سؤال عايز أعرف اجابته

[a7med H]

ياريت يا باشمهندسين اي حد يعرف اجابة السؤال ده ولو تخمين أو رأي شخصي يجاوبني عليه
‏
بما انكم دخلتم اعدادي هندسه
إيه أهميه دراسه الفيزياء في اعدادي هندسه
‏
عايز اعرف الاجابه قبل ما ابدأ في دراستها

[Engineer ..]

مهندس بدون فيزيا وكيميا ورياضة ورسم ولا يساوي زبال

دا كلام دكتور أنور قنديل في كلية هندسة جامعة بورسعيد بيقول ان الفيزيا مهمة جداً للمهندس

وحياتنا كلها هتبقى فيزيا ورياضة ورسم + كيميا

بالتوفيق ,,,,,,,,,

[a7med H]

كلامك يادكتور وكلام الدكتور أنور قنديل علي عيني وراسي
بس انا عايز أعرف دراستها بتساعدنا في إيه أو بتخلينا نقدر نعمل إيه
يعني من الأخر لو حد سألني بتدرس فيزيا في هندسه ليه
يكون ردي إيه بالظبط

[mo_wa_2977]

فى مادة اسمها فيزياء هندسية فى اعدادى ..
بتنقسم الى ( قسمين ) ..
الاول ( خواص مواد ,,
الثانى ( حرارية ) ..

انت بقى عايز ازاى تكون مهندس مدنى أو ميكانيكى مثلا وانت مش عارف خواص المواد اللى هتسخدمها اللى هيا materials ؟؟

انت هتقدر تحط كام سيخ حديد فى عمود المبانى وانت مش عارف الخصائص بتاعته وبيستحمل قد ايه الأحمال اللى هتتحط عليه ..
ولما تدرس المادة وتتعمق فيها أكتر هيتـضح ليك انها هيا الهندسة ..

أنا بقى اللى هسألك سؤال بس ما تقلقش هجاوب لك عليه ..

هل الهندسة ليها معنى من غير رياضيات ؟؟
الاجابة ( لا طبعا ) ..
والفيزياء تطبيق من تطبيقات الرياضيات ..
اذا لا فيزياء بدون رياضيات ولا فائدة للرياضيات بدون فيزياء ..

وباالنسبة لو حد سألك ايه فايدة الفيزياء فى هندسة ..
قوله لو انت مهندس ميكنيكا باور أو انتاج مثلا وانت صممت الة من الحديد ..

بتصممها على أى أساس ؟؟
بتجيب أى حديد وخلاص .. ؟؟
ولا لازم تعرف خواصة ولازم تعرف هو درجة تحمله الحرارى للأجسام اللى هيتعامل معاها ..

وفى النهاية عايز أقول ( الفيزياء بحر من بحور الهندسة ) .. ولا يستطيع أى شخص أن يكون مهندس بدون ان يجيد السباحة فى هذا البحر العميق ...

[ahmed doula]

المشاركة الأصلية كتبت بواسطة a7med h

كلامك يادكتور وكلام الدكتور أنور قنديل علي عيني وراسي
بس انا عايز أعرف دراستها بتساعدنا في إيه أو بتخلينا نقدر نعمل إيه
يعني من الأخر لو حد سألني بتدرس فيزيا في هندسه ليه
يكون ردي إيه بالظبط

يكون ردك ايه بالضبط

انا هقولك قله ان الفيزيا والرياضه دول اخوات مينفعش تدرس واحده من غير ماتدرس التانيه اصلا

بس كده