نغمة موبايلك ايه؟!

[**تسابيح**]

السلام عليكم ورحمة الله وبركاته..
كل سنة وانتم طيبين وبألف خير
ورمضان مبارك ع الجميع يارب...
بما أننا في شهر رمضان بالكل بيغير نغمة موبايله
اللي بيخليها ديني دعاء ..تواشيح...
ولكن المصيبة الكبري
اللي يخلي نغمة موبايله نغمة
*وشربت حجريين ع الشيشة **
الكارثة الكبري مش ف كداا..
الكارثة ف انه الأخ يكون داخل بيصلي...

والنغمة الفظيعة تظهر ....

ولا نغمة نانسي مثلا....

او حتي اي نغمة حتي لو ديننا

المسجد له حرمته فإزاي واحد ممكن يدخل من غير ما يعمله صامت...


وبما اننا ف رمضان

الجميع بيحرص انه يقرأ القرآن عشان يحصل ع \أجر كبير...

ولكن الغريبه انك تلاقي شاب


حاطط الهاند فريه ف ودنه


ف الأتوبيس الحمدلله الشباب ربنا هديهم
وبيسمعوا قرآن


لا ...تلاقي السلك بتاع الهاند فريه ..اتساب غضب عنه


ونغمة الأغاني الهابطة ظهرت....

يعني مش قادر تستحمل ...30 يوم بس

تتقرب منهم من ربنا


مع ان رب رمضان هو رب كل السنة

بل رمضان شيء مختلف.......


ها ايه رايكم

[(( لؤلؤة الايمان ))]

انا الحمد لله مش بحب الاغانى ولا بسمعها وبحس بديق لوسمعته فى حفل زواج يكو قريب من بيتنا وطبعا انا طول السنة عاملة نغمت موبايلى دعاء خالص من اى نغمات وطبعا شكرا على الموضوع واتمنا ان الجميع يستفيد

[العروبة2]

[Ezel]

اللى يلفت النظر جداااااا فعلا نلاقى واحد فى رمضان شال الاغانى من الموبيل
وعمل نغمه الموبيل دعاء ,, اى نغمه اسلاميه
ولما رمضان يخلص . وتقريبا يوم العيد بالظبط
يرجع الاغانى تانى !!
واكتر حاجه تضايق فعلا اللى بيعمل نغمه لE او ل N
ولما يدخل يصلى والموبيل يرن يا سلالالالالالالام

.........
بالنسبه لنغمه الموبيل
بحب اخلى نغمه من نغمات الموبيل الاساسيه
ولو فكرت اغيرها بتبقى دعاء او مقطع من نشيد دينى ...

بس انا بحب نغمات الموبيل جدااا

شكراااااا ع الموضوع

[solidsnake]

silent ....

[BaNZeR]

عادة مبحبش احط اي اغاني كرنة للموب
مبتسدش في المسدات كتير

ونغماتي بتبقى ثابتة مبحبش اغيرها ولا قبل رمضان ولا بعد رمضان
لو غيرتها ححس الموبايل اللى بيرن مش بتاعي

اما حوار الناس اللى بتنسى الموبايل في المسجد
فعادي انا بنساه كتير بس الحمد لله مرنش قبل كدا وانا موجود
واكيد مش قاصدين يدخلو بيه كدا يعني
مكانوش دخلوا يصلوا جماعة اصلاً

[usernamo]

انا حاطط من ايام الثورة نغمة من اغنية اسمها انا ضد الحكومة .. المهم ..

و انا فى كلية الشرطة كنت بقدم فنسيت اعمل الموبايل سيلنت فجأة و بدون اى مقدمات .. انا ضد الحكومة ضد البلطجة و الظلم .. ضد الحكومة ضد الحاكم ضد الحكم ..

انا عملت فيها من حوارى منية القمح و بصيت لفوق و بصفر .. لقيت ظابط بيقول مين اللى حاطط النغمة دى ..بقوله شكلك بتلمح عليا و انا بكره التلميح ده .. قالى هات اللى فى جيبك .. قلتله يا سيدى الفاضل انا كنت بكلم على مبارك .. قالى و انا بكره الثورة بقى و بحب مبارك .. قمت قايله دول كلاب العيال بتوع التحرير دول ينهار ازر .. و انا اصلاً حرامى و سارق الموبايل ده .. و قمت رادد على ابويا و قلتله متتصلش تانى يإلا مش هروح البيت ... الظابط اخد منى الموبايل قعدت اقوله ابويا ظابط و انا وم عارف ايه .. مريش و بعد محيلات رجعلى الموبايل و انا مروح ..

و فى الجامع لما بيرن بشيله من جيبn و بدوس على اللى بيفتح المكالمة و اسيبه .. مؤذى

[Dr. Hoda Ahmed]

انا غالبا نغماتى لسامى يوسف بتتغير بس لنفس الشخص مش بتفرق قبل او بعد رمضان ما اظنش انى غيرتها من زمان

وما بيكونش معايا ف الجامع الحمد لله لانه قريب منى

[صوت العقل]

انا غالبا مخصصة تغمات للمتصلين بيا .. لكن كلها دينية وثابتة
مش بجب اغيرها وخصوصا انى مش من هواة الموبايل
يستخدمه للضرورة فقط ومعظم الوقت فاصل شحن

لكن معاكى حق نغمات الموبايل فيها كوارث بجد وخصوصا
ما يسمى الشعبى اللى ممكن بفزعك لو رن فى اى مكان

اما الجامع متهيالى بيبقى سهو لان حتى لو رن اثناء الصلاة مين
هيرد .. بس معظم الجوامع بتنبه قبل الصلاة على اغلاق الموبايل
شكرا على الموضوع ...

[T!to]

انا مش بحط غير اناشيد اونغمات دينية من فترة كبيرة يعنى والحمد لله
انا فى مرة حطيت نغمة لمشارى نادرة جدا لمدة سنتين تقريبا ع الجهاز
ولما بدخل المسجد بقفله
وساعات بنسى
وقبل كده حصل معايا موقف بسببه عمرى ما هنساه
كان معايا تليفونيين معايا فى جيبى
ومعايا تليفون واحد صاحبى
وانا بصلى تليفونه رن وحاطط اغنية سمعت المسجد كله
وانا بصلى ووقفت ادور على تليفونه
بعد الصلاة كله بقى يكلمنى انا
وانا برىىىىىىىئ
طبعا طلعتهم عليه
وبطلت افتح التليفون من ساعتها وانا داخل الجامع
شكرا على الموضوع

[محب الجنة 10]

الحمد لله نغمة محمولى ثابتة

بعنينا يا أقصى بتكبر مع صيحة الله أكبر

[عاشقة الطفولة]

الحمد لله نغمة موبايلي انشودة اتدري من يزيل الهم وعمري ما غيرتها ولا ها اغيرها ابدا

[*moon*]

الحمد لله انا موبايلى من ساعة مجبته وهو silent
لدرجة انى نسيت انى معايا موبايل اصلا
ومش بفتحه تقريبا الا فى المناسبات الرسمية((زى العيد كده))
والحمدلله ولا ليا ف اغانى ولا اناشيد ولا غيره
ومالها نغمة نوكيا يعنى اومال هما حاطينها ليه؟
شكرااا على الموضوع

[samar saad]

انا للاسف برضه دايما صامت وفين وفين لما بعبر الموبايل اصلا والله الموبايل ده بيتعامل معاملة معايا
وكتير انساه وكتير اخبطه واوقعه مذللول ياعينى
لا بس اكتر نغمه بحبها وثابتة دايما عندى دعاء " ألهى انت تعلم كيف حالى " بحبها جدا جدا بجد
ولو بصلي فالمسجد مش باخده معايا اصلا هحطه فين واخد ليه وانا مش هعرف ارد اساسا

[عاشق البلانكو الابيض]

الحمد الله مليش فى الاغانى الا لو اغنية حزينة بسمعها بس
اما الموبيل فالنغمة ثابتة ليها سنة بالظبط ويعنى تعتبر نصيحة مش اغنية
بتاعت قول للى اكل الحرام يخاف وبالنسبة فى الجامع بقفله خاالص
شكررا على الموضوع الجميل