|
||||||
| ركن العائلة منتدى يهتم بكل ما يخص الأسرة |
 |
|
|
أدوات الموضوع | انواع عرض الموضوع |
|
#1
14-03-2009, 05:42 PM
|
|||
|
|||
عبقرينو في بلاد العجائب (موضوع لعبقرينومان)
اكيد كلنا بنحن كتير لايام طفولتنا
ايام البراءه واللعب والمرح ايام معرفناش فيها يعني ايه مسئولية ولا يعني ايه هموم ولا احزان عشان كده دايما ذكريات الايام دي مبتتنساش وبتكون من اجمل ايام العمر .. اللي مهما كبرنا وبعدنا عنها الا انها بتفضل محفوره في القلب والعقل وكل ما نفتكرها نقول ليت الشباب يعود يوما فاكرين اغاني الاعياد والمناسبات طبعا اغلبها من اغاني اعياد الطفوله اغاني عبد المنعم مدبولي ( انا انا انا هنا هنا هنا والشمس البرتقاني عليها ليا سنه _ واغنية اش اش اش_ واغنية توت توت قطر صغنطوط ) وصفاء ابو السعود ( مع انه خشب في خشب في خشب انما يستاهل تقله دهب _ ياصحابي وصحباتي هنا ومحلك سر بصوا وشوفي حجاتي انما ايه في السرررررر _ وردي وردي وردي _ ) غير اغنية انا انا براد الشاي ايدي كده وبوزي كده اجي كده اصب الشاي كمان اغنية نيلي كان فيه فراشه صغننه لابسه جونله مخططة واغنية في البحر سمكة سمكة بتزؤ سمكة علي الشط واقف صياد بشبكة ياااااه ولا فوازير عمو فؤاد وبوجي وطمطم ( بطني بتوجعني ياطمطم اه يابطني حرمت يابوجي حرمت واللقمة الزايده حرمت ) كمان كان فيه برنامج اسمه بستان الزهور بتاع نجوي ابراهيم ( فتحي يازهور فتحي واصحي معايا وصحصحي ) غير الكارتون ده باه حاجه تانيه توم اند جيري الساحر اوز اليس في بلاد العجائب عبقرينو في بلاد العجائب (وعجبي) الكابتن ماجد مازنجر ياااااااااه بجد كانت ايام اه كمان فاكر زمان كان بيجي اغنية الجوز الخيل والعربيه سوق يااسطي لحد الصبحيه كانت الاغنيه معموله كارتون بس جميله اوي وزيها برضه ياحضرة العمده ابنك حميده حدفني بالسفنديه اهيييييه  كان الترفيه الوحيد لينا التلفزيون الاولي او التانيه ويلاسلام باه علي يوم الخميس ده كان يوم عيد اصله اليوم المفتوح بيجي فيه فيلمين بحالهم غالبا لاسماعيل ياسين كنت بحب يوم الخميس جدا لاننا بنطلع من المدرسه بدري عن الايام العاديه كمان بعده الجمعه اجازه دا غير اليوم المفتوح باه كانت اقل حاجه بتسعدنا جدا سبحان الله ولما اتطورنا اوي لعبنا اتاري . ياااه الاتاري ده كانت ايامه ايام  ياااه انا اتكلمت كتير اوي ولو سرحت مع نفسي كمان مش هبطل كلام كفايه عليا كده انتو باه ايه زكريات طفولتكم .. والحاجات اللي تحبوا تفتكروها دايما
__________________
ممنوع من التوقيع هذه تجربة لاني عضو تجريبي آخر تعديل بواسطة Amethyst ، 06-08-2009 الساعة 01:59 PM 
|
|
#2
14-03-2009, 05:51 PM
|
||||
|
||||
|
اقتباس:
بفعل افضل شيء ذكريات الطفولة شكرا عبقرينومان طبعا الرجل العجوز فاكر اسم العضوية ويا ما فى الجراب يا حاوى
__________________
صوت الحق عصام على أول رئيس مجلس إدارة لهذا المنتدى 
|
|
#3
14-03-2009, 05:52 PM
|
||||
|
||||
|
بمناسبة الحاوى
كانت المدرسة بتجيبة يوم فى السنة وكان بيبقى عيد لجميع الطلبة الحاوى والارجوز وغيرهم الله يرحم ايام زمان وليالى زمان
__________________
صوت الحق عصام على أول رئيس مجلس إدارة لهذا المنتدى
|
|
#4
20-03-2009, 07:11 PM
|
||||
|
||||
|
يرحم زمان وليالى زمان ........................ طيب يا صبر طيب
__________________
.gif)
|
|
#5
22-03-2009, 12:08 AM
|
|||
|
|||
|
واين ليالى زمان طيب يا صبر طيب
ويرحم رحلة القناطرة وايامها الجميلة وغيرها هنقول ايه دنيا
|
|
#6
22-03-2009, 01:39 AM
|
|||
|
|||
|
** زمان كانت طفولتنا غاية فى السعادة
وانطلاق من افراح فيها سامر وطبل بلدى ولعب العصا ورقص الخيول وملاعب كرة قدم فى كل مكان ، وعدم انارة الشوارع بالليل او عدم وجود كهرباء من الاصل ساعدنا على القيام بالعاب ليليلة زى الاستغماية والعصابات . ووجود النيل جعلنا نهوى الصيد والسباحة . **ومن احب اغانى الاطفال لنا ونحن صبية اغنية اغنية (فلاح كان ماشى بيغنى من جنب الصور )!!!!! **زمان كانت حكاوى الاطفال اللى بتتقال لنا تحتاج مترجم حكاية من حكايات زمان (كان فى 3 من ولاد الهدوكسى ، اتنين عمى والتالت ما بيشوفشى ، اللى ما بيشوفشكى لاقى 3 فضة اتنين مسح والتالت مبيروحشى ، اللى مبيروحشى اشتروا بيه 3 وزرات ، اتنين طاروا والتالته مقعدتشى ، اللى مقعدتشى حطوها فى 3 أبرمة ، اتنين فاضين والتالت مافيهشى ،واللى مافيهشى حطوه قدام 3 رجالة 2 غضبوا والتالت ماكلشى ، واللى ماكلشى خد الطحين وراح يطحنه ، الهودية اتكسرت والطور مادارشى )
|
|
#7
22-03-2009, 08:58 AM
|
||||
|
||||
|
اقتباس:
ليت الشباب يعود يوما اهلا يا عمدة تسلم على حكايات زمان هل الزمن الجميل يعود يوما
__________________
صوت الحق عصام على أول رئيس مجلس إدارة لهذا المنتدى
|
|
#8
22-03-2009, 11:20 PM
|
||||
|
||||
|
اقتباس:
هي فعلاً قصص محتاجة ترجمة عشان مفهمتش حاجة
 فرق شاااااسع بين ايام زمان ودلوقتي زمان كان اللعب عالضلمة دلوقتي حتى لو الشارع ضلمة بنضرب بعض باسلحة بتنور عالم
__________________
It was over 3 years since my last visit 
|
|
#9
22-03-2009, 11:40 PM
|
|||
|
|||
|
والله الواحد مشفق على اطفال اليومين دول
او ولادنا يعنى!!! كانت الحياة بسيطة جدا زى ما تكرمتم - وبالرغم من ضيق اليد اذا قارنا بالايام دى الا انه كانت هناك براءة وشغف واحلام متواضعة ولها معنى مش زى النهارده كله آلى زمان كنت تقدر تفرق مثلا بين طعم الاكل وكنت متلقيش الحاجة الا فى وقتها - الصيف صيف والشتا شتا وكنت تقدر تحس بطعم وحلاوة ولون مش كنا مثلا بنضرب مثل نقول فى المشمش ترى سيدى هل المثل دا لسه شغال!!!!!!!!!!!! ينفع يعنى اعتقد زى قلتله لانك ببساطة تقدر تلاقى المشمش مثلا فى اى وقت وكما مشمش النهاردة مشمش بقا مش زى مشمشنا!!!!!!! وعلى راى سعيد صالح فى احد افلامة والله الواحد ما عاد قادر يفرق بين الخيار والباميا!!!!!!!!!!!!!!! دمتم بخير
|
|
#10
25-06-2009, 11:55 PM
|
||||
|
||||
|
فعلاً ممكن يرجع الزمن ده لكن دلوقتى الجيل جي على كمبيوتر مش استغماية و
جزاك الله خيرا وبارك الله فيك
__________________
الاصدقاء يصعب ايجادهم ويصعب تركهم ويصعب نسيانهم موقع اكثر من رائع دينى http://el-ma3refa.alafdal.net /
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 05:13 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
