نصيحة للدفعة الاولى قبل ماتخش تجارة انجلش..!!!!!

[Monier]

وعليكم السلام اتفضل اعرب ؟؟؟

[pharmacist x]

لو سمحت انا محتاره تجاره انجليزى وعلوم

انا بحب الانجليزى جدا وجايبه 47 من 50 وجايبه مجموع الكليه طبعا

المشكله بقى انى مش بحب الرياضه ابدا انا عايزه اعرف هو كل المواد رياضه ولا لا ؟

وحضرتك شايف مستقبل الكليه افضل ولا علوم احسن ؟

[Solty Ray]

انا جايبة 94.3 وكنت بفكر في تجارة انجليزي بس كنت عايزة اعرف نظام الشغل اية بعد التخرج يعني في فرص عمل للمهنة ده ولا لأ

[Monier]

المشاركة الأصلية كتبت بواسطة pharmacist x

لو سمحت انا محتاره تجاره انجليزى وعلوم

انا بحب الانجليزى جدا وجايبه 47 من 50 وجايبه مجموع الكليه طبعا

المشكله بقى انى مش بحب الرياضه ابدا انا عايزه اعرف هو كل المواد رياضه ولا لا ؟

وحضرتك شايف مستقبل الكليه افضل ولا علوم احسن ؟

هو اللى اعرفه ان الكليتين فيهم رياضة
بالنسبة لتجارة انجلش هى فيها رياضة بس مش كل المواد لان فى ادارة اعمال واقتصاد +الاحصاء والمحاسبة بس لو انتى دخلتى تجارة انجلش هيبقى اختيارك مابين المحاسبة والادارة والاحصاء وخصوصا اول اتنين لان دول اشهر الاقسام وبالتالى هيبقى قدامك ادارة اعمال وفيها جزء حسابات برضو
بصى هو انا بصراحة مش عارف انصحك او مينفعش انصحك لانك بتقارنى بين كليتين مختلفيتين بين كلية نظرى وكلية عملى علشان كدا هقولك النصيحة اللى بقولها لاى حد اختارى اللى انتى بتحبيه يعنى لو بتحبى كمياء وفيزياء والمواد العملى يبقى علوم بتحبى الرياضة + الحفظ يبقى تجارة وربنا يقويكى على المعادلة الصعبة دى

[Monier]

المشاركة الأصلية كتبت بواسطة Solty Ray

انا جايبة 94.3 وكنت بفكر في تجارة انجليزي بس كنت عايزة اعرف نظام الشغل اية بعد التخرج يعني في فرص عمل للمهنة ده ولا لأ

لو بتفكرى من نقطة الشغل يبقى هتتعبى فى اى كلية لانك داخلة الكلية علشان تشتغلى مش لانك حابه المجال دا والافضل انك تكونى حبه المجال اللى بتدرسيه
ولنفترض انك حابه مجال المحاسبة او ادارة الاعمال بالنسبة للشغل هو موجود بس هتحتاجى كام كورس محاسبى (برامج محاسبية - cfa - cma)مش كلهم بس البرامج + اى واحدة من الاتنين التانيين يكفوا
انك تشتغلى ان شاء الله وممكن تتجدعنى وتجيبى تقديرا وتعملى الماجستير والدرسات العليا ودا بيساعد فى موضوع الشغل
اتمنى انى اكون فدتك وربنا معاكى ويوفقك

[Qotoz]

السلام عليكم ورحمة الله وبركاته
الصراحه انا عندي موضوع مهم عايز اعرفه قبل ما ادخل الكليه ان شاء الله .. وهقدم تجاره انجلش باذن الله انا جايب 40 من 50 في الانجليزي لو حصل نصيب اصلا ودخلت تجاره فهل ( الرياضه ) سهله ولا صعبه
اصل انا طالب ادبي وجبت 93% والرياضه دي عقبه امامي بس كل زملائي الي في الكليه بيقولوا تافهه جدا وانا اصلا عمري ما فكرت افهم رياضه فمش عارف هسلك فيها ولا لا
فا انا مش متاكد فياريت حد يقولي الرياضه اخبارها ايه وتنصحوني بانهي قسم ؟؟

اسف لو كنت طولت بس ده مستقبل خايف اضيع نفسي في الكليه

[M..Elawady]

مش هتبقى عقبة بس لو ذاكرتها وحضرت المحاضرات

[shahira tarek]

بالنسبه للرياضه دى هتبقى سهله جدااا جدااا وهيه شويه rules هتحفظها وهتحل وكله هيبقى تمام وتقريبا هيه ماده رياضه كل سنه يعنى مش كل المواد رياضه....هيه بس سنه اولى رياضتها زى بتاعت ثانوى بس اسهل طبعااا بكتييير جداااا بعد كده هتلاقى رياضه خاصة بحساب فوائد وحاجات كده هتفهمها بعدين ودى هتتحل بقواعد معينه بتتحفظ ويتحل ع اساسها...ومتقلقش خاااالص ...بالتوووفيييق

[far1995]

معلش انا عايزه أعرف عدد المواد اللي باللانجليزي في تجاره انجليزي أول سنه ؟

[M..Elawady]

عدد المواد ف تجارة عربى زى انجليزى بالظبط

بالنسبة للمنصورة مثلا
الترم الاول 6 مواد والترم التانى 6 مواد برده بس ف مادة زيادة كده ف الترم التانى اسمها حقوق انسان
بس مش بتضاف للمجموع

[Monier]

المشاركة الأصلية كتبت بواسطة far1995

معلش انا عايزه أعرف عدد المواد اللي باللانجليزي في تجاره انجليزي أول سنه ؟

هما 6 مواد مابين ادارة واقتصاد واحصاء ومحاسبة لكل ترم

[Monier]

المشاركة الأصلية كتبت بواسطة qotoz

السلام عليكم ورحمة الله وبركاته
الصراحه انا عندي موضوع مهم عايز اعرفه قبل ما ادخل الكليه ان شاء الله .. وهقدم تجاره انجلش باذن الله انا جايب 40 من 50 في الانجليزي لو حصل نصيب اصلا ودخلت تجاره فهل ( الرياضه ) سهله ولا صعبه
اصل انا طالب ادبي وجبت 93% والرياضه دي عقبه امامي بس كل زملائي الي في الكليه بيقولوا تافهه جدا وانا اصلا عمري ما فكرت افهم رياضه فمش عارف هسلك فيها ولا لا
فا انا مش متاكد فياريت حد يقولي الرياضه اخبارها ايه وتنصحوني بانهي قسم ؟؟

اسف لو كنت طولت بس ده مستقبل خايف اضيع نفسي في الكليه

مبدائيا يا باشا مفيش حاجة اسمها مستقبل بيضيع طول مانت بتعمل اللى عليك وبتذاكر ومنتظم
الرياضة زيها زى اى مادة ودى اخر مادة تخاف منها لانها سهلة جدا قواعد خفيفة وبتعدى فيها بسهولة ان شاء الله وملهاش علاقة بادبى وعلمى (انا كنت ادبى)
اما بالنسبة للقسم فدا اختيارك انت اللى هتذاكر وتحدد انت ماشى فى ايه احسن وعلى اساسه قرر ومتتاثرش بقرارات حد
وربنا يوفقك

[Detonator-]

طب لو سمحت انا دلوقتي جبت 91% هدخل تجاره انجلش بني سويف بس ناس كتير قالويلي اوعي تدخلها ملهاش اي لزما يا قاهره يا بلاش وانا فعلا عارف ناس بتشتغل في مصر للطيران تجاره انجلش القاهره بخدوهم علي طوال فا يريت حد ينصحني انا متشتت لاني عاوز ادخل القاهره ب اي شكل و انا من الفيوم

[Monier]

اهلا بالوارد الجديد

[Youssef Hany1]

ازيك يا استاذ منير
انا بس كنت عايز اعرف حاجه
السنه اللي فاتت صديقي دخل تجاره انجلش و هو جايب 57% و 36 في الانجليزي !!! و قالي انها كانت بتاخد من أي مجموع بس تكون قادر علي مصاريفها
ممكن اعرف مدي صحة الكلام ده ؟
في عادي او مفتوح حتي ! ؟