الفـــــــــــراخــ كلـــــتـــ بيــضهـــا !!

[usernamo]

بسم الله الرحمن الرحيم

طبعاً حالياً رمضان شغال الله ينور و عجائبه بتيجى كل يوم ..

يعنى ايه اما ابقى فى رمضان .. و نازل اصلى العشاء يقعد بنا شيخ لا يوجد فى قلبه رحمة
(( ولا عنده اخوات بنات )) يصلى التراويح لحد الساعه 12 و بعديها يبدأ شفع ووتر و يخلص الساعه 1
و يديك خطبة فى جنابك يدخلك بيها النار و انت قاعد ..و الكارثة لما تيجى تساله يغير الموضوع .لانه حافظ خطبة و بيقولها ..!

يعنى ايه تيجى واحدة طول السنة لابسة مش لابسة حاجة و تيجى تعمل فيها زكية و تتحجب فى رمضان و تلبس عباية و يخلص رمضان ترجع تانى للبسها القديم ..

يعنى ايه اتفرج على (( رامز قلب الاسد ده )) و الاقى علا غانم طالعه باللبس ده الهانم .. و الاخ بيقولها جرحتى كام راجل .. تقوله كتير بس كده ربنا غفرلى .. لا إله إلا الله .. ده منظر اصلاً دانتى من غضب ربنا عليكى بقيتى تنسى عقابه !

يعنى ايه ابقى بقلب فى التليفزيون و انا صايم حاجة تسلى صيامى بعد ما قريت القران و صليت .. ابص الاقى كل المسلسلات فيه عرايا .. و حتى موجة كوميدى جايبة نساء .. قلت اتفرج ع قناة دينية .. الايهم يشغلوا برامج لا يفهمها اعتى عتاة الدين .. و برامجهم الحلوة تيجى بعد الفطار ..!

يعنى ايه اروح الجامعه فى عز الصيام فى الضهر الاقى واحدة بسم الله ما شاء الله لبسها جميل و محترم جداً و طرحة دينية تمام .. و حاطة ايدها على كتف اخ فاتح اللاب و عمال يضحك ..

هى الناس فاهمة الدين بالمشقلب و لا ايه ؟! ..

و لا احنا ماشيين ينظام الفراخ قبل البيضة ولا البية قبل الفرخة ..

و لا الفرخة كلــتــــــ بيضـــها !

وعجبى يا رمضان !

UserNamo
ThanWya