:::: مــــيــن ظــآ‘لـمــ مـــيـن :::: ؟

[سيلفانو]

مش عارف ليه حاسس بخداعها
بتمثل ولا حقيقى فأوجاعها
نفسى بجد من تانى اسمعها
وحشتنى لكن قلبى حزين

فاكرة انى قاسى القلب
وانى كمان بارد فالحب
تييجى تسمع دقات القلب
وتسمع منه اشد انين

حاسس انها جوة فدمى
وهيه سبب احزانى وهمى
ومالية كل ايامى بألمى
ووخدانى نارها بس لفين ؟


شوية احس بطيبة ورقة
وشوية احس بنار الفرقه
ده كل مشاعرى منى اهى سارقة
وبغيرها هيه مش راضيين


راضى يا قلبى بمر عذابك
راضى بنار واقفة على بابك
جرحك ييجى من احبابك
وبردو تفضل مالعاشقين


مكنت يا قلبى حر طليق
وللدنيا كنت صديق وشقيق
دلوقتى اعز حبيب ورفيق
عايز يبقا من الناسيين

لكن يمكن بجد حبك
ونفسه يفضل بجد جمبك
اصبر ومتنطقش بحكمك
لسه فيه ايام جايين

يمكن دلوقتى بيبكى عليك
ومن جرحك نفسه يداويك
او جرحه اكبر من اللى بيك
واحنا اللى عليه قاسيين


مش عارف مين بقا ظالم مين
هو احلى ايام وسنين
واملى وعمرى ونور العين
هو اللى ظالمنى ومالينى انين ؟
ولا انا وقلبى الظالمين ؟


بقلمى :::: نور

[ضياء الدين سعيد]

حوار مع القلب
أنين عاشق


كلمات غنائية رائعة
أستمر
وإلى الأمام
في إنتظار كل ما هو جديد


تقبل مروري وتحياتي

[همس الصمت]

قصيدة رقيقة جدا

[سيلفانو]

استاذ ضياء

استاذ همس

مشكورين على مروركم الرائع

دمتم بكل الخير

[مـــــلك]

بتمثل وإلا حقيقي في أوجعها
تسلم يانور
تقبل مروري