|
#331
29-09-2009, 07:02 PM
|
||||
|
||||
كل سنه وانتو طيبين
الدراسه ع الابواب الحقو افتحولها بقي قبل ما ترجع في كلامها وتقوللكو هعدي عليكو السنه الجايه  النهارده بقي معانا كام نصيحه كده بس ايه بقي انا عارفه انكو داخلين علي دنيا جديده ومهما حد كلمكم عنها لازم تعيشوها وتجربوها بنفسكو بس اهوه بدل ما نعيشها كده سبهلله نلاقي ع الاقل حد يوعينا نعمل ايه ومنعملش ايه  طبعا الكلام ده هيبقي من خبره متواضعه في كليتنا العزيزه اللذيذه لا تتعدي السنه بس اهوه كلمتين ينفعوكو في وقت زنقه 1- الدكاتره ع العموم في كليتنا او غيرها مبيحبوش اللوك لوك لوك لوك عارفينه هاه يعني مش طول مانت قاعد في المحاضره ماسك في ودن اللي جنبك لحد ما تخربهاله  2- خليك مؤدب وظريف مع الدكتور عشان الدكتور في ايده كل حاجه ينجحك يشيلك يخليك تعد سنه اضافي كل ده في ايده حتي لو كان الدكتور ده انت مش بتحبه او بتستتقل الماده بتاعته وساعتها تاخد بالمثل الشهير اللي بيقول .......... 3- خلي في عمار بينك وبين المعيدين فاهمين ازاي ؟ لأ طبعا مش فاهمين طيب طيب متزقوش هقول اهوه  يعني المعيد ده سنه اقربلك من الدكتور وفاهم كتير طبعا عني وعنك ومعظم المعيدين بيبقو حابين يثبتو للطلبه انهم محل ثقه واي سؤال تسأله هيحاولو يردو عليك وانت لازم تستغل النقطه دي كويس اوي يعني روح للمعيدين كتير واسأل عن ده وده وخليه يشرحلك الجزء اللي مش فاهمه اسأله الامتحان بييجي ازاي ازاكر منين كل الحاجات دي هيفيدوك فيها بس ملحوظه هذا الكلام غالبا لا ينطبق علي المعيدين اللي بيدو دروس وانتو عارفين ليه  4- الدكتور بيحب الطالب الذكي النبيه اللي بيذاكر اول بأول ومش هييجي يقوللك يا شاطر ذاكرت المحاضره اللي فاتت وللا لا لا طبعا هتلاقيه في وسط المحاضره بيسأل في حاجه خدتها قبل كده وهيتبسط منك اوي لو جاوبتها واحنا مش عايزين اكتر من ان الدكاتره يبقو راضيين علينا  5- ذاكر اول بأول ترتاح ماكدبش عليكو الموضوع مش سهل اوي زي مانتو فاكرين بس لو يوم رجعت متأخر وملحقتش تذاكر حاجه اضعف الايمان اقرا اللي خدته النهارده شوف صورت ورق ايه الدكتور اتكلم عن ايه لانك لو ركنتها هتيجي الاسبوع اللي بعده في المحاضره اللي بتستكمل نفس الموضوع هتبلم وتبقي ولا كأنك سمعت حاجه عن الموضوع ده قبل كده 6- في السكاشن حاول تكون صاحي عشان بتبقي محتاجه تركيز اوي وكل ما تركز ده يسهل عليك بعدين  7- حاول تحضر كل المحاضرات متفوتش منها حاجه هو انت لو فوتت كام محاضره مش هتسقط يعني  بس بجد الدكتور بيقول كلام في المحاضره ممكن يفك زنقتك وانت في امتحان الشفوي والدكتور بيعرف اللي فاهم من اللي مش فاهم واللي بيحضر من اللي مبيحضرش والشفوي سيد مين يعرف الدكتور الفرق 8- حاول تلتزم بمواعيد محاضراتك وسكاشنك السكاشن عشان ميفوتكش حاجه والمحاضرات برده عشان ميفوتكش حاجه وعشان الدكتور ساعات بيرخم وبياخد غياب وده بيبقي مش لذيذ لو كتبك غياب وانت حاضر المحاضره اساسا 9- مش اي حاجه تذاكر منها ومش كل حاجه تذاكرها بمعني مش انا عندي في الهستولوجي 20 مصدر اذاكر منه اقوم مذاكر ال20 مصددر وافتكر اني كده واد شاطر عشان ذاكرت كل حاجه لأ ده بالعكس بيشتتك اكتر ما بيفيدك انت لوحدك اللي هتحدد تذاكر كل ماده منين الموضوع محتاج شوية وقت بس الشاطر اللي يقدر يحدد بدري بدري عشان يلحق نفسه 10- اصحابك اصحابك دول بعون الله ممكن يخلوك تجيب امتياز وممكن برده يخلوك متطلعش حتي بمقبول حاول تختار اصحابك صح ومش اي حد يتصاحب وبرده شطارتك انك تقدر تحدد مين كويس ومين وحش واصاحب مين وماصحابش مين من البدايه كده 11- متفتكرش ان الشاطر هو بس اللي يخلص محاضرته ويجري علي سكشنه وبعدين ع البيت لأ مش شرط انت بس المهم تعرف ان وقت الجد جد ووقت اللعب لعب مش بقوللك قضيها واستني التقدير يجيلك ع البريد لأ بس عيش حياتك صح متبقاش حياتك كلها مذاكره وبس الكليه عامله زي السوبر ماركت بالظبط ان جاز التعبير فيها كل حاجه وانت بتختار في اساسيات ماقدرش استغني عنها لازم اخدها(الدراسه ) وفي حاجات يعني ممكن اخدها عشان هتبسطني او هتريحني (اصحابي و الترفيه عن نفسي وكده) وحاجات بقي هتضرني لو خدتها(تضييع الوقت وانك تعيش حياتك زياده عن اللازم يعني ) 12- سيبك من الكورسات والكلام ده كله صدقني ملهاش لزمه وبتضيع وقت وهو مفيش وقت اساسا حاول تعتمد علي نفسك مش زي ثانوي لو مخدتش درس في الفيزياء هسقط فيها مثلا مع العلم اني مخدتش ولا درس وانا في ثانوي  متهيألي كفايه عليكو كده عشان بس متزهقوش ولو دكتور ميجو حابب يضيف او يعدل حاجه التوبيك تحت امره طبعا ولو حد عنده اعتراض علي حاجه من دول يقول بس النصايح دي عن تجربه شخصيه ممكن تختلف من حد للتاني بس يعني اكيد في حاجه ممكن تفيدك واسفه علي الاطاله وطبعا مش محتاجه اقوللكو لو في استفسار احنا موجودين
__________________
Veterinarian and proud to be so Veteriner ve gurur kadar olmak Vétérinaire et fier de l'être Veterinario e fieri di esserlo
|
|
#332
29-09-2009, 07:04 PM
|
||||
|
||||
|
اقتباس:
هاي يا لبني
وانتو كمان وحشتوه متهيألي ده كان اول معرفتي بيكم اصلا عشان كده عزيز عليا اوي بجد التوبيك ده
__________________
Veterinarian and proud to be so Veteriner ve gurur kadar olmak Vétérinaire et fier de l'être Veterinario e fieri di esserlo
|
|
#334
29-09-2009, 10:55 PM
|
||||
|
||||
|
اقتباس:
بتحصل في احسن العائلات علي فكره
بس احسن انه اتمسح عشان انا مش عاوزه منكم شكر انا عاوزه حاجتين تدعولي ربنا يوفقني للي فيه الخير وتجيبو تقدير ترفعو بيه راسنا وبس شفتي حاجه بسيطه ازاي 
__________________
Veterinarian and proud to be so Veteriner ve gurur kadar olmak Vétérinaire et fier de l'être Veterinario e fieri di esserlo
|
|
#336
30-09-2009, 12:04 AM
|
|||
|
|||
|
عشان قولتي بلاش شكر يا سندريلا يبقي ثانكس
علي المجهود ده وتاعبينك معانا والله وعن نفسي استفدت من كلامك وهحاول انفذه إن شاء الله ومش هخلي الكليه سوبر ماركت ولا مدرسه ماهو خير الامور وسط  وربنا يوفقك ويوفقنا للي فيه الخير إن شاء الله
|
|
#337
30-09-2009, 09:18 AM
|
||||
|
||||
|
اقتباس:
 هو انتى يادكتورة همسة معلش سؤال بس محيرنى كنتى بتروحى المدرسة أصلا فى الثانوية العامة اصل انا ما أعرفش أنا كنت فى فصل كام حتى
|
|
#338
30-09-2009, 11:48 AM
|
|||
|
|||
|
اقتباس:
|
|
#339
30-09-2009, 11:54 AM
|
|||
|
|||
|
طب تصدقوا بالله ياجماعه انا قضتها في الثانويه وعشت حياتي فيها يمكن اكتر من الكليه....اصل اخوكم طول عمره مبيذكرش والثانويه دي كان البيت كله بيحاول يطبطب عليا وكل الطلبات مجابه وعايش مرتاح ومكنش فارق معايا لا نتيجه ولا بتاع...والله كانت من اجمل الايام
|
|
#340
30-09-2009, 08:39 PM
|
||||
|
||||
|
الحمد لله مقابلة النهارده تمت بنجاح
بس فعلا والله كان يوم بناتي لذيذ كده وظريف انا عن نفسي اتبسطت اوي بمعرفتكو والله واتمني اكون مش حد تقيل عليكم وتكونو اتبسطتو زي مانا اتبسطت واتمني كمان بقي يعني متتوهوش اول يوم في علوم بعد كورس الارشاد السياحي المكثف اللي اديتهولكو في الجامعه عشان زي ماقلتلكو اللي هيتوه ملوش عندي الا ........ حاجه ساقعه يشربها عشان اكيد تعب من المشوار كنت ناويه انزل تفاصيل المقابله زي مابنعمل في مقابلاتي انا واصحابي هنا ع المنتدي بس بلاش بقي خليهم يخمنو بقي عرفنا بعض ازاي وعملنا ايه مش لازم يعني نديهم كل حاجه جاهزه كده لازم نشغل مخنا ده احنا داخلين علي دراسه وبجد كان يوم حلو اوي يا بناويت طبعا البناويت دول هما لبني ورغده والاء اختها وهمسه ونبره حزن واكيد انا طبعا كنت معاهم مش عايزه ذكاوه رغم اني راجعه من بدري اوي بس مكانش ليا نفس اكتب حاجه مش عارفه ليه  المره الجايه بقي تبقي في الويلكم بارتي ان شاء الله ونتقابل كتير لحد ما نزهق من بعض c u soon isa
__________________
Veterinarian and proud to be so Veteriner ve gurur kadar olmak Vétérinaire et fier de l'être Veterinario e fieri di esserlo
|
|
#341
01-10-2009, 06:20 AM
|
|||
|
|||
|
بسم الله الرحمن الرحيم...
يعني ممكن عرفتو بعض عن طريق المكان ثم الهاتف الخلوي بس يا تري كانت جوله إرشاد سياحي بس ولا عرفتو حاجه... يعني عن السكاشن او المجموعتين..وأتمني تكونو عرفتو عشان انا مقلق بصراحه
|
|
#342
01-10-2009, 10:36 AM
|
|||
|
|||
|
أكيد يعني يادكتور اتفقتو علي معاد تتقابلو فيه اتفقتو تتقابلو في مكان في الجامعه المكتبه المركزيه وكان معاكم ارقام بعض وكان التواصل ان اللي يوصل يتصل لغايه معرفتم بعض.....بس بجد ربنا يكرمك يادكتور علي المجهود ده
|
|
#343
01-10-2009, 10:54 AM
|
||||
|
||||
|
اقتباس:
ايوه كده تمام
يعني مش ارشاد بس الصراحه هو احنا رحنا شؤون الطلبه بتاعت بيطري وقالو ان السكاشن هتنزل بكره اللي هو النهارده يعني بس طبعا احنا مصدقناهمش فانتو ريحو دماغكو وابقو روحو يوم الحد كده كده انتو اول يوم ليكو في بيطري الاتنين ان شاء الله ورحنا بقي شؤون الطلبه بتاعت علوم طبعا كالعاده ازبهلال لا متناهي ماعلينا واحنا بقي عند مدرج مشرفه الاء اخت رغده دخلت سألت حد جوه فقاللها روحي لاستاذ فلان في شؤون الطلبه راحو هما بقي لاستاذ فلان ده وانا ورغده ولبني قعدنا عند والي كده شويه فراح استاذ فلان ده اداهم رقم التليفون وقاللهم اتصلو بكره بس متقلقوش يعني احنا عرفنا السكاشن بتاعتنا اول يوم باين  وبسسس
__________________
Veterinarian and proud to be so Veteriner ve gurur kadar olmak Vétérinaire et fier de l'être Veterinario e fieri di esserlo
|
|
#344
01-10-2009, 10:59 AM
|
||||
|
||||
|
اقتباس:
يعني تقريبا
بس احنا اتقابلنا الاول في الكليه الجديده وبعدين رحنا الجامعه بقي وياعيني العيال رجليهم وجعتهم من المشوار وكنا بنفكر نعمل مشروع توك توك في الجامعه ربنا يكرمك يا دكتور ده هما زي اخواتي بالظبط والله
__________________
Veterinarian and proud to be so Veteriner ve gurur kadar olmak Vétérinaire et fier de l'être Veterinario e fieri di esserlo
|
|
#345
01-10-2009, 12:31 PM
|
||||
|
||||
|
ههههههههههههههههههههههههههههههههههههه
اكيد يا سندريلا فاهمه انا بضحك ع ايه اكيد يعنى انتى واخده باااااااااااااااااالك انى لسه داخله ع العموم ما علينا انا عاوزه اوضح حاجه مهمه جدا يعنى يا جماعه لازم تعرفوا ان سندريلا دى مش سهله خااااااااااااااااااالص امبارح عماله تقولى ده كذا يا لبنى وده كذا وده كذا واحنا راااااااااااجعين بقى لقيتها بتقولى ده اسمه ايه بقى يا لبنى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ههههههههههههه هههههههههه كانت بتختبر معلوماتى هههههههههه بس انا يعنى ما يحدش يفكر حاجه وحشه يعنى اه ما تخفو ش انا ما كسفتكوش اه انا وبلا فخر قولتلها وانا مالى هعرف منين يعنى ههههههههههههههه انا اخر واحده حد يعرفنى طريق او يقولى حاجه وتلاقينى اعرف حاجه اصلن ببس الحق يتقاااااااااال زوزو دى تمام بس اللى مش لطيف انا بتسأل بعد ما تخلص
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 03:48 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
