دماغي هتنفجر..... هندسة قسم عمارة ولا فنون تطبيقية ولا فنون عمارة؟.....اعمل ايييييه؟ - الصفحة 3

moramecho · #31 21-09-2009, 03:13 PM

first :thnx so much 3la el answers
second : ana mesh b3mel Comparison between handasa 3mara w fnon 3mara bas ana 3wza a3ref law ha5od sha2a 3ashan a3esh feha ha3esh fen gamd handasa wala fnon bas da 2asdy
third : plz 3wza a3raf heya el mawad fe fnon bna5odha belenglish wala el arabic 3ashan law bel arabis y**** ana sa26a feha mn3'er ma a5osh

moramecho · #32 21-09-2009, 03:15 PM

sa7 nset a2oloko happy EID w kol sana w ento tayeben

eng--zako · #33 22-09-2009, 04:52 AM

معظمها عربي و في بعض المواد انجلش

eng--zako · #34 22-09-2009, 04:53 AM

مادتين او تلاتة بالأنجلش باين و الباقي كلو بالعربي و بعدين المادة النظري علي حسب كلام خريجة مبتعديش عشرين ورقة الشغل كلو عملي

KeMoZzAzZ · #35 22-09-2009, 07:19 AM

بصى انا دلوقتى مش فاهم انتى عايزه تدخلى ايه او انتى فى سنة كام او اى حاجه
يعنى انتى لسه اساسا مادخلتيش هندسة ولا فنون
ولا انتى اساسا عمارة ولا انتى خلصتى اعدادى ولا ايه بالظبط
مش قادر افهملك بصراحه

وانا ماقولتش انك بتعملى مقارنة
انا اقصد ناس تانيه هما عارفين نفسهم

مش انت يازاكو

المهم اللى اعرفه ان عندنا فى عين شمس بالانجليش الله اعلم بقى اسكندرية ايه نظامها
وانتى لو فى هندسة يبقى تاخدي شقة جنبها
لو فى فنون تاخدى شقة جنب فنون
ده الطبيعى يعنى

eng_ baka · #36 22-09-2009, 02:16 PM

اقتباس:

المشاركة الأصلية كتبت بواسطة eng. Alios

سلام عليكم

أولاً : أهلاً وسهلاً بيكي في احلى علم في الدنيا ... علم الرياضيات

ثانياً : باختصار شديد حضرتك لو عاوزه تجمعي بين الديكور و العمارة و التشييد .... يبقى عليكي و على فنون جميلة عمارة ...
أما لو عايزة تجمعي بين العمارة و التشييد فقط ... يبقى هندسة عمارة ...

فنون جميلة عمارة حضرتك بتمزج بين الفن و الهندسة و التطبيق ... اما هندسة عمارة فبتمزج بين الهندسة و التطبيق فقط ... و لذلك بيفضلوا فعلاً فنون جميلة عمارة على هندسة عمارة لأن فنون جميلة عمارة قدراتها في الدراسة أعلى و أرقى من هندسة عمارة ..

ثالثاً : كله زي بعضو حضرتك مفيش حاجة اسمها الأفضلية لمين ... الأفضلية في دراسة العمارة طبعاً هيا فنون جميلة عمارة , لأنها بتشمل العمارة بكل نواحيها فنياً و هندسياً و تطبيقياً ... انما الوظيفة واحدة و هيا مهندس معماري ....
الأولوية طبعاً للمتميز في دراسته سواء هنا أو هنا ...

اما لو بتختاري مؤهلات ... فابعدي الفنون التطبيقية لان مفيهاش تخصص عمارة او ديكور ... الديكور في قسم الفنون بكلية الفنون الجميلة ...

المهم ... لو قدامك مؤهل هندسة و مؤهل فنون جميلة ... لو بتفكري صح و قعدتي تحسبيها ح تلاقي ان فنون عمارة هيا اللي ليها الأولوية لأن فنون عمارة جامعة بين العمارة و البناء و التشييد و الديكور ... يعني لو قدامك مبنى و عايزة تنسيقيه صح .. ح تحتاجي مهندس معماري من فنون جميلة ينسق لك البيت من بره بمظهر فني معماري جميل و من جوه برضه بمظهر معماري فني ... اما هندسة عمارة فهو بيطبق الهندسة كهندسة مش كفن و كهندسة مع بعض ... يعني لو طلبتي منه يعمل بيت ح يعمله سطحي من غير جماليات أو مظهر فني متميز ... فبذمتك اللي ح يشتري المبنى او البيت , او اللي عايز يعمل بيت الناس تحسده عليه

, ح يختار مين ؟

و ممكن تسألي دكاترة هندسة عمارة نفسهم ...

الشركات بتدور على كده .... و ألمانيا معروف أيضاً انها بتحتاج للمهندسين المعماريين الجامعين بين الفن و الهندسة .... دول اوروبا بتموت في حاجة اسمها فن على فكرا ...

و بعدين المستقبل بإيد ربنا .... ازاي حضرتك مفكرتيش في دي ؟

رابعاً : فنون تطبيقية مالهاش دعوة بالعمارة و لا ينفع تقارنيها بفنون جميلة عمارة ... فنون تطبيقية بتهتم بصناعة المنسوجات و طباعتها و بفن النحت و التشكيل و الزخرفة و الجرافيك .. لكن مفيهاش عمارة ...

خامساً : ميزة فنون جميلة عمارة ان عددها قليل و هيا موجودة في تلات أماكن بس : حلوان - اسكندرية - المنيا .... يعني عدد الطلاب مبيكملوش 400 .... لكن اعداد هندسة عمارة بتبقى اكتر و الدكاترة بتوع هندسة عمارة بيضايقوا من الزحمة فبيرتاحوا في شغلهم في فنون عمارة ( على فكرا في فنون عمارة ح تلاقي دكاترة و اساتذة من هندسة بييجوا يدوا في فنون عمارة ) .

فلو بتدوري على الوظيفة ... الشركات حالياً مبتاخدش غير العدد القليل ... ( و ده مش مدح في كليتي ... الواقع هوا اللي بيقول كدا ) ..

يعني ايه السبب ان طلبة حاسبات و معلومات بيشتغلوا بسرعة و من غير واسطة ؟ لأن عددهم قليل في اي جامعة ....

سادساً : طبعاً علشان تدخلي فنون عمارة لازم تاخدي قدرات في ثانوي ( اسم المادة : قدرات عمارة ) و بتمتحينيها مع امتحانات آخر السنة و لازم تجيبي لائق فيها علشان تدخلي فنون عمارة ..
و علشان تدخلي هندسة عمارة لازم تجيبي في كلية هندسة تقدير جيد في إعدادي , بالإضافة إلى إنك لازم برضه تمتحني امتحان القدرات اللي يدخلك القسم ده و اللي بتعمله الكليه و لازم تجيبي لائق برضه ...

سابعاً : هندسة عمارة التخصص نفسه اربع سنين فيها , اما فنون جميلة عمارة خمس سنين منهم سنة اعدادي لتخصص العمارة و فقط .. و دي ميزة بتميز فنون جميلة عن هندسة ...

ثامناُ : فنون جميلة عمارة و هندسة ولاد عم ... و لقبك الوظيفي رسمياً مهندس معماري و ليكي نقابة مهندسين و الحاجات الاضافية دي ...

تاسعاً : عيب هندسة عمارة ان حضرتك بتتخصصي في الفرقة الرابعة ( سنة رابعة يعني ) في اقسام فرعية و منها : الإسكان - المباني العامة - التصميم الحضري ..
يعني مشروع تخرجك ح يكون مقام على قسم معين ..
فنون عمارة بقى ح تاخدي فيها مواد التلات اقسام دول و مشروع تخرجك ممكن تعمليه في اي مجال يعني مش تخصص في مجال معين ... يعني مشروع تخرجك حر ...

عاشراً : اللي قالق هندسة عمارة حالياً هوا اتفاقية اليونسكو للعمارة و اللي ح تنطبق عام 2011 ... الاتفاقية دي بتنص ان دراسة العمارة لازم تتم في خمس سنين مش اربعة ... و ده مطمن بتوع فنون عمارة , لان فنون عمارة خمس سنين اساساً ...

11 :- بس برضه الاتفاقية دي مش مرعبة للدرجة لان هندسة عمارة بيُعاملوا كأنهم أخدوا العمارة في خمس سنين ..

12 : - طلاب فنون عمارة بيتدربوا من سنة تانية في شركات كبيرة و مكاتب استشارية كبيرة ..

13 : - المواد اللي بتدرسيها في فنون عمارة هيا هيا المواد اللي في هندسة عمارة ... بل ان في مواد في اولى هندسة عمارة , فنون عمارة بياخدها في اعدادي عمارة ...

و الأخ العزيز eng.mohammed حط رابط لموضوع بيوضح الفرق بين هندسة عمارة و فنون جميلة عمارة ..

أرجو اني افدت حضرتك
و جزاكم الله كل خير

تمام بس انا مقتنع بكلية الفون التطبيقية وبفرص عملها المتاحة بعد التخرج

Eng. Alios · #37 23-09-2009, 08:07 AM

اقتباس:

المشاركة الأصلية كتبت بواسطة KeMoZzAzZ

انا اقصد ناس تانيه هما عارفين نفسهم

مش انت يازاكو

أمال ميييين يا حاج كيمو ؟

ماشي يا عم .... ما هو اللي على راسه بطحة , يغيرها بكاب ...

و انا غلطان و متأسف يا بابا ...

سامحني يا بابا .. اصل انا لكيط .... واااااااااااااااااااااااااء ....

------------

بالنسبة للأخت بتاعت فنون المنيا ...

يعني احنا فعلاً بصراحة مش عارفين انتي عايزة ايه بالضبط ؟

يعني لو حضرتك ح تقعدي لوحدك , يبقى مفيش غير إنك تقدمي في المدينة الجامعية ... ( وده اسهل حل و انسب حل ) ..

لأن لو حضرتك قعدتي لوحدك في شقة ... يبقى ربنا يستر ....

اما بالنسبة بقى للمواد , فمعظمها عربي و بعضها إنجليزي ....
سواء في هندسة او فنون عمارة ... لأن المواد هنا او هنا هيا هيا ...
و الدراسة بيبقى فيها جزء كبيييييير عملي و الباقي نظري ..

طبعاً العمارة تعب و جهد و تكلفة عالية عالية خصوصاً في مشروع التخرج ....

ربنا يوفقك
و جزاكم الله كل خير

Eng.n0 pr0mises · #38 05-08-2010, 12:54 AM

bosi ana kont za3lana el awl eny ml72tsh handasa w da5lt fnon 3mara
bs b3d el kalam ely shofto da kolo 7aset b gamal el kolia ana lesa da5la e3dady 3mara alex
w yarb ywaf2na kolna

Hamsa_1 · #39 05-08-2010, 06:21 AM

اثاث وديكووووووووووووور فى تطبيقيه

sweetlola · #40 03-12-2010, 12:12 PM

علي فكره مشكلتك نفس مشكلتي و انا برضو محتاره ادخل ايه بس الفرق بيننا اني مكبره دماغي شويه و حاطه في دماغي ان ربنا كاتبلي كليه معينه ادخلها بس انا محتاره بين فنون تطبيقيه و هندسه و حاسبات و معلومات و مش عارفه اختار اني فيهم لكن فنون جميله قسم عماره مش حطاها في دماغي اصلا ............
متقلقيش نفسك و فكري في انك تجيبي مجموع السنه دي عشان تقدري تدخلي اللي انتي عايزاه و يبقي متاح ليكي هندسة و فنون جميله و ربنا يوفقك و يوفقنا كلنا ان شاء الله ..................