لو سمحتوا هى كلية تخطيط عمرانى ايه نظامها واعمل ايه عشان ادخلها

[Agent-47]

المشاركة الأصلية كتبت بواسطة sara soso 2011

طيب سؤال ....

انا جايبة 93.8 ممكن ادخلها ..ولا لأ
وهل ان انا لو دخلتها ممكن احول المنصورة فى حالة انى اكون جايبة تقدير جيد جدا او امتياز ولا مش شرط التقدير يعنى انجح و بس

وانا لو حولت لكلية تانية ممكن الكلية اللى انا حولت لها دى يشيلونى فيها مواد

و الكلية دى كام سنة ..يعنى الدراسة 4 ولا 5 سنين

ممكن تدخليها و بعدين تحولي للمنصورة بس قسم عمارة فقط ده لو انتي تبع المنصورة
اما بالنسبة للتقدير مش شرط المهم تنجحي في كل المواد

و لو حولتي ممكن يشيلوكي مواد

و الكلية دي ممكن تدرسيها في 5 سنين أو 4 سنين و نص أو 7 سنين حتى ..... هتقوللي إزاي يعني 4.5 سنة و 7 سنين
أقولك ان الكلية بتتبع نظام جديد اسمه نظام الساعات المعتمدة زي ما بتسمعو في الجامعات الخاصة فممكن تدرسي المواد عادي فتخدي الكلية في 5 سنين أو تخدي مواد من السنة اللي بعديكي مع سنتك الحالة فتوفري سعات انت كنتي هتحضريها في السنة الجاية و ممكن تخلصي الكلة فيها بدري

و النظام ده اتطبق عشان الشهادة اللي تدهالك الكلية تبقى معتمدة على مستوى العالم و تقدري تكملي دراسة بره مصر في أي مكان منغير ما يطلبو منك أي امتحانات أو معادلة للشهادة بتاعتك