هاااااااااام للمحتاريين ...صيدلة & طب & اسنان !!!!!!!

[Dr.ahmed91]

المشاركة الأصلية كتبت بواسطة marina2010

انا جايبة 99% فى الثانوية العامة و محتارة ادخل طب و لا طب اسنان و لا صيدلة و عايزة اعرف ارائكم اى كلية انسب ليا كبنت مع العلم بان التلاتة ميفرقوش عندى و انى ميولى بالنسبة ليهم زى بعض يعنى مفيش كلية بميل ليها اكتر يا ريت الكل يقولى رأيه بس قبل ما التنسيق يبتدى عشان انا دماغى هتنفجر من كتر التفكير

السلام عليكم
ماشاء الله مجموعك ممتاز

بالنسبة للسؤال الأزلي لطلبة علمي علوم
طب و لا طب اسنان و لا صيدلة

شوفي ميولك ايه الأول وقدرتك على التحمل و حتتميزي في ايه

طب: 7 سنين لازم تكملي بعدهم ماجستير ودكتوراة عشان تكوني دكتورة ليكي اسم سواء في عيادة او مستشفى,,,,,,,,,,,,,نوعية دراسة صعبة محتاجة مجهود شاق على مدار العام وتركيز تام,,,,,,,,معظم الدراسة متعلقة بمادة الاحياء زي علم الانسجة وعلم وظائف الأعضاء و علوم الأمراض وهكذا
فرص العمل ممتازة بعد التخرج و الحصول على ماجستير ودكتوراة مع تميز في التخصص

طب اسنان: 5 سنين,,,,,,مجهود اقل من طب......نفس نوعية الدراسة مع طبعا التركيز على علوم الاسنان زي التركيبات الصناعية و تركيب اسنان و مواد زي دي,,,,طبعا الحصول على ماجستير و دكتوراة مطلوب لفتح عيادة و العمل في مستشفى محترم,,, مجال راقي جدا و محترم,,,, وفرص عمل هائلة لقلة اعداد الخريجين نسبيا عن صيدلة و طب

صيدلة: 5 سنوات,,,,اقل كلية في الثلاثة تحتاج مجهود دراسي,,,رغم انها تحتاج مجهود شاق جداااااا,,,,نوعية الدراسة كلها متعلقة بالكيمياء وبعض تطبيقات البيولوجي و المواد زي الكيمياء العضوية العقاقير السموم الصيدلانيات و مواد زي دي,,,,, فرص العمل تحتاج لخريج لديه مهارات خاصة متناسبة مع سوق العمل,,,, العمل في صيدلية,,,, العمل في شركات الادوية اما في التصنيع و المراقبة و التخطيط او في التسويق والمبيعات

اتمنى اكون افدت حضرتك على قد ما اقدر وفيه مواضيغع اخرى في القسم لنفس الغرض اتمنى حضرتك تشوفيها
واي استفسار اخر انا موجود

[Dr.diamond]

يااااااااه الايام بتجرى بسرعه فعلا

زى دلوقتى كده كنت عامله زى ده تيبكال كده وبسأل برضه

د/احمد وضح معظم الامور

بس انا بصراحه مش متفقه على ترتيب الكليات

ان اصعبهم الطب واسهلم الصيدلة

مش بتتقاس كده خالص

اى حد بيزاكر فى كليه مش بيشوفها صعبه بل ممتعه

وبالعكس انا سمعت كتيير جدا ان صيدله اصعب من طب بس فرق ان طب اطول

وسمعت برضه ان اسنان اسهلهم فعلا لان شغلها كله عملى بدرجه عالية

يعنى اما تيجى تختارى متعتمديش انك تختارى الاسهل او الاقصر حتى

يعنى شوفى حابه اما تخلصى تشتغلى فى اى مجال من التلاته

حابه الكميا ولا الاحياء اكتر

مش تتدخلى طب عشان اهلك عايزينك دكتوره مثلا

طب بالذات مبينجحش فيها الا اللى حاببها

وان شوفت بجد نماذج ادامى كتير جداا دخلوا طب تحت ضغط اهاليهم وللاسف بيجيبوا جيد مثلا واحيانا بيطلعوا بمواد

انا مش بعقدك بس بحاول اوصلك اللى بيحصل

وبرضه بيحصل فى صيدله يعنى او اى كليه لما يكون اللاى داخلها مش حاببها

ممممممممممممم

لو افتكرت حاجه تانيه هقولها

ولو حابه تسالى على اى حاجه تانيه احنا فى الخدمة

[Dr.ahmed91]

زي ما قالت الدكتورة كلامها صح فعلا
اللي بيحب كلية فعلا وعاوز يتفوق ويتميز مهما كانت صعبة ربنا حيعينه عليها

انا برضه مجموعي السنة اللي فاتت كان جايب ككل الكليات
بس انا كنت شايف قدراتي و ميولي متجهة لصيدلة و راسم خطة قدامي
و حاطط قدامي رؤية فيها كذا هدف عاوز احققهم

و الحمد لله دخلت اول سنة و مبسوط فعلا بالكلية ومستني 4 سنين جايين
وبحاول احقق اللي بحلم بيه

يعني غرضي من الكلام ده

طالما شايفة ال3 كليات مفيش فرق بينهم شوفي اللي حتقدري تتميزي فيه اكتر
و تحققي فيه اهدافك اللي بتحلمي بيها
مش مجرد بس اسمك طالبة في الكلية الفلانية

[Dr.ahmed91]

يااااااااه الايام بتجرى بسرعه فعلا

بتجري بشكل فظـــــــــيـــــــــع

بس الحمد لله
ربنا وفقنا

ودخلنا صيدلة

[marina2010]

المشاركة الأصلية كتبت بواسطة dr.ahmed91

زي ما قالت الدكتورة كلامها صح فعلا
اللي بيحب كلية فعلا وعاوز يتفوق ويتميز مهما كانت صعبة ربنا حيعينه عليها

انا برضه مجموعي السنة اللي فاتت كان جايب ككل الكليات
بس انا كنت شايف قدراتي و ميولي متجهة لصيدلة و راسم خطة قدامي
و حاطط قدامي رؤية فيها كذا هدف عاوز احققهم

و الحمد لله دخلت اول سنة و مبسوط فعلا بالكلية ومستني 4 سنين جايين
وبحاول احقق اللي بحلم بيه

يعني غرضي من الكلام ده

طالما شايفة ال3 كليات مفيش فرق بينهم شوفي اللي حتقدري تتميزي فيه اكتر
و تحققي فيه اهدافك اللي بتحلمي بيها
مش مجرد بس اسمك طالبة في الكلية الفلانية

حضرتك عندك حق و انا شكلى انا كمان هاختار صيدلة فى الاخر