كل ما تحب ان تعرفه عن ((كلية السياحة والفنادق))

[hamadagoal]

ربنا يباركلك يا اسلام اولا ثانيا ارجو منك افادتي لو سمحت انا مخلص معهد سياحة وفنادق السنة دي في المطرية ونفسي ادخل الكلية انا جايب 77.5% بس مش عارف اعمل اية واروح فين علشان اقدم وكمان انا جبت درجة كويسة جدا في الانجليزي بس انا خايف من الاختبارات اوي اعمل اية

[boskaa]

لو سمحت هى سياحه وفنادق اللى فى جامعه حلون دى فين !؟

[ايمان هارون]

المشاركة الأصلية كتبت بواسطة boskaa

لو سمحت هى سياحه وفنادق اللى فى جامعه حلون دى فين !؟

ف المنيل عند المسرح العائم او لو انتة من ناحية التحرير ممكن تتمشا على الكورنيش وتيجى عند فندق جراند حياة وتسال هيشورو ليك على الكلية هى تحت الفندق

[توشكى الرومانسى]

انا قدمت يوم الاحد فى معهد الفراعنه العالى للسياحه والفنادق فى الجيزه الهرم المريوطيه طريق سقارى السياحى وانا ثانوى ازهر وجايب 55.5 / وقلولى الاسبوع الجاى هتشوف هتقبل ولا لا عايز اعرف انا هقبل ولا لا وايه المطلوب منى لو قبلت فى المعهد يعنى الاختبارات وكده ارجو الرد شكرا

[Eslam_Tourism]

يا mixway انا مش هعرف اقولك حاجة اكتر من اللى قولته فى الموضوع ولو عايز اى استفسار انا موجود , لان ايميلى مش هعرف اكتبهولك على المنتدى كده , وانت فعلا لو حابب مجال الكلية هتمشى فيها مية مية .

ويا hamadagoal عايز اقولك حاجة الاختبار سهل جدا بس للمذاكر انجليزى ومعلوماته ولو حتى محدوده عن الاماكن السياحية وكده وانا الصراحة مش هعرف اقولك انت ممكن تخش كلية سياحة ولا لأ ؟؟ لان دى بتبقى حاجة خاصة بالكلية وبياخدوا عدد معين كل سنة وانت مجموعك حلو مش وحش وبتقول بتفهم انجليزى يعنى جمد قلبك وروح كلية السياحة اللى فى بلدك واستفسر منهم هناك على نظامك هيبقى اه ؟؟

[hamadagoal]

معلش يا اسلام لو تقدر توضحلي النقطة بتاعة المدارس الفنية والمعاهد السياحية وقوبلهم في الكلية اكتر من كدة اكون شاكر ليك جدا اسف مرة تانية علي الازعاج

[Eslam_Tourism]

المشاركة الأصلية كتبت بواسطة hamadagoal

معلش يا اسلام لو تقدر توضحلي النقطة بتاعة المدارس الفنية والمعاهد السياحية وقوبلهم في الكلية اكتر من كدة اكون شاكر ليك جدا اسف مرة تانية علي الازعاج

هما يمكن بيشدوا شوية على خريجى المعاهد السياحية والدبلومات فى اختبار اللغات وده حسب اللى سمعته , يعنى ذاكر شوية جمل او كلمات او اجابات ليها علاقة بالسياحة والاسئلة اللى قولتلك عليها وممكن يسألك اسئلة تانية ودى ترجع بالدكتور نفسه اللى هيسألك .

وطبعا انت لازم تروح كلية السياحة والفنادق اللى عندك , انت بتقول المطرية يعنى جامعة حلوان , للاسف انا بسمع هناك الاختبارات بتبقى صعبة شوية عشان كده ابقى ذاكر انجليزى على قد ما تقدر قصدى يعنى الاسلة العامة عن نفسك وهواياتك ودخلت الكلية ليه وحاجات تانية معلومات كده يعنى انت بتعدى فيه بخبرتك السابقة فى الانجليزى , بعنى انا روحت الاختبار وانا معتمد على الانجليزى بتاع الثانوية العامة وحفظت شوية اسئلة كده وخلاص .

بس هو اختبار معظم الناس بتعدى فيه .

وابقى اتصل بالكلية وشوف اه النظام ؟؟

واخر حاجة اقولهالك لازم تكون واثق فى نفسك .

[soha fouad]

طب يا اسلام انا لسة مرحتش الانترفيو ده عشان انا مكنتش اعرف

وانا مجموعي ممكن يدخلني

ده ممكن يسببلي مشكلة؟

[sympathique]

المشاركة الأصلية كتبت بواسطة sosi

طب يا اسلام انا لسة مرحتش الانترفيو ده عشان انا مكنتش اعرف

وانا مجموعي ممكن يدخلني

ده ممكن يسببلي مشكلة؟

موضوع الانتر فيو ده عادى
ممكن تعمليها عادى
وهى بتاخد86% :90%
وبالتوفيق
بس محدش يعرف السنة دى التنسيق مخبى ايه فى جعبته

[hamadagoal]

لو سمحت يا اسلام انا بتاع معهد المطرية انا روحت مكتب التنسيق والحمد الله اتأكدت ان مجموعي يدخلني الكلية مستريح بس انا عايز اعرف الاختبارات دي قبل التقديم في التنسيق ولا بعد وكمان الالتحاق بيبقا تبع التوزيع الجغرافي ولا المجموع ولا اية الحكاية انا اسف مرة تالتة علي الازعاج وشكرا

[زهراء الجبل]

انا عايزه اختبارات القدارات بتاعه كليه السياحه والفنادق

كانت قبل النتيجه ولا لسه لما يجي جواب الترشيح

انا مكنتش ان اعرف ان فيه اختباراات

وكده فاتني يعني ولا اصلا مفيش دلوقتي

ولا يجيلي الجواب ان شاء الله

[Eslam_Tourism]

يا جماعة متخافوش الانترفيو او الاختبار بعد الترشيح للكلية وهما هيدوكوا معاد تروحوا فيه الانترفيو بس ابقوا روحوا قدموا للكلية علطول بعد نتيجة التنسيق عشان تعرف معاد الانترفيو .

السنة اللى فاتت الانترفيو فى سياحة وفنادق المنصورة كان فى شهر 8 متقلقوش

[jeary]

السلام عليكم
انا بجد يا جماعة محتارة جدا ومش عارفة اعمل اية
انا لسة مخلصة ثانوى وكنت عاوزة ادخل كلية اللسن بس لاسف مجموعى مش مساعد على كدة ومش قدامى غير كلية التربية وكلية السياحة والفنادق بس انا بكرة التربية ومش عاوزة ادخلها ولا ادخل اى كلية من التجارة او الاداب او الحقوق لانى بجد الكليات دى كنت مستبعداها خالص خصوصا انى كنت علمى وكنت متفوقة جدا بس حصلت مشاكل وكدة المهم مش عاوزة اطول انا بس عاوزة اعرف اذا كانت الكلية دى ليها مستقبل ولا لايعنى ممكن اشتغل علطول ولا اية؟ وكمان عاوزة اعرف اية احسن قسمفيها ؟ وعاوزة حد يقولى ادخل تربية ولا سياحة بجد مش عارفة وهبقى سعيدة جدا لو حد قالى ميرسى ليك يا اسلام واسفى ان كنت طولت عليك

[Eslam_Tourism]

المشاركة الأصلية كتبت بواسطة jeary

السلام عليكم
انا بجد يا جماعة محتارة جدا ومش عارفة اعمل اية
انا لسة مخلصة ثانوى وكنت عاوزة ادخل كلية اللسن بس لاسف مجموعى مش مساعد على كدة ومش قدامى غير كلية التربية وكلية السياحة والفنادق بس انا بكرة التربية ومش عاوزة ادخلها ولا ادخل اى كلية من التجارة او الاداب او الحقوق لانى بجد الكليات دى كنت مستبعداها خالص خصوصا انى كنت علمى وكنت متفوقة جدا بس حصلت مشاكل وكدة المهم مش عاوزة اطول انا بس عاوزة اعرف اذا كانت الكلية دى ليها مستقبل ولا لايعنى ممكن اشتغل علطول ولا اية؟ وكمان عاوزة اعرف اية احسن قسمفيها ؟ وعاوزة حد يقولى ادخل تربية ولا سياحة بجد مش عارفة وهبقى سعيدة جدا لو حد قالى ميرسى ليك يا اسلام واسفى ان كنت طولت عليك

اهلا بك يا jeary

هى كلية السياحة والفنادق حلوة للى حابب مجالها وموادها .

وكلية التربية لو عايزة تبقى مدرسة فى اى مادة ادخليها , لكن سياحة وفنادق مجالاتها كتير وسهله كمان الا فى قسم الارشاد السياحى صعبة الا اللى بيفهم انجليزى وبيحب اللغة .

واحسن فسم فيها يعتبر - من وجهة نظرى - قسم الدراسات السياحية لانه ممكن تشتغل منه فى شركات السياحة فى جميعا اعمالها وكمان بتتخرج معاك لغة على الاقل انجليزى , وانتى وشطارتك ممكن تشدى حيلك وتتخرجى معاكى لغتين جامدة فيهم , وكمان ممكن تشتغلى فى شركات الطيران بس بتبقى عايز وقت شوية فى الخبرات وكده شوية كورسات و ICDL و كمان اى وظيفة عايز لغة وكمبيوتر بتتوظفى فيها فهو قسم جميل من نظرى مجالاته كتير يعنى .

اما بقى لو عايز تشتغلى مرشدة سياحية ادخلى قسم الارشاد بس هو دراسته صعبة تاريخ بالانجليزى ولغة مصرية قديمة وكمان يا عالم شغلتك كمرشدة مضمونة ولا لأ ؟؟ اما قسم الفنادق فهو انسب اكتر للولاد .

المهم فى الاخر شوفى نفسك هتعرفى تمشى نفسك فى انهى كلية ؟؟ بس سياحة وفنادق حلوة وبتتخرجى معاكى لغة بس عايز اقولك حاجة فى ناس بتتخرج معاها انجليزى بالعافية بس انتى المفروض سواء كنتى بتذاكرى الانجليزى او اللغات بالعافية او الكلية مش مهتمة باللغات شوية وده نادر فانتى المفروض تتخرجى معاكى انجليزى على الاقل .

ولو اتخرجتى من قسم الدراسات السياحية ومعكيش على الاقل انجليزى مش هتلاقى وظائف خالص لكن ولو اتخرجتى معاكى لغتين - من الاخر - مش هتتعبى فى التدوير على الشغل خالص ان شاء الله .

وابقى قوليلنا عملتى اه ,,,,,,,,,,,, ؟؟؟

[Eslam_Tourism]

لا متخافيش الكلية هتاخدى فيها انجليزى ولغة تانية ( ايطالى مثلا او فرنسى او اسبانى ) .

والصراحة كلية السياحة والفنادق مش هتعلمك لغة جامد اوى زى الكليات المتخصصة فى اللغات فقط ( زى كلية الالسن مثلا ) بس انتى المفروض تاخدى كورس عشان تقوى لغتك وخاصة الانجليزى لان اللغة شرط اساسى لخريج السياحة والفنادق وبجانب ده هتدرسى مقررات القسم اللى هتخصصى فيه .

والصراحة المعظم بياخد كورسات فى اللغات وخاصة الانجليزى

اما بقى لو عايزة تتخصصى فى اللغة فقط ادخلى تربية انجليزى .