الدراسات العليا

[ahmedpp]

لماذا لا يستطيع الحاصل علي تقدير مقبول ان يكمل دراسات عليا اظن ان الجامعات مخطئه بمثل هذة القوانين في عصر انفتح العالم علي التعليم الغير حكومي والتعليم المفتوح وكيف يستطيع خريج الجامعة ان يطور من نفسة اذا اغلقت الجامعة باب الاجتهاد

[samiro returning]

يا عم ياللى بتتكلم على الاجتهاد انت كان فين اجتهادك ده لما جبت مقبول حاجه غريبة بجد

[محمدعبيد]

ممكن استفسر عن خطوات التكمله للدراسات العليا كليه التربيه مع العلم ان التقدير جيدجدا

[أم عمير]

المشاركة الأصلية كتبت بواسطة محمدعبيد

ممكن استفسر عن خطوات التكمله للدراسات العليا كليه التربيه مع العلم ان التقدير جيدجدا

حضرتك لو خريج كلية تربية هتاخد دبلوم مهنى وده اقسام تختار منها ( تطوير مناهج/صحة نفسية/علم نفس تربوى/تعليم الكبار/...)
أما لو حضرتك مش خريج تربية فهتاخد دبلوم عام وده مفيهوش اقسام
وبعد الدبلوم المهنى / العام تاخد دبلوم خاص وده اقسام زى المهنى طرق تدريس - تعليم كبار- تربية خاصة- تربية مقارنة....
وبعد كده فيه الماجستير والدكتوراة
وفى كليات بتعتبر ان الدبلومتين العام/المهنى+الخاص=تمهيدى ماجستير
وفى كليات بعد ما تنتهى من الدبلوم الخاص تبدأ التمهيدى
فحضرتك اسأل قبل ما تقدم عشان تعرف النظام ايه

[عماد صلاح]

اولا احب اعرف الاخت او الاخ اللي بيقول فين اجتهادك ع فكره ممكن ابو مقبول ده يكون احسن من واحد جايب امتياذ ولكن ممكن يكون ظروف حصلتله او صعوبة ف التدريس يعني منجرحش شعور الناس انا بعتزر للاخ السائل عن عدم اكمال اللي جايب مقبول اخي الفاضل لا تقلق اذهب الي جامعة طنطا نزلوا بند ينص ع اكمال الدرسات العليا حتي ولو جايب مقبول وربنا يوفقك ويهدي الاخ او الاخت اللي بتجرح ف الناس ولك مني الف تحيه وع فكره انا ليا زميل جايب مقبول وكمل الماجستير ف جامعة طنطا

[مستر وليد دهمش]

اولا :الاخ اللي بيسال عن الدراسات العليا كما قال الاخ المحترم الاستاذ عماد اصبحت مفتوحه للجميع في بعض الجامعات مثل جامعة طنطا وغيره وربنا يعينك يا اخي ويوفقك وكفايه روح الهمه اللي عندك واللي انا واثق انها هترفعك
ثانيا:الي مستر samiro احب الفت نظر حضرتك ان مدرس لغه انجليزيه لايجب ان تترجم english teacher لان كلمة english هنا تعود علي ال***يه ولكن الترجمه الصحيحه هي A teacher of English
ثالثا:ليس كل من حصل علي جيد او جيد جدا هو عالم في مجاله فانا شخصيا اري مهازل من هؤلاء
رابعا:ليسانس كليسانس الاداب علي سبيل المثال قسم اللغه الانجليزيه اذا كان الحاصل عليه بتقدير مقبول وهذا هو العرف اتحداك بانه يزن ويعادل جميع الكليات المناظره في نفس التخصص مجتمعه ولا داعي لتسميتها والدليل علي ذلك ان كل من يريد عمل دراسات عليا في التخصص يقال له روح خد تالته ورابعه اداب الاول
وشكراااااااااااااااااااااااااااااااااااااااااااااا اااا

[modym2020]

هناك جامعات لا تشترط تقدير البكالوريوس / الليسانس
مثل جامعة طنطا وجامعة المنيا وغيرها حسب الاقرب لك
لو فعلا عندك هدف واصرار توكل على الله وقدم وربنا يوفقك
ولو عندك اى استفسار انا مستعد

[مجدى الشاويش]

المشاركة الأصلية كتبت بواسطة samiro returning

يا عم ياللى بتتكلم على الاجتهاد انت كان فين اجتهادك ده لما جبت مقبول حاجه غريبة بجد

قال رسول الله صلى الله عليه وسلم ( من كان يؤمن بالله واليوم الآخر فليقل خيرا أو ليصمت ) .................
وقال صلى الله عليه وسلم( بشروا ولا تنفروا ويسروا ولا تعسروا )

[ahmedpp]

والله يا اخوه انا فرحت جدا بنصائحكم الغاليه التي المس فيها روح التعاون والمحبه اسأل الله تبارك وتعالي ان ييسر لكم كل عسير وان يوسع ارزاقكم وان يرزقكم السعادة في الدنيا والاخره و مش زعلان من الاخ اللي قال اني غير مجتهد