اهلا وسهلا بك فى بوابة الثانوية العامة ... سجل الان

العودة   بوابة الثانوية العامة المصرية > الجامعات المصرية > كليات المجموعة الرياضية > كلية الفنون الجميلة وكلية الفنون التطبيقية

إضافة رد
 
أدوات الموضوع انواع عرض الموضوع
  #1  
قديم 12-12-2016, 11:03 PM
bahaaeldeen bahaaeldeen غير متواجد حالياً
مشرف متميز قسم كلية الفنون الجميلة والتطبيقية
 
تاريخ التسجيل: Jun 2008
المشاركات: 1,126
معدل تقييم المستوى: 13
bahaaeldeen is on a distinguished road
Impp الفــــــرق بين فنون جميلة وفنون تطبيقية وتربية فنية


المميز بين التلات كليات

1- الثلاث كليات تبع جامعة حلوان لكن مكانهم بحى الزمالك عدا تطبيقية امام جامعة القاهرة
ودة بالنسبة للى هيمتحن القدرات بمحافظتى القاهرة او الجيزة لكن باقى الاقاليم تبع مكتب التنسيق وهنكتب كل التفاصيل قريب فتابعوا القسم بتاعنا هنا

2- الثلاثة مدة دراستهم خمس سنين

3- كلهم ليهم إمتحانات قدرات بيتسحب إستمارة التقديم في إمتحان القدرات من مكتب التنسيق بمواعيد هتنزل على صفحتنا حصريا فقط و تتقدم الإستمارة في الكلية و يتحدد ميعاد الإمتحان و يجب إجتياز امتحان القدرات لدخول الكلية والامتحان بيكون مرة واحدة بس لو ممتحنتش خلاص ف لازم تمتحن وتخلص منه اول باول ومتستناش مجموعك او التنسيق
وبالنسبة لكل مايخص امتحان القجرات والتقديم والفرق بين كل امتحان والتانى تابع اللينك للموضوع دة بالتفصيل الممل

اضغط هنا لمعرفة نظام امتحانات القدرات 2017


أولا: فنــــــــــــــــــــــــــــــــون جمــــــــــــــــــــــــــــيلة

* مفيش غير 6 كليات بس فنون جميلة في مصر اللي هم في جامعات حلوان – إسكندرية – الأقصر - المنيا - المنصورة - اسيوط
* الكلية بيدخلها علمي الشعبتين و أدبي

* الكلية 5 أقسام :
1- ديكور : بيدخلها علمي بس الشعبتين (ادبي فى اسكندرية فقط) ---, بيخرج مهندسين ديكور وبيتقسم لشعبتين عمارة داخلية أو ديكور سينيما و مسرح و تليفزيون
2- عمارة : علمي رياضة بس -----, زي قسم عمارة في هندسة بالضبط لكن بيتفوق عليه في الفري هاند .. يعني مهارات الطلبة اليدوية بتكون أحسن وبياخد مجموع اعلى من ديكور واقل من هندسة
3- تصوير : علمي و أدبي ----, تصوير زيتي و جداري (المقصود بتصوير الرسم مش التصوير الفوتغرافي)
4 : جرافيك : علمي و أدبي ------, إعلانات و كارتون و فن كتاب و التصميم عموما
5- نحت : علمي و أدبي ----, بجانب النحت خريجين القسم ده بيشتغلو في مصانع العربيات و الموبيلات في التصميم بتاع المنتج ومجالاته كتيرة ومتاحة جداااااااااااااا
( أقسام نحت و جرافيك و تصوير يندرجو تحت اسم واحد و هو قسم فنون بمعني اللي عايز يتخل حاجة في دول أول سنة اللي هي إسمها إعدادي بيكون إسمها فنون عام و بعدين بيتخصص في تاني سنة لأي قسم من التلاتة)
* قسم عمارة تابع لنقابة المهندسين
* قسم ديكور تابع لنقابة مهندسين الديكور
باقي الاقسام تبع نقابة الفنانين التشكيليين.

------------------------------------------------------------------------------------

ثانيا: تـــــــــربيــــــــــــة فنــــــــيــــــــــــة

* برضو في الزمالك شارع إسماعيل محمد .. هي بالضبط النحاية التانية قدام فنون جميلة بالزمالك
* اقسام ومجالات الكلية
طباعه..نحت..خزف..نجاره..اشغال يدويه(فن شعبي) ..تصميم..تصوير
مفيش اقسام للكليه غير في سنه 3 و بيبقوا تثقيفى و تربوى
قسم التثقيف بالفن بندرس فيها فلسفه فن و نقد و تذوق فنون .. اما التربوى علم نفس اكتر.
- مفيش فرق بين ادبى و علمى فالكليه
- تثقيفى بيبقوا ليهم الاحقيه يشتغلوا فقصور الثقافه زى المتاحف و دار الاوبرا و هكذا.
- تربوى ليهم الاحقيه يشتغلوا مدرسين رسم (دراسة مواد تربوية)
- طباعه تصوير تصميم نسيج اشغال نحت خزف دى المواد العملى
- المواد النظرى بقى تاريخ تربيه فنيه - عربى - English - تشريح - فنون حضارات
- مش لازم حد يدخل قسم معين عشان يشتغل فى الحاجات اللى قلناها
و ممكن حد يبقى معمارى او مصمم ديكور بس ياخد كورسات فى الديزاين والكومبيوتر
علما بأن النقد و التذوق الفني و علوم التربيه الفنيه دي مواد نظري.
و اهم حاجه ان الاقسام دي بتدرس كلها اجباري مش اختياري زي فنون جميله او تطبيقيه

------------------------------------------------------------------------------------

ثالثا: فــــــــــنــــــــــــــون تطــــــبيـــــقـــــــية

* الكلية بتاخد من علمي بس
* في منها 3 كليات بس في مصر (حلوان ودمياط وبنها)
* الكلية 14 قسم
* تبع نقابة المصممين او مصممي الفنون التطبيقية و فيها قسمين تبع نقابة المهندسين ( نسيج و طباعة المنسوجات)

* الأقسام :
• الإعلان.
• الطباعة والنشر والتغليف.
• الأثاثات والإنشاءات المعدنية والحديدية.
• التصميم الداخلى والأثاث.
• التصميم الصناعى.
• الخزف.
• الزجاج.
• الزخرفة.
• الغزل والنسيج والتريكو.
• الملابس الجاهزة.
• المنتجات المعدنية والحلى.
• النحت والتشكيل المعمارى والترميم.
• طباعة المنسوجات والصباغة والتجهيز.
• الفوتغرافيا والسينما والتليفزيون.

ملحوظات هامة:
* الكلية مجالتها كتيرة جدا و كلها مطلوبة في سوق العمل ولاحظ ان عدد الخريجين ميكملش الف فى التلات كليات كل سنة وبيتخطفوا فى الشغل بمجرد التخرج لان مجال الدراسة عملى جدا ودة المستقبل المطلوب فى مصر لان التعليم فى مصر اغلبه نظرى والنظرى بيعانى من مشاكل جذرية زى الثانوية العامة واكتر.
* لازم تمتحن القدرات وتكون ناجح فيها بجنب انك جايب مجموع الكلية واياك تستنى مجموعك لان الامتحانات بتبقى مرة واحدة بس ومفيش فرص تانية انك تعيد الامتحان ف انت امتحن وسيبها على ربنا واكتبها فى الرغبات
* الامتحانات بتبقى بعد اول ماتخلص ثانوية عامة وهنعلن عنها على المنتدى, اما بالنسبة للوافدين والشهادات المعادلة مواعيد امتحان القدرات فى شهر 8 بعد طلبة الثانوية بفترة كافية, وبالنسبة للدبلومات الفنية امتحانهم بعد الوافدين والمعادلة بمواعيد خاصة
* امتحان القدرات مفيهوش وسايط ولا تفضيل ولا محسوبية وبيكون عادل جدا
* كل اللى عليك تركز فى امتحانات الثانوية العامة وتتابع المنتدى واول ماتخلص امتحانات هنكون منزلين كل المواعيد والاجراءات متقلقش
اللى محتاج حاجة الاكونت بتاعى على الفسبوك فى بياناتى تحت امركم فى اى وقت

رد مع اقتباس
إضافة رد

العلامات المرجعية

الكلمات الدلالية (Tags)
منظور, امتحان القدرات, الفرق, تنسيق, تنسيق 2017, جرافيك, رسم, رسم.فن .كراس .رصاص, فنون, فنون اسكندرية, فنون تطبيقية, فنون جميلة, هندسة, قدرات

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


جميع الأوقات بتوقيت GMT +2. الساعة الآن 06:52 AM.