افضل - الجامعات/ المعاهد -الخاصة - هندسة - هنا

[titi1]

السلام عليكم ورحمة الله وبركاتة :

انا رايت حيرة شديدة من بعض الطلبة فى اختيار احسن كلية او معهد هندسة وحبيت اساعد ولو بالقليل

.. دلوقتى نظرية انك تستنى غيرك يقولك انهى جامعة احسن وتمشى وراء حد ممكن يكون غلط . مش سليم

انت دلوقتى خلصت الثانوية وعاوز تدخل انسب الجامعات او المعاهد الى تليق بيك .. يبقى تبص

لنفسك الاول وتعرف ميزانيتك ومنها تحدد انهى الاحسن . يعنى مثلا الجامعة الامريكية

الهندسة فيها ب 120 الف جنيهة تقريبا فى السنة . لو انت ميزانيتك تسمح بدة غير السكن والاكل والشرب

يبقى ادخلها على طول . ونرجع لموضوعنا - الجامعات / المعاهد الخاصة كلهم وااحد.. كلهم

لازم يدولك نفس المنهج من وزارة التعليم العالى علشان الوزارة تعتمدهم يعنى كل الكليات

بتدرس نفس المنهج دة لازم بس الاختلاف بيكون فى ادارة الجامعة فية جامعة تسهل كل حاجة

وتجيب امتحانات ما تحتاج لمذاكرة تخرج وانت ما شاء الله ما عارف البلح من كوز الدورة وفية

جامعات علشان تتخرج منها ولادك يكونوا معاك ان شاء الله

طيب الحل اية انت عندك حوالى15 جامعة ومعهد هندسة خاص فى مصر

هقولكهم الاصعب والاسهل حسب ما ينشر

معهد العاشر من رمضان ( يعد من اصعب المعاهد والجامعات فى مصر وعلشان كدة واخد سمعة ليها مكانة )

معهد ( نيو كايرو ) من اسهل المعاهد فى مصر وعلشان كدة بردة لة نفس السمعة بس بالعكس

باقى الجامعات والمعاهد الدراسة متوسطة يعنى انت بتشوف حسب الاقرب ليك فى المسافة

والسكن والمصاريف لان دة بيكون فى المقام الاول ليك

النقطة التانية هى سمعة ادارة الجامعة على النت . بمعنى بتدخل تشوف كلام الناس والطلبة

عليها وما تاخد باول واحد ولا اثنين يشكروا او يعيبوا فى الجامعة لاكن تاخد بالمجمل كلة

مثال.. مثلا انا هتكلم عن نفسى لا اكتر انا عاوز كلية هندسة بس تكون مناسبة فى المصاريف

والدراسة . عملت بحوث عن الجامعات كلها والمعاهد ولقيت الجامعة الروسية كانت على ايامى

مصاريف الدراسة بة 15 الف جنيهة دلوقتى بقت 16500 المهم دخلت على النت وجبت موقعها

وكل موقع بيتكلم عليها والطلبة الى فيها وعرفت منهم الليلة وبعدها قدمت

دة نبذة انك لازم تتعب مافيش حاجة بالساهل وما تستنى ان المعلومة هتجيلك لحد عندك

اتمنى من الله عز وجل ان اكون افدكم ولو بالقليل .. بالتوفيق

____________ مواضيع ممكن تهمك __________

اى شىء عن الهندسة اتفضل هنا
http://www.thanwya.com/vb/showthread.php?t=397938

_____

المعاومات الكاملة للجامعة المصرية الروسية
http://www.thanwya.com/vb/showthread.php?t=441609
____

اقسام الهندسة والعمل بعد التخرج
http://www.thanwya.com/vb/showthread.php?t=419407