ممكن تفضل بالدخول ... للاهمية

[سنــدريــلا]

مكن مساعدتى فى معرفة افضل الطرق للمذاكرة وخصوصا فى مادة الفيزيا 3ث ؟ والعربى وهل بينقصوا فى التعبير و لا لاء ؟؟
وفى مواد بها اجابة اخرى ؟؟ وبعض نصائح بما انكوا فى كلية الطب ؟؟ واسماء الملخصات القوية فى الفيزيا ؟؟

[سنــدريــلا]

ارجوا الرد سريعا .....

[هاوى إبداع]

آآآآسف

ينقل للقسم المناسب

[يا الهي]

المشاركة الأصلية كتبت بواسطة سنــدريــلا

مكن مساعدتى فى معرفة افضل الطرق للمذاكرة وخصوصا فى مادة الفيزيا 3ث ؟ والعربى وهل بينقصوا فى التعبير و لا لاء ؟؟
وفى مواد بها اجابة اخرى ؟؟ وبعض نصائح بما انكوا فى كلية الطب ؟؟ واسماء الملخصات القوية فى الفيزيا ؟؟

بصي من ناحية العربي فيه ناس مبتنقصش ابدا وبتاخد الدرجة النهائية في العربي بس دول بس قليلين شوية

ولو انتي اخدتي الدرجة النهائية في جميع اقسام اﻻمتحان هينقصوكي درجة في التعبير وبتتقسم علي 2 يعني 29،5 من 30 ودي تعتبر الدرجة النهائية ... والله اعلم يمكن ربنا يكتبلك انك تاخدي 30 من 30


الفيزيا بقي ...النظري بتاعها ذاكريه من مذكرة المدرس بتاعك
وتكتبي الزيادات اللي في الكتاب عندك في ضهر المذكرة وذاكريها بحيث انك تكوني واثقة انك معاكي النظري كله

وتجيبي امتحانات السنين اللي فاتت وتشوفي السؤال ده تبع الكهربية مثلا تكتبي جنبه كهربية ، تبع الحديثة الفصل اﻻول تكتبي جنبه بحيث انك لما تذاكري اللي اخدتيه النهاردة في الدرس تقلبي في امتحانات السنين اللي فاتت وتشوفي السؤال ده بييجي بصيغة ايه وتشوفي في نموذج اﻻجابة كاتبين اﻻجابة ازاي وايه الجزئية اللي في اﻻجابة بتاخدي عليها الدرجة والباقي رغي مش ليه تاثير علي الدرجة ... ولو فيه تعارض ناقشي المستر بتاعك

الملخصات :اﻻمتحان ده اساسي ومعاه الماسي او الوسام ... انا نسيت اسماء الملخصات بصراحة بس دول افضل 3 وامتحانات السنين اللي فاتت شيئ مقدس

ممكن تشوفي اللينك ده فيه بوست ليا هيساعدك الي حد كبير ان شاء الله
http://www.thanwya.com/vb/showthread.php?t=568548


بالتوفيق ان شاء الله ي دكتورة