مستشارك القانونـى

[my mirror]

السلام عليكم ورحمة الله وبركاته
انا مدرسة لغة انجليزية فى مدرسة ثانوى صناعى
انا دفعة 2005 اداب انجليزى +دبلومة تربوى 2006 واشتغلت بالحصة كذا سنةو وبعدين انقطعت ولما عملوا مسابقة فى الادارة لمن كان بالحصة قدمت وعملولى تعاقد 5/6/2013 معلم مساعد وانا لسه على راس العمل المشكلة ان انا لما دخلت المدرسة سنة 2013 كان فى 4 مدرسات وانا الخامسة وكلهم متعاقدين وطلبوا منهم يجهوزا ورقهم عشان يتثبيتوا وفى هذه الاثناء رجعت المدرسة رقم سته للمدرسة وكانت عاملة اجازة بدون اجر ومسافرة للخارج بس قطعت الاجازة عشان تنهى ورق التثبيت معاهم وبعد كدة جالنا معلم اول كان فى المدرسة العسكرية بس قفلت وجه عندنا المدرسة وطبعا بقينا كتير فى المدرسة ولازم حد مننا يطلع انتداب السنة اللى فاتت لمدرسة الصناعة بنين تلات ايام وطلعت انا عشان قالوا ان انا الاحدث والسنة دى برضه قالوا لازم انتى عشان برضه الاحدث وانا دلوقتى عايزة اعرف الكلام ده صح وايه موقفى القانونى بالظبط؟ ومعلش فى حاجة كمان عايزة اعرفها دلوقتى المدرسة فترتبن صباحى ومسائى ايه القانون فى توزيع الحصص على المدرسين يعنى مين ياخد صباحى ومين ياخد مسائى؟

[منار على]

المشاركة الأصلية كتبت بواسطة osamaabdsalam

عليك التقدم بتظلم كتابى إلى مدير الادارة عن طريق البريد أو الفاكس
ثم بعد ذلك بامكانك رفع التظلم إلى جهة أعلى مثل المديرية أو الوزارة
فما ضاع حق وراءه مطالب

حضرتك انا قدمت الشكوى لمديرة الادارة ووصلت التوجيه الفنى وراحت للموجه الاول بادارتى واترد عليها كالاتى انها مش اختصاص الموجه الاول وانها من اختصاص الموجه العام لانها ندب بين ادارتين وتخطر الشاكية ولما كلمت موجهى الاول قالى هاجى اكتبلك فى الزياره ان يلغى ندبك فى 1-5 يعنى بعد انتهاء الدراسة وان موجهى العام ميعرفش دا طب منين هو هيكتبلى كدا ومنين انه كتبلى على الشكوى ان دا من اختصاص موجهى العام ومش اختصاصة الصراحه حاسه انى بتقلب فى القصه دى مش عارفه ليه كمان مش المفترض ان الرد على الشكوى دى يجى من موجهى العام وان الموجه الاول كان يرفعها ليه ويرد عليا من خلال رد موجهى العام على شكوتى ولا المفترض انه يرجعلى الشكوى تانى بعد ماكتب انها من اختصاص الموجه العام والمفترض منى اعمل ايه وقتها اطلع بالشكوى انا على موجهى العام واقوله حضرتك دى شكوى انا مقدماها فى حضرتك لو سمحت رد عليها ولا اعمل ايه هو اللى بيشتكى حد اليومين دول بيروح ليه يقوله انا اشتكيتك رد على شكوتى وهل بعد اللى عملتة دا من حقى بقى انى اشتكى لوكيل الوزاره مباشره ولا لسه ممكن اتعرض للمسائله القانونيه نتيجه تخطى التسلسل الوظيفى

[منار على]

عموما حضرتك انا رفعت شكوى بالاتى لجهه اعلى من توجيهى

محافظة دمياط
مديرية التربية والتعليم بدمياط

السيد الأستاذ
بعد التحية
أرجو من سيادتكم التكرم بالموافقة على إلغاء ندبى من مدرسة كفر المنازلة ع المشتركة ادارة ميت أبو غالب التعليمية وعودتى كليا الى مدرستى الأصلية مدرسة شرباص ع المشتركة (ادارة فارسكور ) حيث ان توجيهى مازال يصر تعسفيا على ندبى يومان الي مدرسة كفر المنازلة ع المشتركة على الرغم من أنه تم التعاقد مع تعيينات أحدث منى بخمس سنوات فبتاريخ 4- 2012 تم التعاقد مع كلا من :-
أ/ أميره يوسف نجا لمدرسة شرباص ع المشتركة ( قطعت أجازتها وندبت منذ بداية الأسبوع الحالى 22-2-2016وبعد تقديم تظلمى السابق لمديرة الادارة بتاريخ 18-2-2016 ثلاثة أيام لمدرسة أبو العز لغات ويومان مدرسة الكفراوى لغات بدمياط الجديدة )
أ/ هبه ضيف باحدى مدارس كرم ورزوق ونقلها بأشهر قليلة الى مدرسة شرباص ع للتعليم الأساسى مع الندب لمدرسة شرباص ع المشتركة (الوضع الحالى )
أ/ ايمان عبد الرازق باحدى المدارس بالناصرية ونقلها باشهر قليلة الى مدرسة شرباص ع المشتركة كليا (الوضع الحالى
مع العلم أن محل اقامة أ- هبه ضيف هو فارسكور و أقرب منى للمدرسة التى يصر توجيهى على عدم الغاء ندبى منها كما ان محل اقامه أ- ايمان عبد الرازق هو نفس محل اقامتى (شرباص ) وكل منهم أحدث منى من حيث تاريخ التعاقد والتعيين فانا تعاقد 1-2 -2007 بمدرسة كفر المنازلة ع للتعليم الأساسى وتثبيت 1-3-2010 بضم سنه الخدمة العامة ونقلت الى مدرسة شرباص ع المشتركة مع ندب يومان لمدرسة كفر المنازلة ع المشتركة تبعا للأمر التنفيذى رقم 125 بتاريخ 18-9-2012 وهم تعاقد 4-2012 وتم تثبيتهم دائم 9-2014 كما أنه تم الغاء ندب كلا من أ- أسماء وهيب و أ- ايمان شطا من اداره ميت أبو غالب التعليمية وحاليا كليا بادارة فارسكور على الرغم من أن كلا منهما أحدث منى بعام من حيث تاريخ التعاقد فى الادارة التى أرغب الغاء ندبى منها (اداره ميت أبو غالب ) ونفس عام نقلى لادارة فارسكورفأرجو إلغاء ندبى أسوة بهم كما ان مدرستى الأصلية ( مدرسة شرباص ع المشتركة ) دائما بها عجز وتم انتداب أكثر من معلم إليها على مدى الأعوام السابقة (أخرها فى الفصل الدراسى السابق من العام الحالى حيث عانت مدرستى من عجز 12 حصة على مدى أكثر من شهر مما أثر سلبا على العملية التعليمية على الرغم أننى فى توقيت العجز كنت منتدبة بأربع حصص فقط ومازلت كذلك يومان للمدرسة التى مازلت منتدبه اليها الى الان ) وإلى متى الإنتداب فاننى دائما فى ندب منذ 9 سنوات فيما عدا العام الماضى حيث أننى تعاقدت مع سلطنة عمان لمدة عام واحد فأرجو من سيادتكم الموافقة على طلبى حيث أننى سبق أن تقدمت بتظلم لمديرة ادارتى بتاريخ 18-2-2016 ولكن لم تكن النتيجة الا وعود شفهية من موجهى الأول بإلغاء ندبى بعد انتهاء الفصل الدراسى الثانى مع العلم أننى أخذت الكتير من الوعود الشفهية سابقا من موجهى العام منذ 9 سنوات بأنة مع التعيينات الجديدة سأنقل إلى بلدى كليا ولكن ذلك لم يحدث لأن التعيينات الأحدث بخمس سنوات قد تم تعيينها فى بلدى ومازلت أنا منتدبة خارجها فالرجاء من سيادتكم النظر فى طلبى ورفع الظلم الواقع على فى أسرع وقت ولسيادتكم جزيل الشكر

الاسم :- ايمان شعبان عبد النبى
الوظيفة :- معلم علوم
تاريخ التعيين :- 1-2-2007 تعاقد ودائم 1-3-2010
المدرسة الأصلية :- شرباص ع المشتركة
المدرسة المنتدبة اليها :- كفر المنازلة ع المشتركة

[Hussein239]

حضرتك ان طالب ثانوية عامة تقدمت الامتحان عام 2014 -2013 و حصلت ظروف كدا فقررت دخول الامتحانات بس ما انجحش يعني أجاوب أقل من درجة النجاح عشان استطيع اعيد السنة تمام فالنتيجة ظهرة و جبت 30 من 60 في مادة الجيولوجيا و ده مستحيل انا عارف أصلاً و حاسب الدرجات و عارف إني هأجيب 24.5 يعني راسب فروحت لجنة النظام و المراقبة قطاع القاهرة (ب) و قلت ليهم الأمر فقالوا لي أعمل تظلم علمت تظلم تمام و أدوني معادة رؤية صورة من روقة الامتحان فشفتها و كلامي كان صح و لو إن التصوير ممنوع كنت صورة ورقة الإجابة بس ممنوع تمام و أدوني معادة لاستلام نتيجة التظلم فروحت حسب المعاد ، فالتظلم اتقبل و روجوا لي الفلوس (100جنيهاً) و قولت الحمد لله و السنة إلي فاتت حصلت لي ظروف مرضية صعبة فعجزت عن دخول الامتحان علماً بان والدي معلم وزارة التربية و التعليم و كذلك بعض أقاربي ، فهذا العام تقدمت حسب نظام المنازل فطلبوا مني بيان رسبو روحت جبته من الإدارة العامة الامتحانات بالمنيرة فلما جبته لاقيت الدرجة 30 ذي ما هي ما أتغيرتش طب ازااااي قولت للمختصين بالإدارة العامة الامتحانات الكلام ده قالوا لي هما مش مسئولين البيانات بتيجي ليهم إلكترونياً من الكنترول (لجنة النظام والمراقبة التابعة لها ) و قالوا لي روح للجنة النظام و المراقبة راجعها كدا ، روحت و قابلت المختص فيال لي هي مسجل في الكمبيوتر 30 أنت بتستهبل و لا ايه قول ليه يعني أنا عامل كل ده و باستهبل طب ازاي حرام عليك قال لي هات لي دليل على كلام قولت ليه حضراتك أصلاً مش بتدوا دليل غير رجعتوا لي ثمن التظلم يبقى أتقبل و لا ايه سكت هو شوية و قولت ليه طب حضرتكم ما الورقة عندكوا شفوها (علماً بان الورقة مكتوب عليها في المكان المخصص للغجابة 24.5 تمام و هما عشان يزودوا نسبة النجاح زودوا عدد كبير من الطلاب و لجنة النظام و المراقبة دي مشهورة إنهم بيزودوا نسبة النجاح و في نفس العام ده حدث حاجات كتير ذي مثلاً حضرتك هتلاقي في اللينك ده الكلام و فيه طالب شطب على ورقته و حسبوا ليه الدرجة هو كان عايز يعيد السنة ذي بس الفرق ما بينا إن اللجنة لما عرفت إن فيها صحافة و كلام من كدا قالت نسكتهم و نقولهم تظلمكم أتقبك ما فعلوا معي)
فدالوقتي أنا و الله العظيم محتار أعمل ايه بس الحمد لله معايا صورة من ايصال دفع فلوس التظلم في البنك بنك مصر فرع السيدة زينب و فاكر اليوم ده كان قدامي 18 منا ما يجي دوري في الدفع فصورة الإيصال ،
فدالوقتي فعلاً الورقة مش وجودة و لا هما بيقولوا كدا عشان يغطوا على الخطأ إلي عملوه و ايه الحل يا فندم و هما قالوا لي صح نسيت قالوا: المفروض كنت رفعت قضية طب ازااااي ؟!!!! ما هما رجعوا لي فلوس التظلم يعني التظلم اتقبل و لا ايه ؟؟؟؟؟ الحل ايه اروح أقابل الوزير و هل ينفع و لا أعمل اهي دا ورقة الامتحان معايا لحد دالوقتي و معلم عليها الاسئلة إلي حليتها الصحيحة و كمان كل الدفعة إلي امتحنت معايا في نفس اللجنة بالمدرسة عارفة إني ما حلتش و هأعيد السنة و في شهود على كدا كتير اووووي ، يعني أروح لوزيرة التربية و التعليم و لا أروح لفين الوقت قصير جداً أنا لحد دالوقتي مأجل ملء الاستمارة .
فارجو من حضرتك إفادتي في ذلك و شكراً جزيلاً لعين لقراتك كلامي الكتير ده و اسف إني أخدت جزء كبير من وقتك . و السلام عليكم و رحمة الله و بركاته .

[Hussein239]

من شروط التقدم لنظام المنازل ثانوية عامة
بيان نجاح مراح التعليم الأساسي .
بيان نجاح أول ثانوي .
بيان نجاح ثانية ثانوي .

أنا واخد 6 ابتدائي و 3 اعدادي و 1 ثانوي من المملكة العربية السعودية ازاي أجيب بيان نجاح
من فين و ايه الخطوات المطلوبة للحصول عليه ؟؟؟

[ميرا11]

سؤالى بخصوص امر تكليف انا وظيفى فنى بمدرسة ثانوى و كلفت من مديرة المدرسة بدفتر الصادر و الوارد 2015 ( الدفتر يتم تغييره اول كل سنة ) مع العلم بوجود ادارية كانت مختصة به و مازالت موجودة بالمدرسة و عند انتهاء السنة لم استلم الدفاتر الجدية و استملتها الادارية هل التكليف يتم اسقاطه تلقيائيا

[mnbessam]

فى حادثة غريبة لم تحدث منذ ان عملت كمدرس فى التربية والتعليم بادارة وسط التعليمية بالاسكندرية حيث تم ارسال كشوف بها اسماء السادة المدرسين ومسجل بجوار كل مدرس قيمة الضرائب المستحقة عن 2015 وفى الخانة التالية قيمة ماتم خصمه وفى الخانه التاليه فروق المطلوب من المدرس ان يسددها اما لخزينة الادارة دفعة واحدة او سوف يتم الخصم من المرتب والغريب انه مطلوب من المدرس التوقيع امام المبلغ المقرر خصمه والغريب ايضا ان الكشوف غير موقع عليها من اى جهه وعند السؤال عن ماذا يحدث قى حالة عدم التوقيع........كان الرد الخصم سوف يتم من مرتب فبراير بالتوقيع او بغير توقيع وهذا للعلم فقط فارجو المشورة وتوضيح الامر وكذلك كيفية التصرف والى من نلجأ مع العلم ان المبالغ تتعدى الالف جنيه لبعض المدرسين و للعلم ان المرتبات فى عام 2015 كان يتم الخصم منها شهريا ضرائب واجور متغيرة

[meslmat]

مقدمه لسيادتكم : إبراهيم عبده , معلم بمدرسة ........الفنية التجارية . كود رقم 2200587
حيث أنى تعيين 2011 على الدرجة الثالثة تخصصية تعليم (بوظيفة مُعلم ) وحصلت على الماجستير باعتماد مجلس جامعة عين شمس فى 2012 وتقدمت بطلب الى مديرية التربية والتعليم للحصول على حافز التميز العلمى وإضافة أقدميه مدتها سنة وإرجاع تاريخ التعيين الى 2010 وتمت الموافقة من لجنة شئون العاملين فى 2013
فتقدمت الى فرع الأكاديمية المهنية للمعلمين بالشرقية بطلب لتقليل المدة البينية اللازمة للترقية بمقدار سنة لحصولى على الماجستير . فور اعلان الاكاديمية ذلك -لاول مرة - على موقعها الالكترونى .
ولكن لم أرشح للترقية لوظيفة معلم أول , فتوجهت الى فرع الأكاديمية بالشرقية والذى احالنى إلى الإدارة التعليمية قسم الإحصاء والذي أفاد بعدم اختصاصه بترقيات الأكاديمية . وما بين الإدارة التعليمية وفرع الأكاديمية لم يتم ترشيحى للترقية وفاتت على فرصة تخفيض المدة البينية والتدريب ومن ثم الترقية .
ولما كان لى الحق فى التقدم للترقية , ولم أقصر فى المطالبة بحقى , ولان تخطى فى الترقية يترتب عليه آثار لا يمحوها التحجج بامكانية إستفادتى فى السنوات التالية , منها ما يتعلق بالمعاملة المالية(بدل الاعتماد) وغيرها , والاقدمية والنصاب القانونى والمزايا الادبية ....
ولما كان سيعقد فى فرع الأكاديمية المهنية للمعلمين بمحافظة الشرقية تدريبات للترقية على وظائف الكادر فى الفترة من 6-10 مارس 2016

لـــــــــذلك :
أرجو من سيادتكم التكرم بالموافقة على سرعة إدراج اسمي ضمن المرشحين للتدريب فى 6 مارس 2016 حتى يتم تدريبى ومن ثم ترقيتى على وظيفة معلم أول .

ولسيادتكم جزيل الشكر

مقدمه لسيادتكم
إبراهيم عبده
معلم بمدرسة
رقم قومى / 28311****02451

[osamaabdsalam]

المشاركة الأصلية كتبت بواسطة my mirror

السلام عليكم ورحمة الله وبركاته
انا مدرسة لغة انجليزية فى مدرسة ثانوى صناعى
انا دفعة 2005 اداب انجليزى +دبلومة تربوى 2006 واشتغلت بالحصة كذا سنةو وبعدين انقطعت ولما عملوا مسابقة فى الادارة لمن كان بالحصة قدمت وعملولى تعاقد 5/6/2013 معلم مساعد وانا لسه على راس العمل المشكلة ان انا لما دخلت المدرسة سنة 2013 كان فى 4 مدرسات وانا الخامسة وكلهم متعاقدين وطلبوا منهم يجهوزا ورقهم عشان يتثبيتوا وفى هذه الاثناء رجعت المدرسة رقم سته للمدرسة وكانت عاملة اجازة بدون اجر ومسافرة للخارج بس قطعت الاجازة عشان تنهى ورق التثبيت معاهم وبعد كدة جالنا معلم اول كان فى المدرسة العسكرية بس قفلت وجه عندنا المدرسة وطبعا بقينا كتير فى المدرسة ولازم حد مننا يطلع انتداب السنة اللى فاتت لمدرسة الصناعة بنين تلات ايام وطلعت انا عشان قالوا ان انا الاحدث والسنة دى برضه قالوا لازم انتى عشان برضه الاحدث وانا دلوقتى عايزة اعرف الكلام ده صح وايه موقفى القانونى بالظبط؟ ومعلش فى حاجة كمان عايزة اعرفها دلوقتى المدرسة فترتبن صباحى ومسائى ايه القانون فى توزيع الحصص على المدرسين يعنى مين ياخد صباحى ومين ياخد مسائى؟

الندب إجراء مؤقت لسد العجز يحكمه الأقدمية فى التعيين ثم الأكبر سنا فيندب الأحدث ثم الأصغر سنا
فإذا كان بالعمل زملاء تعيينهم فى وقت واحد فيندب الأصغر سنا
أما توزيع الحصص فهذا يرجع لإدارة المدرسة طبقا للمؤهل الدراسى والتخصص والأقدمية أيضا

[osamaabdsalam]

المشاركة الأصلية كتبت بواسطة hussein239

حضرتك ان طالب ثانوية عامة تقدمت الامتحان عام 2014 -2013 و حصلت ظروف كدا فقررت دخول الامتحانات بس ما انجحش يعني أجاوب أقل من درجة النجاح عشان استطيع اعيد السنة تمام فالنتيجة ظهرة و جبت 30 من 60 في مادة الجيولوجيا و ده مستحيل انا عارف أصلاً و حاسب الدرجات و عارف إني هأجيب 24.5 يعني راسب فروحت لجنة النظام و المراقبة قطاع القاهرة (ب) و قلت ليهم الأمر فقالوا لي أعمل تظلم علمت تظلم تمام و أدوني معادة رؤية صورة من روقة الامتحان فشفتها و كلامي كان صح و لو إن التصوير ممنوع كنت صورة ورقة الإجابة بس ممنوع تمام و أدوني معادة لاستلام نتيجة التظلم فروحت حسب المعاد ، فالتظلم اتقبل و روجوا لي الفلوس (100جنيهاً) و قولت الحمد لله و السنة إلي فاتت حصلت لي ظروف مرضية صعبة فعجزت عن دخول الامتحان علماً بان والدي معلم وزارة التربية و التعليم و كذلك بعض أقاربي ، فهذا العام تقدمت حسب نظام المنازل فطلبوا مني بيان رسبو روحت جبته من الإدارة العامة الامتحانات بالمنيرة فلما جبته لاقيت الدرجة 30 ذي ما هي ما أتغيرتش طب ازااااي قولت للمختصين بالإدارة العامة الامتحانات الكلام ده قالوا لي هما مش مسئولين البيانات بتيجي ليهم إلكترونياً من الكنترول (لجنة النظام والمراقبة التابعة لها ) و قالوا لي روح للجنة النظام و المراقبة راجعها كدا ، روحت و قابلت المختص فيال لي هي مسجل في الكمبيوتر 30 أنت بتستهبل و لا ايه قول ليه يعني أنا عامل كل ده و باستهبل طب ازاي حرام عليك قال لي هات لي دليل على كلام قولت ليه حضراتك أصلاً مش بتدوا دليل غير رجعتوا لي ثمن التظلم يبقى أتقبل و لا ايه سكت هو شوية و قولت ليه طب حضرتكم ما الورقة عندكوا شفوها (علماً بان الورقة مكتوب عليها في المكان المخصص للغجابة 24.5 تمام و هما عشان يزودوا نسبة النجاح زودوا عدد كبير من الطلاب و لجنة النظام و المراقبة دي مشهورة إنهم بيزودوا نسبة النجاح و في نفس العام ده حدث حاجات كتير ذي مثلاً حضرتك هتلاقي في اللينك ده الكلام و فيه طالب شطب على ورقته و حسبوا ليه الدرجة هو كان عايز يعيد السنة ذي بس الفرق ما بينا إن اللجنة لما عرفت إن فيها صحافة و كلام من كدا قالت نسكتهم و نقولهم تظلمكم أتقبك ما فعلوا معي)
فدالوقتي أنا و الله العظيم محتار أعمل ايه بس الحمد لله معايا صورة من ايصال دفع فلوس التظلم في البنك بنك مصر فرع السيدة زينب و فاكر اليوم ده كان قدامي 18 منا ما يجي دوري في الدفع فصورة الإيصال ،
فدالوقتي فعلاً الورقة مش وجودة و لا هما بيقولوا كدا عشان يغطوا على الخطأ إلي عملوه و ايه الحل يا فندم و هما قالوا لي صح نسيت قالوا: المفروض كنت رفعت قضية طب ازااااي ؟!!!! ما هما رجعوا لي فلوس التظلم يعني التظلم اتقبل و لا ايه ؟؟؟؟؟ الحل ايه اروح أقابل الوزير و هل ينفع و لا أعمل اهي دا ورقة الامتحان معايا لحد دالوقتي و معلم عليها الاسئلة إلي حليتها الصحيحة و كمان كل الدفعة إلي امتحنت معايا في نفس اللجنة بالمدرسة عارفة إني ما حلتش و هأعيد السنة و في شهود على كدا كتير اووووي ، يعني أروح لوزيرة التربية و التعليم و لا أروح لفين الوقت قصير جداً أنا لحد دالوقتي مأجل ملء الاستمارة .
فارجو من حضرتك إفادتي في ذلك و شكراً جزيلاً لعين لقراتك كلامي الكتير ده و اسف إني أخدت جزء كبير من وقتك . و السلام عليكم و رحمة الله و بركاته .

يجب مراجعة إدارة شؤون الطلبة والامتحانات بالادارة فلديهم كل جديد فى هذا الشأن

[osamaabdsalam]

المشاركة الأصلية كتبت بواسطة ميرا11

سؤالى بخصوص امر تكليف انا وظيفى فنى بمدرسة ثانوى و كلفت من مديرة المدرسة بدفتر الصادر و الوارد 2015 ( الدفتر يتم تغييره اول كل سنة ) مع العلم بوجود ادارية كانت مختصة به و مازالت موجودة بالمدرسة و عند انتهاء السنة لم استلم الدفاتر الجدية و استملتها الادارية هل التكليف يتم اسقاطه تلقيائيا

يتم الغاء التكليف بواسطة الشخص الذى أصدره أو تكليف آخر يلغى التكليف الصادر

[osamaabdsalam]

المشاركة الأصلية كتبت بواسطة mnbessam

فى حادثة غريبة لم تحدث منذ ان عملت كمدرس فى التربية والتعليم بادارة وسط التعليمية بالاسكندرية حيث تم ارسال كشوف بها اسماء السادة المدرسين ومسجل بجوار كل مدرس قيمة الضرائب المستحقة عن 2015 وفى الخانة التالية قيمة ماتم خصمه وفى الخانه التاليه فروق المطلوب من المدرس ان يسددها اما لخزينة الادارة دفعة واحدة او سوف يتم الخصم من المرتب والغريب انه مطلوب من المدرس التوقيع امام المبلغ المقرر خصمه والغريب ايضا ان الكشوف غير موقع عليها من اى جهه وعند السؤال عن ماذا يحدث قى حالة عدم التوقيع........كان الرد الخصم سوف يتم من مرتب فبراير بالتوقيع او بغير توقيع وهذا للعلم فقط فارجو المشورة وتوضيح الامر وكذلك كيفية التصرف والى من نلجأ مع العلم ان المبالغ تتعدى الالف جنيه لبعض المدرسين و للعلم ان المرتبات فى عام 2015 كان يتم الخصم منها شهريا ضرائب واجور متغيرة

معك خياران :
أولهما : مراجعة الحسابات بالادارة للاستفسار شفويا
أو ثانيهما
كتابة استفسار لمدير الادارة التعليميةبصفة رسمية

[أبو زياد جودة]

تم خصم 60 جنيها من الاساسى لتعيين 10/3/2008 ايه العمل لانهم هيخصمو 200 جنيها من المرتب محافظة البحيرة

[abdullsttar]

هل يوجد قرار يجبر بظهور نتيجة مقابلة القيادات في فترة زمنية لا تتعدى الست شهور خلال العام الدراسي .. إلا و تلغى نتيجة المقابلة و يلزم من قام بالدعوة للمقابلة بتفسير أسباب الإلغاء ... و إلا يُعرض نفسه للنيابة الإدارية ... ؟ برجاء الاهتمام بذكر القرار أو إن حدث إلغاء من قبل بعد صدور قانون الكادر 155

[osamaabdsalam]

[quote=أبو زياد جودة;6389233]تم خصم 60 جنيها من الاساسى لتعيين 10/3/2008 ايه العمل لانهم هيخصمو 200 جنيها من المرتب محافظة البحيرة[/quot

يمكنكم كتابة شكوى جماعية لمعرفة السبب ووقف الخصم