التمسك بالنصاب القانوني للمعلم

[امل اليكس]

التمسك بالنصاب القانوني للمعلم

السلام عليكم

طبعا القسم ده مفتوح عشان نعرض مشاكلنا المشتركة ونحاول حلها


اول مشاكل المعلم المتعاقد ( طبعا احنا لسه في نظر المدرسين لسه برضوه تعاقد)

المهم


نصاب الحصص

انا نصابي 28 حصة اسبوعيا وفي كمان معايا 30 و32

وطبعا اكثر من نص الحصص في عدم التخصص


يعني يوم نخد فيه حصة واحدة بس راحة وده طبعا

بحجة اننا لسه صغيرين وعندنا نشاط


فادارة المدرسة بتهدنا


المهم عايزة كل اللي يدخل الموضوع يقول نصابه كام


وياريت نعرض حل


بالنسبة ليا انا حبعت فاكس للوزير بالظلم الذي يحدث في توزيع نصاب الحصص


ولو في حل تاني انا معاكم فيه

وعلي فكرة انا في ادارة العامرية وفعلا في عجز كبير بس مدرستي فيها ناس جدولها 12 حصة

ايه رايكم

[امل اليكس]

في ايه يا جماعة وانتم مش مدرسين ولا ايه

[محمدقبيص]

أنا نصابي 21 حصة علوم اعدادي الاسماعيلية

[asmaamatter]

أنا نصابي 25 حصة لغة إنجليزية إعدادي

[Mark 2011]

في اسيوط النصاب القانونى لمعلم ابتدائي 24 و اعدادى 21

[aleman]

المشاركة الأصلية كتبت بواسطة امل اليكس

التمسك بالنصاب القانوني للمعلم

السلام عليكم

طبعا القسم ده مفتوح عشان نعرض مشاكلنا المشتركة ونحاول حلها


اول مشاكل المعلم المتعاقد ( طبعا احنا لسه في نظر المدرسين لسه برضوه تعاقد)

المهم


نصاب الحصص

انا نصابي 28 حصة اسبوعيا وفي كمان معايا 30 و32

وطبعا اكثر من نص الحصص في عدم التخصص


يعني يوم نخد فيه حصة واحدة بس راحة وده طبعا

بحجة اننا لسه صغيرين وعندنا نشاط


فادارة المدرسة بتهدنا


المهم عايزة كل اللي يدخل الموضوع يقول نصابه كام


وياريت نعرض حل


بالنسبة ليا انا حبعت فاكس للوزير بالظلم الذي يحدث في توزيع نصاب الحصص


ولو في حل تاني انا معاكم فيه

وعلي فكرة انا في ادارة العامرية وفعلا في عجز كبير بس مدرستي فيها ناس جدولها 12 حصة

ايه رايكم

طبعا يا امل الناس اللى جدولها 12 حصة ناس متعينة
ربنا يكرمكم يارب فى الادارة الغريبة دى اللى بنسمع عنها العجب
عارفة ان اول تعاقد لى كان هيبقى فيها
بس شاء ربنا ان اهلى يرفضوا
بعدها بشهر جالى تعاقد بوسط
ربنا يكرم الجميع

[Azhar Aly]

احنا عندنا عجز ف المشرفين ومدرسى الانشطة ف المدرسة فكملت انا و زمايلى مكانهم بجدول من 7 الى 9 حصص تقريبا لكل واحد وانا واخد 7 حصص موسيقى جنب جدولى الاساسى 21 حصة انجلش بس بصراحة انا مش بشرح ولا بحضر حاجة غير الانجلش والكلام ده محصلش معانا الا بعد ما قرر زكى بدر ف اول العام الدراسى الحالى الاستغناء عن الاجر والحصة

[رشادي]

انا لغة عربية إعدادي 21حصة المنيا

[امل اليكس]

عايزين العمل بالتخصص وعدد الحصص ينزل للمعلم المساعد والمعلم الي 18 حصة وكده المدرسة تحسب العجز ولازم تطلب مدرسين انشطة مين يتخيل ان مدرستي لافيها مدرس رسم ولا العاب ولا موسيقي ولا افتصاد طب ليه عيالنا يتحرموا من كل ده

[ام مرام]

ابتدائى 24 - اعدادى 20 - ثانوي 18

[ramses2]

سلام لكل اخوتي المعلمين
اولا انا مدرس انجليزي اعدادي وبتدرب لاكون معلم اول انشاء الله المهم مدرستي فيها عدد 36 حصه انجليزي و معاي مدرس اول أ فقرر الباشا الموجه انتدابي لاحد المدارس التي تبعد عن مقر سكني حوالي 5 كيلوا مشي فاعترضت طبعا فقالوا لي نصابك ناقص 3 حصص فسؤالي هل هي تتحسب كدا ولا المدرس الاول أ دا مشرف ياخد 16 حصف فقط و الباقي لي 36 - 16 = 20 حصه و اقعد في مكاني بدل الشحططه ؟ افيدوني ربنا يخليكم اخوكم متشحطط و الموجهين حطوني في دماغهم و انا مش عاوز غير حقي و شكرا

[m_salam]

يابنى خد 25 حصه واقعد فى مدرستك على فكره المدرس الاول 15 حصه وانت الباقى

[فتحى ابو عمر]

انا معلم اول ابتدائى وكمان شويه ايام ان شاء هاتدرب على الترقيه لمعلم اول أ ولسه نصابى 25 حصه 21حصة دراسات و4 حصص فنيه فى ادارة نبروة بالدقهليه ادارة زباله ومتخلفه فى كل شىء

[M.Ahmed Elsaid]

انا مدرس لغة فرنسية

ولكن عقدى مدرس فصل ابتدائى ..

فى مدرستى .. النصاب القانونى 24 حصة فى الاسبوع لكن:
بشتغل دراسات ومكتبة ورسم ودين .. وطبعا اشراف ونشاط .. وجالى انتداب فى تخصصى 3 ايام فى الاسبوع .. بس المديرة رفضت علشان مين هيشيل الليلة دى كلها ..

وكل دا بحجة العجز فى حين ان معانا مدرسات نصابهم 12 حصة




الحل يا استاذة .. اننا مستنيين المنقطعين يرجعو ويتوزعو على المدارس علشان العجز

وحسبنا الله ونعم الوكيل

[Mr/Ali Aswan]

اقولكم ازاي دلوقتي في تعيينات شغاله الله ينور ماشاء الله يعني انا السنه اللي فاتت كنت بدي 22 حصه دلوقتي ماشاء الله بدي 12 حصه بس بسبب التعيينات الجديده وطول مالحكومه بتعيين ناس مفيش ادني مشكله فايده للجميع وعلي فكره انا زعلان اني مش بدي 22 و24 حصه والله صدقوني ياجماعه ملل يعني ساعات اقعد لحد الحصه الخامسه فاضي وده اصعب من انك تدرس علي طول يا جماعه صدقوني الافضل انك تدي حصص علي طول متبطلش علشن خبرتك تزيد لكن لو مدتش يبقه ايه لازمتها امال انته ايه وظيفتك مش مدرس ده طبعا الفرق بينا وبين اليابنيين اليابنيين كانو زعلانين انهم بياخدو يوم اجازه واحنا بنفرح بساعه تزويغ ونفتخر وبنفرح بيوم اجازه ده فرق الدول المتقدمه والدول الغبيه اسف في اللفظ ناس بتشتغل وناس عايز تاخد فلوس وطلبات والحكومه تعملنا كل حاجه واحنا بس نروح بمضي ونمشي ونزوغ اسف مش اقصد الجميع