|
||||||
| القسم الأدبى قسم يختص بنشر ما يكتبه كبار الشعراء والأدباءء والفلاسفة |
 |
|
|
أدوات الموضوع | انواع عرض الموضوع |
|
#1
01-05-2008, 04:32 AM
|
||||
|
||||
قصيده "البتاع" لاحمد فؤاد نجم بالصوت والصوره
قصيدة * البتاع * لأحمد فؤاد نجم ------------------------------------- " البتاع " ياللي فتحت البتاع فتحك على مقفول لأن أصل البتاع واصل على موصول فأى شئ في البتاع الناس تشوف على طول والناس تموت في البتاع فيبقي مين مسؤول ؟ وإزاي حتفتح بتاع في وسط ناس بتقول بأن هذا البتاع جاب الخراب بالطول لأنه حتة بتاع جاهل غبي مخبول أمر بفتح البتاع لأنه كان مسطول ! وبعد فتح البتاع جابوا الهوا المنقول نكس عشوش البتاع وهد كل أصول وفات في غيط البتاع قام سمم المحصول وخلا لون البتاع أصفر .. حزين .. مهزول وساد قانون البتاع والعله والمعلول فالقاضي بتع البتاع فالحق ع المقتول والجهل زاد في البتاع ولا مقري ولا منقول والخوف سرح في البتاع خلا الديابه تصول ويبقي البتاع في البتاع والناس صايبها ذهول وأن حد قال دا البتاع يقولوا له مش معقول وناس تعيش بالبتاع وناس تموت بالفول وناس تنام ع البتاع وناس تنام كشكول آدي اللي جابه البتاع جاب الخراب بالطول لأنه حتة بتاع مخلب لراس الغول باع البتاع بالبتاع وعشان يعيش على طول عين حرس بالبتاع و برضه مات مقتول --------------------------------- ولتحميل القصيده بالصوت والصوره ادخل ع اللينك ده http://www.yabdoo.com/gallery/downlo...d=2190&u=26693 --------------------------------- ويارب تكون عجبتكم
__________________
بعتذر عن الاخطاء الاملائيه في مشاركاتي في المنتدي وده بسبب دخولي للموقع عن طريق الموبايل .. وشكرا  The.Hero 
|
|
#2
07-05-2008, 04:24 PM
|
|||
|
|||
|
رجعوا التلامذه
رجعوا التلامذة يا عم حمزة للجد تاني يا مصر إنتي اللي باقية و انتــــــــــي قطف الأماني لا كورة نفعت و لا أونطة و لا المناقشة و جدل بيزنطة و لا الصحافة و الصحفجية شاغلين شبابنا عن القضيـــة قيمولنا صهبة يا صهبجية و دوقونا طعم الأغاني رجعوا التلامذة للجد تـــــــاني طلعوا التلامذة ورد الجناين اسمع يا ميلص و شوف و عاين ملعون أبوك ابن كلب خاين يا صوت أميركا يا أمريكانـــــــي رجعوا التلامذة يا عم حمزة للجد تانــــــــــي يا مصر إنتي اللي باقية و انتــــــــــي قطف الأمانــــي
|
|
#3
07-05-2008, 05:44 PM
|
||||
|
||||
|
ههههههههههـ وايه هو اصلا البتاع اللى قايل عليه انه بتاع قصيده فيها نوع من الدعابة الرائعة ومن المزح المقبول واحمد فؤاد نجم معروف عنه بخفة الدم وبكلامه الحلو شكرا لك اخى الكريم على الكلمات الحلوهـ تقبل مرورى
__________________
آبويآ وصآني (ع) ـلي إلـ (ع) ـز وإلـ (خ) ـــير... مهرة أصيلـــة وإلطُهر له نصيبـــــــــــه ...
|
|
#4
07-05-2008, 06:03 PM
|
||||
|
||||
|
اقتباس:
|
|
#6
10-05-2008, 03:52 PM
|
||||
|
||||
|
الرجل ده عندو ابداع جامد اوى فى شعرو وكمان قلبو جامد جدآ
وانا قولتها الرجل ده ( راجل من دهر راجل ) ويخوفى ليعتقلو تانى ؟ شكرآ يافندم على القصيده .( البتاع)
__________________
**لاتنظر إلى الوراء ولا تتطلع إلى المستقبل ...فالماضي لن يعود..والمستقبل سيبقى في علم الغيب.. فاعمل ليومك ..إن عملك ومصيرك وحياتك مرهونة بتلك الحظة التي تعيشها.....**
|
|
#8
30-05-2008, 02:48 PM
|
||||
|
||||
|
اهوا انا سمعتها قبل كدة
وهموت واعرف اية البتاع كنت شايف هالة سرحان بتضحك زى الهبلة وشكلها بيقول انها بتضحك على حاجة كدة بقول اية حد يعرف اية هو البتاع
__________________
 لقد عدنا من جديد
|
|
#9
03-06-2008, 08:47 AM
|
||||
|
||||
|
ما المشكله اني معرفش ايه هوا البتاع ؟
الصراحه البتاع عقدنا محدش خالص عارف ايه هوا البتاع؟ شكرا ع الرد يا حسام
__________________
بعتذر عن الاخطاء الاملائيه في مشاركاتي في المنتدي وده بسبب دخولي للموقع عن طريق الموبايل .. وشكرا The.Hero
|
|
#12
04-06-2008, 02:00 PM
|
||||
|
||||
|
تعرفو اني عرفت ايه هو البتاع
هههههههههههههههههه
|
|
#13
05-06-2008, 01:34 AM
|
||||
|
||||
|
والله انا شايف ان البتاع الى فوق ده
مالوش معنى محدد وكل واحد يفهم المعنى الى يناسبة حسب منهجة وحسب فكرة الشخصى لكن والله كل بتاع احلى من البتاع الى قبلة واحلى من البتاع الى بعده شكرا لك وشكرا للنجم
__________________
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 04:28 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
