اهلا وسهلا بك فى بوابة الثانوية العامة ... سجل الان

العودة   بوابة الثانوية العامة المصرية > الجامعات المصرية > المجموعة العلمية > كلية طب اسنان

إضافة رد
 
أدوات الموضوع انواع عرض الموضوع
  #1  
قديم 04-09-2012, 10:18 PM
الصورة الرمزية طالبة حالمة
طالبة حالمة طالبة حالمة غير متواجد حالياً
عضو مجتهد
 
تاريخ التسجيل: Aug 2010
المشاركات: 150
معدل تقييم المستوى: 10
طالبة حالمة is on a distinguished road
افتراضي مواد طب أسنان المنصورة


السلام عليكم ورحمة الله وربركاته


ان دراسة طب الاسنان تقوم في فترة خمس سنوات ثم تاتي بعد ذلك السنة السادسة سنة الامتياز
لا يوجد في كلية الاسنان في مصر شئ اسمه ترم الامتحانات تكون نهاية العام الدراسي فقط وهي عملي ثم نظري و شفوي

ولكن طوال العام الدراسي يوجد امتحانات اعمال السنة كل فترة و فترة من أجل المذاكرة بإستمرار
اسنان كليه جميله ولذيذه بس صعبه ف دراستها ومحتاجه مجهود ومزاكرة من اول يوم وباستمرار
************************
نتكلم عن السنة الاولى السنة الاعدادي بالتفصيل لانها تهم الجميع
دي عباره عن ثانويه عامه بس بالانجلش ودي تعتبر سنه تمهيدي ملهاش اي علاقه بالكليه ودراسة الاسنان
دي بتاخدها كلها في كليه علوم وده لانك بتدرس مواد من علوم وملهاش اي علاقه باسنان

1
الحيوان او zoology
بينقسم لست فروع وهما

1- فسيولوجي وده زي احياء ثانوي بالظبط بس بالانجلش
2- سيتولوجي وهستولوجي وده فرع بسيط ف السيتولوجي عباره عن دراسه مكونات الخليه ووظائفها ولو انت واخد مستوي رفيع احياء ف الثانويه فده هيساعدك كتير بس هي بسيطه
والهستولوجي بسيط برده بس محتاج شويه حفظ وهو عباره عن دراسه الانسجه اللي ف الجسم معرفه اماكنها ووظيفتها

3- امبريولوجي وده علم الاجنه برده من الحاجات اللي اخدتها ف ثانوي مع اضافات بسيطه بس
4 - كورداتا او الحبليات ودي من اسمها بتدرس الحبليات وتطورها بدايه من ابسط حيوان حبلي اولي اسمه الامفيوكسس الي الانسان
5- بارا parasitology ودي بتدرس دورات حياه الطفليات زي الاسكارس والانكلستوما وسهله اوي
6- اورال كافيتي oral cavity (تجويف الفم) ودي لذيذه برده بتدرس فيها مكونات الفم ووظائفها زي الاسنان واللسان واللثه كده يعني

ده بالنسبه للحيوان كان عليه 100 درجه النظري عليه 50 والعملي 20الشفوي 15 واعمال السنه او الميد تيرم 15
وف العملي بتاعه بيبقي فيه تشريح
ف التيرم الاول كان فيه تشريح الضفدعه ...والباقي بتاخد شرايح لانسجه بتمتحن عليها بانك تتعرف ع الشريحه اللي قدامك
اما التيرم التاني فبنشرح سمكه البلطي والسحليه والارنب والحمامه وبرده فيه شرايح

ودي ماده بسيطه وسهله والكل بيجيب فيها تقديرات كويسه

2
الكمياء

بتنقسم لكيمياء عضويه organic
هي تقيله شويه ومحتاجه مزاكره باستمرار
وكيمياء فيزيائيه وبرده فيها كتير من ثانوي
وكيمياء تحليليه برده كلها من ثانوي مع شويه اضافات بسيطه

الكيمياء برده عليها 100 درجه بنفس التوزيعه اللي فاتت
عملي الكيمياء عباره عن تجارب بتعملها ف المعمل تفاعلات كيميائيه يعني
وفي الامتحان بيجيبلك ماده والمطلوب منك انك تتعرف عليها وبيبقي امتحانها سهل اوي ومضمون
وفيه ف التحليليه بتشتغل تجارب بالسحاحه اسمها المعايرة برده سهله اوي


3
الفيزياء و الاحصاء

الاحصاء كلها من تالته ثانوي هي سهله بس مشكلتها انك هتاخد وقت عما تفهمها بالنجلش
الفيزياء فيها فروع كتير زي الضوء والكهربيه والحراره و الكهربيه وفيزيا حديثه
وفيها فرع اسمه dental materials او مواد اسنان
دي بتاخد فيها اسماء المواد المستخدمه ف الحشو ومميزاتها وعيوبها
وفرع اسمه bioactive material ده خاص بشرايح العظم وده سهل اوي عباره عن فكره مبدئيه عن تكوين الشريحه ونسبه مكوناتها كده يعني

الفيزياء بتنضاف مع الاحصا وعليهم 150 درجه 70تحريري و30 عملي و25 شفوي و25 اعمال سنه
عملي الفيزياء عباره عن تجارب ف المعمل بتشتغلها بنفسك وتطلع نتايجها و ف الامتحان مش مطلوب منك غير انك تحفظ نظريه التجربه وطريقه العمل وانك تكتبله نتايجها ولو فيه رسم بياني بترسمه
والتجارب معظمها من ثانوي زي ارخميدس والمنشور واللزوجه

وطبعا الاحصاء ملهاش عملي

4
النبات والوراثه

1فسيولوجي بتدرس مكونات الخليه النباتيه ووظائفها وده سهل اوي معظمه من معلوماتك اللي من قبل كده
2- الميكروبيولوجي وده تقيل شويه وعايز حفظ وتركيز جامد
وده بتدرس فيه الكائنات الدقيقه بدايه من اصغرها وهو الفيروس
الي اكبرالممالك وهي الاشونات
وفيه بتدرس المملكه و خصائصها العامه وامثله عليها

3 - الوراثه وهي زي ثانوي بس متوسعه عنها بشويه وعايزة فهم وتفكير
هي عليها 80 درجه
30 نظري و20 عملي و15 شفوي و15 اعمال سنه

العملي فيها عباره عن تجارب ف الفسيولوجي بتكتب المشاهده والتعليق وبيبقي من فهمك للتجربه
اما الميكرو عباره عن شرايح بتتعرف عليها وبترسم الشريحه وبيبقي فيه اسئله عليها
اما الوراثه فالعملي بتاعها عباره عن مسائل

كتير كانو بيشتكو من النبات وكتير شالوه بس رأي الدكتورة الاء انه كان سهل ولذيذ
وبالمزاكرة الكتير والتركيز هتجيب فيه تقدير وهتحبه


5
الماده الخامسه بقي وهي اللغه
عليها 80 درجه وطبعا ملهاش عملي او شفوي
كل اللي عليك انك تجاوب كويس اخر السنه


اعدادي دي سنه سهله جدا وطبعا بالمزاكره كل شئ بيبقي سهل
وربنا يوفق الجميع


*****************

اما بقي بالنسبه للسنين ال4 اللي بعد كده
الفرقة الاولى :
موادها عباره عن اربع مواد من بشري وهما
1 التشريح
2- هستولوجي عام
3- فسيولوجي عام
4- كيمياء حيوية
وتلت مواد اسنان:
5- المواد الحيويه لطب الاسنان
6- التشريح الوصفي للاسنان
7- هستولوجيا الفم


اما الفرقه التانيه فيها
1- تكنولوجيا الاستعاضه الصناعيه
2- تكنولوجيا العلاج التحفظي
3- تكنولوجيا التيجان والجسور
4- الباثولوجيا العامه
5- علم الادويه
6- الميكروبيولوجيا والمناعه الطبيعيه
7- ماده غير اساسيه وهي اسمها حقوق انسان


اما الفرقة التالته بتنزل فيهاعيادات الجامعه علشان تتدرب
بتاخد فيها
1- التشخيص
- الاشعه
- الامراض الباطنه العامه

2- الجلديه والتناسليه
الجراحه العامه

3- انف واذن وحنجره
طب وجراحه العيون

4- الاستعاضه الصناعيه
5- العلاج التحفظي
6- التيجان والجسور
7- علاج الجذور
8- جراحه الفم والتخدير الموضعي
9- طب اسنان اطفال
10- صحه الفم وطب اسنان وقائي
11- تقويم الاسنان
12- باثولوجيا الفم


الفرقة الرابعه والاخيره
1- الاستعاضه الصناعيه
2- العلاج التحفظي
3- التيجان والجسور
4- علاج الجذور
5- طب الفم
6- جراحه الفم والتخدير الموضعي تشمل( جراحه الوجه والفك والتخدير العام)
7- طب اسنان اطفال
8- صحه الفم وطب الاسنان الوقائي
9- تقويم الاسنان

وبعد كده بقي تيجي سنه الامتياز
طبعا الموضوع منقول وحبيت انقله لكل اللى داخل اعدادى خاصة


رد مع اقتباس
  #2  
قديم 04-09-2012, 10:27 PM
دكتورة/نورهان دكتورة/نورهان غير متواجد حالياً
موقوف
 
تاريخ التسجيل: Sep 2012
المشاركات: 464
معدل تقييم المستوى: 0
دكتورة/نورهان is on a distinguished road
افتراضي

طيب لية بتاخدزا جراحة وعيون والكلام بتاع بضرى دة
رد مع اقتباس
  #3  
قديم 05-09-2012, 03:58 AM
koki` koki` غير متواجد حالياً
عضو جديد
 
تاريخ التسجيل: Feb 2009
المشاركات: 27
معدل تقييم المستوى: 0
koki` is on a distinguished road
افتراضي

اسنان عين شمس نفس الكلام ده ولا ايه؟
رد مع اقتباس
  #4  
قديم 05-09-2012, 04:02 AM
koki` koki` غير متواجد حالياً
عضو جديد
 
تاريخ التسجيل: Feb 2009
المشاركات: 27
معدل تقييم المستوى: 0
koki` is on a distinguished road
افتراضي

شكراً على المجهود طبعاً
رد مع اقتباس
  #5  
قديم 05-09-2012, 05:06 PM
الصورة الرمزية Dr.abdo salem
Dr.abdo salem Dr.abdo salem غير متواجد حالياً
طالب فى كلية طب أسنان
 
تاريخ التسجيل: Aug 2010
المشاركات: 331
معدل تقييم المستوى: 10
Dr.abdo salem is on a distinguished road
افتراضي

مشكووووور على المجهوود العظيم ده
__________________
الصديق وقت الشدة


A friend in need is a friend indeed

رد مع اقتباس
  #6  
قديم 18-09-2012, 03:10 AM
الصورة الرمزية ماما ميا ميا
ماما ميا ميا ماما ميا ميا غير متواجد حالياً
عضو ممتاز
 
تاريخ التسجيل: Jul 2008
المشاركات: 309
معدل تقييم المستوى: 12
ماما ميا ميا is on a distinguished road
افتراضي

الف مبروووووووووووووووووو ك تثبيت موضوع حضرتك نظرا لاهميته
رد مع اقتباس
  #7  
قديم 03-08-2015, 04:57 PM
mohamed mkhtar mohamed mkhtar غير متواجد حالياً
عضو جديد
 
تاريخ التسجيل: Nov 2014
المشاركات: 35
معدل تقييم المستوى: 0
mohamed mkhtar is on a distinguished road
افتراضي

شكرا جدا جدا على الموضوع ربنا يجعله في ميزان حسناتك
رد مع اقتباس
إضافة رد

العلامات المرجعية

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


جميع الأوقات بتوقيت GMT +2. الساعة الآن 07:48 PM.