اى استفسار بخصوص كليه ألسن هنجاوبك عليه

[sranty]

المشاركة الأصلية كتبت بواسطة هدير 2012

مرسي جدا ياسرانتي ...........وربنا معاكي .....بس انا سمعت ان الدكاتره بتعوا القسم الايطالي صعبين؟؟؟؟

انا سمعت الكلام ده كتييير بس السنه اللى فاتت محدش كان بيشتكى من الدكاترة عندهم

[sranty]

المشاركة الأصلية كتبت بواسطة hazem-hamdy

افريقي ؟؟
بس شكرا جدا سرانتي

ايوه يعنى تتكلم لغه الهوسا بتاعتهم

[sranty]

المشاركة الأصلية كتبت بواسطة الشخصية المحتارة

هو مفيش حد ولا كوري ولا تركي هنا ولا ايه هو ولا اللغات دي ملهاش شغل ومعلش كنت عايزة اعرف مجالات شغل التشيكي في القاهرة ومعلش انا عارفة اني باتعبكو معايا

لا ليها طبعااااااااااا
التركى بيكون اكتر حاجه فى الموانى
والكورى بصراحه معرفش

التشيكى فيه شركات فى القاهرة والعدد مناسب للشركات
يعتبر القاهرة تالت محافظه بعد شرم والغردقه من ناحيه شغل التشيكى

[sranty]

المشاركة الأصلية كتبت بواسطة abrar 1

انا كنت عوز اعرف هو ينفع اخد برتغالى فرست ولا ما ينفعش

انا مش عارفه اذا كانوا نزلوه فرست ولا لا
بس هما السنه اللى فاتت قالوا انهم هينزلوه فرست
فيارب ينزلوه

[sranty]

المشاركة الأصلية كتبت بواسطة بسمة2011

طب واخبار اللغات الشرقية ايه يا جماعة زي الاوردو هو ده الهندي ..؟ والتركي وايه تاني ...؟ مش فاكرة بايني العبري بس لا طبعا

لا الاوردو ده اللغه اللى بيتكلم بيها الباكستانين كلغه اولى
مفيش هندى عندنا

فيه
تركى
عبرى
تشيكى
فارسى

[mustafa.sharf]

المشاركة الأصلية كتبت بواسطة sranty

انا عن نفسى عندى الايطالى احلى وكمان الايطالى اسهل من الالمانى بكتير
ونطقه تحفه جدااااااا برضو
يعنى هترتاحى فى الايطالى احسن من الالمانى

وكمان ابطاليا الناس بتاعتها احلى من المانيا الجنس الابيض اللى بيحسبوا نفسهم المختارين على حد قولهم

انا كمان رأيى من رأى سرانتى الالمانى صعب والدكاتره زفت والتقديرات فيه زفتين من الاخر قسم وحش

غير انى انا بكره السياح الالمان اصلا زى ما قالت سرانتى المختارين ومش بيبتسموا خاااالص عالم قتمه

[mustafa.sharf]

المشاركة الأصلية كتبت بواسطة sranty

انا سمعت الكلام ده كتييير بس السنه اللى فاتت محدش كان بيشتكى من الدكاترة عندهم

الدكاتره الى حد ما كويسين بس فيه ظلم ف التقديرات يعنى من الاخر زى ما بيقولوا ارزاق

[mustafa.sharf]

المشاركة الأصلية كتبت بواسطة abrar 1

انا كنت عوز اعرف هو ينفع اخد برتغالى فرست ولا ما ينفعش

ينفع يا معلم قسم برتغالى قسم جديد السناتى اول سنه ليه يعنى هتبقى دفعه وش الطبق

[samuelkatry]

مرسى ليكى يا سرانتى ربنا يخليكي لينا وتفيدينا كدة علي طول

[abrar 1]

مرسى كتير كتير ياسرانتى و انت كمان يا درش

[sranty]

المشاركة الأصلية كتبت بواسطة samuelkatry

مرسى ليكى يا سرانتى ربنا يخليكي لينا وتفيدينا كدة علي طول

ربنا يخليكى ليا يارب وتدعيلى دايما واقدر افيدكم ان شاء الله علطول

[Alsunian1]

هو حد عرف التنسيق الداخلى لانجلش فرست السنادى اخد من كام

يعنى لازم اجيب كام ف الانجلش لو حاباها فرست

[mustafa.sharf]

المشاركة الأصلية كتبت بواسطة بنوتة مصرية1

هو حد عرف التنسيق الداخلى لانجلش فرست السنادى اخد من كام

يعنى لازم اجيب كام ف الانجلش لو حاباها فرست

هو اخدت تنسيق السنه اللى فاتت من 46 واعتقد انه هينزل السناتى عن كدا والله اعلم

[shadowboy209]

متشكر جدا على الموضوع الفيد جدا ده
بس عندي سؤال
هو انا جايب 48 في الانجليزي
في امل اني ادخل ياباني
وكمان هو انا بختار اللغة وأنا بقدم اوراقي ولا امتى بالظبط
شكراااااااااا

[emyemo]

مازلت حائرة بين اللغتين السينية و اليابانية ههههههههههههههههههههه و لا اعلم ماذا افعل عععععععععع
شكلى هختار لغة عربية و اريحح نفسى هههههههههههههههههههه