طالبه في تانيه اسنان تحت امركم للي عايزا اي استفسار بشان الكليه

[Hopeful Girl]

المشاركة الأصلية كتبت بواسطة ماما ميا ميا

بكره تحمدي ربنا انك دخلتيها انا كنت زيك قبل ما ادخل الكليه بصي بالنسبه لاعدادي عامه اهم حاجه المحاضرات و الامتحان هيجي من المحاضرات ذكري الكمياء عضويه و غير عضويه و الفيزيكال كيمستري من المحاضرات و ممكن تجيبي الورق اللي بيتباع في المكتبه عشان لو في حاجه ملحقتيش تفهميها انا مش عارفه قصدك علي انهي ماتريال اصل احنا بناخد الدنتال بيو ماتريال في اولي و ديه بتتذاكر من الكتاب لو قصدك علي الماتريال بتاع الفيزياء يبقي برضوا من المحاضرات و حبه كده تقريهم من الكتاب و الله يا بنتي انا كنت بتذاكر من المحاضرات و بس و جبت امتياز بس ده بلنسبه لاعدادي و بس السنين اللي بعد كده حاجه تانيه و لو في حاجه محدده مش فاهماها انا ممكن اعصر دماغي و احاول افهمالك معلش اول السنه بس بيبقي فيه صعوبه حبتين كمان عشان اللغه بس بكره تتعودي لدرجه انك هتعاني من العربي فيه في علوم رفع كفاءه هي كورسات بس بفلوس مخفضه بس انصحك انك تعتمدي علي نفسك عشان كليتنا مافيهاش الا كورسات و لو ماعرفتي تعتمدي علي نفسك من اعدادي مش هتحاجي كورسات باقي السنين و اي استفسار تاني انا في الخدمه

بجد اشكرك يا دكتورة على الرد
وان شاء الله احاول اعتمد على المحاضرات ولو فيه ورق وبس
مش هلجأ للكورسات
وربنا معانا
وجزاكى الله كل خير