إنها عملية جدا وخصوصا قسم الديكور شغله حلو جدا ومجالاته كتير في التصميم والتنفيذ ويعتبر مجال هندسي واحسن كمان علشان قليل اللى شغالين فيه.
الناس اللى بتفكر تسافر الخليج ليهم فرص ممتازة جدا لان معندهمش كليات تصميم كتير أو بجودة كويسة, وبيعتمدوا في المقام الاول على مصريين.

الكلية مش طالبة موهبة خالص ولا لازم تكون بتعرف ترسم, المهم يكون عندك استعداد هتعرف تمشي فيها واحنا هنظبطلك الامتحانات م الاخر.


***اخر حاجة, بالنسبة لامتحان القدرات هتضمنه معانا من الرابط دة وفيه كل التفاصيل والنصايح قبل متقدم:

من هنا اضغط هنا لمعرفة نصائح ومعلومات امتحان القدرات 2018


آخر تعديل بواسطة bahaaeldeen ، 22-02-2018 الساعة 05:36 PM
رد مع اقتباس
إضافة رد

العلامات المرجعية

الكلمات الدلالية (Tags)
الكليات الخاصة فنون جميلة, ثانوية عامة, فنون تطبيقية, قدرات, كليات خاصة فنون

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


جميع الأوقات بتوقيت GMT +2. الساعة الآن 09:21 PM.