المعلم عتريس مش بيقطع تذاكر

[Mohamed_MA]

بيقولك كان فيه راجل كومسرى غلبان و صحته على قده .. كان كل يوم الصبح يطل واحد ضخم جدا جدا و لما الكومسرى يقوله تذاكر الراجل الضخم ده يقوله المعلم عتريس ما بيقطعش تذاكر

فالكموسرى طبعا بيتكسف جدا لإنه حاسس إنه أضعف من الراجل ده .. فبيسيبه و مش بيكلمه خالص .. و بيحس إن الناس كلها فى الأتوبيس بتعيب عليه
حصلت له عقده من الشغل فقرر ياخد أجازة لمدة سنة

طول السنة ده و هو بيلعب فى الجيم و يعمل عضلات عشان يقدر يواجه البلطجى ده اللى بيركب الأتوبيس
و لما حس إنه بقى فى وضع أحسن رجع الشغل
و لما طلع الراجل الضخم ده الكومسرى راحله و قاله تذاكر
فالراجل كالعادة قاله
المعلم عتريس ما بيقطعش تذاكر
عمك الكومسرى كان مستنى الكلمة ده و قاله .. ليه إن شاء الله على راس أبوك ريشة هتقطع تذكره يعنى هتقطع تذكره .. بالذوق هتقطع بالجزمة هتقطع ................ إلخ

فالراجل الضخم قاله .. يا عم المعلم عتريس ما بيقطعش تذاكر عشان المعلم عتريس عامل أبونيييييه

طبعا دى حكاية لذيذة .. نستفيد منها إن من الخطأ إننا نفكر فى حل المشكلة مباشرة

اللى عايز اقوله

ان قبل ما نواجه اى مشكلة

لازم نتاكده الاول انها مشكلة
مش ظاهرة
او حالة عابرة

ولازم الاول نفكر مرة واتنين وتلاتة
ونفكر فى اكتر من حل
ومش شرط نحل المشكلة بحلول صعب وتضيع وقت

اكيد فى حلول ابسط
والانسان الذكى
هو اللى يقدر يدور على حلول سهلة وبسيطة

يارب تكونونا فهمتوا انا قصدى ايه