اهلا وسهلا بك فى بوابة الثانوية العامة ... سجل الان

العودة   بوابة الثانوية العامة المصرية > الجامعات المصرية > كليات المجموعة الرياضية > كليه الحاسبات والمعلومات

كليه الحاسبات والمعلومات كليات الحاسبات ونظم المعلومات

إضافة رد
 
أدوات الموضوع انواع عرض الموضوع
  #1  
قديم 01-09-2008, 10:15 AM
الصورة الرمزية msamido
msamido msamido غير متواجد حالياً
عضو متألق
 
تاريخ التسجيل: Jul 2005
المشاركات: 2,705
معدل تقييم المستوى: 0
msamido is an unknown quantity at this point
افتراضي مقدمة برمجة


بسم الله الرحمن الرحيم
فى البداية يا جماعة عايز نتفق على شوية اساسيات وعندى سؤال ياريت كل واحد يجاوبنى عليه فى البداية :
إنت(ى) ليه دخلت(ى) حاسبات ؟؟

ومش عايز حد يقولى علشان بحب الكومبيوتر كلنا بنحب الكومبيوتر حتى طلبة الحقوق بيحبوا الكومبيوتر اوك ؟

نبدأ بقى
أولا يعنى إيه برمجة "programming " ؟

كلمة برمجة من معناها الحرفى يعنى بيعمل برامج طيب يعنى ايه بيعمل برامج ويعنى ايه برنامج ؟
البرنامج هو وسيط بين الآلة وبين الإنسان يعنى البرنامج بيكون ليه وظائف اساسية مطلوب من الكومبيوتر ينفذها والإنسان مينفعش يطلبها من الكومبيوتر كده من نفسه مثال بسيط خالص وكلنا بنستخدمه _ الآلة الحاسبة _ هى برنامج بسيط وظيفته الأساسية القيام ببعض العمليات الحسابية فهى تقوم بدور الوسيط بين الحاسب والإنسان للقيام بالعمليات الحسابية " ينفع تيجى كده وانت على الـ desktop مثلا وتروح عامل 5 * 6 وتضغط انتر وتستني النتيجة ؟؟ " خليك مستنى بقى
هو ده البرنامج والبرمجة بقى هى صنع هذه البرامج " كلام حلو لغاية دلوقتى ؟"
نيجى للموضوع علميا شوية
علمياً البرمجة هى وسيط بين لغة الكومبيوتر ولغة الإنسان
لغة الكومبيوتر ؟؟
يا ترى الكومبيوتر بيتكلم بأى لغة بالظبط ؟؟
الكومبيوتر لغتة هى لغة (0 و 1 ) بس هى دى كل الأبجدية بتاعته مش بيفهم غير زيرو وواحد وتسمى binary
مثال بسيط على لغة الكومبيوتر :
0 بلغة الكومبيوتر هى زيرو بلغة الإنسان
1 بلغة الكومبيوتر هى واحد بلغة الإنسان
10 بلغة الكومبيوتر هى اتنين بلغة الإنسان
11 هى ثلاثة بلغة الإنسان
100 بلغة الكومبيوتر هى أربعة بلغة الإنسان

1000 بلغة الكومبيوتر هى ثمانية بلغة الإنسان

حد خد باله من أى حاجه ؟؟
مش مهم

المهم إن دى لغة الكومبيوتر والإنسان علشان يتعامل معاه مفيش حل غير إن حد فيهم يفهم لغة التانى ؟
وطبعا الكومبيوتر قال اشمعنه انا اللى اتعلم لغة الإنسان والإنسان قال اشمعنه أنا اللى أتعلم لغة الكومبيوتر وفى النهاية جابوا حل وسط وهو لغات البرمجة
لغات البرمجة هى لغات وسيطة ليس إنجليزية عادية وبالتأكيد مش زيرو وواحد
هى دى بقى اللى بتقوم بدور الوسيط بين المبرمج والكومبيوتر ومن خلالها يتم تصنيع البرامج
هنختم موضوعنا بقى المرة دى بأشهر أنواع لغات البرمجة
أشهر أنواع لغات البرمجة هى :
(c) وتسمى لغة السى بكل فصايلها بقى من (سى "c" و سى بلس بلس "++c" وفيجول سى "Visual c" وأهمها على الإطلاق فى المرحلة الحالية السى شارب "#c" ) ولغة البرمجة دى بتتبع شركة مايكروسوفت فهى من تتولى تطوير البيئات المختلفة فى استخدامها زى ايه البيئات دى" كلمة البيئات ترجمة حرفية لـenvironment"
زى مثلا Visual Studio. Net ودى حاجه هنتكلم عنها باستفاضة بعدين
(Java) لغة الجافا
وهى لغة برمجة أخرى تتبع شركة SUN
أهم ثالث لغة برمجة هى الفيجوال بيسك "visual basic" ومنها أيضا فيجوال بيسك دوت نت "vb.net"
طبعا مش هى دى بس كل لغات البرمجة لكن اشهرها واكثرها استخداما فى الأسواق
ايه بقى يا عمنا الفرق بين اللغات دى
أهم حاجه لازم نفهمها إن أساسيات البرمجة واحدة بغض النظر عن اللغة المستخدمة فى البرمجة لكن الأساس واحد والفكر واحد لكن تطبيق الفكر بيختلف من لغة لغة والإختلاف بيكون فى أبجدية اللغة أو بلغتها الصحيحة اسمها syntax الفرق بيكون فى الـ syntax
طبعا لسه مش واضحة النقطة دى لكن هتوضح اكتر لما نبدأ برمجة إن شاء الله

فى النهاية عايز أقول إنى مدرس فاشل جدا وأنا اصلا قاعد برتجل الموضوع ده كده ومش ماشى بنظام فى الكورس ده المهم أكون وصلت أى حاجه واللى عايز أي سؤال يسأل إن شاء الله أجاوب ؟

شكرااااااااااا
.
.

__________________
رد مع اقتباس
  #2  
قديم 01-09-2008, 11:10 AM
الصورة الرمزية واحـد من النــاس
واحـد من النــاس واحـد من النــاس غير متواجد حالياً
عضو قدوة
 
تاريخ التسجيل: May 2007
المشاركات: 521
معدل تقييم المستوى: 0
واحـد من النــاس is an unknown quantity at this point
افتراضي

اقتباس:
إنت ليه دخلت حاسبات ؟؟
عشان باحب الكمبيوتر

بص هو انا اصلا ما كنتش حاططها في دماغي لأني ما كنتش اعرف نظامها كنت فاكر لو دخلتها هابقى مهندس كمبيوتر مش مبرمج

المهم انا اصلا كنت هادخل آداب على قد مجموعي وكنت متفائل بيها بس لما قعدوا يقولولي ادخل هندسة خاصة قلت ما دام كده كده خاص يبقى اقعد على مكتب بلا هندسة بلا وجع دماغ

وبردو لما عرفت معلومات عن الكلية واهتماماتها حبيتها لأني زي مابيقولوا كده ــ هما مين معرفش ــ باحب ابقى ورا الكاميرا ( فين التشابه معرفش ) ما علينا انا قصدي مثلا بدل ما العب اللعبة اخترعها


وبجد انت شرحك تمام اوي

جزاك الله خيرا


آخر تعديل بواسطة واحـد من النــاس ، 01-09-2008 الساعة 11:20 AM
رد مع اقتباس
  #3  
قديم 01-09-2008, 11:21 AM
الصورة الرمزية msamido
msamido msamido غير متواجد حالياً
عضو متألق
 
تاريخ التسجيل: Jul 2005
المشاركات: 2,705
معدل تقييم المستوى: 0
msamido is an unknown quantity at this point
افتراضي

اتمنى أكون وصلت معلومة
وياريت تقولى استفدت ولا لأ ولو ليك اسئلة عن الموضوع يااريت
__________________
رد مع اقتباس
  #4  
قديم 01-09-2008, 01:00 PM
الصورة الرمزية Tawfeek Yahia
Tawfeek Yahia Tawfeek Yahia غير متواجد حالياً
طالب جامعى( حاسبات ومعلومات المنصورة )
 
تاريخ التسجيل: Mar 2007
المشاركات: 193
معدل تقييم المستوى: 0
Tawfeek Yahia is an unknown quantity at this point
افتراضي

الاول انا دخلت حاسبات لاني شايف ان المستقبل ليها كله دا طبعا غير اني بموت في حاجه اسمها كمبيوتر وانترنت وابتكار وعندي في عائلتي نماذج مشرفه اووووي معاهم حاسبات ومعلومات ودلوقتي هما اكبر من 30 سنه ومكانهم عااالي جدااا والحمد لله وانا باخدهم نماذج ليا

وشكرااا علي المعلومات دي ..وانت كدا اكدت لي ان معلوماتي صح والحمد لله ...
__________________
Tawfeek Yahia Mohammed
Faculty of Computer & Information Science
Mansoura University
رد مع اقتباس
  #5  
قديم 01-09-2008, 05:17 PM
الصورة الرمزية LA STELLA
LA STELLA LA STELLA غير متواجد حالياً
عضو قدوة
 
تاريخ التسجيل: Apr 2006
المشاركات: 3,038
معدل تقييم المستوى: 0
LA STELLA is an unknown quantity at this point
افتراضي

اقتباس:
فى البداية يا جماعة عايز نتفق على شوية اساسيات وعندى سؤال ياريت كل واحد يجاوبنى عليه فى البداية :
إنت(ى) ليه دخلت(ى) حاسبات ؟؟
نجاوب الاول السؤال دا قبل ما نكمل الموضوع ،،

انا حدوتة طويلة شوية

بس الحدوتة دى كانت قبل اما اكتب الرغبات اصلا
لانى فى الاخر كتبت فى الرغبات الرغبة الاولى حاسبات عين شمس والحمدلله جت لى و مكنتش هكتب هندسة بس كتبتها عشان البيت بقى وكدة بس رغبة 17 او 18 تقريبا

طب هما 11 حاسبات فى مصر ،، ايه بقى اللى اتكتب بين حاسبات وهندسة ؟؟؟
اللى اتكتب فى النص
كان بكل بساطة
تخطيط عمرانى وفنون تطبيقية وتربية نوعية
خصوصا التخطيط العمرانى والفنون التطبيقية
حاجة فيها ديزاين بصفة عامة
وهو دا الشىء اللى بحبه

من زمان وانا صغيرة كنت بقول عاوزة ادخل كلية الفنون والاداب
" كلية من اختراع خيالاتى الطفولية ايامها "

كبرت شوية
وبقيت فى اعدادى
وعرفت الكليات ،، ورسيت وقررت وحطيت هدفى و لم يتغير
واختارت
وكان اختيارى هو : فنون تطبيقية
وفضلت بحلم بيها وبسعى لها لحد قبل التنسيق !
لانى بكل بساطة رحتها
وخدت الكورس بتاعها وامتحنت القدرات بتاعتها فى الكلية ونجحت والحمدلله
بس مشوارها صعب جدا
هتقولوا لى مش حجة اللى بيحب حاجة يروح لها لو فى اخر الدنيا
ماشى ، بس لازم نكون واقعيين ، انا صحتى بعد كدة هتبقى فين ؟ هل ساعتها مع الوقت هيبقى عندى المقدرة انى ادى الحاجة اللى بحبها دى ؟؟ لاء طبعا
مشوار ساعتين ونص ، خرافة ! واسمى فى نفس المحافظة ، وناس بتيجى من محافظات تانية بتيجى فى اقل منى بكتير معرفش ازاى
وكان بيتهد حيلى فيه بصراحة
غير انى لقيتنظرة عدم رضا مع الوقت فى البيت
يا سلااااااااام ، هدخل كلية هتهد حيلى وتموتنى وكمان اهلى مش راضيين عنى بنسبة 100% !!!!!!!
قلت طب ليه ما اعيدش حساباتى
وافتكرت قول ربنا سبحانه وتعالى : (( وعسى ان تحبوا شيئا وهو شر لكم ))
طبعا مامتى جت كلمتنى
فنون ايه وخمس سنين ايه - بعد اما كانت سايبة لنا حرية الاختيار تماما فى موضوع الكليات دا وبيتنا بيرفض موضوع كليات القمة - واتكلمنا بهدوء
وحسبناها
وخصوصا المواصلات عندنا مش حلوة خالص
واقنعتنى بحاسبات
وببص لقيت انا خويا نفسه يدخل حاسبات كمان
بس مشكلتى ان انا مكنتش اعرف عنها حاجة
دورت وبحثت
حبيتها مع الوقت ، يمكن مش اد فنون تطبيقية
بس تقبلتها
ومع مرور الوقت اقتنعت بيها جدا جدا
بس مكنتش متصورة ان مجموعى يجيبها
لان بعد امتحانات السنة دى قلت انا خلاص فى اداب وضاعت فنون تطبيقية
جينا لكتابة الرغبات
وكتبتها زى ما سبق وقلت
ودعيت ربنا يكرمنى باللى فيه الخير ليا لانه هو وحده اعلم الخير فين
بس مش كان ع بالى تيجى رغبة اولى رقم واحد كدة اصلا
يمكن لما بشوف نتيجة التنسيق
ولقيت رغبة اولى هى اللى جت لى
ساعتها اتأكدت وقلت فعلا ، جايز الخير مش كان فى فنون تطبيقية خالص
وربنا رايد لى خير فى مكان تانى
،،

غير انى يعنى بموت فى الفيزياء والرياضة
بالمناسبة مش بطيق الكيمياء ،، اللى اعرفه ان حاسبات مفهاش كيمياء صح ؟؟
ولو كدة ( يبقى فعلا حاسبات هتبقى انسب لى من فنون )

طبعا انا ردى طويل جدا وبعتذر عليه
وبشكر حضرتك ع الموضوع ولى عودة تانية ان شاء الله لما اكمل الموضوع ،،
بس السؤال استوقفنى

رد مع اقتباس
  #6  
قديم 01-09-2008, 05:36 PM
الصورة الرمزية LA STELLA
LA STELLA LA STELLA غير متواجد حالياً
عضو قدوة
 
تاريخ التسجيل: Apr 2006
المشاركات: 3,038
معدل تقييم المستوى: 0
LA STELLA is an unknown quantity at this point
افتراضي

اقتباس:
مثال بسيط على لغة الكومبيوتر :
0 بلغة الكومبيوتر هى زيرو بلغة الإنسان
1 بلغة الكومبيوتر هى واحد بلغة الإنسان
10 بلغة الكومبيوتر هى اتنين بلغة الإنسان
11 هى ثلاثة بلغة الإنسان
100 بلغة الكومبيوتر هى أربعة بلغة الإنسان

1000 بلغة الكومبيوتر هى ثمانية بلغة الإنسان

حد خد باله من أى حاجه ؟؟
مش مهم
لا فاهمين ،، الفيزياء الباب الخامس الفصل ال15
1001 بلغة الكمبيوتر هى 9 بلغة الانسان
101 بلغة الكمبيوتر هى 5 بلغة الانسان ،، وهكذا
والتحويل من النظام العشرى للثنائى والعكس ،، كانت لعبة حلوة بنحب نلعبها
binary
Decimal
اقتباس:
وتسمى binary
يعنى النظام الثنائى
---

اقتباس:
طبعا لسه مش واضحة النقطة دى لكن هتوضح اكتر لما نبدأ برمجة إن شاء الله
واحنا فى الانتظار ان شاء الله عشان نفهم اكتر
وحلو اوى المود اللى بدأنا ندخل فيه
------


اقتباس:
لغات البرمجة هى لغات وسيطة ليس إنجليزية عادية وبالتأكيد مش زيرو وواحد
هى دى بقى اللى بتقوم بدور الوسيط بين المبرمج والكومبيوتر ومن خلالها يتم تصنيع البرامج
نقدر نقول تقوم بدور الوسيط
يعنى بفرض ان الكمبيوتر والانسان دول شخصين
بيتكلموا لغتين مختلفتين ( وهما فعلا لكل واحد لغته الخاصة بيه )
فلغات البرمجة بتقوم هنا بدور المترجم او ال translator
اللى هو اصلا بيبقى بردو قايم بدور الوسيط عشان يسهل التعامل بين الطرفين

============
ياترى انا فاهمة صح ؟

مستنين حضرتك وجزاك الله كل خير عنا
وكل سنة وانتم طيبين
رد مع اقتباس
  #7  
قديم 01-09-2008, 06:07 PM
الصورة الرمزية msamido
msamido msamido غير متواجد حالياً
عضو متألق
 
تاريخ التسجيل: Jul 2005
المشاركات: 2,705
معدل تقييم المستوى: 0
msamido is an unknown quantity at this point
افتراضي

اقتباس:
المشاركة الأصلية كتبت بواسطة hkk-happy مشاهدة المشاركة
لا فاهمين ،، الفيزياء الباب الخامس الفصل ال15
1001 بلغة الكمبيوتر هى 9 بلغة الانسان
101 بلغة الكمبيوتر هى 5 بلغة الانسان ،، وهكذا
والتحويل من النظام العشرى للثنائى والعكس ،، كانت لعبة حلوة بنحب نلعبها
Binary
decimal

يعنى النظام الثنائى
---

جميل أوى كده تمام

واحنا فى الانتظار ان شاء الله عشان نفهم اكتر
وحلو اوى المود اللى بدأنا ندخل فيه
------

إن شاء الله أنا بس حابب احطكم فى المود ده لانكم مش هتلاقوه أول ما تدخلوا الكلية هتبقوا بعيد شوية عنه علشان محدش يصاب بالإحباط بس فى البداية فده يعتبر تمهيد لمود برمجة إن شاء الله


نقدر نقول تقوم بدور الوسيط
يعنى بفرض ان الكمبيوتر والانسان دول شخصين
بيتكلموا لغتين مختلفتين ( وهما فعلا لكل واحد لغته الخاصة بيه )
فلغات البرمجة بتقوم هنا بدور المترجم او ال translator
اللى هو اصلا بيبقى بردو قايم بدور الوسيط عشان يسهل التعامل بين الطرفين

============
ياترى انا فاهمة صح ؟

بالظبط الله ينور عليكى يا حابى

مستنين حضرتك وجزاك الله كل خير عنا
وكل سنة وانتم طيبين

جزانا الله واياكم كل الخير واتمنى
اكون وصلت معلومات وإن شاء الله ربنا يقدرنى واكمل معاكم

اقتباس:
المشاركة الأصلية كتبت بواسطة hkk-happy مشاهدة المشاركة
نجاوب الاول السؤال دا قبل ما نكمل الموضوع ،،

انا حدوتة طويلة شوية


طويلة شويتين بس طبعا براحتك احكى زى ما انتى عايزه
والحمد لله دايما بيختارلنا الأفضل
وبالتوفيق ان شاء الله فى حاسبات ومعلومات

اقتباس:
المشاركة الأصلية كتبت بواسطة tefa-dream مشاهدة المشاركة
الاول انا دخلت حاسبات لاني شايف ان المستقبل ليها كله دا طبعا غير اني بموت في حاجه اسمها كمبيوتر وانترنت وابتكار وعندي في عائلتي نماذج مشرفه اووووي معاهم حاسبات ومعلومات ودلوقتي هما اكبر من 30 سنه ومكانهم عااالي جدااا والحمد لله وانا باخدهم نماذج ليا

وشكرااا علي المعلومات دي ..وانت كدا اكدت لي ان معلوماتي صح والحمد لله ...
كويس جدا ربنا يكرمك ان شاء الله وتكون قدوة انت كمان زى نماذج عائلتك
والعفو وان شاء الله تكون فى معلومات جديدة فى الموضوعات القادمة ان شاء الله
.
.
__________________
رد مع اقتباس
  #8  
قديم 24-03-2009, 03:27 PM
badnamef4 badnamef4 غير متواجد حالياً
طالب بالمرحلة الثانوية
 
تاريخ التسجيل: Jun 2008
المشاركات: 320
معدل تقييم المستوى: 12
badnamef4 is on a distinguished road
افتراضي

بسم الله الرحمن الرحيم
السلام عليكم و رحمة الله و بركاته
أطلب إذن نقل هذا الموضوع و إن كان له تكملة مع بعض التصرف(زي مثلاً: حرف ناقص،الناس اللي أنا بكلمهم مش بتوع حاسبات عشان كده مش أسأل السؤال الأولاني)
و بالطبع إن شاء الله سأذكر مكان نقل الموضوع.
السلام عليكم و رحمة لله و بركاته.
رد مع اقتباس
  #9  
قديم 25-08-2009, 05:58 PM
محمد سليمان 2010 محمد سليمان 2010 غير متواجد حالياً
عضو جديد
 
تاريخ التسجيل: Aug 2009
المشاركات: 32
معدل تقييم المستوى: 0
محمد سليمان 2010 is on a distinguished road
افتراضي

إنت ليه دخلت حاسبات ؟؟

علشان ملحقتش هندسة الزقازيق بس جاتلي هندسة منوف

و مكنش ينفع اسافر
رد مع اقتباس
  #10  
قديم 16-10-2009, 09:31 PM
20000 20000 غير متواجد حالياً
عضو جديد
 
تاريخ التسجيل: Oct 2009
المشاركات: 7
معدل تقييم المستوى: 0
20000 is on a distinguished road
افتراضي

اولا انا دخلت علشان المجموع بس بعد كده اقتنعت بيها وحبتها لكن ممكن طلب بس وهو ان محضرات بتنزل على النت حد يقدر يجمعها لنا في موقع واحد لو مفيش تعب
رد مع اقتباس
  #11  
قديم 09-11-2009, 05:26 PM
drop water drop water غير متواجد حالياً
عضو جديد
 
تاريخ التسجيل: Mar 2009
المشاركات: 32
معدل تقييم المستوى: 0
drop water is on a distinguished road
افتراضي

انا دخلتها لان هندسة راحت منى بس لما دخلت وشوفتها وشوفت المناهج والدكاترة والمهندسين حبيتها وحبيت انى اكون زيهم
ادعولى بقى
رد مع اقتباس
  #12  
قديم 23-12-2009, 02:06 PM
asmaa samraa
ضيف
 
المشاركات: n/a
Red face elmenofiya

l انا ف حاسبات حلوان لو حد معايا يرد ضرورى
رد مع اقتباس
  #13  
قديم 13-10-2010, 07:33 PM
ABDSSH80 ABDSSH80 غير متواجد حالياً
عضو جديد
 
تاريخ التسجيل: Nov 2009
المشاركات: 18
معدل تقييم المستوى: 0
ABDSSH80 is on a distinguished road
افتراضي

جزاك الله خير
رد مع اقتباس
  #14  
قديم 30-10-2010, 01:12 AM
eng_klose eng_klose غير متواجد حالياً
عضو جديد
 
تاريخ التسجيل: Sep 2010
المشاركات: 3
معدل تقييم المستوى: 0
eng_klose is on a distinguished road
افتراضي

لآنها كلية جميلة ويوجد فيها فرص للابداع
رد مع اقتباس
  #15  
قديم 07-03-2011, 10:59 AM
الصورة الرمزية محمد خليفة 6
محمد خليفة 6 محمد خليفة 6 غير متواجد حالياً
عضو خبير
 
تاريخ التسجيل: Aug 2008
المشاركات: 661
معدل تقييم المستوى: 12
محمد خليفة 6 is on a distinguished road
افتراضي

شمعنا يعنى بتوع كلية حقوق هما بس اللى بيحبوا الكمبيوتر

وعلى العموم انا بحب الكمبيوتر اوى من زمان وانت مغلطتش

انا كان حلم حياتى انى ادخل حاسبات بس اهو نصيب بقى مش

زعلان لانى انا حابب الحاجة دى وبطور نفسى بنفسى فيها دايما

وعايز احقق الحلم اللى محققتهوش فى الدراسة انى احققة فى

شغلى ان شاء الله انا الحمد لله بشتغل فى التصميمات دلوقتى

وقررت انى اتعلم برمجة وشبكات sisco وان شاء الله هدخل امتحانها

لانى بحب الحاجة دى اوى ونفسى اكون متميز فيها واخدم بلدى

انتوا بجد فى كلية جميلة اوى واتمنالكوا التوفيق

فيها وجميل جداً شرحك ومبسط اتمنى لك ولكل الاصدقاء هنا

مستقبل مشرق ومشرف باذن الله
__________________
ليست مشكلتي أن لم يفهم البعض مااعنية وليست مشكلتي ان لم تصل الفكرة لاصحابها فهذه قناعاتي ....وهذه أفكاري.. .وهذه كتاباتي ... بين ايديكم اكتب مااشعر بة ....واقول ما انا مؤمن بة وليس بالضرورة مااكتبة يعكس .....حياتي الشخصية هي في النهاية ....مجرد رؤية لافكاري من خلال شاشة زجاجية تخاطب من يمتلك عقلا ووعيا كافيا ....

آخر تعديل بواسطة محمد خليفة 6 ، 07-03-2011 الساعة 11:05 AM
رد مع اقتباس
إضافة رد

العلامات المرجعية

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


جميع الأوقات بتوقيت GMT +2. الساعة الآن 08:29 AM.