إجابة امتحان الديناميكا للثانوية العامة 2015

[Elawany13]

المشاركة الأصلية كتبت بواسطة paparazzi

بس فى كتاب المدرسة كان جايب سوال مكتوب فيه "اقصى سرعة" و قال ان السرعة هتبقى منتظمة
فى صــــ235

الاسئلة المعتادة فى القدرة بيكون الجسم بيتحرك بأقصى سرعه ... إذن فهى منتظمة
هنا كان الجسم بيتحرك من السكون بعجلة لحد ما وصل لأقصى سرعه

[mabding]

المشاركة الأصلية كتبت بواسطة elawany13

تمام ياباشا انا عامل حل آخر بنفس الطريقة تقريبا ومذكورة فوق

تمام ... فقط أرفقت الحل عشان يكون في نفس الصفحة ليس أكثر ..

لا تعديل على حضرتك بالطبع ..

[Elawany13]

المشاركة الأصلية كتبت بواسطة omarhassan2009

فكرت بنفس تفكير حضرتك بس احنا مالنا بالمعطى الى ما نستخدمهوش بعدين لما يكون الجسم متحرك باقصى سرعة هيا هيا لما تكون السرعة منتظمة ومكتوبة نصا فى كتاب المعاصر وبنحل عليها مسائل من اول السنة .. وبعدين مينفعش نستخدم القوة الى حضرتك جبتها فى السؤال لان القوة دى مش هيا اقصى قوة ( والله اعلم )

هو لم يذكر فى المسأله انه يتحرك بأقصى سرعه
الدراجه كانت بتتحرك بتسارع من السكون لحد ما وصلت لأقصى سرعه

وأنا استخدمت أقصى قوة لإن المطلوب أقصى قدرة
والله اعلم

[zx xz]

انا حليتها بالتكامل , هل الحل هيتعبر صح ولا من برا المنهج؟

[Elawany13]

المشاركة الأصلية كتبت بواسطة mabding

تمام ... فقط أرفقت الحل عشان يكون في نفس الصفحة ليس أكثر ..

لا تعديل على حضرتك بالطبع ..

لا ياباشا عدل براحتك .... شكرا على مشاركتك

[يوسف عزالدين]

يعني حتمشي ازاي
في الاستاتيكا سؤال الاحتكاك و اتحسبت ب8 معرفش ازاي - الظاهر انها كوميديا الجسم بيحتك وهو واقف -
في الديناميكا المسأله عامت منه
في التفاضل انا اخترت غير معرفه علشان مفيش غير موجوده

الامتحانات لازم تتراجع قبل ما تنزل

[Elawany13]

المشاركة الأصلية كتبت بواسطة abdullah399278

لو سحمت انا لو جبت الجا والجتا غلط وكملت السوال اخد صفر ولا اخد اى حاجه

لا تقلق ان شاء الله هتاخد درجات على الخطوات حسب توزيع الدرجات وحسب رؤية المصحح

[Elawany13]

المشاركة الأصلية كتبت بواسطة يوسف عزالدين

يعني حتمشي ازاي
في الاستاتيكا سؤال الاحتكاك و اتحسبت ب8 معرفش ازاي - الظاهر انها كوميديا الجسم بيحتك وهو واقف -
في الديناميكا المسأله عامت منه
في التفاضل انا اخترت غير معرفه علشان مفيش غير موجوده

الامتحانات لازم تتراجع قبل ما تنزل

معاك حق ... مينفعش يتحط السؤال بالطريقة ديه ..... حتى السؤال الثالث ( أ ) هنا لم يذكر وحدة الطول
بس على فكره غير معرفه وغير موجوده نفس المعنى

[Elawany13]

المشاركة الأصلية كتبت بواسطة zx xz

انا حليتها بالتكامل , هل الحل هيتعبر صح ولا من برا المنهج؟

صح طبعا .... ازاى من برا المنهج
يراعى الحلول الأخرى

[يوسف عزالدين]

المشاركة الأصلية كتبت بواسطة elawany13

هو لم يذكر فى المسأله انه يتحرك بأقصى سرعه
الدراجه كانت بتتحرك بتسارع من السكون لحد ما وصلت لأقصى سرعه

وأنا استخدمت أقصى قوة لإن المطلوب أقصى قدرة
والله اعلم

يا استاذ حضرتك القوه في اول دقيقه كانت علشان نوصل للنهايه العظمي بعدين الراجل مقدرش يزود فاتعدمت العجله
القدره لحظيه و اقصي سرعه يعني انتظام يعني كل قوه حركه رجليه رايحه رايحه ضد المقاومه
اما في حاله الحل وحطيت في حسباني العجله الاولي السرعه اللي ححطها في العلاقه حتكون اقل من 7.5

ويا ريت حضرتك توضحلي اكتر دي وجهه نظري اللي فكرت فيها في الامتحان

[molwater]

القدرة لحظية ومش معنى انه قال أقصى سرعة يبقى سرعة منتظمة أو مفيش عجلة بدليل انه قال أقصى قدرة ويترتب على كده أن الحل يهتم لحساب القوة من نيوتن الثاني على مرحلتين
الأولى هي قوة السائق موجودة
والثانية الدراجة تتحرك تحت تأثير المقاومة إلى أن تقف

[omarhassan2009]

المشاركة الأصلية كتبت بواسطة elawany13

هو لم يذكر فى المسأله انه يتحرك بأقصى سرعه
الدراجه كانت بتتحرك بتسارع من السكون لحد ما وصلت لأقصى سرعه

وأنا استخدمت أقصى قوة لإن المطلوب أقصى قدرة
والله اعلم

لا يا استاذ قال نصا " فبلغت سرعته اقصى قيمة لها 7.5 " وبعدين ما حددش هوا قعد قد اية زمن فى حالة اقصى سرعة قبل ما يبدأ فى الحركة بتقصير .
الى عملتو انى من الجذء الاخير فى المسألة جبت المقاومة بدون اللجوء ل النصف الأول من المسألة وبدون استخدام الزمن 60ث .
وافترضت انو عند اقصى سرعة .... القوة=المقاومة ... وعوضت بالمقاومة الى جبتها
فالحل طلع 1.187 حصان على ما اتذكر او قريب من كدة .

[يوسف عزالدين]

المشاركة الأصلية كتبت بواسطة elawany13

معاك حق ... مينفعش يتحط السؤال بالطريقة ديه ..... حتى السؤال الثالث ( أ ) هنا لم يذكر وحدة الطول
بس على فكره غير معرفه وغير موجوده نفس المعنى

اللي انا فاهمه حضرتك
ان غير معرفه دي قيمه و هي ميل المستقيم الموازي لمحور الصادات بدليل اننا بنعوض في بعض المسائل 1/0 ونضرب طرفين في وسطين و نلغي البسط

اما غير موجوده يعني مفيش حل يعني المجموعه فاي

[Elawany13]

المشاركة الأصلية كتبت بواسطة omarhassan2009

لا يا استاذ قال نصا " فبلغت سرعته اقصى قيمة لها 7.5 " وبعدين ما حددش هوا قعد قد اية زمن فى حالة اقصى سرعة قبل ما يبدأ فى الحركة بتقصير .
الى عملتو انى من الجذء الاخير فى المسألة جبت المقاومة بدون اللجوء ل النصف الأول من المسألة وبدون استخدام الزمن 60ث .
وافترضت انو عند اقصى سرعة .... القوة=المقاومة ... وعوضت بالمقاومة الى جبتها
فالحل طلع 1.187 حصان على ما اتذكر او قريب من كدة .

لو أنا طالب وقدامى الامتحان ده
كنت هعمل حل آخر وأضمن إنى هاخد الدرجة كاملة بإذن الله
وهتتحسبلى الإجابة الصحيحه

[molwater]

المشاركة الأصلية كتبت بواسطة يوسف عزالدين

اللي انا فاهمه حضرتك
ان غير معرفه دي قيمه و هي ميل المستقيم الموازي لمحور الصادات بدليل اننا بنعوض في بعض المسائل 1/0 ونضرب طرفين في وسطين و نلغي البسط

اما غير موجوده يعني مفيش حل يعني المجموعه فاي

يا فندم منحنى الدالة الغير معرفة يقترب من القيمة التى يكون عندها المجال غير موجود ولا يقطعه
وكذلك النهاية غير موجودة فإن نهاية الدالة تقترب منها في قاعدة على محور الصادرات وتقر من قيمة آخر ى على القاعدة الثانية على محور الصادرات لذا نقول النهاية غير موجودة
ولكن المعنى الرياضي غير واحد