اخر البنات المحترمين (حياه الجامعه) - الصفحة 8

sunsero2000 · #**106** 11-07-2009, 12:25 PM

اقتباس:

المشاركة الأصلية كتبت بواسطة بنوته اهلاويه

كنت بتابعها زمان ع الفيس بوك بس ياريت تصغر الخط شويه .. وهى جميله فعلا

نورتى يا بنوته اهلاوييييييييييييييييييييييييييييييييييييييييه

golgman · #**107** 11-07-2009, 12:34 PM

ياعم حرام عليك دا مش مسلسل
كل مره تسيبنا فى لحظة جامدة زى دى

sunsero2000 · #**108** 11-07-2009, 12:40 PM

اقتباس:

المشاركة الأصلية كتبت بواسطة ahmed is my love

هاى
انا بيبو عاملين ايه وخصوصا انت يا ايمن
انت بتفتح امتة لم تفتح اكتب هتفتح تانى امتة

انا ميه ميه يا خال
اخبارك انت
انا موجود كل يوم

sunsero2000 · #**109** 11-07-2009, 12:47 PM

اقتباس:

المشاركة الأصلية كتبت بواسطة golgman

ياعم حرام عليك دا مش مسلسل
كل مره تسيبنا فى لحظة جامدة زى دى

هو ده الاكشن ههههههههههههههه
هانت يامان هنخلص قريب اهو

FARIDA 2010 · #**110** 11-07-2009, 06:28 PM

السلام عليكم و رحمة الله و بركاته
شكرا لتعب حضرتك ...بس فعلا جميييييلة جدا
عاوزين نعرف حصل ايه بعد كده!!
السلام عليكم و رحمة الله و بركاته

ahmed is my love · #**111** 12-07-2009, 12:26 AM

يا ايمن ياجامد تعرف والله انا حبتك وربنا معاك والقصة جامدة نااااااااااااااااااااااااااااااار

ahmed is my love · #**112** 12-07-2009, 03:22 PM

انا تمام اوى انت الى عامل ايه يارب تكون كويس ووووو القصة فين التكملة يا عمنا

Prof.Dr/A.T.M · #**113** 13-07-2009, 01:25 AM

ياريت تكملة القصة بسرعة
تسلم ايديك

JASSY · #**114** 13-07-2009, 01:58 AM

القصة جميلة جدااااااا....

بس بليز التكملة بسرعة.... مستنين

د\ الاء · #**115** 13-07-2009, 02:43 AM

يا ريت التكمله بسرعه
وحقيقي القصة جميله جدااا

sunsero2000 · #**116** 13-07-2009, 11:01 AM

(الحلقه الثالثه)

وائل: ولا تقلقو نفسكو اصلا السنة دي, هنخلص قبل الترم بكتير ان شاء الله.
ميمي: ما احنا بادئين السنة دي بدري شوية.
وائل : كده احسن عشان نقدر نخلص براحتنا, ........فيه حاجة يا منى؟, انتي تعبانة ولا حاجة؟.
منى: لا ابدا.
وائل: انتي شكلك تعبان خالص, اجيبلك اسبرين؟.
منى: لا شكرا , انا هبقي كويسة.
نظر اليها في شك ,ثم قال.
وائل: ماشي , انا هبدأ بس لو حسيتي انك تعبتي قومي روحي.
منى: حاضر.
وبعد الدرس ,انفرد وائل بمني قبل نزولها.
وائل: انتي مش عاجباني النهاردة على فكرة , فيه ايه؟.
منى: ليه ؟, بجد انا مش تعبانة.
وائل: بس غلط كدة, المفروض تاخدي بالك من نفسك.
منى: صدقني مفيش حاجة.
نظر اليها مطولا ثم قال.
وائل: ماشي ,انا مصدقك, بس برضه خدي بالك من نفسك, وانا هبقي اتصل بيكي اطمن عليكي.
نظرت اليه واستغربت الكلمة.
منى: هو حضرتك معاك نمرتي؟.
وائل: مش الي كنتي بتطلبيني منها دي نمرتك؟.
منى: ايوة.
وائل: دي معايا.
منى: ماشي , شكرا , بس حضرتك ما تقلقش نفسك, انا هاخد دوا وهكون كويسة ان شاء الله.
وائل: برضة خدي بالك من نفسك.
بعدما نزلت منى لميرنا وسارة اللتان انتظرتاها بالاسفل.
سارة: كل دا بترغو في ايه؟.
منى: مفيش, مصمم اني تعبانة.
ميرنا: بس الواد دا طلع جامد, كنتي مخبياه عنا فين دا يا موني.
منى: بقلك ايه نقطينا بسكاتك , وخليكي في خالد بتاعك دا كمان.
ميرنا: هو انا مقلتلكوش عمل ايه؟.
سارة: عمل ايه جديد؟.
ميرنا: امبارح كلمني باليل, قلتله حد يطلب حد الساعة اتنين؟,قالي الموضوع مهم وبتاع, قلتله خير, قالي انا معجب بيكي من مدة ومكنتش عارف اقولك ازاي, بس خلاص انا اتأكدت اني عايز يكون بينا حاجة, قلتله استني استني , هو دا الموضوع المهم , قالي واكسف كده شوية اه, قلتله, طيب بقي , بص ,انا ماليش في الحاجات دي خالص, انا لا بعجب بحد ولا عايزة حد يعجب بيا , وياريت متكلمنيش بعد الساعة 11 تاني, ولا اقولك ياريت تمسح نمرتي من عندك عشان انا مبصاحبش صبيان, وقفلت.
سارة: يخرب بيت دماغك يا ميرنا, وبتقولي عليا انا الي دبش.
ميرنا: كنت هعمل ايه يعني, اعيده تاني.
منى: بس كنتي تنهي المواضيع باسلوب حلو شوية.
سارة: ميرو عندها حق, مفيش حاجة اسمها تنهي باسلوب حلو, يا اما تنهيها يا متنهيهاش, مينفعش حل وسط.
ميرنا: وانتي احمد لسة مكلمكيش؟.
سارة: ماخلاص يا ميرو بتفكرينا بالهم تاني ليه؟.
منى: لا ماتصلش, وانا لو ايه حصل عمري ما هعبره تاني بعد الكلام الي قاله.
سارة: انتي لسه بتحبيه يا منى؟.
صمتت منى ونظرت للارض ولم تجب.
منى: انا مش عايزة اتكلم عن احمد, وياريت محدش يجيببلي سيرته لو سمحت.
*******************
صاحت رشا بصوت عالي.
رشا: هااااااي, موني.
التفتت مني في دهشة للفتاة التى ركضت ناحيتها بخفة, ضاحكة, وعانقتها في حرارة.
رشا: ازيك يا موني, عاملة ؟, وحشتيني بجد, ايه الاخبار؟.
منى: الحمد لله, ازيك انتي؟, اخبار الكلية معاكي ايه؟.
رشا: حلوة اوي, بس انا مقضياها على طول عندكو في تجارة, اصل نص اصحابي هنا.
منى: اه , كويس.
رشا: هو فيه ايه يا موني؟, من ساعة ماجيت ماشفتكيش ولا مرة مع احمد, هو فيه حاجة؟.
منى: لا ابدا مفيش, مجاتش فرصة بس.
رشا: بجد مفيش؟.
منب:ايوة , اصل هو انا مشغولة شوية, في حاجات يعني ,فمبشوفوش كتير.
نظرت اليها الفتاة قليلا, ثم قالت بمرح.
رشا: ماشي , ابقي خلينا نشوفك.
منى: ان شاء الله.
وكما اقبلت ابتعدت.
******************
احمد: قلتلها ايه وقالتلك ايه؟.
رشا: سألتها ياسيدي , انتو ليه ما بشوفكوش مع بعض قالتلي مفيش حاجة , اصل انا مشغولة شوية, فاكراني داقة عصافير.
احمد: وقالتلك ايه تاني؟.
رشا: بس.
احمد: بس؟, ماقالتش حاجة تانية؟.
رشا: لأ , وبعدين ماتبقاش تبعتني اكلمها تاني, البت دي عاملة زي الي طالعة من فيلم ابيض واسود, انا مش عارفة انت طايقها ازاي.
احمد: اتلمي يارشا, بدل ما المك.
رشا: يا شيخ روح بمني بتاعتك دي, قلتلك اظبطك مع واحدة من اصحابي , قلتلي لأ, من امتي يعني الادب دا كله؟.
احمد: خليكي في حالك.
رشا: طيب , على العموم لما تحب تغير , انا عندي اصحاب بالعبيط.
احمد: انا نفسي افهم انتي بتتكلمي معايا كده ازاي, مش المفروض تبقي بنت مؤدبة, انا اخوكي الكبير.
رشا: يا ايمو يا حبيبي انا يهمني تكون مبسوط, وتنزل من على وداني بدل مانت قارفني, كل شوية, روحي جسي لي نبض ست زفتة بتاعتك.
احمد: رشا.
[color="magentaرشا: خلاص خلاص ماتتنرفزش ,انا اسفة ,غلطت في ملكة انجلترا."]
احمد:خلصنا, امشي يلا ,روحي على كليتك.
اقتربت نورا منهما .
نورا: هاي يا روشي , هاي يا ايمو.
وابتسمت له في غنج ,ابتسم لها في سرعة وهو يبتعد.
ايمو: هاي يا نورا, عن اذنكو انا بقي.
قالت نورا لرشا بعد انصراف احمد.
نورا: ماله اخوكي؟.
رشا: انا عارفة ايه الي عاجبة في مني خنقة بتاعته دي؟.
نورا: هو بيحبها بجد؟.
رشا: يا بنتي انا اخويا مبيعرفش يحب, اخويا دا طول عمره واطي, بس انا اول مرة اشوفة متعلق بحد كدة.
نورا: هو...مش ممكن , يفكر يسيبها ...ابدا؟؟,...يعني...
رشا: انا عارفة, مبقتش فاهمة اخويا اليومين دول.
ارتفع صوت كريم من الخلف.
كريم: ازيكو يا حلوين؟.
التفتت الفتاتين له , ورشا تبتسم له في دلال.
رشا: كيمو , ازيك ؟.
ابتسم لها , وقال ضاحكا .
كريم: ليكي وحشة يا شوشو.
رشا: انت كمان, بتعمل ايه هنا؟.
كريم: جاي اشوفك.
نظرت لهما نورا في ريبة.
******************
أ*بجد يا منى والله بنت حلال , واحدة غيرك كانت قالت لاختى دا عمل فيا كذا وكذا, بس انتي بجد بتحبيني, لأ دانا الي بجد بحبك , انا اسف ياموني[/color]

عاشقة للحياة · #**117** 13-07-2009, 09:47 PM

قصة لذيذة اووووووووووي وياريت تكملتها بسرعة

د\ الاء · #**118** 13-07-2009, 10:20 PM

يا ريت التكمله بسرعه
بس هو لسه كتيير ع النهايه

FARIDA 2010 · #**119** 13-07-2009, 10:40 PM

السلام عليكم و رحمة الله و بركاته
القصة بجد جميله جدا و بشكر حضرتك علي المجهود الرائع ده
و ياريت تكملها .. عاوزين نعرف النهاية ايه ؟؟
و السلام عليكم و رحمة الله و بركاته

golgman · #**120** 14-07-2009, 10:04 AM

بجد أنا ممكن أموت من كتر انتظارى لنهايه القصة دى
ارحمنى بقى وكملها