يا ألسنجيه يا مستجدين .. تحت أمركم اسئلوا براحتكم

[mustafa.sharf]

الموضوع ده انا بصراحه عملتوا عشان عارف فى ناس كتيير عاوزه تعرف حاجات كتيير عن كليتنا
وانا كنت تايه زيكوا بالظبط فى الاول ومش فاهم اى حاجه بس الحمد لله الواحد فهم كل حاجه
ولازم نقولكوا الصح من الغلط ومش تقعوا فى الغلط اللى احنا وقعنا فيه ... انا سنه تانيه ألسن
قسم روسى اى حد عاوز يسأل اى سؤال تحت امره ..

[anas m2]

لو سمحت بس كنت عايز اعرف مستقبل الكلية وهل فى شغل بعد التخرج وبمرتبات مجزية وايه هى اهم اللغات المطلوبة وهل هى احسن ام اقتصاد ام اعلام لانى بصراحة محتار جدااااااااااااااااا

[Alsunian1]

تتوقع تاخد من كام طيب
و 92.3 يلحقو

[mustafa.sharf]

المشاركة الأصلية كتبت بواسطة anas m2

لو سمحت بس كنت عايز اعرف مستقبل الكلية وهل فى شغل بعد التخرج وبمرتبات مجزية وايه هى اهم اللغات المطلوبة وهل هى احسن ام اقتصاد ام اعلام لانى بصراحة محتار جدااااااااااااااااا

بصى مستقبل الكليه فى مجالات كتييره اووى ليه عندك مترجم مرشد تور ليدر مدرس ده لو ضاقت بيكى اوووى يعنى.. غير كدا مجال اللغات كتييره جدا بس للى يتقنها صح.. بمناسبه الشغل انا حاليا شغال بمرتب كويس فى شرم الشيخ وبعدين انتى عمرك ما تفكرى فى الشغل من دلوقتى ده بتاع ربنا بالنسبه للغات المطلوبه كل اللغات مطلوبه بس كل لغه وليها مجالاتها فى الشغل يعنى .. مثلا عندك الروسى اكتريه شغله فى السياحه شغل الترجمه بتاعه قليل الصينى شغل الترجمه بتاعه جميل اوووى ..بالنسبه للأحسن بقى ده بالنسبه لميولك انتى وشوفى الكليه اللى انتى هتعرفى تأدى فيها اكتر بس بالنسبه لسياسه واقتصاد نصيحه لو هتدخليها لاما تدخليها شعبه أنجلش
او فرنش لاما بلاش لو دخلتيها عربى ولا ليها اى لزمه لكن بالنسبه لاعلام شغلها حلو للبنات
لكن مفضلهاش للشباب

وعلى فكره انا جالى فى التنسيق سياسه واقتصاد وحولت ألسن وربنا معاكى

[mustafa.sharf]

المشاركة الأصلية كتبت بواسطة بنوتة مصرية1

تتوقع تاخد من كام طيب
و 92.3 يلحقو

انا اتوقع انك تقريبا انشاء الله هتلحق ولو ملحقتش عين شمس لقدر الله هتلحق المنيا
اما اتوقع بالنسبه لعلمى هيرفعوا عليهم التنسيق جامد .. لكن ادبى هيبقى كويس

[shady00]

لو سمحت
انا جبت 89 من غير المستوى وانا واخد جغرافيا
وبالمستوى جايب 90
والانجليزى جايب 39 مجموع السنتين والفرنساوى 44
كدا ينفع اخش السن لو التنسيق نزل ولا لازم الدرجات الانجليزى تبقى اكتر من 45

[mustafa.sharf]

المشاركة الأصلية كتبت بواسطة shady00

لو سمحت
انا جبت 89 من غير المستوى وانا واخد جغرافيا
وبالمستوى جايب 90
والانجليزى جايب 39 مجموع السنتين والفرنساوى 44
كدا ينفع اخش السن لو التنسيق نزل ولا لازم الدرجات الانجليزى تبقى اكتر من 45

بص ع حسب التنسيق انشاء الله ولو ربنا مش أراد عين شمس ممكن تبقى المنيا وهناك فى المنيا مفيش تنسيق داخلى بتدخل اى قسم انت عاوزه بس لغات محدده بس هى اللى هناك
ومجموع الانجلش عادى اهم حاجه تجيب مجموع الكليه اما مجموع اللغه الاولى والتانيه هما اللى بيأهلوك انك تدخل قسم معين فى اقسام ع حسب درجه الانجلش واقسام ع حسب درجه الفرنش

[Alsunian1]

طب لو افترض انى جتلى المنيا
مش ممكن اعمل تقليل اغتراب واجى عين شمس هنا
ولا اية انا سألت وقالوولى اة بس انا عاوزة اتاكد عشان مدبس فالمنيا

[mustafa.sharf]

المشاركة الأصلية كتبت بواسطة بنوتة مصرية1

طب لو افترض انى جتلى المنيا
مش ممكن اعمل تقليل اغتراب واجى عين شمس هنا
ولا اية انا سألت وقالوولى اة بس انا عاوزة اتاكد عشان مدبس فالمنيا

تمام الكلام انا فى واحده زميلتى السنه اللى فاتت جابت 90.8 وجات عين شمس وبعدين انتى مجموعك معقول انشاء الله يجيب عين شمس

[posyyy]

انا جبت 91.2 ادبي و جبت مجموع الالماني 48 و الانجليزي 45.5 و العربي 50 و مجموع اللغات كلها 143.5 كده ينفع الحق السن عين شمس ؟؟و ايه هي شروط القبول في السن عين شمس

[El Alsunian]

المشاركة الأصلية كتبت بواسطة posyyy

انا جبت 91.2 ادبي و جبت مجموع الالماني 48 و الانجليزي 45.5 و العربي 50 و مجموع اللغات كلها 143.5 كده ينفع الحق السن عين شمس ؟؟و ايه هي شروط القبول في السن عين شمس

بصي هيا عادة السن عين شمس من ادبي بتاخد من 91 او 92 %
لو مالحقتيش السن عين شمس لا قدر الله ممكن تدخلي المنيا و تحولي عين شمس
عشان النطاق الجغرافي وكدا
بالنسبة للتنسيق اللغة الاولى انتي ليكي كدا تدخلي الماني لغة اولى
و السنة الي فاتت الانجليزي لغة اولى كان من 45 من درجة انجليزي الثانوية العامة
ف ممكن برضه تدخلي انجلش فرست لو تنسيق السنة دي زي السنة الي فاتت
و ربنا يوفقك ان شاء الله

[El Alsunian]

المشاركة الأصلية كتبت بواسطة mustafa.sharf

الموضوع ده انا بصراحه عملتوا عشان عارف فى ناس كتيير عاوزه تعرف حاجات كتيير عن كليتنا
وانا كنت تايه زيكوا بالظبط فى الاول ومش فاهم اى حاجه بس الحمد لله الواحد فهم كل حاجه
ولازم نقولكوا الصح من الغلط ومش تقعوا فى الغلط اللى احنا وقعنا فيه ... انا سنه تانيه ألسن
قسم روسى اى حد عاوز يسأل اى سؤال تحت امره ..

بعذ اذنك طبعا يا مصطفى و عشان ده موضوعك,
انا معاك في السن تانية انجلش
و عاوز احاول اساعد الشباب الالسنجية الجداد على قد ماقدر في موضوعك هنا
ده بعد اذنك طبعا

[eslam mohsen ali]

السلام عليكم ..
انا جبيت السنة 93.2% وفى الانجليزى 43.5....وفى الفرنسوى 47.5....
وكنت اريد ادخل السن انجليزى وروسى هل ينفع ....
بالنسبة للدراسة فى الكلية هل هم يبدوا مع الطلاب بالبداية
وهل الدراسة سهلة ام صعبة
بالنسبة لالسن المنيا هل الاقسام ملهاش تنسيق داخلى

[mustafa.sharf]

المشاركة الأصلية كتبت بواسطة el alsunian

بعذ اذنك طبعا يا مصطفى و عشان ده موضوعك,
انا معاك في السن تانية انجلش
و عاوز احاول اساعد الشباب الالسنجية الجداد على قد ماقدر في موضوعك هنا
ده بعد اذنك طبعا

ولا يهمك يا صديقى المهم نقدر نوصلهم اللى هما عاوزينوا وشكرا ليك انت ..

[mustafa.sharf]

المشاركة الأصلية كتبت بواسطة eslam mohsen ali

السلام عليكم ..
انا جبيت السنة 93.2% وفى الانجليزى 43.5....وفى الفرنسوى 47.5....
وكنت اريد ادخل السن انجليزى وروسى هل ينفع ....
بالنسبة للدراسة فى الكلية هل هم يبدوا مع الطلاب بالبداية
وهل الدراسة سهلة ام صعبة
بالنسبة لالسن المنيا هل الاقسام ملهاش تنسيق داخلى

بص الانجليزى صعب اووى انك تدخله عمره ما خد من 43.5 قبل كدا وأول مره ياخود قليل
كان فى سنتى انا خد من 45 بس ممكن تدخل بالمجموع ده روسى فرست
بالنسبه للدراسه فى الكليه اللغات الجديده بيبدأ معاك من اول الابجديه زى الروسى كدا
اما اللغات التانيه مش ملزمين انهم يشرحولك البدايات زى الأنجلش الألمانى والايطالى
واللغات عامه اللى انت ممكن خدتها فى ثانوى مش بيبدأوا معاك من الاول بالنسبه للدراسه صعبه
او سهله دى .. تتوقف عليك انت ومدى حبك للغه اللى انت عاوزاها ومزاكرتك وكلوا بالمزاكره بيبقى سهل اهم حاجه تحب اللغه اللى انت داخلها وتحس بيها وعاوز اقولك حاجه كليه ألسن مش سهله خااااااااالص عشان تبقى فاهم عاوزه مزاكره يوم بيومه وحضور غير كدا مش متدخلهاش عشان مش هتستفاد حاجه .....
فى المنيا الاقسام كلها متاحه ليك من غير تنسيق داخلى بس مفيش لغات كتييره هناك
مفيش غير انجلش وفرنش وايطالى والمانى ولغه تانيه مش فاكرها بس هما دول اللى موجودين ... وربنا يوفقك