ممكن حد يجاوبى هو لازم ابقى واخدة مستوى الرفيع انجليزى عشان ادخل سياحة

وممكن اعرف مصاريف كل قسم؟

لا مش لازم مستوى رفيع انجليزى , اى مستوى رفيع وحتى لو مخدتيش مستوى رفيع ممكن تدخليها اهم حاجة الحد الادنى لمجموع الكلية
مفيش مصاريف ولا حاجة , مصاريف عادية ماعدا بس قسم الارشاد السياحى فى كلية سياحة وفنادق جامعة حلوان بـ3000 جنية وشوية

ميرررررررررررسى اوى بس يارب التنسيق يبقى كويس
بس ممكن حاجة تانى هو امتحان القدرات بيبقى عامل ازاى فى اطار ايه ؟
انا شوفت فى الجرايد انه هيبدا من يوم 16 يوليو الة 21يوليو
هو التنسيق هينزل امتى ؟

لو سمحتم عايزة حد يرد عليا بليزززز
انا جبت 85%
ياترى ينفع ادخل سياحة ولا لا
طب ادخل امتحانات القدرات واجرب ولا بلاش
ممكن حد يجاوبنى بسرعة؟.

إن شاء الله تدخيها
وطبعا روحي الاختبارات وهي سهلة جداَ ما تقلقيش
وربنا معاكي :)

ميرسى اووووووووووووووووووى .
انا فعلا هنزل اسال فى حلوان
وهجيب الاستمارات طب وبعدين
ممكن الخطوات
يعنى اجيب الاستمارات الاول فى اليوم اللى فى حرفى
وبعدين هما اللى هيحددولى امتى امتحن ولا ايه؟

بصراحة يا نرمين انا ماعرفش لأن دي اول سنة يكون في امتحان قدرات لسياحة وفنادق :)
الأحسن روحي الكلية اسألي :)

بصراحة يا نرمين انا ماعرفش لأن دي أول سنة يكون في امتحان قدرات لسياحة وفنادق :)
الأحسن روحي الكلية اسألي قبليها :)

انا تالتة ثانوى زيك وعارفه لانى روحت واختبارت وبجد كان تافه بالنسبة لكل من دراسات سياحة وفنادق ام ارشاد بيعصروهم اساله انجلاش اوكشن اقولك بقا انتى اولا هتروحى عند جامعه القاهرة بالمترو وقدام باب الجامعه هتلاقى عربيات اسمها مكتب التنسيق هى بتنزلك هناك هتخوشى ومعا صورة رقم الجلوس وصورة شخصية وهتدفعى للاستمارة 25 جنية وهيقولك روحى بكرة امتحنى فى الكلية الى فى المنيل عندى جراند حياة المهم لم هتروح الكلية هتاخد من هناك استمارة ب100 جنية ويكون معاكى بردة صورة شخية وصورة لرقم الجلوس تانى وهتطلعى تمتحنى هما على فكرة مش عاوزين ارشاد كتير
وكمان هيقعدو يقولوك لية مش عايزا فنادق فاحسنلك اختارى دراسات سياحية هما معظم الاسالة بالعربى من عدا اننك تعرفى نفسك بالانجلاش وتقولى عاوزا اى قسم ولية فاهما وبعد كدة كلو عربى وهيسالك عن كام عاصمة والى قالو قدامى هى عاصمة النمسا والمانيا والمجر والسعودية وامريكا وشنطن حاجة مش فاكرها بصراحة وهيسال ازاى ممكن نعيد نشاط السياحة من تانى وياريت اكون افادتك وانا روحت والحمدلله لانى كنت دراسات خلصت بسرعة حتة شوفت الدرجات وهى بتتحط ههههه يعنى انا ناجحة باذن واحد احد

بس انزلى بقا لو انتى قريبة انهاردة او بكرة
لان اخر امتحان هيبق يوم الخميس
وبعدين هتظهر النتيجة بتاعت القدرات فى مكتب التنسيق يوم السبت وعلى فكرة الى هيدهشك
ان كان فى صبيان وبنات جيبين 73 و70 وبيقدمو ارشاد يعنى اعلا قسم هناك هههههههههه وربنا الموفق بقاللجميع ومكنش فى على تربيزتى غيرى انا وبنت هى 88 وانا بقا ربنا معايا كنت 84

بجد ميرسى اوى ليكى .
انا قاقانة جدا
بس قوليلى انا سمعت ان فى الكلية فى جامعة حلوا نفسها فى فى المنيل

طب وبالنسبة للبس عادى ولا حاجة معينة وكده .
انا كنت بقولك ان سياحة فى حلوان نفسها ولا فى المنيل .

كلية السياحة التابعة لجامعه حلوان مقررها الاساسى فى المنيل هى دى الكلية مفيش كليتين هى كلية سياحة وفنادق حلوان بس موجودة فى المنيل فاهما