لو سمحتوا هى كلية تخطيط عمرانى ايه نظامها واعمل ايه عشان ادخلها

[محمد عبدالغني20]

ممكن ايميل حضرتك عشان انا جالي تخطيط عمراني وعاوز اعرف شوية معلومات كده ده بعد اذنك طبعا ؟؟

[Agent-47]

المشاركة الأصلية كتبت بواسطة محمد عبدالغني20

ممكن ايميل حضرتك عشان انا جالي تخطيط عمراني وعاوز اعرف شوية معلومات كده ده بعد اذنك طبعا ؟؟

ادخل على الرسايل بتاعتك

[hosam farouk]

الحمد لله انا دخلت الكليه وبجد فرحان اوي مع اني رقم 212 والكليه واخده السنه دي 220

[Agent-47]

المشاركة الأصلية كتبت بواسطة hosam farouk

الحمد لله انا دخلت الكليه وبجد فرحان اوي مع اني رقم 212 والكليه واخده السنه دي 220

منور يا حسام و نورت الكلية و صدقني هتحبها

زي ما هتلاقي فيها اللي تدايقك برضه هتلاقي اللي تبسطك و تريحك و لو عايز تتواصل مع طلبة الكلية خش ع اللنك ده و هتلاقينا كلنا تحت أمرك في أي حاجة


https://www.facebook.com/groups/137213936362760/

[ابو شيكا]

المشاركة الأصلية كتبت بواسطة hosam farouk

الحمد لله انا دخلت الكليه وبجد فرحان اوي مع اني رقم 212 والكليه واخده السنه دي 220

والواد شيكا معاك يا برنس خللى بالك معاه برضو

[ENG.AHMED KHALAF]

هي فيها رسم هندسي زي الهندسة العادية؟

[the_end 66]

سلام عليكوا
انا عايزه اسال هى كليه التخطيط العمرانى بتقيل السنه ديه من اول كام فى الميه او بتبدا من كام فى المجموع .

[المهندس/كريم عادل]

لو سمحتم انا طالب درست الثانوية بالسعودية وحصلت علي المجموع النهائي الا وهو 94.30% هل لي في التنسيق السعودي الألتحاق في هذه الكلية "التخطيط العمراني" ؟؟

[المهندس/كريم عادل]

الرجااااااااااااء الرد سريعاً للاهمية القصوى

[fazlokaa]

طيب هو ايه الفرق بينها وبين قسم عماره اللى فى الهندسه العاديه
وبيتكتب فى البطاقه معايا بكالوريوس هندسه ولا ايه؟؟

[Shifo_1]

المشاركة الأصلية كتبت بواسطة agent-47

ده عن الكليه عامة


نبذة تاريخية عن الكلية
•بدأت الدراسة بها في العام الجامعي 1978/1979 في مبناها القديم بشارع الجلاء بالقاهرة ثم أفتتح مبناها الجديدي عام 1991 في الحرم الجامعي حيث تغير إسمها بقرار جمهوري من معهد إلى كلية التخطيط الاقليمي والعمراني .
•تعتبر كلية التخطيط الإقليمي والعمراني هي الكلية المتكاملة الوحيدة في مصر في مجال التخطيط الإقليمي والعمراني والتي تشمل أربعة أقسام متخصصة في هذا المجال ألا وهم :-
1. قسم التنمية الإقليمية
2. قسم التخطيط العمراني
3. قسم التصميم العمراني
4. قسم العلوم الأساسية

•ويحصل كل خريج منها على لقب مهندس ويصبح عضوا مسجلا في نقابة المهندسين ( مهندس عمارة ) ويتسع المجال بالنسبة للخريجين ليشمل الوزارات المختلفة والمكاتب الاستشارية في مجال التصميم والتخطيط والوحدات المحلية والمحافظات بالإضافة إلى الهيئات العامة والخاصة المحلية والعالمية في مجال التخطيط العمراني والتنمية

الدرجات العلمية التي تمنحها الكلية


أولا : درجة البكالوريوس في التخطيط العمراني
مدة الدراسة بالكلية لنيل درجة البكالوريوس خمسة سنوات عبارة عن عشرة فصول دراسية.

ثانيا : دبلوم الدراسات العليا في :
1. تخطيط المدن والأقاليم
2. تخطيط التنمية المحلية
3. إقتصاديات العمران
4. تخطيط البنية الأساسية
5. تصميم البيئة العمرانية

ثالثا : درجة الماجستير في التخطيط الإقليمي والعمراني :
1. التخطيط الإقليمي
2. تخطيط المدن
3. التجديد والحفاظ العمراني
4. تصميم البيئة العمرانية

رابعا : درجة الدكتوراه في التخطيط الإقليمي والعمراني



-----------------------------------------------------------------------------------------------------------------------------------------

الملخص ،،،، الكليه دي من أندر الكليات و أكثرها تميز لأنها الوحيده في مصر و نها تلاته بس في الشرق الأوسط
القاهرة ،،،،،،،،،،،،،،،، الدمام ،،،،،،،،،،،،،،،،،،، تل أبيب

زي مهو مكتوب فوق فيها أربع أقسام ...... و انت بتختار قسم واحد من الأقسام دي بعد أربع سنين من الدراسه يعني مش زي الهندسة العاديه

طب إيه نظامها ؟؟؟؟؟

نظامها انك بتحضر محاضرات اللي بيديها الدكاتره و السكاشن اللي بيديها المعيدين و سهل فيها انك تجيب تقديرات مادام انت بتحضر و ملتزم فيها
مفيهاش كتب ولا مقررات و لا ملازم و لا الهم ده كله خاااالص و لا حتى دروس فيها

طب أصلا يعني التخطيط العمراني ؟؟؟؟؟
التخطيط العمراني بتدرس فيها تخطيط القرى السياحيه و المدن و القرى و كمان بتضع خطط على المستوى القومي
لو تعرفو مدينتي و الرحاب و المدن الجديده زي التجمعات و 6 أكتوبر و العاشر و المدن دي كلها بتتم تخطيطها من قبل الكليه دي يعني انت بتتخرج من الكليه عشان تخطط مدن زي دي ،،،، أو بتخطط قرى سياحيه زي مارينا و غيرها

طب نظام الدراسه فيها إزاي ؟؟؟؟؟؟
سعات بيتطلب منك أبحاث أو شيتات تحلها في البيت و الأهم من ده كله حاجه اسمها مشروع

إيه المشروع ده ؟؟؟؟؟
دي حاجه انت بتسلم مننها جزء كل أسبوع و في أخر الترم بتلم كل اللي انت سلمته و بتصلحه تاني من الأخطاء و بتسلمه تاني
و هي عباره عن خرايط تتتطلب منك ترسمها و تلون أو تحط عليها حاجات بتبقى مطالبه منك و اللي بيشرح إزاي تعمل المشروع هو معيد المادة و دائما المشاريع دي بيتم الشغل فيها بصوره جماعيه .... يعني انت و 3 أو 4 بيبقو معاك في المجموعه و كلكو بتشتغلو في المطلوب تسليمه

***** اللي بيميز الكليه دي عن باقي الكليات انك تقدر توصل لأي معيد أو دكتور مش زي طب و لا هندسه و لا تجاره ،،،، و كمان كل اللي في الكليه كلها بالخمس دفعات 1000 طالب يعني سهل انك تتعرف عليهم
كمان الكليه من النوع الإجتماعي يعني كله بيحتاج بعضه و تقدر تسأل أي حد أكبر منك في أي دفعه و يفيدك بحكم الخبره اللي اكتسبها من الكليه

ده كمان بالإضافه انك مكن تدرب في أجازه الصيف عشان لما تتخرج تبقى عندك خبره كافيه و تقدر تدخل مجال الشغل من دون أي تعب و لا مجهود و انت ساعتها اكتسب خبره هتفيدك كمان فيها

كمان فيها شغل بالكمبيوتر كتير برامج فوتوشوب و اوتوكاد و إسكتش أب و الجي أي إس و غيرها اللي هتفيدك في الكليه و مجال العمل في الخارج







و أي استفسارات انا تحت الخدمه و انا طالب في الكليه دي أصلا

طب هى كان لازملها امتحان قدرات ولا ممكن ادخلها بمجموعى عادى ؟؟ انا جبت 94.6 بس مدخلتش امتحان قدرات

[asmaa mo]

ممكن اعرف بتاخد من كام ؟ وهى فى محافظات اييه ؟ودى بنكتبها فى الرغبات ولا ايييييه؟

[asmaa mo]

ودى ليها امتحانات قدرات؟

[asmaa mo]

انا جايبه 93.3 انا ممكن الحقها ولا

[asmaa mo]

ربنا يستر يااااااااااااااااارب