اهلا بك نصر باشا

[M/Nasr]

المشاركة الأصلية كتبت بواسطة larose111

bravo Naser
vous etes un bon professeur
pour moi je suis prof de francais

j aime le francais et j aime ecris en francais
mais l arabe est facile pour l ordinateur
مرسى لاجل اهتمامك عموما انا زى ما انت قلت انا خريجة كلية التربية دفعة السيد و وليد و شريف الى انت صديقة الخاص صح كدة
salut

مش عارف والنعمة الشريفة أقول ايه لسعادتك
يعنى كتبت لك بالفرنساوى وبعدين بالعربى عشان تفهمينى وبرده مفيش فايدة
يا آنسة أو يا مدام أنا مش مدرس أنا سعادتك مترجم مصحح لغة فرنسية
و أنا مع احترامى الشديد لرأى سعادتك إلا إن مش بعد سنين الشغل بالترجمة دى هاستنى ان مدرس أو مدرسة يقولولى bravo بمعنى أحسنت. لا مواخذة سعادتك هو أنت فكرانى تلميذ بصرفلك فعل وبتقولى لى bravo
مع احترامى للمدرسين ولمهنة التدريس الا انى مسمحش لمدرس يقيمنى لأن ببساطة عشان تقيمى حد لازم تكونى أحسن منه. واحنا سعادتك بنترجم كتب كاملة ومعتقدش بأى حال من الأحوال ان تدريس منهج ثانوى او غيره يقدر يخلى الواحد يترجم تلت أربع سطور بشكل صحيح
و بالمناسبة أنا عمرى ما أقول لحد من المدرسين bravo لأن دى لفظ تقييمى سعادتك
ايه بقى موضوع ان العربى أسهل عشان الكمبيوتر. مش فاهم الجملة دى أوى. هو كمبيوتر سعادتك مصنوع فى السعودية عشان كده بيرفض اللغة الأجنبية لأنها لغة الفرنجة وبيحبذ اللغة العربية؟ ولا يكونش الكمبيوتر بتاع سعادتك مابيهضمش الفرنساوى لكنه بيموت كده فى العربى؟ ربنا يرحمنا
ومين بقى سعادتك السيد ووليد وشريف دول؟ وصديقه الخاص ده زى الحارس الخاص كده والا حاجة تانية؟ يا آنسة أو يا مدام أنا لا أصدقاء لى إنما أصدقائى هم من يحبون ويجيدون الفرنسية. وطالما ان سعادتك خريجة من نفس دفعة اللى انت ذكرتى أسمائهم فأكيد ان مستواهم ما يتخيرش عن سعادتك وعمرهم ما يكونوا أصدقائى. لأنى ما بصحبش لا مواخذة المكسحين فى اللغة