طالبه في تانيه اسنان تحت امركم للي عايزا اي استفسار بشان الكليه

[ماما ميا ميا]

المشاركة الأصلية كتبت بواسطة bassam777

اولا :احب اسلم على حضرتك
ثانيا : انا لسة طالب في ثانوية عامة (المرحلة اولى)و بجد نفسي ادخل صيدلة او اسنان فياريت حضرتك تفيدينا بخبراتك في الثانوية العامة
وهل علمى علوم صعب ومستحيل زى ما كتير بيقولوا ولا اية الحكاية

اولا بجد اسفه للتاخير في الرد نظرا لظروفي علمي علوم اسهل حاجه و اسهل من رياضه و ادبي كمان و الله بتكلم بجد

المشاركة الأصلية كتبت بواسطة طالب__علم

سؤال لو سمحتى حضرتك ..
هو بين سنة تالتة وسنة رابعة فيه تدريب فى مستشفيات او حاجة كدة اجبارى فى الصيف؟؟ او حتى اختيارى ؟؟

وهل فيه طلبة اثناء سنة 2-3-4 بيروحو مستشفيات او عيادات او مستوصفات يتدربو او حتى يساعدو دكاترة كبار شوية عشان يخدو خبرة ؟
ولا ده فى الكلية فقط لا غير وفى سنة الامتياز فقط ؟
شكرا

احنا بننزل عيادات في الكليه اجباري في تالته و رابعه في عيادات الكليه
و في ناس ساعات كمان بتشتغل برا من سنه تالته
تالته و رباعه متصلين لانو بتبقي في حاجه اسمها requirements يعني علي سبيل المثال تخلع 30 سنه و تمضيها من معيد تحشي 80 سنه و هكذا
اه طبعا ينفل تنزل تتدرب مع اي حد في اي عياده و لو حابب مممكن تشتغل كمان بس في مستوصفات كده مش معروفه

[po11122]

انا طالب ثانوى عام الحمدلله نجحت و خلصت 3 ثانوى و الحمدلله علمى علوم

و بأذن الله مجموعى الحمدلله كويس

عامة انا مستبعد طب بشرى تماما - مش ميولى - و كمان ممكن التنسيق ميجيش لوحده

و اختيارى باذن الله تعالى بين ( طب اسنان ام صيدلة )

و سألت كتير و الناس كانت مختلفة فى الاراء

المهم عشان ما اطولش و اوجع دماغك انا قررت ان يكون الفيصل فى القصة ديه المحتوى الدراسى
لكل كلية
قياريت اتمنى من حضرتك وضع المحتوى الدراسى لكلية طب اسنان وياريت تفصيلياً الى حد ما

و لو انا بحب وحدة الوظيفة و البناء فى الكائن الحى فى مادة الاحياء 3 ثانوى

و مكنتش بحب الوراثة اوى او dna

ايهما افضل ( طب اسنان ام صيدلة ) ؟

و شكرا ....