هجنن ساعدونى

[إسلام صبري]

حلمى ادخل كليه هندسه قسم عمارة
انا جايبه 86 ولما عملت تظلم طلعلى 10 درجات بس قالوا استنى اسبوع على ما نشوف المستشار هيوافق ولا لا
انا على مجموعى 86 لو جبت 100 السنه الجايه واسه انها مش صعبه عليا
هجيب 94
الى مخوفنى هل هلحق ب 94 هندسه السنه الجايه مع الدرجات المرتفعه دى
بيقولوا التنسيق هيعلى السنه الجايه
بجد مرعوبه
وخايفه
حلم حياتى ادخل هندسه
خلاص بجد هجنن خايفه اوى

[karimadel7]

علي فكرة في قسم عمارة في كلية فنون جميلة
و بيقولو انه حلو جدا يمكن احسن من بتاع هندسة و مجموعها مش عالي اوي
فكر في الموضوع ده

[eng/ yasmine]

ربنا يوفقك وتاخد درجاتك
بس انا جايبة 94.1% ومالحقتش السنادى
مش عارفة السنة الجاية نظامها هايبقى ايه

[issac-newton]

94 ما تلحقش هندسة
+ عمرك ما هتاخد ال 10 درجات , , ,
الهندسة حد ادنى السنة دي 94,2

[إسلام صبري]

هى فنون عمارة زى قسم عمارة فى هندسه
وفنون دى فى كليات ايه اصلى شفت المنيا وتقريبا حلوان
مفيش القاهرة او الزقازيق ؟

[eng--zako]

فنون عمارة موجوده في جامعات حلوان و الاسكندرية و المنيا
و السنادي كان الحد الادني 93.5
و الدراسة خمس سنوات (عماره) و تبع نقابة المهندسين
بس شرط اجتياز اختبار القدرات
....
اجتهد انت بس السنة الجاية و ربنا يقدم اللي فيه الخير
مفيش حد بياخد اكتر من نصيبه

[Eng. Ahmed Said]

بُص كويس إنك عاوز قسم عمارة تحديداً، إنت إسعي بكل جهدك السنة الجاية إنك تجيب أعلي الدرجات الممكنة وإن شاء الله ممكن تلحق هندسة لو الإمتحانات جت صعبة ( علي أمل إن التنسيق يقل طبعاً ) وإنت قدرت تتمرن علي الأفكار الصعبة وقدرت تتعامل معاها، لو مالحقتش لا قدر الله إدخل فنون جميلة عمارة كلية محترمة جداًُ وبتطلع مهندس فاهم شغلك برضه

وفي الأول وفي الآخر مفيش حاجة مستحيلة قدام إرادة ربنا، بجد إعمل إللي عليك وثق بالله وكله خير إن شاء الله

[Engineer ..]

أولا أكيد لازم لازم تدخل رياضة

ثانيا دي متوقفة على 10 درجات لو جبتهم مبروك يا معلم الهندسه

محدش يحبطك انت اعمل اللي عليك والباقي على ربنا ولو ليك نصيب فيها والله هتدخلها

ادعي ربك انك تدخلها وباذن الله ذاكر جااااااامد و اتعب عشان تدخل كلية العظماااااااااااااااااااااااااااء

[إسلام صبري]

eng--zako
متشكرة لحضرتك
01:30 AM Eng. Ahmed

انا اتمنى ان الامتحانات تيجى صعبه عشان التنسيق ينزل
انا والله مجبتش المجموع دا عشان مستوايا وحش
بس جتلى حاله نفسيه وخوف من الامتحان
لدرجه انى كنت برتعش وانا بكتب فى اللجنة وكتبت اسمى مكان رقم جلوسى
وكمان سهوله الامتحان ودتنى فى تاهيه كنت متعود على نمط الاسئله الصعبه

Eng:taha
الحمد لله بذاكر اول باول
والفزيا شغاله من اكتر من كتاب اسئله
وبدعى دايما وعارفه ان ربنا قادر على كل شىء
وان دا نصيب ياما ناس كانت جايبه فوق 95 ونزلت وناس كانت فى ال90 واق وزادت جامد سبحان الله دا نصيب وانا مؤمنه بدا متشكرة لحضرتك