اقرأ و رد بصــــــــــــــــــــــــــــراحه

[marwa1985]

تعرضت لموقف محرج

طبعا عنى حصيله معقوله من الكلمات الانجليزيه

لكن انا بنسى كتير و احد المرات طالب سالنى عن كله لكنى لم اتذكرها

وقد تكون هذه نقطة الضعف الوحيده, اعرف كلمات كثيره لكن اوقات كلمات تكون بسيطه جدا انساها

************************************************** ***********************
المشكله : هل ممكن التلميذ يفقد ثقته فى المدرس ؟ وهل حد منكم اتعرض لموقف مشابه

[ايه سيد]

بصى حضرتك لو الms اصلا انا صلتى بيها كويسه جدا وانا بثق فيها حتى ولو كلمه صغيره مش هفقد ابدا ثقتى فيها
ده رائى انا وانا طالبه

[Mr.mohamedmostafa]

السلام عليكم ورحمة الله وبركاته
أولا : أود أن أقول لحضرتك أن مفيش سن معين بينتهى عنده المعرفة لذلك المعرفة مستمرة ومستديمة ومن هنا تأتى أهمية التأكيد على التنمية المهنية المستدامة وكذلك يجب أن نصل لمرحلة نتفهم فيها أنه يجب أن ينتقل دور المعلم من ناقل المعرفة وانه الوحيد الذى ينقل المعرفة العلمية بكافة صورها وأشكالها إلى أدوار المعلم الحديثة بأنه ميسر ومشارك ومتعاون فى العملية التعليمية مع الطالب إلى اخره من الأدوار الحديثة للمعلم.

ثانيا : ليس من العيب أن أقول لطلابى أعطونى فرصة أتأكد من حاجة معينة بدلا أن أجاوب بشيئ خاطئ فهناك مقولة تقول : " من قال لا أدرى فقد أفتى "
وأنه ليس هناك كبير على المعرفة والعلم فينبغى التأكيد أولا على المصداقية فى كل مايتلقونه من معرفة وليس الاهتمام فقط على مدى حكم الطالب على معلمه أو معلمته أو على مدى الثقة بين المعلم والطالب والتى تنمو وتتزايد وتأتى أساسها من مدى الصدق الدائم فى كل مايقوله المعلم داخل الفصل أو خارجه.
وأيضا ليس واردا أن يتمكن الطالب من الحكم على معلمه بصورة صحيحة لأن ذلك الطالب لم يبلغ مكانة المعلم العلميه أو العمرية حتى يوجه اليه نقدا أو يفقد ثقته فيه فالطالب طالب والمعلم معلم وهناك ثوابت وحدود.

[marwa1985]

وأيضا ليس واردا أن يتمكن الطالب من الحكم على معلمه بصورة صحيحة لأن ذلك الطالب لم يبلغ مكانة المعلم العلميه أو العمرية حتى يوجه اليه نقدا أو يفقد ثقته فيه فالطالب طالب والمعلم معلم وهناك ثوابت وحدود.

فاهمه..مش فكرة نقد .. كل الحكايه ان المدرس بيبقى مثل اعلى فى كل حاجه, او المفروض كده , لكن موقف زى ده ممكن الطالب يقول فى نفسه ( اذا كان الاستاذ بيغلط , يبقـ ....) و كده يعنى

[Mr.mohamedmostafa]

المشاركة الأصلية كتبت بواسطة marwa1985

وأيضا ليس واردا أن يتمكن الطالب من الحكم على معلمه بصورة صحيحة لأن ذلك الطالب لم يبلغ مكانة المعلم العلميه أو العمرية حتى يوجه اليه نقدا أو يفقد ثقته فيه فالطالب طالب والمعلم معلم وهناك ثوابت وحدود.

فاهمه..مش فكرة نقد .. كل الحكايه ان المدرس بيبقى مثل اعلى فى كل حاجه, او المفروض كده , لكن موقف زى ده ممكن الطالب يقول فى نفسه ( اذا كان الاستاذ بيغلط , يبقـ ....) و كده يعنى

أنا عايز أقول لحضرتك أن ده مجرد رأى بس .. وكمان فكرة أن الطالب بيفقد الثقة فى معلمه أو ما شابه بترجع إلى نوعية الاسئلة اللى بيحاول الطالب أنه يسألها فمن الممكن تكون أسئلة مش هادفه وبره الموضوع أو فيها نوع من الفلسفة مش غرضها الاستفاده
أما اذا كان الغرض فعلا الاستفاده مش الاختبار فمن المؤكد أن الطالب بيراعى حاجة زى كده وأن هوا ما يحاولش يحرجه بشيئ مش مهم خارج عن المضمون.
وكمان ماننساش أن مش كل سؤال لازم أرد عليه وخلاص ولكن ما هى مدى أهمية السؤال مش بس موضوع جدال وخلاص وأن السؤال من غرض السؤال وليس الاستفاده.

[مسترسمير إبراهيم]

زملائى الأفاضل العلم والمعرفة خط واحد مستمر علينا أن ننهل منها ونحن أساتذة لكى نستطيع أن نعطى الطالب العلم بيسر وحب
وليس أن المعلم يخطىء أو ينسى أنها نهاية الدنيا ولكن من خبراتى الكثيرة أن الطلاب الآن ذو فصاحة وبيان غير السنوات الماضية وحيث أن بعضهم ينتظر غلطة للمعلم لكى يحكى بها بين الأقران ويجعلها طرفة هذه هى الحقيقة دون مبالغة
والمصيبة الكبرى أن يتجسس بعض المشرفين بالمدارس ويسألون الطالب عن مستوى أستاذه ويفتحون آذانهم لهم دون تقدير لقيمةالمعلم أما طلابه هذه نكسة أخرى تربوية تحت مسمى تقييم المعلم
ولاحول ولاقوة إلا بالله العلى العظيم
وفى النهاية علينا أن نجمع من الطلاب فى حصة محدد لهم مسبقا أن يأتوا بكلمات صعبة عليهم
ثم نناقشها فى الحصة القادمة
وبذلك يمكن معالجة بعض الحرج أما م الطلاب

[Mr.Zing0]

السلام عليكم
بصراحة و أنا طالب فى التربية العملى أثناء الكلية حصل معايا نفس الموقف
وقفت طالبة فى الفصل و سألتنى عن معنى كلمة لم أتذكرها . و مع هذا سترنى الله.... كيف
قولت للفصل كله: أنتوا أستلمتوا قاموس مع الكتب. اللى هتعرف تطلع معنى الكلمة دى و تقرأ معناها بالإنجليزى و تستخلص المعنى بالعربى ليها ( جنية مصرى واحد فقط لاغير) و تردوا عليا فى الفسحه
طبعاً الموضوع كان منافسة بين الطلبة و أنا ضحيت بالجنيه ( ساعت ماكان لية قيمه) و خرجت من الحصة جرى على أقرب قاموس علشان أفتكر الكلمة . و طبعاً لاقيت الفصل كله فى الفسحه عرف معنى الكلمة. ضحكت و قولتلهم : مدام كلكم عرفتوا الكلمه , آخد أنا الجنيه.

[علام منشاوى]

رد ممتاذ من اخى Zing0 .......... رااااااااااااااائع

[الفيروزة]

اصلك مشتغلتش في الارياف التلميذ من الروضة حتى ثانوي بيعاملك علي اساس انك بتشتغل عنده الله يخربيت الي اخترع نظام المدرس ابو حصة

[Mr/Ali Aswan]

ده انته مدرس عقر هههههههههههههههه

[صوت العقل]

حبيبتى من الواضح ان حضرتك اتأثرتى من اول موقف واجهك داخل الفصل ..
عودى نفسك انك فى تفاعل مستمر معاهم يوميا واكيد هتواجهى مواقف من دى
كتير .. لازم يبقى عندك ثقة فى نفسك اولا.. دى لغة تانية غير لغتنا الاصليه وممكن
بسهولة نواجه كلمات مش معروفة .. دا احنا حتى فى لغتنا الاصلية كل يوم بنعرف جديد ..
خلينا نتكلم بصدق لو كانت كلمة من داخل المنهج للصف بتاعك .. يبقى الغلط من عندك
لازم تكونى ملمة بالمنهج كله وكلماته وقواعده وكل ما يرتبط بالصف اللى بتدرسى ليه ..
مش مجرد تحضير يومى فقط لما سيتم تدريسه داخل الحصة ..
اما لو مجرد كلمة وحاول بيها انه يختبرك او يظهر معلوماته او عرفها من مدرس الدرس
وبيحاول يقيمك .. مفيش مشاكل خدى الامر ببساطة .. احنا مش بنمارس اللغة
يوميا الا من خلال التدريس لكن مع ذلك بنحاول نبقى على تواصل وننمى اللغة بمجهودنا ..
مريت بالموقف واتصرفت بصدق فيه انى حاليا مش فاكرة الكلمة لكن
بالمقابل اثنيت عليها انها ذكرتنى بالكلمة .. وحبيبتى حقيقى ده بيعتمد على علاقتك بيهم..
و مر الموقف عادى جدا .. احنا بشر وكونى نسيت كلمة مش معناها انى مدرسة مش قوية
فى مادتى .. بيعيش الانسان ويتعلم وكل يوم بيظهر جديد .. مش تزعلى نفسك ..
كونى اكثر ثقة فى نفسك ومش تظهرى تأثرك والا هيتمادوا .. جزاكى الله خيرااااااا

[aleman]

المشاركة الأصلية كتبت بواسطة marwa1985

تعرضت لموقف محرج

طبعا عنى حصيله معقوله من الكلمات الانجليزيه

لكن انا بنسى كتير و احد المرات طالب سالنى عن كله لكنى لم اتذكرها

وقد تكون هذه نقطة الضعف الوحيده, اعرف كلمات كثيره لكن اوقات كلمات تكون بسيطه جدا انساها

************************************************** ***********************
المشكله : هل ممكن التلميذ يفقد ثقته فى المدرس ؟ وهل حد منكم اتعرض لموقف مشابه

اختى مروة لاتقلقى التلميذ طالما يحب معلمه يبقى هيحترمه ولن يفقد الثقة به ابدا مهما حدث
انا على سبيل المثال معودة تلامذتى على ان اللى عاوز يسأل فى حاجة يحضر ورقة ويكتب فيها اسمه ويكتب سؤاله وانا بجمع الورق بالحصة واخده بره معى والحصة القادمة اما اقدمه لهم او فى اى وقت فاضى بنفس اليوم
وده لانى لو عودتهم على الاجابة فى نفس الوقت فجل من لا يسهو قد يسهو على الاجابة وقتها فأعتمدت على طريقة الورق دى وطبعا حتى لو انا عارفة الاجابة فى ساعتها (لانى بتطلع على الورق طبعا فى الخفاء اثناء مثلا كتابة الطلبة للدرس)
لا اقولها الا فى الموعد المحدد
ربنا يكرمك ويكرمنا اجمعين
ومشكورة على الموضوع

[مسترسمير إبراهيم]

خالص الشكر للجميع على الحوار الرائع والهادف