هتلر لما ينصح

[omar_2hg]

القصيدة دي كتبتها أثناء الثورة لما قالوا ان مصر سيتم احتلالها لو تنحي مبارك
وتنحي مبارك ولم نحتل

ومن أيام قليلة
في نقاش سياسي قالولي كفاية ثورة !!! ممكن تتفرض الحماية علي مصر بسبب الديون !!!
ملقتش احسن من القصيدة دي اقولها في الوقت ده
وختاما
نصف ثورة = هلاك أمة
من يقم بنصف ثورة يصنع قبره بيده

هتلر لما ينصح

يا مصريين يا طيبين
انتوا لسه مصدقين
اوعوا تفكروا انه جد
ده هتلر قالها من سنين
الحكاية مش كبيرة
هما بس كلمتين
عندك صداع عندك ألم
عندك معارضة بالملايين
عندك وجع عندك أرف
عندك شوية معتصمين
اقف وقول يا خلق هووه
العدو جاي الحقوه
لموا جيشكم سكتوه
فجأة تلاقي الكل خاف
فجأة تلاقي الكل كش
ومتلاقيش عندك صداع
من غير ما تصرف حتي قرش
لو لقيت بعدها المعارضة
لسه واقفه ولقلوعها فاردة
قولهم وبنفس قادرة
اطلعوا من أرضي بره
مش عايزين وسطينا خونة
وبكده خلصت حكايتك
والصداع يا حبيبي راح
من غير ما تقول بس آسف
أو حتي تطلب سماح
بس نسي هتلر يقول
إن الكلام يا اخوانا فات
اصل زمان كانت عقول
سهل تمشي من سكات
وأنا كمان يا ناس بقول
ان كلامه مش معقول
شعبنا شاف وياه عذاب
عرف وعوده حفظ كلامه
لما نزل فيه كتاب

عمر حسنى


القصيدة مبنية علي مقولة أدلوف هتلـــر
إذا أردت السيطرة على الناس أخبرهم انهم معرضون للخطر وحذرهم من أن أمنهم تحت التهديد، ثم شكك في وطنية معارضيك”

أتمني تكون عجبتكـــــمـ