ممكن سؤال؟

Touty Potter · #1 30-07-2011, 10:49 PM

يا جماعة طمنوني بليز
انا خريجة مدرسة فرنسيه
وجالي في التنسيق اداب القاهرة
وعايزة ادخل اداب اينجلش
جايبة 50/50 في الاينجلش
45/50 في الفرنسيه
46.5/60 في العربي
مجموع اللغات 141.5/160
يعني 88.4%
المستوي الرفيع فرنسيه 8/10
ومستعدة ادخل اي إجزام
في الانجلش سواء كان ريتن او اورال
درجة العربي هي اللي هتوقفني؟

tarek-10 · #2 01-08-2011, 04:52 AM

سبحان الله انتى جايبه نفس درجتى فى العربى و الأنجليزى ,, بصى هوه مكتوب فى شروط القبول بقسم الأنجليزى فى اداب القاهره ان الحد الأدنى للعربى يكون مش اقل من 50 ,,
arts.cu.edu.eg/1.pdf
زودى قبل الرابط http عشان مش مسموحلى احط روابط
انا عن نفسى قدمت اداب حلوان عشان مش بياخدوا بالشرط بتاع العربى ده بيهمهم بس درجه الأنجليش .

Touty Potter · #3 01-08-2011, 04:58 PM

طارق انت جيتلي نجدة من السماء
انا معرفش النظام ايه في حلوان
بس انا زي ماقلت مدرستي مش اينجلش
مدرستي فرنسيه فالوضع مختلف اعتقد
بس ربنا يخليك بجد يعني
انا كنت بدأت افقد الأمل
خاصة ان اداب اعلام محتاج
142 درجة مجموع لغات وانا
مجموع اللغات عندي 141.5
فحاجة شلل يعني بجد
هشوف انا موضوع اداب حلوان ده
رغم ان الجامعة هتبقي بعيدة عليا
بس مش مشكلة

tarek-10 · #4 01-08-2011, 08:08 PM

على نص درجه ,, يلا ممكن يكون الأفضل ليكى فى حاجه تانيه ربنا اعلم ,,
اها مدرسه فرنسيه ممكن الموضوع يختلف بقى على موضوع درجه العربى ,, شوفى لو تقدرى تنزلى شئون الطلبه فى جامعه القاهره تسألى عشان تبقى ضامنه من الحكايه دى ,, عموما لو فكرتى فجامعه حلوان فهيه جيده جدا خصوصا فى اداب انجليش ,, و هيه كجامعه نضيفه جدا من جوه ,,
يلا ربنا معاكى بقى

Touty Potter · #5 03-08-2011, 02:48 PM

شكرا ليك مرة تانية يا طارق
انا دماغي بدأت تروح وتيجي مليون مرة
بفكر اسأل تاني في جامعة القاهرة
او اني احول جامعة عين شمس
وادخل اداب فرنسيه
او اروح جامعة حلوان
معرفش بقي بجد بقيت مش عارفة انام كويس
بسبب الموضوع ده ودماغي ما بتقفش
عمالة اوازن بين الاوبشنز اللي عندي
عشان مارجعش اندم علي اختياري
بس يللا اللي فيه الخير يقدمه ربنا
ميرسي كتير ليك يا طارق

tarek-10 · #6 04-08-2011, 01:41 AM

ولا يهمك احنا فى الخدمه