|
#1
12-08-2014, 11:34 PM
|
|||
|
|||
صيادلة جامعة طنطا الى خلصوا اعدادى السنة دى .. استفسار لو سمحتوا
بما انكم خلصتوا اعدادي بئا وداخلين علي اولى افيدوا اخواتكوا الي لسه داخلين اعدادي  ومش عارفين عندهم مواد ايه ولا كل مادة درجاتها من كام واي المواد الصعبة الى لازم نركز فيها اوووى 
|
|
#2
15-08-2014, 08:49 AM
|
||||
|
||||
المواد بتاعت ترم اول :
الترم الاول : اورجانك . بوتنى . احصاء . تحليلة . بيولوجى . مدخل صيدلة . انجليزى ........................................ الاورجانك : (كيميا عضوية ) اصعب ماده ف الترم ده عبارة عن ميكنزمات ومعادلات لو انت كنت شاطر كيميا ف ثانوى هتسلك فيها .. سهل الترم ده ف الاورجانك تجيب تقدير فيها بس نهتم بيها شوية . العملى بتاعها بيلم درجات كبيرة بتخش بحاجة اسمها اسكيم اللى هى الخطوات وتمشى عليها وتكشف عن مواد والمعيدين ساعات بيساعدوك وهكذا الماده من 300 .. 30 شيت (ميد تيرم) و 60 اورال (شفوى) و 60 عملى والباقى فاينال (اخر الترم) ................................. البوتنى : (النباتات الطبية ) تانى اصعب ماده بعد الاورجانك .. اسامى لاتينى على شوية انجليزى كده حلوين و هتحس انك شوية ف زراعة لحد ما تبدا الشغل هتدرس النبات الطبى من اول ما يتزع ف الارض لحد ما يرجعلة تانى والمواد الفعالة اللى بستخدمها كطبيب وكده صعوبتها بس اللى يوصلهالك على انها ماده فهم او يحببكوا فيها الماده من 300 برده زى الاورجانك .................................... تحليلة ماده حلوة جدا وبتلم درجات بتدرسوا فيها التحليل الكيفى والكمى والذرات والنيترون والبروتون والكاتيون والانيون هتفهم كل ده بعدين متقلقش العملى بتاعها حلو جدا لم درجات وبرده باسكيم وحاجة لذيذه كده الماده ب 300 درجة برده .............................. البيولوجى ماده برده لذيذه كده بتدرس اوليات النواه والحقيقيات النواه والجو ده وبتفهم التفاعلات جو جسمك بتتقسم على تلت دكاترة هى حلوة هتعجبكوا الماده 300 برده ............................ الاحصاء كفاية كده معظمها رسومات بيانية وجو علمى رياضة بس بجد هتفرق معاكوا لما تكبروا ف تالتة ان شاء الله و لو كنت بتاخد احصاء فى ثانوى هتفيدك فيها كتيير برده ........................... الانجليزى شوية قطع على شوية idioms (مصطلحات) ومعانيها بتتذاكر ليلتها اصلا وسهلة جدا وبتلم درجات بس برده متستقلش بيها و هى من 200 ........................... مدخل صيدلة يمكن الماده الوحيده اللى هتحضر ليها كل محاضرتها الماده ب 100 درجة سهلة جدا والدكتور بيديلك الامتحان اصلا بيعلمك شوية اصول كده ف صيدلة والادوية والشركات وهكذا و هى مادة لذيذة جدااا اصلا
__________________
كن فى الحياه كعابر سبيل ***
واترك ورائك كل أثر جميل *** فما نحن فى الدنيا إلا ضيوف *** وما على الضيف إلا الرحيل ***
|
|
#3
15-08-2014, 08:28 PM
|
|||
|
|||
|
شكراااااااااااااااااااا جداااااااااااااااا يا دكتووووووووووورة
|
|
#4
16-08-2014, 08:41 PM
|
||||
|
||||
|
العفو يا دكتــور و اى اسئلة تحت امرك
__________________
كن فى الحياه كعابر سبيل ***
واترك ورائك كل أثر جميل *** فما نحن فى الدنيا إلا ضيوف *** وما على الضيف إلا الرحيل ***
|
|
#5
12-12-2014, 04:21 PM
|
|||
|
|||
|
وبخصوص الموقع ده فى أى نشاط يخصنا هنا ولا هو انتهى على مرحلة الثانويه وخلا ص
__________________
طالبه
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 08:10 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
