مبروك لكل معلم مساعد ( ياريت كل واحد استلم الجواب يكتب اسم الادارة والمحافظة

[0109089014]

حصر للادارات التعليمية بالمحافظات التي قامت بتنفيذ القرار 244 لسنة 2011

[الأمير باشا]

والله فايق ورايق- -

[0109089014]

شكرا يا استاذ امير علي الرد ، وعلي العموم انا بسأل علشان انا دخلت امتحان الكادر ابريل 2011 ونجحت واتعينت وطلع ليا جواب تعيين وعملت اخلاء وقيام بالعمل وقبضت المرتب الجديد ، وبعد كده الادارة التعليمية لغت القرار ورجعت معلم مساعد ثاني ، علشان كده انا عايز اعرف ايه الادارات اللي عينت المعلم المساعد علشان اعرف ادارة القاهرة الجديدة التعليمية محافظة حلوان هيا بس اللي حصل فيها كده ولا الادارة المتخلفة اللي انا فيها بس ، وياريت تكون مقدر موقفي

[Amr 82]

احنا بنقول ثوره

[marwaya]

المنوفيه ادارة الشهداء نفذنا القرار واستلمنا الجوابات

[mr jemmy]

المشاركة الأصلية كتبت بواسطة marwaya

المنوفيه ادارة الشهداء نفذنا القرار واستلمنا الجوابات

تعيش وتاخد غيرها

[hisham.tabana]

يعنى ايه مش فاهم ازاى تتعين وترجع معلم مساعد تانى وبعدين مش شايف اى اهتمامات فى التعليق واحد بيقول تعيش وتاخد غيرها منتهى الاستهتار الهم ارحمنا برحمتك يا جماعه الكلام اللى الاستاذ بيقوله ده خطير برجاء حد يوضح ويقول ايه الموضوع اللى حصل ده ومعناه ايه

[طارق جربوع]

يا جماعه . هل الجيزه عملت حاجه فى تغير المسمى الوظيفى ولا لسه

[hisham.tabana]

يا استاذ طارق السلام عليكم ورحمة الله وبركاته حضرتك واخد بالك من الموضوع اللى الاستاذ بيقول عليه انه اتعين ورجع معلم مساعد تانى وبارغم من كده الموضوع ده ما لفتش نظر حضرتك وبتسال على موضوع تانى عايز اعرف رد حضرتك على كلام الاستاذ ده ايه والسلام عليكم ورحمة الله وبركاته

[mr jemmy]

قولتلك تعيش وتاخد غيرها دى حكومة كدابة توعد ولا توفى واكيد جربنا كتير منها

[خير زاد]

علىف كرة الاسامى جت فى ادراة القاهرة الجديدة النهاردة وممكن تروح بكره احنا فىالشروق ان شاء الله رايحين

[إسماعيل قناوى]

أنا عرفت ان عدد الزملاء المستحقين للتعيين بالقاهرة الجديدة 140 معلم مساعد و ألف مبروك.

[محمد احمد عطيه]

احنا ادارة الحسينية التعليمية بالشرقية استلمنا جوابات التعيين

[abu_ menna_13]

الاستاذ اللي بيقول تعيش وتاخد غيرها

قولها لنفسك بس... الظاهر انك انتا الوحيد اللي اضحك عليك

أسيوط جميه الادارات الناس استلمت الجوابات ومضت وقبضت الفلوس وكل حاجة ماشية تمام

[0109089014]

شكرا لكل واحد رد علي موضوعي ، والحمد لله التعيينات نزلت فعلا ادارة القاهرة الجديدة ، والاستاذ اللي مستهتر بكلامي انا عايزه يعرف اني طلعلي جواب التعيين في شهر خمسه وعملت اخلاء وقيام بالعمل كمعين وقبضت فروق مالية من مارس ، وبعد كده الادارة التعليمية بعتت جواب للمدرسه بتقولها فيه التعيينات اتلغت بناء علي قرار المحافظ وجاري التعيين لاحقا وان الجواب اللي انا ختها واتعينت بيه كان لم يكن وفعلا رجعت معلم مساعد ثاني وبيتخصم من مرتبي دلوقتي الفروق المالية اللي اخذتها من شهر مارس ، بس الموضوع اتصحح ثاني وهروح اخذ جواب تعيين ثاني ، والمشكله اساسها علشان محدش يقع فيها زي ما انا وحوالي 140 معلم وقعنا فيها انهم ادولي جواب التعيين وكتبه فيه قرار 67 لسنه 2011 ومكتبوش جواب تعيين قرار 244 لسنه 2011 فاعتبره التعيين لاغي ، فكل واحد يخلي بالها من الجواب اللي هيستلمه وشكرا للاستاذ / خير زاد علي معلومه وصول الكشوف وشكرا لكل مهمتم ويارب محدش يحصله اللي حصلي انا وزميلي في اداة القاهرة الجديدة التعليمية ،