عاجل || سياحة وفنادق Vs تربية نوعية || أيهما الأفضل ؟

[мoнαмeδ кαмαι]

بسم الله الرحمن الرحيم

انا محتار .. ادخل سياحة وفنادق و لا تربية نوعية ، وانه قسم احسن فيهم .. ؟

الناس بيقولولى ان تربية نوعية وخصوصا حاسب الى شغلها حلو جدا ، لكن سياحة هتبهدل فى الفنادق لحد لما الاقى شغل و كمان اى كلام

صحيح الكلام ده .. ؟ و لا قسم ارشاد او دراسات كويس .. ؟

وايه هو قسم تكنولوجيا التعليم ده .. ؟

أتمنى بس سريعاً أرجوكم لأن التنسيق هيقفل بكره الساعة 7 بليل

شكرا ليكم جميعاً

[طالبة سياحية]

ربنا يوفقك ان شاء الله
بص انا مش اقدر افيدك غير ف مجالنا ...( السياحة وفالفنادق)
مش كل اللي بيدخلو الكلية بيروحو الفنادق... ده هو قسم من 3 اقسام
1- قسم الارشاد السياحي : وهو باين من اسمه .. ان المجال المتاح هو الارشاد السياحي والدراسه فيه بالانجليزي (اقصد ف جامعه حلوان لو انت ساكن ف القاهرة عشان انا معرفش نظام الكلية ف الجامعات التانية)
ولو لا قدر الله مشتغلتش ف الارشاد هتتخرج وماع لغتين بيبقي قدامك كذا مجال تقدر تستخدمهم فيه

2-قسم الدراسات السياحية : وبتدرس فيه مكاتب الطيران ومكاتب السياحة وتنظيم الرحلات والمطار والجو ده....

3-قسم ادارة الفنادق: و بتدرس فيه ما يتعلق بالفنادق من ادراة وتغذية ومشروبات
----------------
وحكاية اللي قالولك هتتبهدل دي ... مبتبقاش اسمها بهدلة ده انت بتدرب وبتروح تدرب حسب قسمك ويمكن التدريب ده يجيبلك شغل وانت لسه بتدرس لو انت ممتاز ف مجالك ونشيط...
مجالنا عملي 100% وممتع لدرجة كبيرة جدااا لانه مش ممل ومش روتيني
- وطبعا شغل السياحة كلو عموما كويس جدااا وربنا يوفقك ان شا ءالله

وياريت تقولي انت ناوي تدخل سياحة وفنادق جامعه ايه
عشان لو حلوان اقدر اساعدك اكتر

[zomahisham]

السياحة و فنادق تلاقي فيها شغل احسن و افضل بكتييييييير من التربية النوعية و تكسب جامد فيها

[ميزو مان]

سياجة وفناااااااااااااااااادق طبعا