اهلا وسهلا بك فى بوابة الثانوية العامة ... سجل الان

العودة   بوابة الثانوية العامة المصرية > الجامعات المصرية > المجموعة العلمية > كلية الصيدلة

إضافة رد
 
أدوات الموضوع انواع عرض الموضوع
  #1  
قديم 14-09-2008, 04:47 PM
pharma girl pharma girl غير متواجد حالياً
عضو نشيط
 
تاريخ التسجيل: Aug 2008
المشاركات: 175
معدل تقييم المستوى: 16
pharma girl is on a distinguished road
Neww1qw1 مجالات عمل الصيادلة


بسم الله الرحمن الرحيم
انا لاحظت ان فى ناس نفسها تعرف ايه مجالات عمل الصيدلى
و عشان كدة نقلت لكم الموضوع ده
انا عرفة ان لسة بدرى عليه بس اكيد نفسكوا تعرفوا ايه هى المجالات زى ما انا كان نفسى اعرف
و يا رب يعجبكوا
فلنبدا...............

بسم الله الرحمن الرحيم


مرحله بعد التخرج هى تحدى من نوع جديد يواجه الصيدلى

فبعد إنقضاء سنوات الدراسه بحلوها و مرها خصوصا المذاكره يبدأ الصيدلى الخريج يعد العده لمواجه الحياه العمليه ب***ها نعم ***ها و قسوتها

الغرض من موضوعى بعد تلك المقدمه هو شرح مبسط أو شرح محايد لمعظم فرص العمل المتوفره للصيادله

المجال الصيدلى حاليا يوجد به عدد من الفرص و أهمها هو


1- العمل فى الصيدليات

2- العمل فى شركات الأدويه ( ليس المصنع ) كمندوب دعايه فى مجال التسويق الدوائى

3- العمل فى مصانع الأدويه

4- العمل فى الحكومه كموظف فى وزاره الصحه ( التكليف )



سأتناول تلك الأعمال من حيث

1- طبيعه العمل

2- المميزات و العيوب

3- الدخل و الراتب المتوقع

4- متطلبات الوظيفه

5- كيفيه الألتحاق بالعمل فى المجال المذكور

1-العمل فى الصيدليات

هى أكثر الفرص المتاحه للعمل
طبيعه العمل


- يقوم الصيدلى بصرف العلاج والأدويه فى الصيدليات للمرضى كذلك يقوم بتقديم خدمات آخرى مثل قياس الضغط و السكر و الوزن أو إعطاء الحقن

- يقوم الصيدلى بإرشاد المريض بطريقه تعاطى الدواء و يحذره من الأعراض الجانبيه المتوقعه أو التعارضات الدوائيه المحتمله وهى :
side effects , contraindications , drug
interaction

لاحظ أيها الصيدلى أن تلك الأمور هى تخصصك و مسؤليتك و ليست تخصص الطبيب و المسؤليه تقع على عاتقك أنت !!

التواصل مع الطبيب لتعديل أى خطأ محتمل فى الروشته العلاجيه ( مينعش تصرف الروشته على عيبها )

المميزات و العيوب

المميزات

1- الألمام بكل الأدويه الموجوده فى السوق الدوائى

2- تعلم التواصل و التفاهم مع جمهور المرضى و هو أمر ليس بالهين إكتسابه لأنه يحتاج إلى صبر من نوع خاص و طريقه تحاور ذكيه

3- يؤهل الصيدلى فيما بعد لأفتتاح صيدليته الخاصه

4- الألمام بطبيعه العمل التجارى و المالى مع الشركات الموزعه للأدويه

5- إكتساب خبره ممتازه حول كيفيه صرف الأدويه العلاجيه دون الرجوع للطبيب من خلال تشخيص مبسط لشكوى المريض وهو ما يعرف بال OTC


العيوب

1- عائد مادى ضعيف نسبيا

2- بمرور الوقت يصاب الصيدلى بحاله من الملل و الكأبه لأن تلك المهنه لا يوجد فيها جديد عاده

3- تلك المهنه غير مضمونه و غير ثابته كمصدر دخل مضمون

4- يحتاج الصيدلى للعمل ساعات كثيره فى اليوم لتحقيق دخل كبير

5- ساعات العمل طويله وممله و ليست مرهقه


الدخل و الراتب المتوقع

يختلف العائد و الدخل من محافظه لأخرى داخل مصر ومن صيدليه لأخرى و على الخبره و على سبيل المثال :

القاهره >>> الساعه شهريا تتراوح بين 75 جنيه : 100 جنيه

الأسكندريه >>> الساعه شهريا تتراوح بين 50 : 60 جنيها

باقى المحافظات >>> الساعه شهريا تتراوح بين 35 : 45

لاحظ الأتى معنى الساعه هو كالتالى

إذا تم الأتفاق مثلا على 50 جنيه / ساعه
ثم الأتفاق على العمل لمده 10 ساعات يوميا

سيكون دخل الصيدلى أو راتبه الشهرى 10 ساعات يوميا فى 50 = 500 جنيه


متطلبات الوظيفه
أن يكون صيدلى حاصل على بكالوريوس الصيدله ويحمل كارنيه نقابه الصيادله و كارنيه مزاوله المهنه من وزاره الصحه ( صيدلى ثان )

الخبره ليست مهمه بدرجه كبيره لأن عاده ما تقوم الصيدليه بتدريب الصيدلى على العمل


كيفيه الألتحاق بالعمل فى المجال المذكور

عاده من خلال العلاقات بالصيدليات أومن خلال الأعلانات بالصحف




2- العمل فى شركات الأدويه كمندوب دعايه أو تسويق

طبيعه العمل

دور الصيدلى هنا هو الأتى :

1- ضمان التسويق والدعايه لأدويه معينه تقوم الشركه التى يعمل بها بإسناد مهمه تنشيطها إليه

2- زياره الأطباء فى عياداتهم الخاصه لأقناعهم بطريقه أو بآخرى بوصف أو كتابه دواء الشركه

3- زياره المستشفيات و المسنوصفات و الصيدليات لنفس السبب السابق
4- ضمان تحقيق معدل دخل مالى معين أو ما يعرف بال TARGET ( كل شركه بيكون عندها هدف أومعدل مبيعات مادى عاوزه تحققه )

5- يتابع الصيدلى الأدويه المنافسه لدواء شركته


المميزات و العيوب

المميزات

1- دخل مالى كبير

2- الحصول على مميزات كثيره مثل السياره ومواد الدعايه اللازمه لتسويق الأدويه

3- يؤهل الصيدلى للعمل بدول الخليج براتب ضخم

4- إكتساب مهارات خاصه مثل طريقه التحاور اللبقه مع الأطباء و خصوصا مهارات الأقناع

5- مركز أجتماعى مرموق إلى حد ما

6- تقوم الشركه بتدريب الصيدلى على مهارات التسويق و الدعايه و منافسه الشركات الأخرى وهى كورسات تدريبيه مكلفه جدا

العيوب

1- مهنه مرهقه إلى حد كبير

2- تحوى نوعا من إمتهان الكرامه لأن الصيدلى مضطر لزياره الإطباء و قد يتعرض للأحراج أو التجاهل و أحيانا الطرد

3- لا تصلح للبنات من وجهه نظرى للأسباب السابقه

4- بها شبهه شرعيه ( حرام ) لأنها تعتمد على رشوه الطبيب بشكل لبق ( وهو ما يعرف بال SERVICE) لأقناعه بكتابه الدواء كما أنها تعتمد على عرض عيوب الأدويه المنافسه أمام الطبيب و المتضرر هنا عاده المريض ( بسبب سعر الدواء المرتفع الذى لا يحتاجه )

5- صعوبه تحقيق ال TARGET الكبير المطلوب تحقيقه مما يعرض الصيدلى للفصل

6- يضطر الصيدلى لحرق الدواء و هو ما يعرف بتوفير دواء شركته للصيدلى بسعر أقل من سعر السوق الذى تقدمه الشركه و ذلك لتحقيق التارجت المطلوب من شركته ( طبعا يقوم الصيدلى بهذا الأمر من ناله الخاص وقد يتعرض للفصل إذا نما إلى علم الشركه هذا المر المخالف )



الدخل و الراتب المتوقع
يبدأ من 1000 جنيه فما فوق شهريا بالأضافه للحصول على سياره خاصه


متطلبات الوظيفه

صيدلى خريج حاصل على بكالوريوس الصيدله

لباقه فى الحديث

يفضل أن يكون مقبول شكليا أو وسيم

كيفيه الألتحاق بالعمل فى المجال المذكور
من خلال الأعلانات المنشوره بالصحف عاده


3- العمل فى مصانع الأدويه

أندر و أصعب فرص العمل

1- طبيعه العمل

دور الصيدلى هنا يعتمد على مكانه داخل المصنع فالأعمال المتاحه قد تكون فى قسم الأنتاج Production Dept. أو قسم الجوده و الرقابه عليها Quality Control & qualiy Assurance Dept

قسم الأنتاج مختص بخطوات تصنيع الدواء و تعبئته الخ تبعا لخطوات أو procedure محدد

قسم الجوده مختص بالتأكد من جوده التصنيع الدوائى و التأكد من الأمان و الفاعليه الدوائيه طبقا لمعايير محدده


2- المميزات و العيوب


المميزات

1- مستقبل مهنى بارز و مضمون حيث يكتسب الصيدلى خبره نادره فى هذا المجال



2- دخل جيد إلى حد كبير و يزداد بمرور الوقت

3- مجال متجدد بإستمرار حيث يكون الصيدلى ملما بآخر و أحدث التقنيات العلميه فى التصنيع الدوائى


العيوب

مهنه مرهقه و يقع على عاتق الصيدلى مسؤليه كبيره لأن أى خطأ فى خطجوات متابعه التصنيع قد يسبب خساره ماليه مهوله للمصنع و طبعا تتم معاقبه الصيدلى عليه


3- الدخل و الراتب المتوقع

يتحدد الدخل على حسب المصنع

على سبيل المثال :

مصنع سيديكو للأديه :
350 دخل شهرى ثابت + بدل حافز + مكافئات تزداد لتصل ل 900 جنيه شهريا + تأمين صحى + الأنتقالات + معاش

مصنع أدويه ألكان فارما Alkan Pharma

900 جنيه شهريا يزداد مع الزمن + تتحمل الشركه تكلفه الأنتقالات + وجبه عذاء رئيسيه

مصنع بريستول مايرز سكويب مصر BMS

900 شهريا + تأمين صحى + الأنتقالات + وجبه غذاء رئيسيه + بوفيه مفتوح


4- متطلبات الوظيفه


الخبره مهمه إلى حد كبير جدا


5- كيفيه الألتحاق بالعمل فى المجال المذكور

من خلال العلاقات الشخصيه ( كوسه بمعنى آخر ) أو لازم يكونلك معرفه لأن المصانع لا تضطر للأعلان من خلال الصحف إلا فى حاله إحتياجها لتخصص معين أو خبره طويله فى الشخص المطلوب لشغل الوظيفه



4- العمل فى الحكومه كموظف فى وزاره الصحه ( التكليف )



1- طبيعه العمل
عاده يكون العمل داخل مستشفيات وزراه الصحه و التأمين الصحى متعلقا بتوفي الدواء للمستشفى و تقديم سجلات لمعدل صرف تلك الأدويه للحكومه كذلك يتسلم الصيدلى أحد تلك العهد ( عهده الصيدليه الخارجيه للمستشفى , عهده الصيدليه الخارجيه , عهده مخزن المستشفى الدوائى , عهده المخدرات الخ )

2- المميزات و العيوب


المميزات

1- دخل شهرى ثابت و مضمون بأمر الله

2- معاش و تأمين إجتماعى

3- تأمين صحى

4- وظيفه ثابته فى الحكومه

5- يرتقى الصيدلى فى وظائف الوزاره بمرور الوقت


العيوب

1- دخل ضئيل جدا

2- مجال العمل داخل الحكومه عاده غير متعلق بالصيدله


3- الدخل و الراتب المتوقع


200 جنيه + حوافز + الإقتصادى + مكافئات = حوالى 350 جنيه شهريا

يزداد الدخل مع الوقت


4- متطلبات الوظيفه

الوظيفه هاهنا إجباريه كتكليف لمده سنه ثم يحق للصيدلى الأستمرار كموظف بعدها إذا أحب


5- كيفيه الألتحاق بالعمل فى المجال المذكور


من خلال الأداره المركزيه لشئون الصيدله

رد مع اقتباس
  #2  
قديم 14-09-2008, 05:07 PM
pharma girl pharma girl غير متواجد حالياً
عضو نشيط
 
تاريخ التسجيل: Aug 2008
المشاركات: 175
معدل تقييم المستوى: 16
pharma girl is on a distinguished road
افتراضي

مجالات عمل الصيادلة ليست مقصورة
على الصيدليات وشركات الأدوية والمصانع...


بل هناك العديد من فرص العمل الأخرى
التي يمكن للصيدلي أن يستفيد فيها من العلوم التي تلقاها في الكلية...


ومن ذلك الأمثلة التالية
التي استقيتها من الواقع الذي شاهدته بنفسي أو سمعت عنه من ثقات...




في مجال التدريس:


1- التدريس في المدارس الخاصة...خاصة الأجنبية...لمواد العلوم-الاحياء-الكيمياء!!....والافضل أن يحصل الصيدلي في هذه الحالة على دبلوم دراسات عليا تربية...مدة دراسته سنة للمتفرغ...وسنتان لغير المتفرغ..توفره جامعتي عين شمس والقاهرة!!!


2- أحيانا تطلب بعض المستشفيات والمعاهد الصحية في السعودية مدرسين صيادلة حاصلين على بكالوريوس - لتدريب الفنيين لديهم!!-


3- مجال الدروس الخصوصية في كليات الصيدلة الخاصة والحكومية مفتوح على مصراعيه... بس للي يركز فيه!


4- اعطاء دورات تخصصية مهنية في مجالات الصحة العامة أو الصيدلة.



في مجال الإدارة والإدارة الطبية:


5- من المجالات الجديدة أيضا إدارة الجودة للرعاية الصحية، وهو من صميم عمل الصيادلة الاكلينيكيين وصيادلة المستشفيات...

6- ومن المجالات أيضا...ادارة الموارد البشرية HR...في المؤسسات الصحية وشركات الأدوية

7- هناك من الصيادلة من يقوم بأخذ دورة Healthcare and Hospital Management Post-Graduate Diploma من الجامعة الامريكية ليعمل في ادارة المستشفيات داخل وخارج مصر.



في مجال المعلومات الطبية والأبحاث:


8- مجال الـ "medical transcription" ترجمته "النسخ الطبي"...وهو عبارة عن "تفريغ الصوتيات الطبية!!" أيضا يغزوه الصيادلة. انظر هنا


9- مجال الترجمة العلمية في مجالات الطب والصيدلة مفتوحة للصيادلة!انظر هنا


10- من المجالات الجديدة أيضا العمل فيه...Drug Information Centers ....وهو أيضا من صميم عمل الصيدلة الاكلينيكية.



في مجالات الكيمياء:


11- من المجالات التي تمكن الصيادلة اختراقها...شركات البترول...والصناعات الكيميائية.


12- أيضا مجال التحاليل الطبية...في العالم كله...للصيادلة فيه دور...ويمكنهم التخصص فيه بسهولة...ومن حق الصيدلي في مصر...فتح معمل تحاليل...لكن بشروط تحتاج الى جهد اكثر قليلا من غيره ...انظر هنا



في مجالات الكمبيوتر والبرمجيات:
13- الاستشارة التخصصية في البرامج الحاسوبية الطبية وهو ما يعرف بـ Medical informatics .
14- بعض الزملاء احترف تصميمات الجرافيكس الدعائية لشركات الأدوية!!

في مجالات التسويق يوجد تخصص غير مشهور وهو...
15- مندوب شركة أبحاث تسويق دوائي.
رد مع اقتباس
  #3  
قديم 14-09-2008, 05:36 PM
الصورة الرمزية Dr. akram
Dr. akram Dr. akram غير متواجد حالياً
عضو خبير
 
تاريخ التسجيل: Apr 2008
المشاركات: 615
معدل تقييم المستوى: 16
Dr. akram is on a distinguished road
افتراضي

شكــــــــــــرا جدا يا فارما جيرل ع المعلومات القيمة دى و ربنا معاكى و معانا ان شاء الله بس مش شايفة انها اهانة للصيدلة انه يبقى سمسار ادوية؟؟؟
__________________
صيدلـــــــــــــــــــــــــــــــية البشمهندس
اسم صيدليتى اللى هافتحها ان شــــاء الله بعد عمر طويل....
رد مع اقتباس
  #4  
قديم 14-09-2008, 06:37 PM
الصورة الرمزية Dr.Nobel
Dr.Nobel Dr.Nobel غير متواجد حالياً
طالب جامعي
 
تاريخ التسجيل: Jun 2007
المشاركات: 883
معدل تقييم المستوى: 0
Dr.Nobel is an unknown quantity at this point
افتراضي

حلو اوى الكلام ده

شكرا ليكي
__________________
رد مع اقتباس
  #5  
قديم 14-09-2008, 07:28 PM
الصورة الرمزية Dr.ahmed91
Dr.ahmed91 Dr.ahmed91 غير متواجد حالياً
عضو قدوة
 
تاريخ التسجيل: Dec 2006
المشاركات: 2,132
معدل تقييم المستوى: 0
Dr.ahmed91 is an unknown quantity at this point
افتراضي

موضوع اكثر من رائع


شكرا جزيلا
رد مع اقتباس
  #6  
قديم 14-09-2008, 07:29 PM
pharma girl pharma girl غير متواجد حالياً
عضو نشيط
 
تاريخ التسجيل: Aug 2008
المشاركات: 175
معدل تقييم المستوى: 16
pharma girl is on a distinguished road
افتراضي

اقتباس:
المشاركة الأصلية كتبت بواسطة dr. Akram مشاهدة المشاركة
شكــــــــــــرا جدا يا فارما جيرل ع المعلومات القيمة دى و ربنا معاكى و معانا ان شاء الله بس مش شايفة انها اهانة للصيدلة انه يبقى سمسار ادوية؟؟؟
جزاك الله خيرا دكتور اكرم و ربنا يوفقك
بس بنا مش عرفة تقصد ايه بسمسار الادوية
لو قصدك المندوب فهى فعلا اهانة من وجهة نظرى
بس اللى بيخليهم يشتغلوا فيها انه بيكون شاب فى بداية حياته لسة متخرج و غير كدة مرتبها عالى و بياخد عربية و بيحاول يجهز نفسه
اما لو قصدك على كله انت عارف ان حق الصيدلى فى الوطن العربى مهضوو كتير و ما يتقارنش ببرة خاص
يعنى مثلا برة الدكتور ملهوش علاقة بالدواء دى وظيفة الصيدلى بس و لو عايز تسافر مثلا كندة انا ممكن ابعتلك ايه الكورسات اللى بتاخدها فى الاجازة عشان تبقى مخلص و ميقولوش ذاكر تانى عشان تسافر
رد مع اقتباس
  #7  
قديم 14-09-2008, 10:07 PM
pharma girl pharma girl غير متواجد حالياً
عضو نشيط
 
تاريخ التسجيل: Aug 2008
المشاركات: 175
معدل تقييم المستوى: 16
pharma girl is on a distinguished road
افتراضي

اقتباس:
المشاركة الأصلية كتبت بواسطة dr.nobel مشاهدة المشاركة
حلو اوى الكلام ده

شكرا ليكي

جزاك الله خيرا و ربنا يوفقك


اقتباس:
المشاركة الأصلية كتبت بواسطة dr.ahmed91 مشاهدة المشاركة
موضوع اكثر من رائع


شكرا جزيلا
جزاك الله خيرا
و الحمد لله انه عجبك



و ارجوكم يا جماعة اى حد عايز يزود حاجة او محتاج حاجة يقول و انشاء الله نستفيد و نساعد
رد مع اقتباس
  #8  
قديم 14-09-2008, 10:13 PM
الصورة الرمزية الشفق الباكي
الشفق الباكي الشفق الباكي غير متواجد حالياً
طالبه جامعيه ( صيدله المنصوره )
 
تاريخ التسجيل: Jul 2008
المشاركات: 1,111
معدل تقييم المستوى: 17
الشفق الباكي is on a distinguished road
افتراضي

ميرسى خالص
وان شاء الله بدل كل دا يبقى معيد فى كليه صيدله
يارب كل اعضاء المنتدى اللى فى صيدله يبقوا معيدين امين




قولوا كلكم امين
__________________
وداااااااع
رد مع اقتباس
  #9  
قديم 14-09-2008, 10:34 PM
pharma girl pharma girl غير متواجد حالياً
عضو نشيط
 
تاريخ التسجيل: Aug 2008
المشاركات: 175
معدل تقييم المستوى: 16
pharma girl is on a distinguished road
افتراضي

اقتباس:
المشاركة الأصلية كتبت بواسطة الشفق الباكي مشاهدة المشاركة
ميرسى خالص
وان شاء الله بدل كل دا يبقى معيد فى كليه صيدله
يارب كل اعضاء المنتدى اللى فى صيدله يبقوا معيدين امين




قولوا كلكم امين
جزاكى الله خيرا يا دكتورة على المرور
و امين على دعائك
رد مع اقتباس
  #10  
قديم 17-09-2008, 03:37 AM
mohamed siliman mohamed siliman غير متواجد حالياً
عضو جديد
 
تاريخ التسجيل: Sep 2008
المشاركات: 12
معدل تقييم المستوى: 0
mohamed siliman is on a distinguished road
افتراضي

كلامك رفع معنوياتي لان الكل بيبص للصيدلي على انه مش اكتر من بياع
رد مع اقتباس
  #11  
قديم 17-09-2008, 10:26 PM
pharma girl pharma girl غير متواجد حالياً
عضو نشيط
 
تاريخ التسجيل: Aug 2008
المشاركات: 175
معدل تقييم المستوى: 16
pharma girl is on a distinguished road
افتراضي

اقتباس:
المشاركة الأصلية كتبت بواسطة mohamed siliman مشاهدة المشاركة
كلامك رفع معنوياتي لان الكل بيبص للصيدلي على انه مش اكتر من بياع
جزاك الله خيرا يا دكتور
بس الكلام ده محتاج حد يكون بيكافح و ياخد كورسات
عشان ربنا يوفقه و يلا الى هو عايزه
و ربنا يوفقك
رد مع اقتباس
  #12  
قديم 19-09-2008, 12:09 AM
الصورة الرمزية روميو العاطفي@الشرقاوي
روميو العاطفي@الشرقاوي روميو العاطفي@الشرقاوي غير متواجد حالياً
عضو مجتهد
 
تاريخ التسجيل: Sep 2008
المشاركات: 132
معدل تقييم المستوى: 16
روميو العاطفي@الشرقاوي is on a distinguished road
افتراضي

انا لسه جايلي صيدله وكنت متحطم خالص

بس الحمدلله كلامك مقنع جدا

انا صيدله الزقازيق

ميرسي
__________________
استغربت لحال الدنيا واللي بحبه بعني فثانيه

جت عيني في عيونه دور وشه الناحيه التانيه
رد مع اقتباس
  #13  
قديم 19-09-2008, 12:18 AM
kingman260 kingman260 غير متواجد حالياً
عضو جديد
 
تاريخ التسجيل: Jul 2008
المشاركات: 13
معدل تقييم المستوى: 0
kingman260 is on a distinguished road
افتراضي

انا كمان صيدلة الزقازيق
يا دكتور روميو
والصيدلة كلية جميلة جدا
ولعلمك انا كنت جايب مجموع يدخلني طب الزقزيق كمان بس دخلت صيدلة
المهم انك تبدع في مجالك وتركز فيه الصيدلة من المجالات الكويسة اوي العملية اللي ممكن تثبت فيها نفسك
ويا ريت نتقابل في الكلية ان شاء الله
رد مع اقتباس
  #14  
قديم 13-12-2008, 02:23 AM
الصورة الرمزية amooor slim
amooor slim amooor slim غير متواجد حالياً
طالب جامعى ( إعدادى صيدله الإسكندريه )
 
تاريخ التسجيل: Nov 2008
المشاركات: 132
معدل تقييم المستوى: 16
amooor slim is on a distinguished road
افتراضي

يا جماعة انا عاوز اقولكم ان الصيدلى بجد من الاشغال التى تحتاج لمهارة عالية جدا وسرعة بديهة وذوقية فى الحوار مع الاخرين يعنى بمعنى اصح ملكة التحدث واعتقد انها فى كثير من الاحيان وبتوفيق الله تكون مهنة مربحة ولو ربنا كرمك وفتحت صيدلية فى المستقبل يبقى ربنا كرمك من وسع اما الناس اللى بتقول انه بياع فانا ضدهم تماما لان معلش مش اى حد يقدر يوقف فى صيدلية بس نفسى اسال سؤال هل يحب اى حد فينا انه يكون له شريك فى المستقبل فى شراء الصيدلية ولو فى بداية حياته كصيدلى فقط ؟؟؟؟؟؟؟؟؟ وشكرا على اثارة هذا الموضوع الهام جدا
__________________
كن مع الله يكن معك دائما وابتغى اليه الوسيلة
رد مع اقتباس
  #15  
قديم 15-12-2008, 04:31 PM
الصورة الرمزية Dr.tuty
Dr.tuty Dr.tuty غير متواجد حالياً
إعدادي صيدلة
 
تاريخ التسجيل: Dec 2008
المشاركات: 306
معدل تقييم المستوى: 16
Dr.tuty is on a distinguished road
افتراضي

اقتباس:
المشاركة الأصلية كتبت بواسطة amooor slim مشاهدة المشاركة
يا جماعة انا عاوز اقولكم ان الصيدلى بجد من الاشغال التى تحتاج لمهارة عالية جدا وسرعة بديهة وذوقية فى الحوار مع الاخرين يعنى بمعنى اصح ملكة التحدث واعتقد انها فى كثير من الاحيان وبتوفيق الله تكون مهنة مربحة ولو ربنا كرمك وفتحت صيدلية فى المستقبل يبقى ربنا كرمك من وسع اما الناس اللى بتقول انه بياع فانا ضدهم تماما لان معلش مش اى حد يقدر يوقف فى صيدلية بس نفسى اسال سؤال هل يحب اى حد فينا انه يكون له شريك فى المستقبل فى شراء الصيدلية ولو فى بداية حياته كصيدلى فقط ؟؟؟؟؟؟؟؟؟ وشكرا على اثارة هذا الموضوع الهام جدا
انا معاك في كل كلمة لان في فرق كبير اوي بين الصيدلي والعامل اللي واقف فيها
انا مش فاهمة سوالك ممكن توضحه شوية؟؟؟؟؟؟؟؟؟؟
ويا فارما جيرل انت كلامك حلو اوي بس كنت عايزة اقول ان عمر ما كان مندوب الادوية اهانة لانه بيعرض الدواء على الطبيب يعني الطبيب اللي بيكون محتاجله تاني حاجة بالعكس هي شغلانة مربحة بمجهود اقل حتى لو كان العمل في صيدلية بس فعلا كل حاجة بتوفيق ربنا
رد مع اقتباس
إضافة رد

العلامات المرجعية

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


جميع الأوقات بتوقيت GMT +2. الساعة الآن 11:47 PM.