هل المتعاقد ليس له حقوق أو كرامه

[m.medhat ramadan]

هل المتعاقد ليس له حقوق أو كرامه
عندما أكون متعاقد منذ 2007 و أعمل منذ تعييني فى معاهد القري و طلبت ان أنتقل الي معهد فتيات كفرصقر لأن المدرس الذي كان يعمل به انتقل الي محافظة أخري وانتقلت بالفعل ووقعت فى دفتر الحضور والانصراف ثم فوجئت بنقل واحد لسه متعين بالضم فى يناير 2011 معي فى المعهد رغم ان المعهد لايسمح الا بوجود مدرس واحد فقط لأنكم كما تعلمون عدد حصص اللغة الفرنسية قليله . بعد ذلك فوجئت بالموجه العام ينقلني الي معهد بالقري مرة اخري بحجة أنني متعاقد وعندما قلت له أنني أقدم منه بخمس سنين قال بس هو أصلي وانت متعاقد حتي لو لو كان متعين أمبارح .

أنا طبعا بحكي القصة دي علشان نحس ان احنا المتعاقدون ليس لنا حقوق ولا كرامه والله لو تعلمون الدمار النفسي الذي أعيشه فأنا أسأل نفسي وهل أنا لي ذنب أنني متعاقد ولا ايه رأيكم وياريت لو حد عنده أقتراح أعمل ايه يقول ...........................

[مسترh]

والله يا مستر مدحت عند حضرتك حل من تلاته الاول ) انك تصبر وتحتسب الاجر والثواب عند الله الثانى ) انك تشتغل على قد فلوسهم الثالث) انك تنتحر وبصراحه بلاش عشان حرام انا عن نفسى اخترت الحلين الاول والتانى مع بعض وربنا يسامحنى

[Observer]

منتهى قلة الدين وتحكم غبى من موجه المفروض يتسم بالحكمة والعدل، الحل انك كل ما تقابله وبعلو صوتك تقوله فى وشه حسبى الله ونعم الوكيل فيك وحقى عند ربنا مش هيضيع .. مش هيقدر يعملك حاجة على فكرة اعمله احباط نفسى وخليه يحس بالذنب.

[الفتى الزهرى]

انا عارف اللى انت بتقوله منتهى التخلف والرجعية انا عن نفسى كنت متعاقد فيزياء ومع ذلك ودونى معهد ابتدائى ولما رحت لشيخ المعهد قاللى يعنى ايه فيزياء انا الجدول اللى فاضى عندى عربى ودين
شوفت التخلف لحد فين

[مسيو إيهاب]

مسيو مدحت
نعانى الكثير فى هذا الجهاز التعليمى الذى أقلأن يوصف بالتخلف

المتعاقد رغم قدراته وامكانياته التى تفوق معظم المعنين الا انه ينظر له أنه نصف معلم
شويه متخلفين ماسكين الإدارات وعندهم عقدة واحساس بالنقص

[أزهرى وأفتخر]

هيه دى الحقيقه
فعلا فى المعاهد بيعاملوا المتعاقدين على انهم متاجرين
مش زى بقية المدرسين
حاجه تقرف

[ياسر محمد المقدم]

اقترح عليك ان تصبر حتى يتم تثبيتك ثم بعد التثبيت تذهب للموجه العام وتطلب منه النقل واذا لم يوافق تخبره انك اصبحت اساسى وتضربه علشان خاطرى انا بالحذاء الذى فى قدمك
لانه وبصراحه الموجهين فى الازهر يتعاملون مع المتعاقدين معاملة سيئة وان شاء الله بعد ان يتم تثبيتنا لن يروا منا الا الضرب بالاحذية
مع احترامى للموجهين المحترمين وهم نادرين جداً فى الازهر

[m.medhat ramadan]

يعني ياجماعه اسكت واسيب حقي وسنوات الأقدمية دي ليس لها قيمه طب ازاي والقانون أصلاً بيضم هذه السنوات بعد التثبيت والله لن أسكت الواحد تعبان نفسياً بس مش هسكت لازم آخد حقي دعواتكم لي.

[حمدي النقير]

لا تراجع ولا استسلام