الثانوي العام

[Frankenstin]

انا اسف وعارف ان السؤال مكرر بس مفيش راي ثابت ليه بس انا باتكلم بشكل عام
انا كنت نظام قديم دفعه 2013 تقريبا المهم جايب مجموع كويس في تانية
في تالته حصلت ظروف المجموع نزل وانا للاسف حضرت الامتحانات وكنت غلطان انا عارف كان المفروض اعيد بس اساسا وقتها لو يرجع الزمن بردو هعيد الامتحانات لان الظروف ساعتها تفكيري كان مشلول ولسا كل دا خالص السنه دي
انا عارف ان محدش يلزمه الكلام دا خالص انا بس باتكلم عموما عن اي حد بيحصله مشكلة في حياته في ثانوي
المفروض كدا مستقبلي التعليمي ضاع مثلا مفيش اي حل خلاص يعني البلد ووزارة التعليم مفيش فيها اي حل لان تحصل ظروف تبوظ الدنيا ؟

لازم يكون في حل مستحيل تكون نهاية الدنيا لان الحمد لله الماديات متفرقش فمش مستعجل على الشغل التعليم ضروري بالنسبه ليا مش علشان شكلي قدام الناس والكلام العقيم الي في مجتمعنا دا لا والله علشان نفسي مش اكتر انا عارف اني مظلوم انا لو كنت فاشل ومذاكرتش مكنتش اتكلمت وحتى دا لازم يكون ليه فرصه مالدنيا كلها بتغلط وكل حاجة فيها فرصه اشمعنا دي بالذات الي مقفولة

ياريت الي يعرف يفيدني باستثناء التعليم الخاص الجامعي طبعا
انا باتكلم في مساله ثانوي
وباكرر انا باتكلم في العموم لان دي مشكله ناس كتير جدا بتدخل تخصصات ومعاهد وكليات خاصه هي مش راضيه عنها ومش باقول تعيد لحد ما تدخل الي انت عايزة بس على الاقل اوي تبقى حاولت مش علشان مشكلة ضيعت سنه ولا اتنين ولا 3 من عمرك كل حاجة تضيع عليك كدا

اسف للاطاله انا داخل اسال السؤال دا بس واتمنى لو قلت حاجة غلط تعرفوا اني ماقصدش

بالتوفيق