|
||||||
| كليه الحاسبات والمعلومات كليات الحاسبات ونظم المعلومات |
 |
|
|
أدوات الموضوع | انواع عرض الموضوع |
|
#16
15-09-2011, 04:47 PM
|
|||
|
|||
شكرا جدااااااااااااااااااااا على الرد 
|
|
#17
17-09-2011, 03:39 PM
|
|||
|
|||
|
ماشاء الله البشمهندسه ananoo تقريبا جابت المفيد اما بالنسبه للاب توب فهو مش مهم جدا لانى طبيعى فى المعامل بيبقى فى اجهزه كمبوتر .. انا فى حاسبات اكتوبر والحمد لله مش بنحتاج كتير اللاب ولكن ممكن يكتفى فى البدايه بجهاز Pc وفلاشه عالشان تنقلوا عليها اى برامج فى الكليه او برامج عملتوها فى المعمل وكده ... اما بالنسبه للغات البرمجه متقلقوش اهم حاجه زى ما البشمهندسه قالت الانتظام ... انا كنت داخل السنه اللى فاتت زيكم وخايف من كل حاجه ولكن بتوفيق ربنا والحضور بانتظام ربنا وفقنى وطلعت الاول على دفعتى .... واللى يحب ارفعله كتب او فيدوهات سى بلص C++ او اى لغه برمجه يقولى ولكن فى البدايه انصح بمعرفه ماهى لغات البرمجه وبعدين لغه السى بلص بلص لانها البدايه الطبيعيه لاى مبرمج .... وربنا يوفقكم
|
|
#19
18-09-2011, 02:55 PM
|
||||
|
||||
|
اقتباس:
لو كدة فده موجود بس غير قانوني تماما يعني في معدين سواء من الكلية او مش منها بيدوا دروس في مواد الكلية وطبعا الكلية بتحاول تقضي على الموضوع ده وطبعا اكتر الناس اللي بيروحوا الدروس بيبقوا مطنشين المذاكرة من اول السنة وبعدين على اخر السنة يكتشفوا انهم مش فاهميين حاجة فبيروحوا يحضروا الدروس دي بالنسبة لكورسات البرمجة هوة عموما على مدار ال3 سنين الاولى المفروض الطالب اخد كل الكورسات الاساسية في البرمجة بالنسبة للغات البرمجة احنا في 3 سنين بنكون اشتغلنا في حدود 3 لغات مختلفة او اكتر وطبعا هية لغات البرمجة مش بتبقى محتاجة كورس ممكن اي حد يكتب باي لغة طالما فاهم اساسيات البرمجة بس الكلية عندنا في عين شمس مبتديش كورسات خارجية في البرمجة معرفش اذا كان في حاجة زي كدة في القاهرة بس عموما انا شايفة ان الطالب في حاسبات مش محتاج كورسات اكتر من اللي اخدها في الكلية وده لو درسها بزمة في الكلية طبعا اقتباس:
عندنا في عين شمس اول يوم كان يوم عادي جدا بس اول كل محاضرة الدكتور بيخش يتكلم شوية بصفة عامة عن الكلية والمادة وكدة وطبعا اول اسبوع مبيبقاش في سكاشن هوة محاضرات بس وبتبدأ السكاشن من تاني اسبوع وغالبا في اول اسبوع بيبقى في نشاط من طلاب الجامعة لسنة اولى بيعرفوهم بالكلية وكدة بالنسبة للاب توب انا جبته في الترم التاني من سنة اولى بس احتجته فعلا وحسيت اني مقدرش استغنى عنه اول ما بدأنا المشاريع العملية بجد وده كان في سنة تانية الترم الاول او التاني مش فاكرة بالضبط اهم حاجة انك من سنة اولى اي حاجة تخديها في العملي لازم تطبقيها بأيدك وتسالي في اي حاجة مش عرفتي تعمليها او مش فاهمها لان العملي مهم جدا في الكلية ومع الاسف ممكن حد يعدي ال3 السنين وهوة مش فاهم حاجة فيه بس بيتبهدل بعد كدة في مشروع التخرج وفي الشغل كمان  ربنا معاكم ان شاء الله وبجد اي حاجة قلقانين منها او عاوزين تسالوا فيها اسالوا انا بحاول على قد ما اقدر اساعد باللي اعرفه 
__________________
"نحن قوما أعزنا الله بالأسلام فإذا ابتغينا العزة فغيره أذلنا الله"
"ومن يتق الله يجعل له مخرجا و يرزقه من حيث لا يحتسب"
|
|
#21
18-09-2011, 05:20 PM
|
||||
|
||||
|
اقتباس:
لا ابدا مفيهاش تعب ولا حاجة بالعكس ببقى سعيدة جدا لو قدرت اساعد اي حد متقلقش من موضوع الانجليزي لان ده موجود في كل الكليات وهوة بجد مش هياخد اكتر من شهر او شهر ونص وبعدها لو حد جبلك حاجة بالعربي مش هتفهمها الدكاترة والمعدين بيبقوا عارفين انكم كنتم بتدرسوا بالعربي فبيعملوا حسابهم في الموضوع ده يعني في الامتحانات مش هيجيبوا كلام صعب او احيانا بيحطوا الترجمة لو في كلام صعب بالنسبة للرياضة هتتعود على طول لان اغلبها رموز وهتتعود بسرعة الفزيا هتبقى المشكلة في المسائل الكلامية بس زي ما قولت الدكاترة في الامتحانات بيعملوا حسابهم المواد اللي فيها نظري شوية غالبا مش بيخليكم تكتبوا في الامتحانات بيبقى الامتحانات اختيارات وكدة ولو في سؤال نظري مش بيبقى صعب خالص المشكلة بس في المذاكرة هتبقى بتذاكر وانت فاتح الدكشنري بس طالما فاهم اللي بتذاكره هيبقى الموضوع سهل جدا اما المواد اللي فيها برمجة طبعا مش بيبقى فيها مشاكل خالص لانها كلها فهم وكتابة كود بس هوة دايما سنة اولى في كل الكليات بتبقى تقيلة شوية مش عشان مواد كتيرة بس عشان نظام جديد مش متعوديين عليه بس حاول تتعب شوية في الترم الاول وتذاكر بزمة وهتلاقي بعد كدة الترمات اللي بعدها سهلة جدا وبسيطة رغم انك بتاخد مناهج اتقل وربنا يوفقكم ان شاء الله
__________________
"نحن قوما أعزنا الله بالأسلام فإذا ابتغينا العزة فغيره أذلنا الله"
"ومن يتق الله يجعل له مخرجا و يرزقه من حيث لا يحتسب"
|
|
#22
19-09-2011, 05:49 PM
|
|||
|
|||
|
داه كتاب بسيط جدا فى السى بلص بلص c++
على الاقل حايديك خلفيه عن اللغه وربنا يوفقكم ان شاء الله الكتاب فى المرفقات
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 04:01 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
